Génesis 19:28 - Mixteco del suroeste de Tlaxiaco Oaxaca

²⁸ Jee nna̱kune̱ꞌyá‑a nu̱u̱nꞌ káá rá ñuunꞌ Sodoma jín Gomorra, jín ntáká ichinúúnꞌ káá ñuꞌun ñuunꞌ vá, jee niniꞌ‑i ya̱ kéne ñu̱ꞌma̱ꞌ ñuꞌun vá kuéntáꞌ retánꞌ kua̱ꞌ ɨɨn i̱tu̱nꞌ.

Génesis 19:28 ပူးပေါင်းရင်းမြစ်များ

2 Pedro 2:7

Soo nsi̱káku re̱ꞌ te̱e naní Lot, chi nkuvi‑i ɨɨn te̱e na̱a̱ꞌ, jee nnu̱kuíꞌyáꞌ iniꞌ‑i nne̱ꞌyá‑a rá tiñu kánéꞌí ya̱ nsa̱ꞌá rá ñɨvɨ rá ñuunꞌ vá.

Judas 1:7

Jee suni sukuán nnoꞌo rá ñuunꞌ Sodoma jín Gomorra jín rá ñuunꞌ káá ni̱kótíyu rá ñuunꞌ yukuán. Chi rá ñɨvɨ rá ñuunꞌ yukuán, nsa̱ꞌá téní ráa jee nki̱vɨ ráa ñujiínꞌ xeꞌne. Jee yukuán nsa̱ꞌá Ndiosíꞌ ya̱ kuvi ráa ɨɨn ichi ya̱ stúꞌva re̱ꞌ nu̱u̱nꞌ rá ñɨvɨ ya̱ jíka ráa ichi niva̱ꞌa ya̱ ntu íyó sáni kuíni Ndiosíꞌ ya̱ suni sukuán kunoꞌo ráa nu̱u̱nꞌ ñuꞌúnꞌ xéénꞌ nɨ́ɨ́nkání.

Apoclipsis 18:18

Jee sáá néꞌyá ráa ya̱ kéne ñu̱ꞌma̱ꞌ ya̱ káyúꞌ ñuunꞌ vá, jee kanajíín ráa, jee kachiꞌ ráa: “¿Né ɨɨn ñuunꞌ vá kúñáꞌnú kuéntáꞌ ñuunꞌ yaꞌá rúja? ¡Ni ntu̱ví!”, kachiꞌ ráa.

Apoclipsis 18:9

Jee rá ñɨvɨ nísotíñú ya̱ tátúníꞌ rá ñuunꞌ ñɨ̱vɨ́ ya̱ kuéntáꞌ nkusi̱kɨ́ iniꞌ ráa nu̱ne̱ꞌén ráa jín‑i, jín ya̱ kúká víꞌí ñaꞌnu ráa jín‑i, jee kunaꞌyuꞌ víꞌí ráa nukuíꞌyáꞌ iniꞌ ráa jie̱ꞌe̱ꞌ‑e sáá kuniꞌ ráa ñu̱ꞌma̱ꞌ ya̱ ka̱yu̱ꞌ‑u.

Apoclipsis 19:3

Jee ya̱ uvíꞌ íchí nkachiꞌ ráa: ¡Na̱ ka̱ꞌ nakuetúꞌún‑ó Ndiosíꞌ! Chi nɨ́ɨ́nkání kaa ñu̱ꞌma̱ꞌ kene‑e ñuunꞌ vá, nkachiꞌ ráa.

Apoclipsis 21:8

Soo rá ñɨvɨ ya̱ sɨ́ꞌɨ́ iniꞌ ráa xinóꞌo ñɨvɨ ráa jie̱ꞌe̱ꞌ tu̱ꞌun ni̱ꞌ, jín rá ñɨvɨ ya̱ ntu ínúꞌ iniꞌ ráa nuꞌuꞌ, jín rá ñɨvɨ ya̱ máá tiñu néꞌí sáꞌá ráa, jín rá ñɨvɨ ya̱ sáꞌá ráa ni̱yɨ, jín rá ñɨvɨ ya̱ kusi̱kɨ́ iniꞌ ráa sáꞌá téní ráa, jín rá ñɨvɨ sáꞌá tásɨ́, jín rá ñɨvɨ ya̱ néñu̱ꞌun ráa na̱ni nantíñú ya̱ ntu kúvi Ndiosíꞌ, jín ntáká rá ñɨvɨ túꞌún, jee kua̱íyó ráa vá íyó ni̱ꞌi̱nꞌ ráa kɨ̱ꞌɨ̱nꞌ ráa nu̱u̱nꞌ ñúꞌúnꞌ xéénꞌ iniꞌ nteñúꞌún nu̱u̱nꞌ káyúꞌ núꞌvéꞌ ñuꞌunꞌ jín sufríꞌ. Jee yukuán ví ya̱ kuviꞌ ráa ya̱ uvíꞌ íchí.

Apoclipsis 9:2

Saájee nine‑e yuꞌú numaꞌ kúnú vá, jee nkene ñu̱ꞌma̱ꞌ yukuán kuéntáꞌ kua̱ꞌ kéne ñu̱ꞌma̱ꞌ ɨɨn i̱tu̱nꞌ máá nasɨ́ víꞌí. Jee ñu̱ꞌma̱ꞌ ya̱ kéne numaꞌ vá nna̱sáneenꞌ‑e nka̱niiꞌ jee ñasɨꞌ‑ɨ nu̱u̱nꞌ ta̱chi̱ꞌ víjin.