Génesis 19:17 - Mixteco del suroeste de Tlaxiaco Oaxaca

¹⁷ Jee sáá ya̱ nsiíyo ráa rává nu̱u̱nꞌ yuñúúnꞌ vá, jee ɨɨn ráa nkachiꞌ: ―¡Kuáꞌán, sikáku nú maánú! Jee koto nakune̱ꞌyá yátá nú ya̱ta̱ꞌ nú, jee ni koto jiákui̱ñɨ̱ꞌ nú ni ɨɨn nu̱u̱nꞌ ñunúꞌvéꞌ ne̱kua̱ꞌ kenta rán rá yuku, sáva ntu naanꞌ nú ―nkachiꞌ ɨɨn rá najiáꞌáꞌ ííꞌ vá nu̱u̱nꞌ Lot.

Génesis 19:17 ပူးပေါင်းရင်းမြစ်များ

Génesis 13:10

Jee nna̱nenu̱u̱nꞌ Lot jee niniꞌ re̱ꞌ nɨꞌɨ nuꞌveꞌ ichi káá nute káꞌnú Jordán, jee niniꞌ re̱ꞌ ya̱ nɨꞌɨ rá ñuꞌun yukuán íyó víꞌí nute maa kénta ne̱ ñuunꞌ Zoar kuéntáꞌ kua̱ꞌ ni̱yo ñuꞌun I̱toꞌoꞌ‑ó naní Edén nu̱u̱nꞌ viiꞌ víꞌí ni̱yo jín kuéntáꞌ kua̱ꞌ nu̱u̱nꞌ ñu̱ꞌún Egipto. Sukuán ni̱yo viiꞌ‑i ne̱ sáá ntiáꞌan xináa I̱toꞌoꞌ‑ó rá ñuunꞌ Sodoma jín Gomorra.

Génesis 14:10

Jee ñuꞌun Sidim, ya̱ káa nteñu jie̱ꞌe̱ꞌ rá yuku, jee yukuán ni̱yo kue̱ꞌe̱ꞌ yaviꞌ ya̱ ñúꞌún chitú su̱jie kixín. Yukuán jee sáá ninu rá te̱e tátúníꞌ Sodoma jín Gomorra jín rá se̱ꞌya ñuunꞌ ráa nka̱ku ráa nu̱u̱nꞌ nka̱ntáꞌán ráa, jee nkoyo sáva ráa iniꞌ rá yaviꞌ vá, jee rá inka ka̱ꞌ ráa ya̱ nka̱ku ráa ninu ráa kua̱ꞌa̱nꞌ ráa nu̱u̱nꞌ rá yuku.

Génesis 18:22

Jee ni̱kóyátá u̱vi̱ꞌ rá te̱e vá yukuán nna̱kechí ráa, jee kua̱ꞌa̱nꞌ ráa ichi ñuunꞌ Sodoma, soo Abraham nkino̱o i̱i̱ꞌ re̱ꞌ ka̱ꞌ íñɨ́ re̱ꞌ nu̱u̱nꞌ I̱toꞌoꞌ.

Génesis 19:18

Soo nkachiꞌ re̱ꞌ nu̱u̱nꞌ ráa: ―¡Ntu̱ví!, tátáꞌ, kova̱ꞌa iniꞌ nú,

Génesis 19:22

Ya̱chi̱ꞌ nú, ka̱ku nú yukuán, chi ni ntu̱náꞌ kúvi saꞌá ni̱ꞌ nekuaꞌ kenta nú yukuán ―nkachiꞌ najiáꞌáꞌ ííꞌ vá nu̱u̱nꞌ Lot. (Saáva nsi̱kúnání re̱ꞌ súví ñuunꞌ yukuán Zoar, [ya̱ kuíni káchíꞌ lúlí].)

Génesis 19:26

Jee ñasɨ́ꞌɨ́ Lot, ya̱ níkɨ́nꞌ ña ya̱ta̱ꞌ re̱ꞌ, nna̱kune̱ꞌyá ña yátá ña, jee yukuán nnuvi ña ñunéꞌyúꞌ yu̱u̱ꞌ ñɨ̱ɨ̱nꞌ.

Génesis 19:30

Soo nkene Lot ñuunꞌ Zoar jee kua̱ꞌa̱nꞌ re̱ꞌ yuku jee nééꞌ re̱ꞌ yukuán jín ni núvíꞌ rá se̱ꞌya sɨ́ꞌɨ́ re̱ꞌ, chi nyu̱ꞌví re̱ꞌ kino̱o re̱ꞌ kuneeꞌ re̱ꞌ ñuunꞌ Zoar. Jee nkino̱o re̱ꞌ nneeꞌ re̱ꞌ iniꞌ ɨɨn yaviꞌ kava jín ni núvíꞌ rá se̱ꞌya sɨ́ꞌɨ́ re̱ꞌ.

Mateo 3:7

Soo sáá niniꞌ re̱ꞌ ya̱ kénta kue̱ꞌe̱ꞌ víꞌí rá te̱e yɨ́ꞌɨ́ ñujiínꞌ fariseo jín rá te̱e yɨ́ꞌɨ́ ñujiínꞌ saduceo nu̱u̱nꞌ síkuánuté re̱ꞌ, jee nkachiꞌ re̱ꞌ nu̱u̱nꞌ ráa: ―Ránoꞌó, kuéntáꞌ tataꞌ ko̱o̱ꞌ xe̱e̱nꞌ kúvi rán. ¿Né ɨɨn nxtúꞌva ya̱chi̱ꞌ nu̱u̱nꞌ rán, ya̱ kene kunu rán ka̱ku rán nu̱u̱nꞌ tu̱nóꞌó xéénꞌ kiji ya̱ xinóꞌo Ndiosíꞌ ránoꞌó chi kítɨ́ꞌ iniꞌ re̱ꞌ néꞌyá re̱ꞌ kua̱chi rán rúja?

Lucas 12:23

Chi yɨ́yáꞌvi ka̱ꞌ ya̱ ví ya̱ sáꞌá Ndiosíꞌ jín‑ó ni tékúꞌ‑ó nsú káꞌ ya̱ kajiꞌ‑ó, jee yɨ́yáꞌvi ka̱ꞌ yɨkɨkúñu‑ó nsú káꞌ saꞌma ñúꞌún‑ó.

Lucas 9:62

Soo nkachiꞌ Jesús nu̱u̱nꞌ‑u: ―Ɨɨn ñɨvɨ ya̱ kuíni‑i kunikɨnꞌ‑ɨ nuꞌuꞌ, soo retú nákúne̱ꞌyá‑a ichi yátá‑a nánikó iniꞌ‑i, saájee kúvi‑i kuéntáꞌ ɨɨn te̱e ya̱ retú nka̱jiéꞌé‑e ntɨɨn‑ɨ yutun xiníkɨꞌ jiáꞌa yukunꞌ, jee nákune̱ꞌyá yátá‑a ya̱ta̱ꞌ‑a, chi níkó iniꞌ‑i. Saájee ni ɨɨn ñɨvɨ ya̱ íyó suꞌva ntu íyótiñu ñɨvɨ vá sáva satíñú‑u nu̱u̱nꞌ Ndiosíꞌ jie̱ꞌe̱ꞌ tiñu tátúníꞌ re̱ꞌ.

Hebreos 2:3

Jee nu̱u̱nꞌ ni̱yo sukuán, jee maáórán, ¿na̱sa ka̱ꞌ vá saꞌá‑ó jee kaku‑ó nu̱u̱nꞌ tu̱nóꞌó vá, retú ntu nénu̱u̱nꞌ‑ó chuꞌun iniꞌ‑ó jie̱ꞌe̱ꞌ tu̱ꞌun máá ñáꞌnú káꞌ jie̱ꞌe̱ꞌ ya̱ na̱sa natavaꞌ Jesús yó nu̱u̱nꞌ kua̱chi‑ó sikáku re̱ꞌ yó rúja? Chi xíꞌna ka̱ꞌ nkachitu̱ꞌún maá I̱toꞌoꞌ‑ó Jesús tu̱ꞌun yaꞌá, jee kuíre rá te̱e ya̱ nteso̱ꞌo maa, jee nna̱stúvi ráa ya̱ naáꞌ jie̱ꞌe̱ꞌ tu̱ꞌun yaꞌá nu̱u̱nꞌ‑órán