Génesis 19:15 - Mixteco del suroeste de Tlaxiaco Oaxaca

¹⁵ Jee sáá kua̱kunijin jee nxi̱nániꞌvɨꞌ rá najiáꞌáꞌ ííꞌ vá iniꞌ Lot jee nkachiꞌ ráa: ―¡Nako̱o, jee keꞌen ñasɨ́ꞌɨ́ nú jín ni núvíꞌ rá se̱ꞌya sɨ́ꞌɨ́ nú ya̱ nééꞌ ráa yaꞌá, jee kuáꞌán jín ráa, sáva ntu naanꞌ nú sáá xinóꞌo I̱toꞌoꞌ Ndiosíꞌ ñuunꞌ yaꞌá! ―nkachiꞌ rá najiáꞌáꞌ ííꞌ vá nu̱u̱nꞌ Lot.

Génesis 19:15 ပူးပေါင်းရင်းမြစ်များ

Génesis 19:14

Saájee nkene re̱ꞌ kua̱kaꞌanꞌ re̱ꞌ jín rá te̱e ya̱ kuvi rá se̱ꞌya ka̱sá re̱ꞌ ya̱ káá náꞌviꞌ ráa jín rá se̱ꞌya sɨ́ꞌɨ́ re̱ꞌ jee nkachiꞌ re̱ꞌ: ―¡Nako̱o rán jee kene rán kuáꞌán rán yaꞌá, chi sa̱néꞌ íyó xináánꞌ I̱toꞌoꞌ ñuunꞌ yaꞌá! ―nkachiꞌ Lot. Soo nkaꞌvi iniꞌ rá se̱ꞌya ka̱sá re̱ꞌ ya̱ kási̱kɨ́ re̱ꞌ.

Génesis 19:16

Soo sáá kúkáɨɨn iniꞌ Lot, jee ntɨɨn rá te̱e naꞌá re̱ꞌ jín naꞌá ñasɨ́ꞌɨ́ re̱ꞌ, jín rá naꞌá ni núvíꞌ rá se̱ꞌya sɨ́ꞌɨ́ re̱ꞌ, chi jie̱ꞌe̱ꞌ nika̱ꞌ íyó tu̱ꞌun náꞌví iniꞌ I̱toꞌoꞌ néꞌyá re̱ꞌ Lot, jee ntavaꞌ ráa rává ñani ráa rává yuñúúnꞌ vá.

Génesis 19:17

Jee sáá ya̱ nsiíyo ráa rává nu̱u̱nꞌ yuñúúnꞌ vá, jee ɨɨn ráa nkachiꞌ: ―¡Kuáꞌán, sikáku nú maánú! Jee koto nakune̱ꞌyá yátá nú ya̱ta̱ꞌ nú, jee ni koto jiákui̱ñɨ̱ꞌ nú ni ɨɨn nu̱u̱nꞌ ñunúꞌvéꞌ ne̱kua̱ꞌ kenta rán rá yuku, sáva ntu naanꞌ nú ―nkachiꞌ ɨɨn rá najiáꞌáꞌ ííꞌ vá nu̱u̱nꞌ Lot.

Génesis 19:22

Ya̱chi̱ꞌ nú, ka̱ku nú yukuán, chi ni ntu̱náꞌ kúvi saꞌá ni̱ꞌ nekuaꞌ kenta nú yukuán ―nkachiꞌ najiáꞌáꞌ ííꞌ vá nu̱u̱nꞌ Lot. (Saáva nsi̱kúnání re̱ꞌ súví ñuunꞌ yukuán Zoar, [ya̱ kuíni káchíꞌ lúlí].)

2 Corintios 6:2

Chi káchíꞌ Ndiosíꞌ nu̱u̱nꞌ Tutuꞌ Ííꞌ níso tu̱ꞌun re̱ꞌ ya̱: Maá tiempúꞌ ñani ni̱ꞌ jee ntɨɨn kuéntáꞌ ni̱ꞌ tu̱ꞌun ni̱ka̱nꞌ táꞌvíꞌ nú. Jee maá ki̱vɨ̱ꞌ ya̱ nsi̱káku ni̱ꞌ ñɨvɨ nu̱u̱nꞌ kua̱chi‑i, jee nchi̱neí ni̱ꞌ noꞌó. Tɨɨn kuéntáꞌ rán, vitan ví maá tiempúꞌ ya̱ ñani Ndiosíꞌ. Tɨɨn kuéntáꞌ rán, vitan ví maá ki̱vɨ̱ꞌ ya̱ sikáku re̱ꞌ ñɨvɨ.

Apoclipsis 18:4

Saájee nteso̱ꞌo ni̱ꞌ inka ka̱ꞌ nusuyuꞌú ya̱ káꞌánꞌ‑a ne̱ súkún, jee nkachiꞌ‑i: Ránoꞌó ñɨvɨ ni̱ꞌ, kene rán nu̱u̱nꞌ ñuunꞌ i̱ña̱ꞌ, sáva ntu jíꞌín rán nkaa saꞌá rá kua̱chi sáꞌá ráa, jee sáva ntu jíꞌín rán nkaa kunoꞌo rán rá tu̱nóꞌó kunoꞌo ráa.