Génesis 18:14 - Mixteco del suroeste de Tlaxiaco Oaxaca

¹⁴ ¿Á íyó ná kuvi ya̱ víjí nasɨ́kuitɨꞌ ya̱ saꞌá I̱toꞌoꞌ résa? Tiempúꞌ ñani ni̱ꞌ kui̱ya̱ꞌ kiji tukuni nikó ni̱ꞌ kine̱ꞌyá ni̱ꞌ noꞌó, saájee koo ɨɨn se̱ꞌya yɨ́ɨ́ Sara ―nkachiꞌ Ndiosíꞌ nu̱u̱nꞌ Abraham.

Génesis 18:14 ပူးပေါင်းရင်းမြစ်များ

Génesis 17:16

Jee saꞌá ni̱ꞌ ya̱ netuꞌ kuvi ña, jee suni taji ni̱ꞌ ɨɨn se̱ꞌya yɨ́ɨ́ nú jín ña. Jee saꞌá ni̱ꞌ ya̱ ne̱ nu̱u̱nꞌ ña kene kéꞌín nación, jee ne̱ nu̱u̱nꞌ ña kene ráa ya̱ kuvi te̱e ya̱ tatúníꞌ ráa kéꞌín rá ñuunꞌ ―nkachiꞌ Ndiosíꞌ nu̱u̱nꞌ Abraham.

Génesis 17:21

Soo kakɨnꞌ ni̱ꞌ tratúꞌ ni̱ꞌ jín Isaac ya̱ sikáku Sara jín nú tiempúꞌ yaꞌá kui̱ya̱ꞌ kiji ―nkachiꞌ Ndiosíꞌ.

Génesis 18:10

Saájee nkachiꞌ ɨɨn rá te̱e vá: ―Máá nááꞌ nijia inka kui̱ya̱ꞌ kiji ichinúúnꞌ nikó tuku ni̱ꞌ kine̱ꞌyá ni̱ꞌ noꞌó, jee nɨ́ tiempúꞌ saá koo ɨɨn se̱ꞌya ñasɨ́ꞌɨ́ nú Sara ―nkachiꞌ ɨɨn rá te̱e vá nu̱u̱nꞌ re̱ꞌ. Jee nééꞌ Sara yuvéꞌí ichi iniꞌ veꞌi saꞌma ya̱ nééꞌ ichi ya̱ta̱ꞌ nu̱u̱nꞌ íñɨ́ re̱ꞌ jee tésóꞌo ña rá tu̱ꞌun káꞌánꞌ ráa.

Génesis 18:13

Saájee nkachiꞌ I̱toꞌoꞌ nu̱u̱nꞌ Abraham: ―¿Na̱ kuvi chi ñakuꞌ Sara jee káchíꞌ ña?: “¿Á máá naáꞌ nijia ya̱ kuvi koo ɨɨn se̱ꞌya ni̱ꞌ ya̱ nyɨɨ ni̱ꞌ chiꞌ?”

Génesis 18:15

Soo ntu̱ví nkachiꞌ Sara: ―Ntu ñákúꞌ ni̱ꞌ ―nkachiꞌ ña yaꞌá chi nyu̱ꞌví ña. Jee nna̱xiníkó re̱ꞌ: ―Ntu̱ví chisaꞌ ñakuꞌ nú ―nkachiꞌ Ndiosíꞌ.

Génesis 21:1

Jee nsa̱ꞌá I̱toꞌoꞌ ya̱ netuꞌ kúvi Sara sánikua̱ꞌ ya̱ nchi̱sóyuꞌú re̱ꞌ, jee nsa̱ꞌá re̱ꞌ jín ña sánikua̱ꞌ nkachiꞌ‑i.

Génesis 21:2

Jee nna̱nise̱ꞌya ña jee ni̱yo ɨɨn se̱ꞌya yɨ́ɨ́ ña jín Abraham sáá ya̱ nku̱ñáꞌnú re̱ꞌ, jee nsi̱káku ña te̱e lúlí vá sáni tiempúꞌ nkachiꞌ Ndiosíꞌ nu̱u̱nꞌ ráa.

Mateo 14:31

Jee kuísá ntañúꞌún kuitɨꞌ nsi̱kááꞌ Jesús naꞌá re̱ꞌ, jee nna̱tɨɨn re̱ꞌ naꞌá‑a, jee nkachiꞌ re̱ꞌ nu̱u̱nꞌ‑u: ―¡Na̱ ka̱ꞌ yakuꞌ ka̱ꞌ kúneí iniꞌ nú nuꞌuꞌ! ¿Na̱ kuvi chi ni̱yo tu̱ꞌun jiáni iniꞌ nú jie̱ꞌe̱ꞌ nuꞌuꞌ? ―nkachiꞌ Jesús.

Mateo 19:26

Jee néꞌyá Jesús nu̱u̱nꞌ ráa, jee nkachiꞌ re̱ꞌ: ―Rá ñɨvɨ chi ntu kúvi saꞌá ráa tiñu yaꞌá, soo Ndiosíꞌ chi kúvi saꞌá re̱ꞌ nɨꞌɨ nu̱u̱nꞌ ―nkachiꞌ Jesús.

Mateo 3:9

Jee saáva koto káchíꞌ rán iniꞌ ánímaꞌ rán: “[Ka̱ku ráníꞌ] chi jííꞌ yanaꞌán ránꞌ ví Abraham.” Chi káchíꞌ ni̱ꞌ nu̱u̱nꞌ rán ya̱ Ndiosíꞌ kuvi saꞌá re̱ꞌ ya̱ nuvi ne̱ rá yu̱u̱ꞌ yaꞌá sáva kuvi ráa tataꞌ se̱ꞌya Abraham.

Marcos 10:27

Nne̱ꞌyá Jesús nu̱u̱nꞌ ráa, jee nkachiꞌ re̱ꞌ: ―Rá ñɨvɨ ntu kúvi saꞌá ráa tiñu yaꞌá, soo ntu íyó sukuán jín Ndiosíꞌ, chi Ndiosíꞌ chi kúvi saꞌá re̱ꞌ nɨꞌɨ nu̱u̱nꞌ ―nkachiꞌ Jesús.

Lucas 1:13

Soo nkachiꞌ najiáꞌáꞌ ííꞌ vá nu̱u̱nꞌ re̱ꞌ: ―Koto yúꞌví nú, Zacarías, chi ntɨɨn kuéntáꞌ Ndiosíꞌ ya̱ jíkánꞌ táꞌvíꞌ nú, jee ñasɨ́ꞌɨ́ nú, Elisabet, koo ɨɨn se̱ꞌya yɨ́ɨ́ ña, jee sikúnání nú maa Juan.

Lucas 1:18

Jee nkachiꞌ Zacarías nu̱u̱nꞌ najiáꞌáꞌ ííꞌ vá: ―¿Na̱ja kuvi kukáꞌnú iniꞌ ni̱ꞌ retú ya̱ naáꞌ kúvi nijia‑a rúja? Chi te̱e nyɨɨ nku̱ñáꞌnú kúvi ni̱ꞌ jee suni nyɨɨ nku̱ñáꞌnú ñasɨ́ꞌɨ́ ni̱ꞌ ranika̱ꞌ.

Lucas 1:37

Chi nu̱u̱nꞌ Ndiosíꞌ ni ɨɨn ntu̱né íyó ya̱ ntu kúvi saꞌá re̱ꞌ maa ―nkachiꞌ najiáꞌáꞌ ííꞌ vá.

Lucas 8:50

Soo sáá tésóꞌo Jesús ya̱ nkachiꞌ te̱e vá, jee nkachiꞌ Jesús nu̱u̱nꞌ Jairo: ―Koto yúꞌví nú, kua̱chi kuitɨꞌ vá kuneí iniꞌ nú nuꞌuꞌ, jee nuva̱ꞌa se̱ꞌya nú ―nkachiꞌ re̱ꞌ.

Romanos 4:21

Jee íchí kuitɨꞌ ni̱nu̱ꞌ nkáꞌnú iniꞌ re̱ꞌ ya̱ kuvi saꞌá Ndiosíꞌ ya̱ nchi̱sóyuꞌú re̱ꞌ.

Efesios 3:20

Jee vitan jee na̱ ka̱ꞌ viiꞌ nasɨ́kuitɨꞌ kúñáꞌnú Ndiosíꞌ ka̱ꞌ ya̱ níso re̱ꞌ fuersáꞌ ííꞌ ya̱ kúvi saꞌá re̱ꞌ ntáká tiñu ya̱ ntántúníꞌ nasɨ́kuitɨꞌ ka̱ꞌ nsú káꞌ nɨꞌɨ rá jíkánꞌ‑ó áxí rá jiáni iniꞌ‑ó. Jee sáꞌá re̱ꞌ sukuán sáni íyó fuersáꞌ ííꞌ re̱ꞌ ya̱ sátíñú‑u iniꞌ‑ó.

Filipenses 3:21

Suvire̱ꞌ sama yɨkɨkúñu náꞌví‑ó, jee nuún sama re̱ꞌ maa jín yɨkɨkúñu re̱ꞌ ya̱ nna̱tekuꞌ i̱i̱ꞌ tuku re̱ꞌ jee viiꞌ kúñáꞌnú re̱ꞌ. Sama re̱ꞌ maa jín fuersáꞌ ííꞌ níꞌin níso re̱ꞌ. Jee jín fuersáꞌ ííꞌ vá kúvi chiꞌi re̱ꞌ nɨꞌɨ kuitɨꞌ chi̱ji xi̱ntíín re̱ꞌ.

Filipenses 4:13

Kuvi kuiñɨ ni̱ꞌ nu̱u̱nꞌ nta̱ká ya̱ nóꞌo ni̱ꞌ, chi yɨ́ꞌɨ́ ni̱ꞌ nu̱u̱nꞌ Cristo, ya̱ násáneí re̱ꞌ iniꞌ nuꞌuꞌ.

Hebreos 11:19

Jee nkuna̱a̱ꞌ iniꞌ Abraham ya̱ Ndiosíꞌ níso‑o fesáꞌ níꞌin ííꞌ ne̱ ya̱ nastekúꞌ‑u rá ni̱yɨ. Jee kuéntáꞌ sukuán nkuvi chi kuéntáꞌ níꞌiꞌ Isaac jee nna̱niꞌinꞌ tuku Abraham se̱ꞌya re̱ꞌ chi kuéntáꞌ nna̱tekuꞌ‑u nkene‑e nteñu rá níꞌiꞌ.