Génesis 17:10 - Mixteco del suroeste de Tlaxiaco Oaxaca

¹⁰ Yaꞌá ví tratúꞌ ni̱ꞌ ya̱ kakɨnꞌ ni̱ꞌ jín nú jín rá ichiyúkúnꞌ nú va̱ji ichinúúnꞌ ka̱ꞌ ya̱ sikúnkuvi nú jín ráa: ya̱ íyó saꞌá circuncidar ntáká te̱e nteñu rán.

Génesis 17:10 ပူးပေါင်းရင်းမြစ်များ

Génesis 17:11

Jee saꞌá circuncidar rán ya̱ keꞌneꞌ ti̱yu̱ꞌ rán ntíꞌ yuꞌú ñɨɨn násɨ́ꞌ xi̱ni̱ꞌ nu̱u̱nꞌ ííꞌ te̱e jee siíyo rán maa jee suvivá kuvi seña ya̱ stúvi‑i ya̱ ñakɨnꞌ ni̱ꞌ tratúꞌ ni̱ꞌ jín rán.

Génesis 17:23

Jee nkeꞌen Abraham se̱ꞌya re̱ꞌ Ismael jín ntáká rá te̱e nkaku nu̱u̱nꞌ táꞌán veꞌi re̱ꞌ, jín ntáká rá musúꞌ nkeꞌen re̱ꞌ jín xu̱ꞌún re̱ꞌ, jee máá ki̱vɨ̱ꞌ yukuán nta̱jí re̱ꞌ ya̱ saꞌá circuncidar rá musúꞌ re̱ꞌ ntáká te̱e ya̱ nééꞌ jín re̱ꞌ sánikua̱ꞌ nkachiꞌ Ndiosíꞌ nu̱u̱nꞌ re̱ꞌ.

Génesis 17:27

Jín ntáká rá te̱e ñɨvɨ veꞌi re̱ꞌ ya̱ nkaku nu̱u̱nꞌ táꞌán veꞌi re̱ꞌ, jín ntáká rá musúꞌ nkeꞌen re̱ꞌ nu̱u̱nꞌ rá to̱ꞌo̱ꞌ jín xu̱ꞌún re̱ꞌ, jín nta̱jí re̱ꞌ ya̱ keꞌneꞌ ti̱yu̱ꞌ rá musúꞌ re̱ꞌ nu̱u̱nꞌ ííꞌ ráa jín maáréꞌ.

Génesis 21:4

Jee ki̱vɨ̱ꞌ unáꞌ ya̱ nkaku se̱ꞌya re̱ꞌ jee ñeꞌneꞌ ti̱yu̱ꞌ re̱ꞌ ntíꞌ ñɨɨn nu̱u̱nꞌ ííꞌ se̱ꞌya re̱ꞌ jee nsiíyo re̱ꞌ ñɨɨn vá, sánikua̱ꞌ ya̱ nta̱túníꞌ Ndiosíꞌ nu̱u̱nꞌ re̱ꞌ.

Génesis 34:15

Soo kua̱chi tajiyuꞌú ráníꞌ ya̱ taji ránꞌ ku̱ꞌva ránꞌ nu̱u̱nꞌ nú, kua̱chi retú maáránú kuvi kuéntáꞌ íyó maáránuꞌuꞌ ya̱ keꞌneꞌ ti̱yu̱ꞌ ntáká rá te̱e rán ntíꞌ ñɨɨn yósóꞌ xi̱ni̱ꞌ ti̱sa̱ꞌ rán siíyo maa ya̱ kachiꞌ ya̱ saꞌá circuncidar.

Génesis 34:22

Soo kua̱chi kuitɨꞌ vá tajiyuꞌú ráa kuneeꞌ ráa jín‑ó jee kuvi‑órán ɨɨn ni ñɨvɨ ñuunꞌ retú maáórán keꞌneꞌ ntáká rá te̱e‑ó ntíꞌ ñɨɨn yósóꞌ xi̱ni̱ꞌ ti̱sa̱ꞌ‑ó ya̱ kachiꞌ ya̱ saꞌá circuncidar, sánikua̱ꞌ sáꞌá circuncidar ráa maáráa.

Juan 7:22

Soo Moisés ntaji re̱ꞌ ñujiínꞌ ya̱ íyó keꞌneꞌ ti̱yu̱ꞌ rán ntíꞌ yuꞌú ñɨɨn násɨ́ꞌ xi̱ni̱ꞌ nu̱u̱nꞌ ííꞌ te̱e jee siíyo rán maa sáva koo seña circuncisión. (Soo ntu váji‑i ne̱ nu̱u̱nꞌ Moisés, chisaꞌ va̱ji ne̱ nu̱u̱nꞌ ráa tátáꞌ jííꞌ‑ó yanaꞌán tiñu ya̱ sáꞌá circuncidar‑ó), jee sáꞌá circuncidar rán ɨɨn te̱e asúnika̱ꞌ kúvi‑i ki̱vɨ̱ꞌ nájiáví.

Hechos 7:8

Jee njia̱ꞌa Ndiosíꞌ tratúꞌ nu̱u̱nꞌ Abraham, jee njia̱ꞌa re̱ꞌ ñujiínꞌ jiáꞌnu‑ó circuncisión nu̱u̱nꞌ‑u, sáva níso‑ó seña yɨkɨkúñu‑ó ya̱ stúvi‑i ya̱ yɨ́ꞌɨ́‑ó nu̱u̱nꞌ tratúꞌ vá. Saáva sáá ni̱yo se̱ꞌya yɨ́ɨ́ Abraham Isaac, jee nsa̱ꞌá circuncidar re̱ꞌ Isaac ki̱vɨ̱ꞌ unáꞌ. Jee suni sukuán nsa̱ꞌá Isaac jín se̱ꞌya yɨ́ɨ́ re̱ꞌ Jacobo. Jee suni sukuán Jacobo nsa̱ꞌá re̱ꞌ jín rá ni uxúꞌ u̱vi̱ꞌ (12) se̱ꞌya yɨ́ɨ́ re̱ꞌ, ya̱ kúvi ráa tataꞌ ichiyúkúnꞌ xíꞌnañúꞌún nación‑ó.

Romanos 2:28

Chi nsú jie̱ꞌe̱ꞌ ya̱ túvi nu̱u̱nꞌ nijínꞌ ɨɨn ñɨvɨ ya̱ kúvi ñɨvɨ Israel sáꞌá‑a ya̱ kúvi nijia‑a ñɨvɨ Israel. Jee ni nsáꞌ kúvi circuncisión nijia kua̱chi seña ya̱ níso te̱e nu̱u̱nꞌ nijínꞌ nu̱u̱nꞌ yɨkɨkúñu‑u.

Romanos 3:25

Chi ñani Ndiosíꞌ Jesús sáva kuviꞌ re̱ꞌ jee katɨ ni̱ñɨ̱ꞌ re̱ꞌ sáva so̱ko̱ꞌ re̱ꞌ maáréꞌ jie̱ꞌe̱ꞌ kua̱chi‑ó, sáva kunekáꞌnú iniꞌ Ndiosíꞌ kua̱chi‑ó, jie̱ꞌe̱ꞌ kúneí iniꞌ‑ó Jesús. Jee sukuán stúvi Ndiosíꞌ ya̱ na̱a̱ꞌ kúvi re̱ꞌ chi njia̱ꞌa re̱ꞌ nu̱u̱nꞌ rá kua̱chi nsa̱ꞌá ñɨvɨ tiempúꞌ yanaꞌán, jee ntu nxínóꞌo re̱ꞌ ráa,

Romanos 3:28

Chi jíníꞌ‑ó ya̱ sííyo Ndiosíꞌ kua̱chi‑ó sáva kino̱o na̱a̱ꞌ‑ó nu̱u̱nꞌ re̱ꞌ jie̱ꞌe̱ꞌ ya̱ kúneí iniꞌ‑ó Jesús jee nsú jie̱ꞌe̱ꞌ ya̱ síkúnkuvi‑ó rá tiñu tátúníꞌ ley.

Romanos 3:30

Chi métúꞌún ɨɨn ni Ndiosíꞌ íyó. Suvire̱ꞌ ví ya̱ sííyo re̱ꞌ kua̱chi rá ñɨvɨ sáva kino̱o na̱a̱ꞌ ráa nu̱u̱nꞌ re̱ꞌ jie̱ꞌe̱ꞌ kúneí iniꞌ ráa Jesús, va̱ni ñɨvɨ Israel ya̱ níso seña Ndiosíꞌ nu̱u̱nꞌ yɨkɨkúñu ráa, va̱ni rá ñɨvɨ inka nación ya̱ ntu níso ráa seña circuncisión.

Gálatas 3:28

Maáóránꞌ ya̱ yɨ́ꞌɨ́‑ó nu̱u̱nꞌ Cristo Jesús, ntu sɨ́ɨ́n íyó‑ó nu̱u̱nꞌ Ndiosíꞌ, sú kúvi rán ñɨvɨ Israel áxí ñɨvɨ ntu kúvi Israel, ni te̱e kúvi musúꞌ ya̱ nkeꞌen ñɨvɨ, ni te̱e xí tiñu ya̱ íñɨ́ núne, ni te̱e jín ni ñaꞌan, chi ɨɨn ni kúvi nɨꞌɨ‑ó nu̱u̱nꞌ Ndiosíꞌ, ya̱ yɨ́ꞌɨ́‑ó nu̱u̱nꞌ Cristo Jesús.

Gálatas 6:12

Rá te̱e ya̱ kuíni kino̱o va̱ꞌa ráa nu̱u̱nꞌ rá inka ñɨvɨ jie̱ꞌe̱ꞌ ya̱ sáꞌá ráa, suviráa ví ya̱ tétuvi ráa ya̱ sikúnkuvi rán costumbre ñuunꞌ Israel ya̱ sáꞌá circuncidar rán maárán. Sáꞌá ráa suꞌva sáva nkóto u̱ꞌvi̱ꞌ rá ñɨvɨ ráa jie̱ꞌe̱ꞌ tu̱ꞌun ya̱ níꞌiꞌ Cristo nu̱u̱nꞌ kurúsiꞌ jie̱ꞌe̱ꞌ‑ó.

Efesios 2:11

Saájee íyó naku̱ꞌun iniꞌ rán sáá ñaꞌnu rán ne̱ sáá ntiáꞌan kúneí iniꞌ rán Cristo. Jee ránoꞌó, jee nsú nu̱u̱nꞌ se̱ꞌya tataꞌ Israel nkaku rán. Jee rá ñɨvɨ Israel ya̱ níso ráa seña nu̱u̱nꞌ yɨkɨkúñu rá te̱e ráa, naní circuncisión, ya̱ sáꞌá ráa jín naꞌá, jee maáráa síkúnání ráa ránoꞌó ñɨvɨ ya̱ ntu íyó circuncidado kúvi rán. Jee saáva íyó naku̱ꞌun iniꞌ rán sáá ni̱yo rán tiempúꞌ yukuán,

Filipenses 3:3

Chi suvió kúvi‑ó ñɨvɨ Ndiosíꞌ, jee suꞌva kúvi‑ó ñɨvɨ circuncidado nijia nu̱u̱nꞌ re̱ꞌ, chi suvió ví ya̱ chíneí Ta̱chi̱ꞌ Ííꞌ maáó ya̱ néñu̱ꞌun‑ó Ndiosíꞌ, chi kúsɨ́ɨꞌ téyɨ́ɨ́ iniꞌ‑ó jie̱ꞌe̱ꞌ ya̱ sáꞌá Cristo Jesús, chi ntu kúkáꞌnú iniꞌ‑ó maáó ya̱ kino̱o na̱a̱ꞌ‑ó nu̱u̱nꞌ Ndiosíꞌ jie̱ꞌe̱ꞌ ya̱ sáꞌá‑ó.