Génesis 13:7 - Mixteco del suroeste de Tlaxiaco Oaxaca

⁷ Jee kántátúꞌun rá ñɨvɨ kúmí sa̱na̱ꞌ Abram jín rá kúmí sa̱na̱ꞌ Lot. (Jee tiempúꞌ yukuán, rá ñɨvɨ ya̱ kúvi tataꞌ ichiyúkúnꞌ Canaán jín rá ñɨvɨ ferezeo suni nééꞌ ráa nu̱u̱nꞌ ñu̱ꞌún yukuán.)

Génesis 13:7 ပူးပေါင်းရင်းမြစ်များ

Génesis 10:19

Jee ñuꞌun ntɨɨn rá ñɨvɨ rá tataꞌ ichiyúkúnꞌ Canaán nke̱táꞌán jín xéꞌñú ñuunꞌ Sidón, jee nke̱táꞌán jín ñuunꞌ Gerar jín ñuunꞌ Gaza, jee nke̱táꞌán jín rá ñuunꞌ Sodoma, Gomorra, Adma jín Zeboim, ne̱ nke̱táꞌán jín ñuunꞌ Lasa.

Génesis 12:6

Jee njia̱ꞌa Abram nu̱u̱nꞌ ñu̱ꞌún yukuán jee nkenta re̱ꞌ ne̱ nu̱u̱nꞌ kúvi ñuunꞌ Siquem nu̱u̱nꞌ íyó tu̱ya̱á nsi̱kúnání maa Moré. Jee rá se̱ꞌya ichiyúkúnꞌ nkene ráa nu̱u̱nꞌ Canaán nééꞌ ráa nu̱u̱nꞌ ñu̱ꞌún yukuán.

Génesis 21:25

Soo nkakua̱chi Abraham si̱kɨ̱ꞌ Abimelec jie̱ꞌe̱ꞌ ɨɨn sókó nute Abraham ya̱ nka̱neeꞌ rá musúꞌ Abimelec maa.

Génesis 26:20

Soo rá te̱e ñuunꞌ Gerar ya̱ náka rá sa̱na̱ꞌ nka̱ntátúꞌun ráa jín rá te̱e náka rá sa̱na̱ꞌ Isaac jee nkachiꞌ ráa: “Nute ráníꞌ ví‑i”. Saáva nsi̱kúnání Isaac súví sókó vá “Sókó Ti̱xi̱nꞌ” chi nka̱ntáꞌán túꞌun ráa jín re̱ꞌ.

Génesis 34:30

Saájee nkachiꞌ Jacob nu̱u̱nꞌ Simeón jín Leví: ―Nchuꞌun rán nuꞌuꞌ nu̱u̱nꞌ tuntíxín, chi rá ñɨvɨ canaán jín rá ñɨvɨ ferezeo ya̱ nééꞌ ráa ñuꞌun yaꞌá, jee nsa̱ꞌá rán ya̱ ta̱ꞌvi̱ꞌ iniꞌ ráa kune̱ꞌyá ráa nuꞌuꞌ. Jee yakuꞌ víꞌí rá te̱e kúmí ni̱ꞌ. Jee sikánitáꞌán ráa si̱kɨ̱ꞌ nuꞌuꞌ jee kiji ráa kantáꞌán ráa jín nuꞌuꞌ, jee xináánꞌ ráa nuꞌuꞌ jín rá táꞌán veꞌi ni̱ꞌ ―nkachiꞌ Jacob nu̱u̱nꞌ ráa.

Génesis 46:34

jee ránoꞌó kachiꞌ rán nu̱u̱nꞌ re̱ꞌ ya̱: “Ne̱ súchí ránꞌ yɨ́tíñú rán náka rán rá sa̱na̱ꞌ ɨɨn nuún ni kuéntáꞌ rá jííꞌ yanaꞌán ránꞌ.” Jee sáva suꞌva kuvi kino̱o rán kuneeꞌ rán nu̱u̱nꞌ ñuꞌun sánitɨ́ɨn Gosén, chi rá ñɨvɨ Egipto jíníichiꞌ ráa ntáká rá te̱e náka sa̱na̱ꞌ ―nkachiꞌ José.

Marcos 3:25

Jee retú ɨɨn táꞌán veꞌi sáꞌá sɨ́ɨ́n ráa maáráa jee kénta ráa si̱kɨ̱ꞌ táꞌán ráa, nku̱níꞌin táꞌán veꞌi vá.

1 Corintios 3:3

chi jiáꞌnu i̱i̱ꞌ ránú sáni níyo iniꞌ rá ñɨvɨ ñɨ̱vɨ́ ya̱ ntu yɨ́ꞌɨ́ ráa nu̱u̱nꞌ Ndiosíꞌ, chi íyó rán jín tu̱ꞌun kuíñɨ́ iniꞌ, jín tu̱ꞌun tuntíxín, [jee tásáva rán kúsɨ́ɨ́n rán nu̱u̱nꞌ táꞌán rán]. Jee saáva, ¿á nsáꞌ kúvi rán kuéntáꞌ rá ñɨvɨ ñɨ̱vɨ́ ya̱ ntu yɨ́ꞌɨ́ ráa xi̱ntíín Ndiosíꞌ jee jiáꞌnu rán sáni níyo iniꞌ rá ñɨvɨ ñɨ̱vɨ́ rúja?

Gálatas 5:20

néñu̱ꞌun ráa rá nantíñú ya̱ ntu kúvi‑i Ndiosíꞌ, sáꞌá tásɨ́ ráa, táꞌvi iniꞌ ráa néꞌyá ráa táꞌán ráa, sáꞌá ráa ti̱xi̱nꞌ, kuíñɨ́ ráa, xe̱e̱nꞌ iniꞌ ráa, uꞌvi iniꞌ ráa ya̱ kuíni ráa kene ráa ka̱ꞌ nu̱u̱nꞌ inka ñɨvɨ, sáꞌá sɨ́ɨ́n ráa ɨɨn inka ráa táꞌán ráa, jee sáꞌá ráa ka̱ꞌ grupo ya̱ káꞌánꞌ sɨ́ɨ́n jee kénta si̱kɨ̱ꞌ táꞌán ráa,

Colosenses 4:5

Kuꞌun kájí xíniꞌ rán kueꞌnu ñunkúún rán sáni kuíni Ndiosíꞌ nteñu rá ñɨvɨ ya̱ ntu kúneí iniꞌ ráa Cristo, jee suꞌva ntu súkuíta rán tiempúꞌ ya̱ káꞌánꞌ rán jín ráa.

1 Tesalonicenses 4:12

Íyó saꞌá suꞌva sáva kaka ñáꞌnú rán nu̱u̱nꞌ rá inka ñɨvɨ ntu yɨ́ꞌɨ́ ráa nu̱u̱nꞌ Jesús. Jee sákua nku̱mániꞌ nu̱u̱nꞌ rán.

Tito 3:3

Chi nékúvi sunisaá maáó nkuvi‑ó ñɨvɨ naanꞌ, jee nku̱jiááꞌ iniꞌ‑ó, jee maáó nika̱ꞌ ni̱nu̱ꞌ iniꞌ rá tu̱ꞌun xínáꞌví, jee nyɨ̱ꞌɨ‑ó chi̱ji xi̱ntíín kéꞌín ya̱ níyo iniꞌ jín xi̱ntíín kéꞌín ya̱ sɨ̱ɨ̱ꞌ iniꞌ, jee niva̱ꞌa ñaꞌnu‑ó, jee ni̱yo uꞌvi iniꞌ‑ó, jee nta̱ꞌvi̱ꞌ iniꞌ ñɨvɨ nne̱ꞌyá ráa yó, jee nta̱ꞌvi̱ꞌ iniꞌ‑ó nne̱ꞌyá‑ó ɨɨn inka‑ó.

Santiago 3:16

Chi nu̱u̱nꞌ íyó ya̱ ñúkuíñɨ́ iniꞌ ñɨvɨ jín ya̱ uꞌvi iniꞌ ráa jee suni sákánuun ráa xi̱ni̱ꞌ ɨɨn inka ráa jee nta̱ká nu̱u̱nꞌ ya̱ niváꞌa sáꞌá ráa.

Santiago 4:1

¿Né nú va̱ji rá tuntíxín jín rá kántátúꞌun rán nteñu rán? ¿Á nsáꞌ va̱ji rá tuntíxín ne̱ ya̱ níyo iniꞌ rán ví ya̱ súkúnꞌ ta̱ꞌán iniꞌ ánímaꞌ rán rúja?

1 Pedro 2:12

Jee kueꞌnu va̱ꞌa rán nteñu rá ñɨvɨ ya̱ ntu jíníꞌ ráa Tu̱ꞌun Ndiosíꞌ, sáva súka̱ꞌ káꞌánꞌ rá ñɨvɨ si̱kɨ̱ꞌ rán kuéntáꞌ kua̱ꞌ sáꞌá rán tiñu níváꞌa, soo kuniꞌ rá ñɨvɨ vá rá tiñu váꞌa sáꞌá rán, jee nakuetúꞌún ráa Ndiosíꞌ ki̱vɨ̱ꞌ niji tuku Cristo sanáaꞌ re̱ꞌ sáni ya̱ nááꞌ.