Génesis 12:3 - Mixteco del suroeste de Tlaxiaco Oaxaca

³ Saꞌá ni̱ꞌ ya̱ netuꞌ kuvi rá ñɨvɨ ya̱ saꞌá ráa ya̱ netuꞌ kuvi noꞌó jín rá se̱ꞌya ichiyúkúnꞌ nú. Jee rá ñɨvɨ ya̱ chisónínu ráa saꞌá kini rá kune̱ꞌyá ráa ránoꞌó, jee chisónínu ni̱ꞌ ráa kunoꞌo ráa. Jee jie̱ꞌe̱ꞌ noꞌó ni̱ꞌi̱nꞌ ñɨvɨ nɨꞌɨ rá tataꞌ ichiyúkúnꞌ ñɨvɨ ñɨ̱vɨ́ ya̱ netuꞌ kuvi ráa”, nkachiꞌ I̱toꞌoꞌ‑ó.

Génesis 12:3 ပူးပေါင်းရင်းမြစ်များ

Génesis 18:18

Chi íyó nijia ya̱ Abraham vá kuvi re̱ꞌ tátáꞌ ɨɨn nación máá kúñáꞌnú jín koo fesáꞌ‑a. Jee kuatíñú ni̱ꞌ maáréꞌ sáva saꞌá ni̱ꞌ ya̱ netuꞌ kuvi ntáká rá nación ñɨ̱vɨ́ yaꞌá.

Génesis 18:19

Chi nka̱ji ni̱ꞌ re̱ꞌ sáva tatúníꞌ re̱ꞌ nu̱u̱nꞌ rá se̱ꞌya re̱ꞌ jín nu̱u̱nꞌ rá ichiyúkúnꞌ re̱ꞌ kiji tiempúꞌ ichinúúnꞌ sáva chuꞌun re̱ꞌ ráa ichi I̱toꞌoꞌ kunikɨnꞌ ráa maa sáva saꞌá ráa nɨꞌɨ ya̱ kúvi ya̱ váꞌa jín ya̱ íyó na̱a̱ꞌ sáva sikúnkuvi ni̱ꞌ ya̱ nkachiꞌ ni̱ꞌ saꞌá ni̱ꞌ nu̱u̱nꞌ re̱ꞌ, ya̱ kúvi ni̱ꞌ I̱toꞌoꞌ.”

Génesis 22:18

Jee kuatíñú ni̱ꞌ rá ichiyúkúnꞌ nú sáva saꞌá ni̱ꞌ ya̱ netuꞌ kuvi rá ñɨvɨ ntáká rá nación íyó ñɨ̱vɨ́ yaꞌá, chi jie̱ꞌe̱ꞌ nika̱ꞌ nka̱níjiá nú ya̱ káchíꞌ ni̱ꞌ ―nkachiꞌ máá najiáꞌáꞌ ííꞌ I̱toꞌoꞌ.

Génesis 24:35

Jee nsa̱ꞌá víꞌí I̱toꞌoꞌ ya̱ netuꞌ kúvi i̱toꞌoꞌ ni̱ꞌ Abraham, jee nsa̱ꞌá‑a kúñáꞌnú re̱ꞌ jee kukúká re̱ꞌ jee njia̱ꞌa‑a nu̱u̱nꞌ re̱ꞌ rá sa̱na̱ꞌ líꞌí, jín rá xi̱ni̱kɨ̱ꞌ, jín xu̱ꞌún plata jín oro, jín rá tee jín rá ñaꞌan ya̱ kúvi rá musúꞌ jiátíñú saɨn re̱ꞌ, jín rá kameyúꞌ jín rá burrúꞌ.

Génesis 25:11

Jee sáá njia̱ꞌa ki̱vɨ̱ꞌ ya̱ níꞌiꞌ Abraham jee nsa̱ꞌá víꞌí Ndiosíꞌ ya̱ váꞌa jín Isaac, jee nkino̱o‑o nééꞌ‑e yatin nu̱u̱nꞌ nééꞌ sókó nute ya̱ naní “maáréꞌ ya̱ tékúꞌ ya̱ néꞌyá re̱ꞌ nuꞌuꞌ”.

Génesis 26:29

ya̱ nsáꞌ saꞌá nú ni ɨɨn ya̱ niváꞌa jín ránꞌ, sánikua̱ꞌ ni ntu̱ví nxtáña̱ꞌán ránꞌ noꞌó, jee sánikua̱ꞌ kua̱chi ya̱ váꞌa nsa̱ꞌá ránꞌ jín nú, jee nna̱chuichí va̱ꞌa ñúnkúún ránꞌ noꞌó. Jee vitan netuꞌ kúvi nú sáꞌá I̱toꞌoꞌ ―nkachiꞌ ráa nu̱u̱nꞌ Isaac.

Génesis 26:4

Jee saꞌá ni̱ꞌ ya̱ nukueꞌeꞌ víꞌí rá tataꞌ ichiyúkúnꞌ váji nu̱u̱nꞌ nú kuéntáꞌ kue̱ꞌe̱ꞌ rá tiu̱u̱nꞌ íyó súkún, jee ku̱ꞌva ni̱ꞌ kua̱íyó rá ñuꞌun yaꞌá nu̱u̱nꞌ ráa. Jee kuatíñú ni̱ꞌ rá ichiyúkúnꞌ nú sáva kiji ya̱ netuꞌ kuvi ñɨvɨ ntáká rá nación íyó ñɨ̱vɨ́ yaꞌá.

Génesis 27:29

Jee kue̱ꞌe̱ꞌ víꞌí ñɨvɨ kɨtíñú ráa nu̱u̱nꞌ nú, jee nakui̱ñɨ̱ꞌ ítɨ́ kue̱ꞌe̱ꞌ ñɨvɨ nu̱u̱nꞌ noꞌó, jee kuvi nú i̱toꞌoꞌ nu̱u̱nꞌ rá ñaniꞌ maánú, jee nakui̱ñɨ̱ꞌ ítɨ́ rá se̱ꞌya nááꞌ nú nu̱u̱nꞌ noꞌó. Jee rá ñɨvɨ ya̱ chisónínu noꞌó jee suviráa vá kosoni̱nu ráa, jee rá ñɨvɨ saꞌá ya̱ váꞌa jín nú jee suviráa vá ni̱ꞌi̱nꞌ ya̱ saꞌá Ndiosíꞌ ya̱ netuꞌ kuvi ráa”, nkachiꞌ ya̱chi̱ꞌ Isaac nu̱u̱nꞌ Jacob ya̱ koo ichinúúnꞌ jín re̱ꞌ.

Génesis 28:14

Jee kenta kukueꞌeꞌ nasɨ́kuitɨꞌ ráa kuéntáꞌ ti̱ka̱cha̱a̱ꞌ ñuꞌun, jee kutenuun ráa ne̱ nu̱u̱nꞌ nteñúꞌún káꞌnú nu̱u̱nꞌ táꞌán nka̱niiꞌ, jín ne̱ ichi kénta nka̱niiꞌ, jín ne̱ ichi norte, jín ne̱ ichi sur, jee kuatíñú ni̱ꞌ noꞌó jín rá ñɨvɨ kiji kuvi ichiyúkúnꞌ nú sáva saꞌá ni̱ꞌ ya̱ netuꞌ kuvi rá ñɨvɨ ntáká táꞌán ichiyúkúnꞌ ñɨvɨ ñɨ̱vɨ́ yaꞌá.

Génesis 30:27

Soo nna̱xiníkó Labán nu̱u̱nꞌ‑u: ―Kova̱ꞌa iniꞌ nú, retú íyó mániꞌ iniꞌ nú néꞌyá nú nuꞌuꞌ, kino̱o nú jín ni̱ꞌ. Chi jíníꞌ ni̱ꞌ chi nijin iniꞌ ni̱ꞌ ya̱ nsa̱ꞌá I̱toꞌoꞌ ya̱ váꞌa jín nuꞌuꞌ jie̱ꞌe̱ꞌ noꞌó.

Génesis 30:30

Chi yakuꞌ ni sa̱na̱ꞌ vá nku̱mí nú ne̱ sáá ntiáꞌan tiaaꞌ ni̱ꞌ, jee nku̱kueꞌeꞌ nasɨ́kuitɨꞌ rá sa̱na̱ꞌ nú, chi nsa̱ꞌá I̱toꞌoꞌ ya̱ váꞌa jín nú jie̱ꞌe̱ꞌ ya̱ nsa̱ꞌá ni̱ꞌ. Saáva, ¿na̱ma satíñú ni̱ꞌ ya̱ kuvi ya̱ váꞌa rá ñɨvɨ veꞌi ni̱ꞌ résa? ―nkachiꞌ Jacob nu̱u̱nꞌ Labán.

Génesis 39:5

Jee ne̱ ki̱vɨ̱ꞌ sáá ñani Potifar José ya̱ kuneen kuéntáꞌ José veꞌi re̱ꞌ jín nɨꞌɨ ya̱ kúmí re̱ꞌ, jee I̱toꞌoꞌ Ndiosíꞌ nsa̱ꞌá víꞌí ya̱ váꞌa nu̱u̱nꞌ veꞌi Potifar jín rá tataꞌ sáꞌá re̱ꞌ káá nu̱u̱nꞌ kuꞌúꞌ jie̱ꞌe̱ꞌ José.

Mateo 25:40

’Jee nuꞌuꞌ ya̱ kúvi ya̱ tátúníꞌ nu̱u̱nꞌ nɨꞌɨ naxiníkó ni̱ꞌ nu̱u̱nꞌ ráa, jee kachiꞌ ni̱ꞌ: “Máá nááꞌ vá káchíꞌ ni̱ꞌ nu̱u̱nꞌ rán ya̱, mákua sukuán nsa̱ꞌá rán jín ɨɨn rá ñanitáꞌán ni̱ꞌ yaꞌá, ya̱ kúneí iniꞌ ráa nuꞌuꞌ, sú ɨɨn máá ñɨvɨ láꞌví ka̱ꞌ kúvi‑i, saájee nu̱u̱nꞌ nuꞌuꞌ nsa̱ꞌá rán maa”, kachiꞌ ni̱ꞌ.

Mateo 25:45

’Saájee naxiníkó ni̱ꞌ nu̱u̱nꞌ ráa, jee kachiꞌ ni̱ꞌ: “Máá nááꞌ vá káchíꞌ ni̱ꞌ nu̱u̱nꞌ rán, ya̱ mákua sukuán ntu nsáꞌá rán maa jín ɨɨn rá ñanitáꞌán ni̱ꞌ yaꞌá, ya̱ kúneí iniꞌ ráa nuꞌuꞌ, sú ɨɨn máá ñɨvɨ láꞌví ka̱ꞌ kúvi‑i, saájee suni ntu nsáꞌá rán maa nu̱u̱nꞌ nuꞌuꞌ”, kachiꞌ ni̱ꞌ nu̱u̱nꞌ ráa.

Lucas 24:27

Saájee nka̱jiéꞌé Jesús ne̱ nu̱u̱nꞌ rá tu̱ꞌun ntee Moisés jín rá tu̱ꞌun ntee nɨꞌɨ rá te̱e ya̱ nna̱kani tu̱ꞌun nkene yuꞌú Ndiosíꞌ ne̱ yanaꞌán jee nna̱kachiꞌ va̱ꞌa re̱ꞌ rá tu̱ꞌun jie̱ꞌe̱ꞌ maáréꞌ ya̱ níso nu̱u̱nꞌ nɨꞌɨ Tutuꞌ Ííꞌ.

Romanos 4:11

Jee nni̱ꞌi̱nꞌ re̱ꞌ seña vá nu̱u̱nꞌ yɨkɨkúñu re̱ꞌ, ya̱ kúvi ɨɨn seyúꞌ ya̱ stúvi‑i ya̱ naáꞌ ya̱ kínóo na̱a̱ꞌ re̱ꞌ nu̱u̱nꞌ Ndiosíꞌ jie̱ꞌe̱ꞌ ya̱ nku̱neí iniꞌ re̱ꞌ maa, sáá ntiáꞌan kuniso re̱ꞌ seña vá. Jee sukuán íyó sáva kúvi Abraham tátáꞌ ntáká rá ñɨvɨ ya̱ kúneí iniꞌ ráa Ndiosíꞌ, sú ntu níso ráa seña vá. Chi kúneí iniꞌ ráa Cristo, sáva kuna̱a̱ꞌ iniꞌ Ndiosíꞌ ya̱ kínóo na̱a̱ꞌ ráa nu̱u̱nꞌ re̱ꞌ.

1 Corintios 1:30

Soo maá Ndiosíꞌ chi nsa̱ꞌá re̱ꞌ ya̱ kɨꞌɨ rán xi̱ntíín Cristo Jesús, jee ne̱ nu̱u̱nꞌ Jesús va̱ji tu̱ꞌun níchí tánɨ́ꞌ xi̱ni̱ꞌ táji Ndiosíꞌ nu̱u̱nꞌ‑ó, jee nsa̱ꞌá re̱ꞌ ya̱ kínóo na̱a̱ꞌ‑ó nu̱u̱nꞌ Ndiosíꞌ, jee nsa̱ꞌá sɨ́ɨ́n re̱ꞌ yó sáva kɨꞌɨ‑ó nu̱u̱nꞌ Ndiosíꞌ, jee nna̱kani núne re̱ꞌ yó nu̱u̱nꞌ kua̱chi ya̱ nkɨ́ꞌɨ‑ó ka̱ꞌ xi̱ntíín kua̱chi.

Gálatas 3:16

Saájee rá váꞌa nchi̱sóyuꞌú Ndiosíꞌ nu̱u̱nꞌ Abraham jín nu̱u̱nꞌ se̱ꞌya ichiyúkúnꞌ nkene nu̱u̱nꞌ re̱ꞌ. Nu̱u̱nꞌ Tutuꞌ Ííꞌ níso Tu̱ꞌun Ndiosíꞌ ntu káchíꞌ‑i: “jín nu̱u̱nꞌ rá ichiyúkúnꞌ nú”, ya̱ káꞌánꞌ‑a jie̱ꞌe̱ꞌ kéꞌín ñɨvɨ. Chisaꞌ káꞌánꞌ‑a jie̱ꞌe̱ꞌ ɨɨn ni, jee káchíꞌ‑i: “jín nu̱u̱nꞌ Se̱ꞌya ichiyúkúnꞌ nú”, ya̱ kúvi‑i Cristo.

Gálatas 3:28

Maáóránꞌ ya̱ yɨ́ꞌɨ́‑ó nu̱u̱nꞌ Cristo Jesús, ntu sɨ́ɨ́n íyó‑ó nu̱u̱nꞌ Ndiosíꞌ, sú kúvi rán ñɨvɨ Israel áxí ñɨvɨ ntu kúvi Israel, ni te̱e kúvi musúꞌ ya̱ nkeꞌen ñɨvɨ, ni te̱e xí tiñu ya̱ íñɨ́ núne, ni te̱e jín ni ñaꞌan, chi ɨɨn ni kúvi nɨꞌɨ‑ó nu̱u̱nꞌ Ndiosíꞌ, ya̱ yɨ́ꞌɨ́‑ó nu̱u̱nꞌ Cristo Jesús.

Gálatas 3:8

Chi Tu̱ꞌun Ndiosíꞌ níso nu̱u̱nꞌ Tutuꞌ Ííꞌ, jee ne̱ tióꞌ chíji, nstúꞌva tu̱ꞌun vá ya̱ siíyo Ndiosíꞌ kua̱chi rá ñɨvɨ nta̱ká nación ya̱ kúneí iniꞌ ráa re̱ꞌ sáva ku̱ꞌvayuꞌú re̱ꞌ ya̱ kino̱o na̱a̱ꞌ ráa nu̱u̱nꞌ re̱ꞌ, sú ntu kúvi ráa ñɨvɨ Israel. Chi nste̱kútu̱ꞌún Ndiosíꞌ tu̱ꞌun váꞌa re̱ꞌ ne̱ yanaꞌán víꞌí nu̱u̱nꞌ Abraham, jee nkachiꞌ‑i ya̱: “Kuatíñú ni̱ꞌ noꞌó sáva saꞌá ni̱ꞌ ya̱ netuꞌ kuvi ñɨvɨ nta̱ká nación.”

Efesios 1:3

Jee íyó nákuetúꞌún‑ó Ndiosíꞌ, ya̱ kúvi re̱ꞌ Ndiosíꞌ nu̱u̱nꞌ I̱toꞌoꞌ‑ó Jesús ya̱ kúvi Cristo jee Tátáꞌ Jesús kúvi re̱ꞌ. Nákuetúꞌún‑ó re̱ꞌ chi sáꞌá re̱ꞌ ya̱ netuꞌ kúvi‑ó, jie̱ꞌe̱ꞌ yɨ́ꞌɨ́‑ó nu̱u̱nꞌ Cristo, chi ntaji re̱ꞌ nu̱u̱nꞌ‑ó ntáká nu̱u̱nꞌ ya̱ váꞌa ya̱ váji ne̱ nu̱u̱nꞌ antivɨ́ ya̱ kino̱o va̱ꞌa iniꞌ ánímaꞌ‑ó.

Colosenses 3:11

Jee saáva ntu̱náꞌ ítú iniꞌ retú ntu kúvi‑ó ñɨvɨ Israel, áxí kúvi‑ó ñɨvɨ Israel, retú níso yɨkɨkúñu‑ó seña ñɨvɨ Israel naní circuncisión, áxí ntu níso‑ó maa, retú kúvi‑ó rá to̱ꞌo̱ꞌ, áxí ñɨvɨ ñuunꞌ láꞌví, retú kúvi‑ó musúꞌ ya̱ kéꞌen ñɨvɨ maa, áxí ñɨvɨ ya̱ yɨ́tíñú nu̱u̱nꞌ tiñu maáa. Chi I̱toꞌoꞌ kua̱íyó kuitɨꞌ‑ó ví Cristo, jee yɨ́ꞌɨ́ re̱ꞌ iniꞌ kua̱íyó kuitɨꞌ‑ó.

Apoclipsis 7:9

Jee sáá nkuvi yaꞌá, jee nna̱kune̱ꞌyá ni̱ꞌ, jee niniꞌ ni̱ꞌ kue̱ꞌe̱ꞌ víꞌí rá ñɨvɨ, ya̱ ni ɨɨn ñɨvɨ nsúkua kuneí‑i kaꞌvi‑i ráa. Va̱ji ráa nu̱u̱nꞌ ntáká nu̱u̱nꞌ rá ñɨvɨ, jín nu̱u̱nꞌ ntáká tataꞌ, jín nu̱u̱nꞌ ntáká ñuunꞌ, jín nu̱u̱nꞌ ntáká ñɨvɨ ya̱ káꞌánꞌ ráa sɨ́ɨ́n sɨ́ɨ́n nu̱u̱nꞌ tu̱ꞌun nkaku ráa. Jee íñɨ́ ráa yuꞌú teyuꞌ nu̱u̱nꞌ nééꞌ Ndiosíꞌ tátúníꞌ re̱ꞌ, jín nu̱u̱nꞌ maáréꞌ ya̱ kúvi re̱ꞌ Lanchi Lúlí vá. Jee ñúꞌún ráa saꞌma kuíjín, jee ínaꞌá ráa naꞌá yu̱ku̱ñu̱u̱nꞌ.