Génesis 10:32 - Mixteco del suroeste de Tlaxiaco Oaxaca

³² Nɨꞌɨ rá ñɨvɨ yaꞌá kúvi rá tataꞌ ichiyúkúnꞌ rá se̱ꞌya Noé na̱kua̱ꞌ tataꞌ ichiyúkúnꞌ ráa, jín na̱kua̱ꞌ rá ñuunꞌ nu̱u̱nꞌ nééꞌ ráa. Rá ñɨvɨ yaꞌá nku̱sɨ́ɨ́n ráa ñe̱te̱nuun ráa nɨ́ɨ́nkáꞌnú nu̱u̱nꞌ ñu̱ꞌún ñakɨnꞌ ráa ñuunꞌ ráa, sáá ya̱ njia̱ꞌa ya̱ nchi̱tú nute nu̱u̱nꞌ ñu̱ꞌún.

Génesis 10:32 ပူးပေါင်းရင်းမြစ်များ

Génesis 10:1

Yaꞌá ví tu̱ꞌun jie̱ꞌe̱ꞌ rá se̱ꞌya ichiyúkúnꞌ ya̱ nkene ráa nu̱u̱nꞌ rá se̱ꞌya yɨ́ɨ́ Noé, ya̱ kúvi Sem, Cam jín Jafet, sáá ni̱yo rá se̱ꞌya rává sáá ya̱ njia̱ꞌa ya̱ nchi̱tú nute nu̱u̱nꞌ ñu̱ꞌún.

Génesis 10:20

Rá ñɨvɨ yaꞌá kúvi rá se̱ꞌya ichiyúkúnꞌ nkene ráa nu̱u̱nꞌ Cam, ta ɨɨn ráa jín tataꞌ ichiyúkúnꞌ ráa, jín rá tu̱ꞌun káꞌánꞌ ráa, jín rá ñuꞌun ráa nu̱u̱nꞌ nééꞌ ráa, jín rá ñuunꞌ ráa.

Génesis 10:25

Jee ni̱yo u̱vi̱ꞌ se̱ꞌya yɨ́ɨ́ Heber: ɨɨn ráa naní Peleg, chi máá saá rá ki̱vɨ̱ꞌ tékúꞌ re̱ꞌ nku̱sɨ́ɨ́n rá ñɨvɨ ñe̱te̱nuun nɨ́ɨ́nkáꞌnú nu̱u̱nꞌ ñu̱ꞌún. Jee ñaniꞌ Peleg kúvi Joctán.

Génesis 10:31

Rá ñɨvɨ yaꞌá kúvi rá se̱ꞌya ichiyúkúnꞌ Sem, ta ɨɨn ráa jín tataꞌ ichiyúkúnꞌ ráa, jín rá tu̱ꞌun káꞌánꞌ ráa, jín rá ñuꞌun ráa nu̱u̱nꞌ nééꞌ ráa, jín rá ñuunꞌ ráa.

Génesis 10:5

Rá yaꞌá kúvi ichiyúkúnꞌ nkene ráa nu̱u̱nꞌ Jafet ya̱ ñe̱te̱nuun ráa ña̱kuneeꞌ ráa rá ñuꞌun káá yúnteñúꞌún, ta nu̱u̱nꞌ ráa rá tataꞌ sɨ́ꞌɨ́ veꞌi ráa, sánikua̱ꞌ rá tu̱ꞌun káꞌánꞌ ráa, sánikua̱ꞌ tataꞌ ichiyúkúnꞌ ráa, ñakɨnꞌ ráa rá ñuunꞌ ráa nu̱u̱nꞌ nééꞌ ráa.

Génesis 11:1

Jee tióꞌ yukuán nɨꞌɨ noo ñɨvɨ nééꞌ ñɨ̱vɨ́ ɨɨn ni tu̱ꞌun nkaꞌanꞌ ráa jín ɨɨn nuún ni rá tu̱ꞌun káꞌánꞌ ráa nékui.

Génesis 9:1

Nkachiꞌ Ndiosíꞌ ya̱ netuꞌ kuvi Noé jín rá se̱ꞌya‑a jee nkachiꞌ re̱ꞌ: “Nakuneꞌ víꞌí rán jee nukueꞌeꞌ rán jee chuchítú rán maárán nu̱u̱nꞌ ñu̱ꞌún.

Génesis 9:19

Núníꞌ rá te̱e yaꞌá nkuvi se̱ꞌya Noé, jee nu̱u̱nꞌ rá yaꞌá nkene rá ñɨvɨ ñe̱te̱nuun ráa ña̱ko̱o ráa nu̱u̱nꞌ nɨꞌɨ nu̱u̱nꞌ ñu̱ꞌún.

Génesis 9:7

’Jee suvirán nakuneꞌ víꞌí rán jee kutenuun rán nu̱u̱nꞌ ñu̱ꞌún, jee nukueꞌeꞌ rán nu̱u̱nꞌ‑u.”

Hechos 17:26

Nsa̱ꞌá re̱ꞌ ya̱ nu̱u̱nꞌ métúꞌún te̱e nkene nɨꞌɨ rá ñɨvɨ, sáva kuneeꞌ ráa kua̱íyó ñɨ̱vɨ́. Jee ya̱ ñani re̱ꞌ tiempúꞌ kutekuꞌ ráa jín rá xéꞌñú nu̱u̱nꞌ kuneeꞌ ráa.