Gálatas 6:5 - Mixteco del suroeste de Tlaxiaco Oaxaca

⁵ Chi ta ɨɨn‑ó kuneenu̱u̱nꞌ‑ó sikúnkuvi‑ó tiñu sáꞌá‑ó.

Gálatas 6:5 ပူးပေါင်းရင်းမြစ်များ

Mateo 16:27

Chi nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee kiji tuku ni̱ꞌ iniꞌ ñɨ̱vɨ́ yaꞌá, jee viiꞌ víꞌí kuñáꞌnú ni̱ꞌ jín tiñu níso ni̱ꞌ kuéntáꞌ kua̱ꞌ kúñáꞌnú maá Tátáꞌ ni̱ꞌ Ndiosíꞌ, jee kiji ni̱ꞌ jín rá najiáꞌáꞌ ííꞌ ni̱ꞌ. Saájee nachunáán ni̱ꞌ nu̱u̱nꞌ ta ɨɨn rá ñɨvɨ sánikua̱ꞌ na̱ja íyó tiñu nsa̱ꞌá ráa.

1 Corintios 3:8

Jee saáva, te̱e ya̱ tée tataꞌ sáꞌá jín te̱e ya̱ chíꞌi nute nu̱u̱nꞌ tataꞌ sáꞌá vá, jee ɨɨn ni̱ꞌ kúvi ráa. Soo tanu̱u̱nꞌ ráa ni̱ꞌi̱nꞌ rá ya̱ꞌvi ráa ya̱ nachunáán Ndiosíꞌ nu̱u̱nꞌ ráa sánikua̱ꞌ tanu̱u̱nꞌ tiñu nsa̱ꞌá ráa.

1 Corintios 4:5

Saáva, koto sáꞌá náaꞌ rán si̱kɨ̱ꞌ táꞌán rán nekuaꞌ niji maá I̱toꞌoꞌ‑ó. Maáréꞌ nastúvi nijinꞌ re̱ꞌ rá tiñu nsa̱ꞌá yuꞌuꞌ‑ó nu̱u̱nꞌ neenꞌ, jee nastúvi re̱ꞌ ya̱ ñúꞌún iniꞌ ánímaꞌ‑ó. Saájee nakuetúꞌún Ndiosíꞌ ta ɨɨn ɨɨn ñɨvɨ sánikua̱ꞌ íyó ni̱ꞌi̱nꞌ maa.

Apoclipsis 2:23

Jee kaꞌniꞌ ni̱ꞌ rá se̱ꞌya ña. ’Saájee ntáká rá grupo rá ñɨvɨ kúneí iniꞌ ráa nuꞌuꞌ, jee kukáꞌnú iniꞌ ráa ya̱ nuꞌuꞌ ví ya̱ kávii kuitɨꞌ jíníꞌ ni̱ꞌ nɨꞌɨ ya̱ jiáni iniꞌ antúníꞌ ñɨvɨ jín nɨꞌɨ ya̱ ñúꞌún ánímaꞌ ñɨvɨ. Jee naku̱ꞌva ni̱ꞌ nu̱u̱nꞌ ta ɨɨn ɨɨn rá ñɨvɨ na̱ja kua̱ꞌ sáni tiñu ya̱ nsa̱ꞌá ráa.

Apoclipsis 22:12

Saájee maá I̱toꞌoꞌ‑ó nkachiꞌ re̱ꞌ: ―¡Kune̱ꞌyá rán!, ñamani niji ni̱ꞌ. Jee kiji ni̱ꞌ jín ta̱ꞌvi̱ꞌ ya̱ naku̱ꞌva ni̱ꞌ nu̱u̱nꞌ ta ɨɨn ɨɨn rá ñɨvɨ, jie̱ꞌe̱ꞌ na̱ja kua̱ꞌ íyó sáni rá tiñu ya̱ nsa̱ꞌá ráa.