Gálatas 6:2 - Mixteco del suroeste de Tlaxiaco Oaxaca

² Chineí táꞌán rán néni ɨɨn ya̱ nóꞌo táꞌán rán. Chi sukuán sikúnkuvi rán tu̱ꞌun ley tátúníꞌ Cristo.

Gálatas 6:2 ပူးပေါင်းရင်းမြစ်များ

Mateo 8:17

Nkuvi suꞌva sáva nkuna̱a̱ꞌ rá Tu̱ꞌun Ndiosíꞌ njia̱ꞌa re̱ꞌ sákachiꞌ Isaías te̱e nnákani tu̱ꞌun nkene yuꞌú máá maá Ndiosíꞌ ne̱ yanaꞌán, sáá nkachiꞌ‑i: Maáréꞌ nsiíyo rá tu̱nóꞌó nóꞌo‑ó ya̱ táyáꞌ ñunéꞌyúꞌ‑ó, jee nxi̱tá re̱ꞌ rá kue̱ꞌi̱ꞌ nóꞌo‑ó kua̱ꞌa̱nꞌ‑a.

Lucas 11:46

Soo nkachiꞌ Jesús: ―Suni, ¡na̱ ka̱ꞌ xe̱e̱nꞌ kunoꞌo rán ka̱ꞌ ránoꞌó!, te̱e súkuáꞌa jie̱ꞌe̱ꞌ tu̱ꞌun nta̱túníꞌ Ndiosíꞌ yanaꞌán, chi tu̱ꞌun xínéꞌénꞌ rán yukuán kúvi ya̱ jiákɨ́nꞌ rán máá tiñu véi nu̱u̱nꞌ rá ñɨvɨ ya̱ víjí sikúnkuvi ráa, soo ránoꞌó chi ni sú ɨɨn xi̱ntíín rán ni ntu skántáꞌ rán sáva sikúnkuvi rán rá tiñu vá.

Juan 13:34

’Jee vitan jee taji ni̱ꞌ ɨɨn tu̱ꞌun jiáá ya̱ tátúníꞌ ni̱ꞌ nu̱u̱nꞌ rán, ya̱ kunu̱u̱nꞌ rán ɨɨn inka rá táꞌán rán. Kuéntáꞌ ñúnúunꞌ ni̱ꞌ ránoꞌó, jee suni sukuán kunu̱u̱nꞌ rán ɨɨn inka táꞌán rán.

Juan 15:12

Jee yaꞌá kúvi máá tu̱ꞌun ya̱ tátúníꞌ ni̱ꞌ nu̱u̱nꞌ rán ya̱: Kunu̱u̱nꞌ rán inka rá táꞌán rán, kuéntáꞌ ñúnúunꞌ ni̱ꞌ ránoꞌó.

Romanos 15:1

Saájee rá yó ya̱ jíjia ka̱ꞌ iniꞌ‑ó kúneí iniꞌ‑ó Ndiosíꞌ jie̱ꞌe̱ꞌ ya̱ kuíni re̱ꞌ ya̱ saꞌá‑ó, jee íyó keꞌneꞌ iniꞌ‑ó nu̱u̱nꞌ rá ñanitáꞌán‑ó ya̱ táyáꞌ iniꞌ ráa kúneí iniꞌ ráa re̱ꞌ. Jee koto sáꞌá‑ó sáni kua̱chi kúváꞌa iniꞌ maáó ni.

Romanos 8:2

Chi nku̱neí Ta̱chi̱ꞌ Ííꞌ Ndiosíꞌ sáꞌá re̱ꞌ ya̱ kutekuꞌ‑ó jín Ndiosíꞌ, jie̱ꞌe̱ꞌ yɨ́ꞌɨ́‑ó nu̱u̱nꞌ Cristo Jesús, jee nákani núne re̱ꞌ ránoꞌó ya̱ nsáꞌ kɨꞌɨ‑ó ka̱ꞌ xi̱ntíín kua̱chi jín nsáꞌ kenta‑ó kuéntáꞌ kuviꞌ‑ó nu̱u̱nꞌ Ndiosíꞌ.

1 Corintios 9:21

Jee sáá nééꞌ ni̱ꞌ nteñu rá ñɨvɨ ya̱ ntu̱ví yɨ́ꞌɨ́ ráa xi̱ntíín tu̱ꞌun nta̱túníꞌ Ndiosíꞌ nu̱u̱nꞌ Moisés yanaꞌán, jee jiáꞌnu ni̱ꞌ kuéntáꞌ retánꞌ ntu̱ví yɨ́ꞌɨ́ ni̱ꞌ chi̱ji tu̱ꞌun vá, sáva ni̱ꞌi̱nꞌ ni̱ꞌ sijínúꞌ ni̱ꞌ iniꞌ ráa tu̱ꞌun váꞌa jie̱ꞌe̱ꞌ Jesús, asúka̱ꞌ ntu íñɨ́ núne ni̱ꞌ nu̱u̱nꞌ tu̱ꞌun tátúníꞌ Ndiosíꞌ, chi yɨ́ꞌɨ́ ni̱ꞌ xi̱ntíín tu̱ꞌun tátúníꞌ Cristo.

Gálatas 6:5

Chi ta ɨɨn‑ó kuneenu̱u̱nꞌ‑ó sikúnkuvi‑ó tiñu sáꞌá‑ó.

1 Tesalonicenses 5:14

Jee ntañúꞌún ránoꞌó ñanitáꞌán, náxiníꞌvɨ́ꞌ ráníꞌ iniꞌ ránoꞌó ya̱: nachúꞌún rán ichi rá ñɨvɨ kúxí, ya̱ ntu kúníꞌ ráa satíñú ráa. Jee nasáneí rán iniꞌ rá ñɨvɨ núun iniꞌ. Jee nasásɨ́ɨꞌ rán iniꞌ rá ñɨvɨ ntu neí iniꞌ. Jee koo káꞌnú iniꞌ rán jín nɨꞌɨ rá ñɨvɨ.

Santiago 1:25

Soo ɨɨn ñɨvɨ chúꞌun iniꞌ‑i tu̱ꞌun ley na̱a̱ꞌ Jesús, ya̱ sáꞌá‑a ya̱ nakui̱ñɨ̱ꞌ núne‑ó nkɨ́ꞌɨ‑ó nu̱u̱nꞌ kua̱chi‑ó, jee nákuíñɨꞌ ni̱ꞌin‑i, jee nsáꞌ kua̱chi tésóꞌo‑o tu̱ꞌun vá, jee nsáꞌ náánꞌ iniꞌ‑i tu̱ꞌun vá, chisaꞌ sáꞌá‑a ya̱ káchíꞌ tu̱ꞌun vá, saájee na̱ ka̱ꞌ netuꞌ ka̱ꞌ kúvi ñɨvɨ vá jín ya̱ sáꞌá‑a.

Santiago 2:12

Saáva íyó kaꞌanꞌ rán jee íyó saꞌá rán sánikua̱ꞌ jíníꞌ rán ya̱ sanáaꞌ Ndiosíꞌ nɨꞌɨ rá tiñu sáꞌá rán, jee sanáaꞌ re̱ꞌ sánikua̱ꞌ káchíꞌ tu̱ꞌun ley Jesús vá, jee nsa̱ꞌá tu̱ꞌun vá nakui̱ñɨ̱ꞌ núne‑ó nu̱u̱nꞌ xinóꞌo re̱ꞌ yó jie̱ꞌe̱ꞌ kua̱chi‑ó.

Santiago 2:8

Va̱ꞌa sáꞌá rán, retú maá na̱a̱ꞌ nijia síkúnkuvi rán tu̱ꞌun ley kúñáꞌnú ka̱ꞌ tátúníꞌ Cristo, ya̱ káchíꞌ sánikua̱ꞌ káchíꞌ Tu̱ꞌun Ndiosíꞌ ya̱ níso nu̱u̱nꞌ Tutuꞌ Ííꞌ ya̱ naní Escritura: “Íyó kunu̱u̱nꞌ nú ñanitáꞌán nú kuéntáꞌ ñúnúunꞌ nú maánú.”

1 Pedro 2:24

Chi máá Cristo nna̱kuniso yɨkɨkúñu re̱ꞌ ntáká kua̱chi sáꞌá‑ó sáá níꞌiꞌ re̱ꞌ nu̱u̱nꞌ kurúsiꞌ, sáva kuviꞌ‑ó nu̱u̱nꞌ kua̱chi‑ó kene‑ó nu̱u̱nꞌ kua̱chi‑ó jee sáva nakueꞌnu‑ó ichi jiáꞌnu na̱a̱ꞌ. Chi jie̱ꞌe̱ꞌ nu̱u̱nꞌ ntúfiꞌ re̱ꞌ vá, yukuán núváꞌa‑ó sííyo re̱ꞌ kua̱chi‑ó.

2 Pedro 2:21

Chi va̱ꞌa ka̱ꞌ kuvi ráa retánꞌ sukuán jee ntu níníꞌ ráa ichi na̱a̱ꞌ jie̱ꞌe̱ꞌ Jesús nékúvi, nsú káꞌ niniꞌ ráa maa jee nxi̱nóo ráa maa nni̱kóyátá ráa nu̱u̱nꞌ tu̱ꞌun ííꞌ ya̱ nta̱túníꞌ Ndiosíꞌ ya̱ kúvi tu̱ꞌun ya̱ nníꞌinꞌ ráa.

2 Pedro 3:2

sáva naku̱ꞌun iniꞌ rán rá tu̱ꞌun ya̱ nkachiꞌ ya̱chi̱ꞌ rá te̱e nyɨ̱tíñú nu̱u̱nꞌ Ndiosíꞌ ya̱ nna̱kani ráa tu̱ꞌun nkene yuꞌú máá maá Ndiosíꞌ ne̱ yanaꞌán, jee sáva naku̱ꞌun iniꞌ rán rá tu̱ꞌun ya̱ nkachiꞌ rá te̱e níso ráa tiñu apóstol ya̱ nchu̱ichí Cristo ráa nu̱u̱nꞌ ránoꞌó sáva nna̱kani ráa rá tu̱ꞌun ya̱ nta̱túníꞌ re̱ꞌ. Jee maáréꞌ ví I̱toꞌoꞌ‑ó jee nátavaꞌ re̱ꞌ yó nu̱u̱nꞌ kua̱chi‑ó xinánitáꞌvíꞌ re̱ꞌ yó.

1 Juan 4:21

Jee tu̱ꞌun yaꞌá nta̱túníꞌ Jesús nu̱u̱nꞌ‑ó ya̱: ɨɨn ñɨvɨ ya̱ ñúnúunꞌ‑u Ndiosíꞌ, jee suni kunu̱u̱nꞌ‑u ñanitáꞌán‑a.