Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Gálatas 6:1 - Mixteco del suroeste de Tlaxiaco Oaxaca

1 Ránoꞌó ñaniꞌ, ré ɨɨn táꞌán rán nkininkava nu̱u̱nꞌ kua̱chi, suvirán ya̱ sáꞌá sáni kuíni Ta̱chi̱ꞌ Ííꞌ Ndiosíꞌ, jee nachuꞌun tuku rán máá ichi váꞌa. Kaꞌanꞌ másúꞌ iniꞌ rán jín‑i. Jee nito koo rán maárán, sáva nsíkúvi iniꞌ rán nu̱u̱nꞌ kua̱chi vá.

အခန်းကိုကြည့်ပါ။ ကော်ပီ




Gálatas 6:1
41 ပူးပေါင်းရင်းမြစ်များ  

Chiꞌi rán maárán xi̱ntíín ni̱ꞌ, ya̱ kúvi‑i kuéntáꞌ chísó rán yugo ni̱ꞌ ránoꞌó, jee kutu̱ꞌva rán ya̱ xinéꞌénꞌ ni̱ꞌ ránoꞌó. Chi másúꞌ iniꞌ ni̱ꞌ, jee ñúꞌún láꞌví iniꞌ ni̱ꞌ, jee sukuán jee ni̱ꞌi̱nꞌ rán ya̱ najia̱ví ánímaꞌ rán saꞌá ni̱ꞌ.


Jee ni nééꞌ Pedro chíkéꞌi iniꞌ veꞌi, jee ña̱kuyatin ɨɨn ñaꞌan kúvi musúꞌ sátíñú veꞌi yukuán, jee nkachiꞌ ña nu̱u̱nꞌ re̱ꞌ: ―Suni noꞌó ranika̱ꞌ kútáꞌán nú jín Jesús te̱e ñuunꞌ Galilea ―nkachiꞌ ña.


Saájee nna̱ku̱ꞌun iniꞌ Pedro tu̱ꞌun ya̱ nkachiꞌ Jesús nu̱u̱nꞌ re̱ꞌ ya̱: “Ne̱ ntiáꞌan ka̱ꞌ kana stóꞌo, jee ya̱ uníꞌ íchí kachiꞌ nú ya̱ ntu̱ví jíníꞌ nú nuꞌuꞌ”, jee nkene re̱ꞌ chíkéꞌi, jee nnaꞌyuꞌ víꞌí re̱ꞌ ya̱ maa nnu̱kuíꞌyáꞌ iniꞌ re̱ꞌ.


Kuáꞌán rán, jee kutu̱ꞌva rán ná kúníꞌ káchíꞌ tu̱ꞌun yaꞌá ya̱ níso nu̱u̱nꞌ Tutuꞌ Ííꞌ ya̱ káchíꞌ Ndiosíꞌ suꞌva: “Kuíni ni̱ꞌ ya̱ kunáꞌví iniꞌ rán ñanitáꞌán rán, jee nsú ya̱ so̱ko̱ꞌ rán rá sa̱na̱ꞌ nu̱u̱nꞌ ni̱ꞌ.” Chisaꞌ nsáꞌ váji ni̱ꞌ kana ni̱ꞌ rá ñɨvɨ na̱a̱ꞌ sáva ki̱vɨ ráa nu̱u̱nꞌ Ndiosíꞌ, chisaꞌ va̱ji ni̱ꞌ kana ni̱ꞌ rá ñɨvɨ íyó kua̱chi sáva nakani iniꞌ ráa jee ki̱vɨ ráa naꞌá Ndiosíꞌ ―nkachiꞌ Jesús.


Jee koo ma̱ni̱ꞌ rán nu̱u̱nꞌ rá ñɨvɨ ya̱ táyáꞌ iniꞌ ráa nu̱u̱nꞌ ya̱ kúneí iniꞌ ráa Cristo. Jee koto síjíta rán ráa jie̱ꞌe̱ꞌ ya̱ sɨ́ɨ́n sɨ́ɨ́n jiáni iniꞌ ráa.


Saájee rá yó ya̱ jíjia ka̱ꞌ iniꞌ‑ó kúneí iniꞌ‑ó Ndiosíꞌ jie̱ꞌe̱ꞌ ya̱ kuíni re̱ꞌ ya̱ saꞌá‑ó, jee íyó keꞌneꞌ iniꞌ‑ó nu̱u̱nꞌ rá ñanitáꞌán‑ó ya̱ táyáꞌ iniꞌ ráa kúneí iniꞌ ráa re̱ꞌ. Jee koto sáꞌá‑ó sáni kua̱chi kúváꞌa iniꞌ maáó ni.


Chi rá ñɨvɨ túví ráa antúníꞌ ráa nu̱u̱nꞌ ya̱ níyo iniꞌ ráa jín yɨkɨkúñu ráa, ya̱ ntu yɨ́tíñú ráa nu̱u̱nꞌ Ndiosíꞌ, jee sáꞌá‑a ya̱ naanꞌ ráa kuéntáꞌ jíꞌíꞌ ráa nu̱u̱nꞌ Ndiosíꞌ. Soo rá ñɨvɨ túví ráa antúníꞌ ráa nu̱u̱nꞌ ya̱ kuíni Ta̱chi̱ꞌ Ííꞌ Ndiosíꞌ jee sáꞌá‑a ya̱ kutekuꞌ ráa jín Ndiosíꞌ jee va̱ꞌa kúvi iniꞌ ráa.


Jee saáva ɨɨn ñɨvɨ ya̱ jiáni iniꞌ‑i ya̱ íñɨ́ ni̱ꞌin‑i jín tu̱ꞌun I̱toꞌoꞌ‑ó, soo kumí‑i maáa nsuñájee kininkava‑a nu̱u̱nꞌ kua̱chi.


Retú ɨɨn ñɨvɨ jiáni iniꞌ re̱ꞌ ya̱ kúvi re̱ꞌ ɨɨn te̱e nákani tu̱ꞌun kéne yuꞌú Ndiosíꞌ, áxí jiáni iniꞌ re̱ꞌ ya̱ nníꞌinꞌ re̱ꞌ ɨɨn ta̱ꞌvi̱ꞌ ya̱ njia̱ꞌa Ta̱chi̱ꞌ Ííꞌ sáá sáꞌá re̱ꞌ, soo íyó tɨɨn kuéntáꞌ re̱ꞌ ya̱ rá tu̱ꞌun tée ni̱ꞌ yaꞌá nu̱u̱nꞌ rán, kúvi rá tu̱ꞌun ya̱ nta̱túníꞌ maá I̱toꞌoꞌ‑ó nu̱u̱nꞌ‑ó.


Soo ñɨvɨ yɨ́ꞌɨ́ xi̱ntíín Ta̱chi̱ꞌ Ííꞌ Ndiosíꞌ jee nánukútúꞌun ñɨvɨ vá kunuún iniꞌ‑i jín nɨꞌɨ tu̱ꞌun váꞌa va̱ji nu̱u̱nꞌ re̱ꞌ. Soo ni ɨɨn ñɨvɨ ya̱ ntu yɨ́ꞌɨ́ xi̱ntíín Ta̱chi̱ꞌ Ííꞌ re̱ꞌ ntu kúvi ki̱ku̱ꞌun iniꞌ‑i jie̱ꞌe̱ꞌ ñɨvɨ ya̱ yɨ́ꞌɨ́ xi̱ntíín Ta̱chi̱ꞌ Ííꞌ re̱ꞌ sáva sijíta‑a ráa.


Jee ñaniꞌ jín ku̱ꞌva, káchíꞌ ni̱ꞌ nu̱u̱nꞌ ránoꞌó ya̱ ntu̱ví nkúvi kaꞌanꞌ ni̱ꞌ jín rán kuéntáꞌ káꞌánꞌ ni̱ꞌ jín rá ñɨvɨ ya̱ yɨ́ꞌɨ́ xi̱ntíín Ta̱chi̱ꞌ Ííꞌ Ndiosíꞌ, chisaꞌ íyó kaꞌanꞌ ni̱ꞌ jín rán kuéntáꞌ ñɨvɨ ya̱ jiáni iniꞌ kuéntáꞌ rá ñɨvɨ ñɨ̱vɨ́. Íyó kaꞌanꞌ ni̱ꞌ jín rán kuéntáꞌ jín rá súchí lúlí ya̱ ntiáꞌan kujia iniꞌ rán jín tu̱ꞌun Cristo.


Áxí, ¿ná kúvi ya̱ kuíni rán ya̱ va̱ꞌa ka̱ꞌ rúja? ¿Á kuíni rán ya̱ kua̱jiaaꞌ néꞌyá ni̱ꞌ ránoꞌó jee kuxeenꞌ ni̱ꞌ nu̱u̱nꞌ rán, áxí ya̱ kaꞌanꞌ ñunkúún ni̱ꞌ jín rán jín tu̱ꞌun káꞌánꞌ másúꞌ iniꞌ rúja?


Jee saáva koto kúsáꞌán rán maárán nu̱u̱nꞌ te̱e kúvi yɨɨ́ rán, áxí nu̱u̱nꞌ ñaꞌan ya̱ kúvi ñasɨ́ꞌɨ́ rán. Kua̱chi retú natúꞌún ni núvíꞌ rán ya̱ nsáꞌ nune̱ꞌén rán yakuꞌ tiempúꞌ sáva kɨtíñú rán nu̱u̱nꞌ kaꞌanꞌ rán jín Ndiosíꞌ. Jee kuíre natuꞌva tuku rán táꞌán rán, sáva ntu sikúvi Satanás iniꞌ rán jee kusi̱kɨ́ iniꞌ rán jie̱ꞌe̱ꞌ kumaniꞌ rán nakeꞌen rán maárán.


Nuꞌuꞌ Pablo jíkánꞌ táꞌvíꞌ ni̱ꞌ nu̱u̱nꞌ ránoꞌó jee másúꞌ káꞌánꞌ ni̱ꞌ jee káꞌánꞌ vi̱tá ni̱ꞌ kuéntáꞌ káꞌánꞌ Cristo. Jee ñɨvɨ káꞌvi ni káchíꞌ ya̱ sáá nééꞌ ni̱ꞌ jín rán jee ñúꞌún láꞌví iniꞌ ni̱ꞌ, soo sáá íyó íká ni̱ꞌ nu̱u̱nꞌ rán jee ñúꞌún tiɨ́kɨ́ iniꞌ ni̱ꞌ káꞌánꞌ ni̱ꞌ jín ránoꞌó, sáá tée ni̱ꞌ nu̱u̱nꞌ tutuꞌ nu̱u̱nꞌ rán.


Jee saáva, íyó va̱ꞌa ka̱ꞌ ya̱ íyó kunekáꞌnú iniꞌ rán kune̱ꞌyá rán ñɨvɨ vá, jee nasaváꞌa rán iniꞌ‑i, sáva nkúneí tu̱nkuéká iniꞌ‑i jín‑i.


Jee saáva náxiníꞌvɨ́ꞌ ni̱ꞌ iniꞌ rán, ya̱ nástúvi na̱a̱ꞌ rán ya̱ ñúnúunꞌ nijia rán maa.


másúꞌ iniꞌ ráa, nákeꞌen ráa maáráa. Ntu íyó ni ɨɨn ley ya̱ chikua̱chi si̱kɨ̱ꞌ ñɨvɨ sáꞌá rá tiñu yaꞌá.


Ránoꞌó ñaniꞌ, na̱ ka̱ꞌ koo ma̱ni̱ꞌ iniꞌ I̱toꞌoꞌ‑ó Jesús ka̱ꞌ jín rán, ya̱ kúvi re̱ꞌ Cristo. Sukuán koo. Amén.


Jee ntañúꞌún kaꞌanꞌ ráníꞌ jie̱ꞌe̱ꞌ inka ka̱ꞌ tiñu. Ránoꞌó, ñaniꞌ jín ku̱ꞌva, jee jie̱ꞌe̱ꞌ yɨ́ꞌɨ́ ráníꞌ nu̱u̱nꞌ I̱toꞌoꞌ‑ó Jesús jee jíkánꞌ táꞌvíꞌ ránꞌ nu̱u̱nꞌ ránoꞌó jee xíníꞌvɨ́ꞌ ránꞌ iniꞌ ránoꞌó, ya̱ kukueꞌeꞌ víꞌí ka̱ꞌ kaka rán sánikua̱ꞌ nxi̱néꞌénꞌ ránꞌ ránoꞌó na̱sa íyó kaka rán sáva kuva̱ꞌa iniꞌ Ndiosíꞌ kune̱ꞌyá re̱ꞌ na̱sa jíka rán, sánikua̱ꞌ ya jiáꞌnu rán.


Soo koto ñúꞌún iniꞌ rán kuéntáꞌ retánꞌ tu̱fi̱ꞌ ta̱ꞌán‑a jín rán, jee nakutíñú rán nu̱u̱nꞌ‑u kuéntáꞌ ɨɨn ñaniꞌ.


jee íyó koo másúꞌ iniꞌ‑i sáá nachuꞌun‑u ichi váꞌa rá ñɨvɨ núníꞌin jín tu̱ꞌun na̱a̱ꞌ. Sa̱naanꞌ ku̱ꞌva Ndiosíꞌ nakani iniꞌ ráa, ne̱ kenta kukáꞌnú iniꞌ ráa tu̱ꞌun na̱a̱ꞌ.


Jee kɨ̱ꞌɨ̱nꞌ rán nukú rán nakunikɨnꞌ rán ichi na̱a̱ꞌ váꞌa sáva ntu kúvi rán kuéntáꞌ te̱e lénkó ya̱ yaꞌá yukuán chúꞌun‑u jie̱ꞌe̱ꞌ‑e jee nataꞌnu jie̱ꞌe̱ꞌ‑e. Chisaꞌ nuvi rán sáva nakaka na̱a̱ꞌ rán.


Jee naku̱ꞌun iniꞌ rán chineí rán rá ñɨvɨ yɨ́ꞌɨ́ veka̱a, kuéntáꞌ retánꞌ ne̱ jíꞌín rán yɨ́ꞌɨ́ veka̱a jín ráa. Jee suni chineí rán rá ñanitáꞌán rán ya̱ sáꞌá kini rá ñɨvɨ ráa, kuéntáꞌ kua̱ꞌ retánꞌ maárán ví ya̱ nóꞌo maa.


¿Né ɨɨn ñɨvɨ vá níchí nteñu rán, jín ya̱ jiáku̱ꞌun víꞌí iniꞌ‑i? Íyó stúvi ñɨvɨ vá maa jie̱ꞌe̱ꞌ ya̱ jíka va̱ꞌa‑a jín rá tiñu váꞌa sáꞌá‑a ya̱ va̱ji ne̱ nu̱u̱nꞌ másúꞌ iniꞌ‑i jie̱ꞌe̱ꞌ ya̱ níchí‑i nu̱u̱nꞌ Ndiosíꞌ.


Chi kue̱ꞌe̱ꞌ nu̱u̱nꞌ jiáꞌa víꞌí sáꞌá nta̱ká‑ó. Jee retú néni ɨɨn ñɨvɨ ntu jiáꞌa sáꞌá jín tu̱ꞌun ya̱ káchíꞌ‑i, saájee suvi‑i kúvi ɨɨn ñɨvɨ jíjia iniꞌ sáꞌá na̱a̱ꞌ‑a, ya̱ kúvi nákeꞌen‑e maáa.


Chisaꞌ ne̱ ánímaꞌ rán íyó chiñúꞌún rán Cristo jee íyó ku̱ꞌvayuꞌú rán ya̱ kúvi re̱ꞌ I̱toꞌoꞌ rán, jee sukuáni íyó satúꞌva rán maárán sáva naxiníkó váꞌa rán nu̱u̱nꞌ ntáká ñɨvɨ ya̱ jíkátu̱ꞌún‑u ránoꞌó jie̱ꞌe̱ꞌ ya̱ váꞌa ya̱ nétu rán íyó tu̱neí iniꞌ rán ya̱ saꞌá Cristo jín rán.


Retú néni ɨɨn rán néꞌyá‑a ya̱ sáꞌá ɨɨn ñanitáꞌán‑a kua̱chi, ya̱ nsáꞌ sáꞌá kua̱chi vá ya̱ koo kuéntáꞌ kuviꞌ ñanitáꞌán vá nu̱u̱nꞌ Ndiosíꞌ, jee ka̱ka̱nꞌ táꞌvíꞌ‑i nu̱u̱nꞌ Ndiosíꞌ jie̱ꞌe̱ꞌ ñanitáꞌán vá. Jee Ndiosíꞌ saꞌá ya̱ koo kuéntáꞌ natekuꞌ ñanitáꞌán vá nu̱u̱nꞌ re̱ꞌ, retú ntu kúvi kua̱chi ya̱ ni̱ꞌi̱nꞌ ñanitáꞌán vá ya̱ kuviꞌ‑i nu̱u̱nꞌ re̱ꞌ. Chi íyó kua̱chi ya̱ jíꞌíꞌ ñɨvɨ nu̱u̱nꞌ Ndiosíꞌ. Jee nsáꞌ káchíꞌ ni̱ꞌ ya̱ ka̱ka̱nꞌ táꞌvíꞌ rán jie̱ꞌe̱ꞌ rá ñɨvɨ ya̱ sáꞌá kua̱chi yaꞌá.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ