Gálatas 5:6 - Mixteco del suroeste de Tlaxiaco Oaxaca6 Chi ntáká‑ó ya̱ yɨ́ꞌɨ́‑ó nu̱u̱nꞌ Cristo Jesús, ntu̱náꞌ íyótiñu koo circuncidado maáó, áxí ntu̱ví. Soo ya̱ yɨ́yáꞌvi ka̱ꞌ vá kúneí iniꞌ‑ó Jesús, jee ya̱ kúneí iniꞌ‑ó maa sáꞌá ya̱ kunu̱u̱nꞌ‑ó táꞌán‑ó. အခန်းကိုကြည့်ပါ။ |
Jee saáva ntu̱náꞌ ítú iniꞌ retú ntu kúvi‑ó ñɨvɨ Israel, áxí kúvi‑ó ñɨvɨ Israel, retú níso yɨkɨkúñu‑ó seña ñɨvɨ Israel naní circuncisión, áxí ntu níso‑ó maa, retú kúvi‑ó rá to̱ꞌo̱ꞌ, áxí ñɨvɨ ñuunꞌ láꞌví, retú kúvi‑ó musúꞌ ya̱ kéꞌen ñɨvɨ maa, áxí ñɨvɨ ya̱ yɨ́tíñú nu̱u̱nꞌ tiñu maáa. Chi I̱toꞌoꞌ kua̱íyó kuitɨꞌ‑ó ví Cristo, jee yɨ́ꞌɨ́ re̱ꞌ iniꞌ kua̱íyó kuitɨꞌ‑ó.
Chi yɨ́táꞌán xínákúꞌun ráníꞌ iniꞌ Tátáꞌ‑ó Ndiosíꞌ jie̱ꞌe̱ꞌ tiñu váꞌa sáꞌá ránoꞌó, chi kúneí iniꞌ rán Cristo, jín jie̱ꞌe̱ꞌ ya̱ níkó néí rán sáꞌá rán ya̱ váꞌa, chi ñúnúunꞌ rán re̱ꞌ, jín jie̱ꞌe̱ꞌ ya̱ kúníꞌin íñɨ́ ni̱ꞌin rán jín re̱ꞌ, chi íyó tu̱neí iniꞌ rán ya̱ váꞌa sáꞌá I̱toꞌoꞌ‑ó Jesús ya̱ kúvi Cristo jín rán.
Jee Abraham ni̱nu̱ꞌ iniꞌ re̱ꞌ nku̱neí iniꞌ re̱ꞌ Ndiosíꞌ, sáá nkana Ndiosíꞌ re̱ꞌ, jee nka̱níjiá re̱ꞌ sáva kɨ̱ꞌɨ̱nꞌ re̱ꞌ ɨɨn nu̱u̱nꞌ kúvi nu̱u̱nꞌ ku̱ꞌva Ndiosíꞌ nu̱u̱nꞌ re̱ꞌ kuvi ta̱ꞌvi̱ꞌ re̱ꞌ maa. Jee nkene re̱ꞌ ñuunꞌ re̱ꞌ jee kua̱ꞌa̱nꞌ re̱ꞌ yukuán, súka̱ꞌ ntu̱ví jíníꞌ re̱ꞌ né núꞌ kúvi nu̱u̱nꞌ kɨ̱ꞌɨ̱nꞌ re̱ꞌ.