Gálatas 5:2 - Mixteco del suroeste de Tlaxiaco Oaxaca

² ¡Tɨɨn kuéntáꞌ rán! Chi nuꞌuꞌ, Pablo, káchíꞌ ni̱ꞌ nu̱u̱nꞌ rán ya̱ retú saꞌá circuncidar rán maárán, sáni káchíꞌ tu̱ꞌun ley, ña̱re ntu̱náꞌ íyótiñu nu̱u̱nꞌ rán ya̱ ni̱ꞌi̱ꞌ Cristo jie̱ꞌe̱ꞌ rán.

Gálatas 5:2 ပူးပေါင်းရင်းမြစ်များ

Hechos 15:1

Kéꞌín rá te̱e va̱ji ne̱ Judea jee ntiaaꞌ ráa Antioquía. Jee xínéꞌénꞌ ráa rá ñaniꞌ kúneí iniꞌ Jesús ya̱: “Nsáꞌ nánitáꞌvíꞌ rán, ré ntu sáꞌá circuncidar rán maárán sánikua̱ꞌ ñujiínꞌ njiáꞌa nu̱u̱nꞌ Moisés ñakɨnꞌ re̱ꞌ.”

Hechos 15:24

’Nteso̱ꞌo ránꞌ ya̱ sava rá táꞌán ráníꞌ nkene ráa nteñu ránuꞌuꞌ kua̱ne̱ꞌyá ráa ránoꞌó jee nxtaña̱ꞌán ráa ránoꞌó jín tu̱ꞌun ráa, jee nku̱naanꞌ rán nsa̱ꞌá ráa. Soo ntu̱náꞌ tiñu njia̱ꞌa ráníꞌ nu̱u̱nꞌ ráa.

Hechos 15:5

Soo nna̱kuiñɨꞌ kéꞌín rá te̱e kúneí iniꞌ Jesús, ya̱ yɨ́ꞌɨ́ ñujiínꞌ fariseo, jee nkachiꞌ ráa: ―Íyó saꞌá circuncidar‑ó ráa, jee íyó tatúníꞌ‑ó ya̱ sikúnkuvi ráa tu̱ꞌun ley nta̱túníꞌ Ndiosíꞌ, ya̱ njiáꞌa re̱ꞌ nu̱u̱nꞌ Moisés.

1 Corintios 16:21

Nuꞌuꞌ Pablo, tée ni̱ꞌ tu̱ꞌun káva̱ꞌa yaꞌá kua̱jiaaꞌ nu̱u̱nꞌ ránoꞌó jín naꞌá maáníꞌ.

2 Corintios 10:1

Nuꞌuꞌ Pablo jíkánꞌ táꞌvíꞌ ni̱ꞌ nu̱u̱nꞌ ránoꞌó jee másúꞌ káꞌánꞌ ni̱ꞌ jee káꞌánꞌ vi̱tá ni̱ꞌ kuéntáꞌ káꞌánꞌ Cristo. Jee ñɨvɨ káꞌvi ni káchíꞌ ya̱ sáá nééꞌ ni̱ꞌ jín rán jee ñúꞌún láꞌví iniꞌ ni̱ꞌ, soo sáá íyó íká ni̱ꞌ nu̱u̱nꞌ rán jee ñúꞌún tiɨ́kɨ́ iniꞌ ni̱ꞌ káꞌánꞌ ni̱ꞌ jín ránoꞌó, sáá tée ni̱ꞌ nu̱u̱nꞌ tutuꞌ nu̱u̱nꞌ rán.

Gálatas 5:11

Soo, ránoꞌó ñaniꞌ, réáꞌ stékútu̱ꞌún i̱i̱ꞌ ni̱ꞌ, nékúvi, ya̱ íyó sáꞌá circuncidar‑ó, ¿na̱ kuvi chi jíto u̱ꞌvi̱ꞌ i̱i̱ꞌ rá ñɨvɨ ñuunꞌ Israel nuꞌuꞌ? Chi réáꞌ stékútu̱ꞌún i̱i̱ꞌ ni̱ꞌ suꞌva, nékúvi, jee nkóo ka̱ꞌ tu̱ꞌun kuníní ka̱ꞌ iniꞌ ráa, nékúvi, jie̱ꞌe̱ꞌ tu̱ꞌun ya̱ Jesús ni̱ꞌi̱ꞌ nu̱u̱nꞌ kurúsiꞌ sáva saꞌá re̱ꞌ ya̱ nánitáꞌvíꞌ‑ó.

Gálatas 5:6

Chi ntáká‑ó ya̱ yɨ́ꞌɨ́‑ó nu̱u̱nꞌ Cristo Jesús, ntu̱náꞌ íyótiñu koo circuncidado maáó, áxí ntu̱ví. Soo ya̱ yɨ́yáꞌvi ka̱ꞌ vá kúneí iniꞌ‑ó Jesús, jee ya̱ kúneí iniꞌ‑ó maa sáꞌá ya̱ kunu̱u̱nꞌ‑ó táꞌán‑ó.

1 Tesalonicenses 2:18

Saáva nkaꞌvi iniꞌ ránꞌ kɨ̱ne̱ꞌyá ránꞌ ránoꞌó. Jee nuꞌuꞌ, Pablo, nkaꞌvi iniꞌ ni̱ꞌ kɨ̱ne̱ꞌyá ni̱ꞌ ránoꞌó, ɨɨn u̱vi̱ꞌ íchí, soo ñasɨꞌ Satanás nu̱u̱nꞌ nuꞌuꞌ.

Filemón 1:19

Nuꞌuꞌ, Pablo, tée ni̱ꞌ rá tu̱ꞌun yaꞌá jín naꞌá maáníꞌ sáva stúvi ya̱ nááꞌ ya̱ maáníꞌ chunáán maa. Jee ntu jíniñúꞌún ni̱ꞌ naxinákúꞌun ni̱ꞌ iniꞌ nú ya̱ noꞌó táyáꞌvi maánú nu̱u̱nꞌ ni̱ꞌ [chi ntaji ni̱ꞌ tu̱ꞌun váꞌa Jesús nu̱u̱nꞌ nú jee nni̱ꞌi̱nꞌ nú ya̱ natavaꞌ re̱ꞌ noꞌó nu̱u̱nꞌ kua̱chi nú nsi̱káku re̱ꞌ noꞌó].

Filemón 1:9

Soo jie̱ꞌe̱ꞌ ñúnúunꞌ táꞌán‑ó, jee káꞌvi iniꞌ ni̱ꞌ va̱ꞌa ka̱ꞌ jíkánꞌ táꞌvíꞌ ni̱ꞌ ɨɨn tu̱ꞌun kákua̱chi nu̱u̱nꞌ nú. Jee nuꞌuꞌ, Pablo, ya̱ kúvi ni̱ꞌ ɨɨn jííꞌ jee suni vitan yɨ́ꞌɨ́ ni̱ꞌ veka̱a jie̱ꞌe̱ꞌ tiñu Jesús ya̱ kúvi Cristo,

Hebreos 4:2

Chi suni nu̱u̱nꞌ maáó ranika̱ꞌ nkachitu̱ꞌún jie̱ꞌe̱ꞌ tu̱ꞌun váꞌa kuéntáꞌ kua̱ꞌ nkachiꞌ maa nu̱u̱nꞌ rá ñɨvɨ vá ne̱ yanaꞌán. Soo ntu nníꞌínꞌ ti̱ñú tu̱ꞌun vá nu̱u̱nꞌ ráa súka̱ꞌ nteso̱ꞌo ráa maa, chi maáráa ya̱ nteso̱ꞌo ráa maa, jee ntu̱ví nínúꞌ iniꞌ ráa maa.