Gálatas 4:3 - Mixteco del suroeste de Tlaxiaco Oaxaca

³ Jee suni sukuán nnoꞌo‑ó ne̱ ntiáꞌan kuniꞌ‑ó Jesús, jee nkuvi‑ó kuéntáꞌ ɨɨn te̱e lúlí, chi nyɨ̱ꞌɨ‑ó chi̱ji xi̱ntíín rá ñujiínꞌ sáꞌá ka̱ꞌá ñɨvɨ ñɨ̱vɨ́, kuéntáꞌ ɨɨn musúꞌ kéꞌen ñɨvɨ nkuvi‑ó.

Gálatas 4:3 ပူးပေါင်းရင်းမြစ်များ

Mateo 11:28

’Neꞌenꞌ nu̱u̱nꞌ ni̱ꞌ ntáká ránoꞌó ya̱ kuítá rán jín ya̱ níꞌi rá tiñu véi si̱kɨ̱ꞌ ránoꞌó, jee xinájiávi ni̱ꞌ ánímaꞌ ránoꞌó.

Juan 8:31

Saájee nkachiꞌ Jesús nu̱u̱nꞌ rá ñɨvɨ Israel ya̱ nínuꞌ iniꞌ ráa re̱ꞌ: ―Retú kɨꞌɨ ni̱ꞌin rán nu̱u̱nꞌ rá tu̱ꞌun ya̱ xínéꞌénꞌ ni̱ꞌ ránoꞌó, saájee kúvi nijia rán ñɨvɨ ya̱ súkuáꞌa ni̱ꞌ ránoꞌó.

Hechos 15:10

Saájee, ¿na̱kui chi kénta rán si̱kɨ̱ꞌ ya̱ sáꞌá Ndiosíꞌ, sáva síkítɨ́ꞌ rán iniꞌ re̱ꞌ? Chi jiáꞌa rán ɨɨn tiñu véi nasɨ́kuitɨꞌ nu̱u̱nꞌ rá ñɨvɨ níkɨ́nꞌ ñujiínꞌ Jesús, ya̱ ntu nkúvi kuniso‑ó maa ni rá tátáꞌ‑ó yanaꞌán.

Romanos 7:14

Chi jíníꞌ‑ó ya̱ va̱ji ley nu̱u̱nꞌ Ta̱chi̱ꞌ Ííꞌ, jee nuꞌuꞌ kúvi ni̱ꞌ ñɨvɨ ñunéꞌyúꞌ, ya̱ yɨ́ꞌɨ́ ni̱ꞌ xi̱ntíín kua̱chi kuéntáꞌ kúvi ni̱ꞌ musúꞌ ya̱ nkuya̱ꞌvi.

Romanos 8:15

Chi nsáꞌ nníꞌinꞌ rán ɨɨn ta̱chi̱ꞌ ya̱ sáꞌá‑a ya̱ kuvi tuku rán kuéntáꞌ musúꞌ kéꞌen ñɨvɨ ya̱ yɨ́ꞌɨ́ rán xi̱ntíín nu̱u̱nꞌ chuyúꞌví iniꞌ rán. Chisaꞌ nni̱ꞌi̱nꞌ rán Ta̱chi̱ꞌ Ííꞌ ya̱ nákeꞌen re̱ꞌ yó nuvi‑ó se̱ꞌya Ndiosíꞌ. Jee Ta̱chi̱ꞌ Ííꞌ yaꞌá sáꞌá ya̱ káchíꞌ‑ó nu̱u̱nꞌ Ndiosíꞌ: “¡Tááꞌ ni̱ꞌ!”

2 Corintios 11:20

Chi yɨ́netuꞌ rán jiéꞌnéꞌ iniꞌ rán nu̱u̱nꞌ ráa retú néni ɨɨn ñɨvɨ chíꞌi‑i ránoꞌó xi̱ntíín‑i kuéntáꞌ musúꞌ saɨn kéꞌen ñɨvɨ, retú néni ɨɨn ñɨvɨ xínɨ́ꞌɨ‑ɨ ránoꞌó jín nantíñú rán, retú néni ɨɨn ñɨvɨ nééꞌ nu̱u̱nꞌ‑u ránoꞌó jie̱ꞌe̱ꞌ rá nantíñú rán, retú néni ɨɨn ñɨvɨ sáꞌá ñáꞌnú‑u maáa, retú néni ɨɨn ñɨvɨ kátúꞌ‑u nu̱u̱nꞌ rán.

Gálatas 2:4

Nku̱tútú sɨ́ɨ́n ránꞌ suꞌva, chi nki̱vɨ te̱e káꞌvi ni ya̱ káchíꞌ ráa nika̱ꞌ ya̱ kúvi ráa ñaniꞌ‑ó. Nki̱vɨ yuꞌuꞌ ráa nteñu‑ó, sáva kune̱ꞌyá yuꞌuꞌ ráa jie̱ꞌe̱ꞌ ya̱ íñɨ́ núne‑ó nu̱u̱nꞌ ñujiínꞌ sáꞌá rá ñɨvɨ Israel, chi yɨ́ꞌɨ́‑ó nu̱u̱nꞌ Cristo Jesús. Sáꞌá ráa suꞌva sáva nanukú ráa ya̱ sikúnkuvi‑ó ñujiínꞌ vá jee nuvi tuku‑ó musúꞌ ya̱ kɨꞌɨ‑ó chi̱ji xi̱ntíín ñujiínꞌ vá.

Gálatas 3:19

Saájee, ¿na̱ jie̱ꞌe̱ꞌ njia̱ꞌa Ndiosíꞌ ley nu̱u̱nꞌ Moisés? Íyótiñu‑u chi nna̱chisó re̱ꞌ vá sáva nastúvi‑i kua̱chi sáꞌá rá ñɨvɨ, saáchi jiáꞌa ráa nu̱u̱nꞌ ya̱ káchíꞌ ley vá ya̱ nta̱túníꞌ Ndiosíꞌ. Jee suꞌva nna̱stúvi ley maa ne̱ nkenta Jesús, ya̱ kúvi se̱ꞌya ichiyúkúnꞌ, ya̱ nchi̱sóyuꞌú Ndiosíꞌ ya̱ kene ne̱ nu̱u̱nꞌ Abraham. Jee Ndiosíꞌ njia̱ꞌa ley nu̱u̱nꞌ rá najiáꞌáꞌ re̱ꞌ, sáva ku̱ꞌva ráa maa nu̱u̱nꞌ Moisés, sáva nakani re̱ꞌ maa nu̱u̱nꞌ rá ñɨvɨ Israel, chi íñɨ́ re̱ꞌ ma̱ꞌñú Ndiosíꞌ jín ráa sáva kaꞌanꞌ re̱ꞌ jín Ndiosíꞌ jín ráa.

Gálatas 4:2

Chi yɨ́ꞌɨ́ re̱ꞌ chi̱ji xi̱ntíín rá ñɨvɨ ya̱ kúmí ráa re̱ꞌ, jee rá nantíñú re̱ꞌ yɨ́ꞌɨ́ chi̱ji xi̱ntíín rá ñɨvɨ ya̱ néen kuéntáꞌ maa, ne̱ kenta ki̱vɨ̱ꞌ ñani tátáꞌ re̱ꞌ.

Gálatas 4:24

Nakani ni̱ꞌ ɨɨn tu̱ꞌun ya̱ kúnkunuún káꞌánꞌ ni̱ꞌ jie̱ꞌe̱ꞌ rá u̱vi̱ꞌ ñaꞌan yaꞌá. Núvíꞌ rá ñaꞌan kúvi ráa kuéntáꞌ u̱vi̱ꞌ tratúꞌ nsa̱ꞌá Ndiosíꞌ. Ɨɨn ñaꞌan naní Agar kúvi ña musúꞌ nkeꞌen ñɨvɨ ya̱ nyɨ̱ꞌɨ ña xi̱ntíín Abraham, jee kúvi ña kuéntáꞌ tratúꞌ ya̱ kúvi tu̱ꞌun ley nta̱túníꞌ Ndiosíꞌ ya̱ njia̱ꞌa re̱ꞌ nu̱u̱nꞌ Moisés nu̱u̱nꞌ yuku Sinaí. Rá ñɨvɨ yɨ́ꞌɨ́ xi̱ntíín tratúꞌ vá kúvi ráa musúꞌ sátíñú saɨn ya̱ yɨ́ꞌɨ́ ráa xi̱ntíín tu̱ꞌun ley vá kuéntáꞌ se̱ꞌya ña nkuvi musúꞌ nkeꞌen ñɨvɨ.

Gálatas 4:25

Chi Agar kúvi kuéntáꞌ yuku Sinaí ya̱ íñɨ́ nu̱u̱nꞌ ñuꞌun Arabia. Jee suni kúvi ña kuéntáꞌ ñuunꞌ Jerusalén ya̱ íyó‑o vitan. Chi rá se̱ꞌya ñuunꞌ vá kúvi ráa musúꞌ sátíñú saɨn ya̱ yɨ́ꞌɨ́ ráa chi̱ji xi̱ntíín tu̱ꞌun ley vá ya̱ nta̱túníꞌ Ndiosíꞌ.

Gálatas 4:31

Saáva ránoꞌó ñaniꞌ, ntu kúvi‑ó kuéntáꞌ se̱ꞌya musúꞌ, chi kúvi‑ó kuéntáꞌ se̱ꞌya ñasɨ́ꞌɨ́ Abraham, ya̱ ntu kúvi ña musúꞌ.

Gálatas 4:8

Soo ne̱ ntiáꞌan kuni rán iniꞌ Ndiosíꞌ, nneñu̱ꞌun rán na̱ni kúvi ya̱ ntu kúvi ndiosíꞌ nijia. Jee sátíñú ka̱ꞌá rán nu̱u̱nꞌ ráa kuéntáꞌ ɨɨn musúꞌ kéꞌen ñɨvɨ.

Gálatas 4:9

Soo vitan re ya̱ ma̱ni̱ꞌ rán jín Ndiosíꞌ. Soo va̱ꞌa ka̱ꞌ kachiꞌ‑ó ya̱ ma̱ni̱ꞌ Ndiosíꞌ jín ránoꞌó. ¿Na̱ja kúvi ya̱ nikó rán rá ñujiínꞌ saɨn sáꞌá ñɨvɨ ñɨ̱vɨ́, ya̱ ntu íyótiñu rúja? Jee, ¿na̱ja kúvi ya̱ kuíni rán ki̱vɨ tuku rán chi̱ji xi̱ntíín ráa, sáva kuvi tuku rán ɨɨn musúꞌ ya̱ sátíñú ka̱ꞌá rán nu̱u̱nꞌ ráa rúja?

Colosenses 2:20

Jee nu̱u̱nꞌ ya̱ níꞌiꞌ rán jín Cristo nu̱u̱nꞌ kurúsiꞌ, jee ya ni̱ꞌi̱ꞌ rán nu̱u̱nꞌ rá costumbre xínéꞌénꞌ ñɨvɨ ñɨ̱vɨ́ yaꞌá, ya̱ ntu yɨ́ꞌɨ́ ráa naꞌá re̱ꞌ. Saáva, ¿na̱ kuvi chi chíꞌi rán maárán xi̱ntíín rá costumbre vá, sáva kaníjiá rán ya̱ tátúníꞌ ráa, kuéntáꞌ yɨ́ꞌɨ́ rán ñujiínꞌ ráa? Rá costumbre vá káchíꞌ kuéntáꞌ yaꞌá:

Colosenses 2:8

Nito koo rán maárán ya̱ ntɨ́ɨn ñɨvɨ ránoꞌó, ya̱ sijínúꞌ ráa iniꞌ rán jín tu̱ꞌun váji xi̱ni̱ꞌ maáráa, jín tu̱ꞌun ka̱ꞌá ya̱ xínáꞌví. Chi rá tu̱ꞌun yukuán kétáꞌán jín rá ñujiínꞌ va̱ji ya̱ta̱ꞌ, ya̱ kétáꞌán jín rá costumbre xínéꞌénꞌ ñɨvɨ ñɨ̱vɨ́ yaꞌá, ya̱ ntu yɨ́ꞌɨ́ ráa naꞌá Cristo. Jee ntu kétáꞌán rá tu̱ꞌun vá jín tu̱ꞌun jie̱ꞌe̱ꞌ Cristo.

Hebreos 5:12

Chi ya̱ va̱ji kue̱ꞌe̱ꞌ víꞌí tiempúꞌ ya̱ jíníꞌ rán Tu̱ꞌun Ndiosíꞌ, jee mestrúꞌ ya̱ kúvi rán réáꞌ sukuán ví‑i. Soo ni ntu̱ví, chisaꞌ jíniñúꞌún rán ya̱ tukuni naxinéꞌénꞌ ɨɨn ñɨvɨ ránoꞌó rá tu̱ꞌun yánká ya̱ xíꞌnañúꞌún xínéꞌénꞌ ránꞌ jie̱ꞌe̱ꞌ Tu̱ꞌun Ndiosíꞌ. Chi nkenta kúvi rán kuéntáꞌ ɨɨn nchíkɨ́n ya̱ jíniñúꞌún i̱i̱ꞌ‑i xu̱kui nsú káꞌ neyu.

Hebreos 7:16

Jee nsáꞌ nkenta Jesús kúvi re̱ꞌ su̱tu̱ꞌ jie̱ꞌe̱ꞌ ley ya̱ tátúníꞌ‑i ya̱ íyó kene ɨɨn su̱tu̱ꞌ nu̱u̱nꞌ métúꞌún ichiyúkúnꞌ Leví. Chisaꞌ kúvi re̱ꞌ su̱tu̱ꞌ jie̱ꞌe̱ꞌ níso re̱ꞌ fuersáꞌ ííꞌ níꞌin ya̱ kutekuꞌ re̱ꞌ nɨ́ɨ́nkání jee ni nsáꞌ kuviꞌ re̱ꞌ.