Gálatas 4:16 - Mixteco del suroeste de Tlaxiaco Oaxaca

¹⁶ ¿Á kénta ni̱ꞌ si̱kɨ̱ꞌ rán ya̱ káchíꞌ ni̱ꞌ ya̱ naáꞌ nu̱u̱nꞌ rán rúja? Soo ntu̱ví.

Gálatas 4:16 ပူးပေါင်းရင်းမြစ်များ

Juan 7:7

Chi rá ñɨvɨ íyó ñɨ̱vɨ́ yaꞌá, jee ntu̱ví kúvi kuꞌun táꞌvi iniꞌ ráa kune̱ꞌyá ráa ránoꞌó. Soo nuꞌuꞌ chi ñúꞌún táꞌvi iniꞌ ráa néꞌyá ráa nuꞌuꞌ, chi jiáꞌa ni̱ꞌ ya̱ naáꞌ jie̱ꞌe̱ꞌ ráa chi stúvi ni̱ꞌ ya̱ niváꞌa kúvi rá tiñu sáꞌá ráa.

Juan 8:45

Jee nuꞌuꞌ chi káchíꞌ ni̱ꞌ ya̱ naáꞌ, jee saáva ntu̱ví jínúꞌ iniꞌ rán nuꞌuꞌ.

Gálatas 2:14

Soo sáá niniꞌ ni̱ꞌ ya̱ ntu jiáꞌnu na̱a̱ꞌ ráa sáni káchíꞌ ya̱ naáꞌ tu̱ꞌun váꞌa Jesús, jee nkachiꞌ ni̱ꞌ nu̱u̱nꞌ Pedro ichinúúnꞌ nɨꞌɨ ráa: “Noꞌó ví te̱e Israel, jee nu̱u̱nꞌ jiáꞌnu nú kuéntáꞌ te̱e rá inka nación, jee nu̱u̱nꞌ nsáꞌ jiáꞌnu nú kuéntáꞌ te̱e Israel, ¿na̱ja kúvi tetuvi nú rá ñɨvɨ rá inka nación sikúnkuvi ráa rá ñujiínꞌ rá ñɨvɨ ichiyúkúnꞌ Israel?”

Gálatas 2:5

Nintíꞌínꞌ ntu njiáꞌa ránꞌ koo suꞌva ya̱ kuíni ráa, sáva kino̱o ya̱ naáꞌ tu̱ꞌun va̱ꞌa Jesús jín rán.

Gálatas 4:15

¿Né nu̱u̱nꞌ kua̱ꞌa̱nꞌ ya̱ kúsɨ́ɨꞌ iniꞌ rán nékúvi? Náꞌán va̱ꞌa ni̱ꞌ jee káchíꞌ na̱a̱ꞌ ni̱ꞌ maa, ya̱ nna̱niꞌvɨꞌ iniꞌ rán jie̱ꞌe̱ꞌ ni̱ꞌ ya̱ ne̱ tavaꞌ rán nchinúún rán jee taji rán maa nu̱u̱nꞌ ni̱ꞌ nékúvi, sa̱naanꞌ re̱ꞌ chineí‑i nuꞌuꞌ.

Gálatas 4:17

Rá te̱e káꞌánꞌ sɨ́ɨ́n, ñúꞌún kuíñɨ́ iniꞌ ráa koo ma̱ni̱ꞌ ráa jín rán. Soo nsáꞌ jiáni va̱ꞌa iniꞌ ráa saꞌá ráa jín rán. Chi kuíni ráa saꞌá sɨ́ɨ́n ráa ránoꞌó nu̱u̱nꞌ ránꞌ, sáva kuꞌun kuíñɨ́ iniꞌ rán koo ma̱ni̱ꞌ rán jín ráa.

Gálatas 5:7

Va̱ꞌa kua̱ꞌa̱nꞌ rán ichi Cristo, nékúvi. ¿Né ɨɨn ñasɨꞌ nu̱u̱nꞌ ránoꞌó ya̱ ntu káníjiá rán ka̱ꞌ tu̱ꞌun na̱a̱ꞌ Jesús, rúsa?