Gálatas 4:12 - Mixteco del suroeste de Tlaxiaco Oaxaca

¹² Jíkánꞌ táꞌvíꞌ ni̱ꞌ nu̱u̱nꞌ ránoꞌó ñaniꞌ, ya̱ koo rán kuéntáꞌ maáníꞌ ya̱ nxi̱nóo ni̱ꞌ rá costumbre ley Moisés. Chi maáníꞌ nkenta kúvi ni̱ꞌ kuéntáꞌ ránoꞌó ya̱ ntu yɨ́ꞌɨ́ rán chi̱ji ley. Ntu̱náꞌ nsáꞌá kini rán nuꞌuꞌ.

Gálatas 4:12 ပူးပေါင်းရင်းမြစ်များ

Génesis 34:15

Soo kua̱chi tajiyuꞌú ráníꞌ ya̱ taji ránꞌ ku̱ꞌva ránꞌ nu̱u̱nꞌ nú, kua̱chi retú maáránú kuvi kuéntáꞌ íyó maáránuꞌuꞌ ya̱ keꞌneꞌ ti̱yu̱ꞌ ntáká rá te̱e rán ntíꞌ ñɨɨn yósóꞌ xi̱ni̱ꞌ ti̱sa̱ꞌ rán siíyo maa ya̱ kachiꞌ ya̱ saꞌá circuncidar.

Hechos 21:21

Íyó rá ñɨvɨ káchíꞌ nu̱u̱nꞌ ráa, ya̱ xínéꞌénꞌ nú nɨꞌɨ rá ñɨvɨ Israel, ya̱ nééꞌ inka rá país, ya̱ íyó xinóo ráa tu̱ꞌun ley njia̱ꞌa Ndiosíꞌ nu̱u̱nꞌ Moisés, jee ya̱ koto sáꞌá circuncidar ráa rá se̱ꞌya ráa, ya̱ nsáꞌ níso ráa seña Ndiosíꞌ nu̱u̱nꞌ yɨkɨkúñu ráa.

2 Corintios 2:5

Soo ñɨvɨ vá ya̱ njiáꞌa‑a tu̱nkuéká iniꞌ, jee nsú kua̱chi nuꞌuꞌ nna̱saꞌá kuéká ñɨvɨ vá iniꞌ ni̱ꞌ, chisaꞌ ne̱ nta̱ká ránoꞌó ranika̱ꞌ naniꞌ níní nna̱chukuéká‑a iniꞌ ntáká ránoꞌó. Soo ntu síkɨꞌ ka̱ꞌ káchíꞌ ni̱ꞌ.

2 Corintios 6:11

Jee ránoꞌó ñanitáꞌán ya̱ nééꞌ ñuunꞌ Corinto, núne yuꞌú ráníꞌ kájí káchíꞌ ránꞌ nu̱u̱nꞌ ránoꞌó nɨꞌɨ ya̱ naáꞌ, jee nsine ránꞌ nɨꞌɨ ánímaꞌ ránꞌ nu̱u̱nꞌ ránoꞌó.

2 Corintios 6:13

Soo káchíꞌ ni̱ꞌ nu̱u̱nꞌ ránoꞌó kuéntáꞌ nu̱u̱nꞌ se̱ꞌya ni̱ꞌ, ya̱ nasaꞌá ránú sáni nsa̱ꞌá ráníꞌ nu̱u̱nꞌ ránoꞌó, jee sine rán ánímaꞌ rán nu̱u̱nꞌ ránuꞌuꞌ.

Gálatas 2:14

Soo sáá niniꞌ ni̱ꞌ ya̱ ntu jiáꞌnu na̱a̱ꞌ ráa sáni káchíꞌ ya̱ naáꞌ tu̱ꞌun váꞌa Jesús, jee nkachiꞌ ni̱ꞌ nu̱u̱nꞌ Pedro ichinúúnꞌ nɨꞌɨ ráa: “Noꞌó ví te̱e Israel, jee nu̱u̱nꞌ jiáꞌnu nú kuéntáꞌ te̱e rá inka nación, jee nu̱u̱nꞌ nsáꞌ jiáꞌnu nú kuéntáꞌ te̱e Israel, ¿na̱ja kúvi tetuvi nú rá ñɨvɨ rá inka nación sikúnkuvi ráa rá ñujiínꞌ rá ñɨvɨ ichiyúkúnꞌ Israel?”

Gálatas 4:11

Yúꞌví ni̱ꞌ ya̱ sa̱naanꞌ re̱ꞌ nsa̱tíñú ka̱ꞌá ni̱ꞌ ya̱ nxi̱néꞌénꞌ ni̱ꞌ tu̱ꞌun Jesús nu̱u̱nꞌ rán.

Gálatas 4:13

Jee jíníꞌ va̱ꞌa rán, ya̱ jie̱ꞌe̱ꞌ ya̱ nkuꞌviꞌ ni̱ꞌ vá nkino̱o ni̱ꞌ ñuunꞌ rán nste̱kútu̱ꞌún ni̱ꞌ tu̱ꞌun va̱ꞌa Jesús nu̱u̱nꞌ rán ya̱ xíꞌnañúꞌún ka̱ꞌ.

Gálatas 6:14

Soo maáníꞌ ntu̱náꞌ káꞌánꞌ téyɨ́ɨ́ ni̱ꞌ. Kua̱chi káꞌánꞌ téyɨ́ɨ́ ni̱ꞌ jie̱ꞌe̱ꞌ ya̱ níꞌiꞌ I̱toꞌoꞌ‑ó Jesucristo nu̱u̱nꞌ kurúsiꞌ jie̱ꞌe̱ꞌ‑ó. Chi jie̱ꞌe̱ꞌ yukuán jee kúvi kuéntáꞌ níꞌiꞌ rá ñujiínꞌ jiáꞌnu ñɨvɨ ñɨ̱vɨ́ nu̱u̱nꞌ kurúsiꞌ nu̱u̱nꞌ ni̱ꞌ. Chi suni kúvi kuéntáꞌ níꞌiꞌ ni̱ꞌ nu̱u̱nꞌ rá ñujiínꞌ vá, chi ntu yɨ́ꞌɨ́ ni̱ꞌ ka̱ꞌ chi̱ji naꞌá rává.

Gálatas 6:18

Ránoꞌó ñaniꞌ, na̱ ka̱ꞌ koo ma̱ni̱ꞌ iniꞌ I̱toꞌoꞌ‑ó Jesús ka̱ꞌ jín rán, ya̱ kúvi re̱ꞌ Cristo. Sukuán koo. Amén.