Gálatas 3:5 - Mixteco del suroeste de Tlaxiaco Oaxaca

⁵ ¿Na̱ jie̱ꞌe̱ꞌ táji Ndiosíꞌ Ta̱chi̱ꞌ Ííꞌ re̱ꞌ nu̱u̱nꞌ ránoꞌó jee sáꞌá re̱ꞌ rá milagrúꞌ nteñu rán? Ntu sáꞌá re̱ꞌ maa jie̱ꞌe̱ꞌ ya̱ núkú rán saꞌá rán ya̱ tátúníꞌ tu̱ꞌun ley, chisaꞌ sáꞌá re̱ꞌ maa jie̱ꞌe̱ꞌ ya̱ kúneí iniꞌ rán tu̱ꞌun váꞌa re̱ꞌ ya̱ nteso̱ꞌo rán.

Gálatas 3:5 ပူးပေါင်းရင်းမြစ်များ

Hechos 14:3

Soo kue̱ꞌe̱ꞌ tiempúꞌ nkino̱o Pablo jín Bernabé yukuán, jee nkaꞌanꞌ neí iniꞌ ráa, chi kúneí iniꞌ ráa I̱toꞌoꞌ‑ó. Jee I̱toꞌoꞌ‑ó nsa̱ꞌá re̱ꞌ ya̱ saꞌá ráa rá seña jín a̱nasɨ́ sáva nstúvi ya̱ íyó na̱a̱ꞌ tu̱ꞌun káꞌánꞌ ráa, jie̱ꞌe̱ꞌ íyó mániꞌ iniꞌ re̱ꞌ néꞌyá re̱ꞌ rá ñɨvɨ ya̱ síkáku re̱ꞌ yó ya̱ ntu íyó ni̱ꞌi̱nꞌ‑ó maa.

Romanos 10:17

Saáva kuneí iniꞌ ñɨvɨ Cristo va̱ji jie̱ꞌe̱ꞌ teso̱ꞌo ráa tu̱ꞌun, jee tu̱ꞌun tésóꞌo ráa kúvi tu̱ꞌun váꞌa Ndiosíꞌ jie̱ꞌe̱ꞌ Cristo.

Romanos 15:19

jín ya̱ káꞌánꞌ ni̱ꞌ jie̱ꞌe̱ꞌ ya̱ nsa̱ꞌá re̱ꞌ jín ni̱ꞌ rá seña ya̱ níso fuersáꞌ ííꞌ jín rá a̱nasɨ́ sáva stúvi ya̱ kúñáꞌnú re̱ꞌ, chi Ta̱chi̱ꞌ Ííꞌ re̱ꞌ nsa̱ꞌá maa jín fuersáꞌ ííꞌ níso re̱ꞌ. Nsa̱ꞌá re̱ꞌ nɨꞌɨ yaꞌá sáva sikúnkuvi ni̱ꞌ stekútu̱ꞌún ni̱ꞌ tu̱ꞌun váꞌa jie̱ꞌe̱ꞌ Cristo ne̱ ñuunꞌ Jerusalén, jín ntáká rá ñuunꞌ ya̱ káá ni̱kótíyu ntáká ichi yukuán, kénta kua̱íyó ne̱ rá ñuunꞌ ya̱ sánitɨ́ɨn ñuunꞌ Ilírico.

1 Corintios 12:10

Jee nu̱u̱nꞌ inka‑ó ka̱ꞌ táji re̱ꞌ fuersáꞌ níꞌin níso re̱ꞌ sáva kuvi saꞌá‑a rá tiñu a̱nasɨ́ váꞌa, jee nu̱u̱nꞌ inka‑ó ka̱ꞌ táji re̱ꞌ ya̱ kuvi nakani‑i tu̱ꞌun kéne yuꞌú maá Ndiosíꞌ, jee nu̱u̱nꞌ inka‑ó ka̱ꞌ táji re̱ꞌ ta̱ꞌvi̱ꞌ sáva nakuniꞌ‑i ntáká ya̱ váji nu̱u̱nꞌ Ta̱chi̱ꞌ Ííꞌ áxí retú nu̱u̱nꞌ ta̱chi̱ꞌ kíni va̱ji rá tu̱ꞌun vá. Jee nu̱u̱nꞌ inka‑ó ka̱ꞌ táji re̱ꞌ ta̱ꞌvi̱ꞌ ya̱ kuvi kaꞌanꞌ‑a kéꞌín nu̱u̱nꞌ tu̱ꞌun ya̱ ntu jiáku̱ꞌun iniꞌ‑i, jee nu̱u̱nꞌ inka‑ó ka̱ꞌ táji re̱ꞌ ta̱ꞌvi̱ꞌ ya̱ kuvi nakachiꞌ‑i ná kúníꞌ kachiꞌ rá tu̱ꞌun káꞌánꞌ ñɨvɨ súnika̱ꞌ ntu jiáku̱ꞌun iniꞌ‑i vá.

2 Corintios 10:4

Chi ya̱ jiátíñú ránꞌ kántáꞌán ránꞌ nsú nantíñú ya̱ jiátíñú rá ñɨvɨ ñɨ̱vɨ́ yaꞌá kúvi‑i. Chisaꞌ táji Ndiosíꞌ ya̱ maá ñáꞌnú mánasɨ́ ví ya̱ jiátíñú ránꞌ sáva kántáꞌán ránꞌ, sáva xináánꞌ ránꞌ fuersáꞌ ya̱ níkó neí ñɨvɨ núníꞌin iniꞌ ánímaꞌ ráa sáva ntɨ́ɨn ráa tu̱ꞌun váꞌa Jesús.

2 Corintios 12:12

Chi maá nááꞌ nijia ya̱ káꞌnú íyó iniꞌ ni̱ꞌ nsa̱ꞌá ni̱ꞌ rá seña nteñu rán, ya̱ stúvi‑i ya̱ níso ni̱ꞌ tiñu apóstol ya̱ chúichi Cristo, chi nsa̱ꞌá ni̱ꞌ rá milagrúꞌ ya̱ tívɨ́ xíniꞌ ñɨvɨ jie̱ꞌe̱ꞌ Ndiosíꞌ maá ñáꞌnú, jín rá tiñu a̱nasɨ́ nsa̱ꞌá ni̱ꞌ jín fuersáꞌ ííꞌ Ndiosíꞌ.

2 Corintios 13:3

Nu̱u̱nꞌ nánukú rán ya̱ naáꞌ ya̱ jiátíñú Cristo nuꞌuꞌ sáva káꞌánꞌ re̱ꞌ tu̱ꞌun re̱ꞌ. Suvire̱ꞌ ntu táyáꞌ iniꞌ re̱ꞌ sáá sáꞌá re̱ꞌ tiñu nu̱u̱nꞌ rán. Chisaꞌ íyó nasɨ́kuitɨꞌ fuersáꞌ ííꞌ níso re̱ꞌ jín tiñu sáꞌá re̱ꞌ nteñu rán.

2 Corintios 3:8

soo saꞌ víꞌí káꞌ viiꞌ kúñáꞌnú nasɨ́kuitɨꞌ tratúꞌ jiáá ya̱ sátíñú Ta̱chi̱ꞌ Ííꞌ re̱ꞌ iniꞌ‑ó.

2 Corintios 9:10

Jee maá Ndiosíꞌ ví ya̱ jiáꞌa nikɨn tataꞌ nu̱u̱nꞌ ráa ya̱ taji ráa maa, jín ya̱ jiáꞌa re̱ꞌ ya̱ yájíꞌ ñɨvɨ. Jee suni maáréꞌ taji jee nasákuéꞌeꞌ re̱ꞌ ya̱ jíniñúꞌún rán sáva sáꞌá rán tiñu váꞌa, jee sikuéꞌnu re̱ꞌ tiñu váꞌa sáꞌá rán kuéntáꞌ tataꞌ sáꞌá rán.

Gálatas 3:2

Kua̱chi kuíni ni̱ꞌ katu̱ꞌún ni̱ꞌ tu̱ꞌun yaꞌá ránoꞌó. ¿Na̱sa nni̱ꞌi̱nꞌ rán Ta̱chi̱ꞌ Ííꞌ Ndiosíꞌ? ¿Á nni̱ꞌi̱nꞌ rán re̱ꞌ chi nsi̱kúnkuvi rán sáni tátúníꞌ tu̱ꞌun ley Moisés? ¡Ntu̱ví kuitɨꞌ!, chi nni̱ꞌi̱nꞌ rán maa chi ínúꞌ iniꞌ rán tu̱ꞌun Jesús sáá nteso̱ꞌo rán maa.

Filipenses 1:19

chi jíníꞌ ni̱ꞌ, ya̱ jie̱ꞌe̱ꞌ nta̱ká tiñu yaꞌá kene va̱ꞌa jín nuꞌuꞌ, jie̱ꞌe̱ꞌ ya̱ káꞌánꞌ rán jín Ndiosíꞌ jie̱ꞌe̱ꞌ ni̱ꞌ, jín jie̱ꞌe̱ꞌ ya̱ chíneí chítuvi Ta̱chi̱ꞌ Ííꞌ Jesús ya̱ kúvi Cristo nuꞌuꞌ.