Gálatas 3:16 - Mixteco del suroeste de Tlaxiaco Oaxaca

¹⁶ Saájee rá váꞌa nchi̱sóyuꞌú Ndiosíꞌ nu̱u̱nꞌ Abraham jín nu̱u̱nꞌ se̱ꞌya ichiyúkúnꞌ nkene nu̱u̱nꞌ re̱ꞌ. Nu̱u̱nꞌ Tutuꞌ Ííꞌ níso Tu̱ꞌun Ndiosíꞌ ntu káchíꞌ‑i: “jín nu̱u̱nꞌ rá ichiyúkúnꞌ nú”, ya̱ káꞌánꞌ‑a jie̱ꞌe̱ꞌ kéꞌín ñɨvɨ. Chisaꞌ káꞌánꞌ‑a jie̱ꞌe̱ꞌ ɨɨn ni, jee káchíꞌ‑i: “jín nu̱u̱nꞌ Se̱ꞌya ichiyúkúnꞌ nú”, ya̱ kúvi‑i Cristo.

Gálatas 3:16 ပူးပေါင်းရင်းမြစ်များ

Génesis 12:3

Saꞌá ni̱ꞌ ya̱ netuꞌ kuvi rá ñɨvɨ ya̱ saꞌá ráa ya̱ netuꞌ kuvi noꞌó jín rá se̱ꞌya ichiyúkúnꞌ nú. Jee rá ñɨvɨ ya̱ chisónínu ráa saꞌá kini rá kune̱ꞌyá ráa ránoꞌó, jee chisónínu ni̱ꞌ ráa kunoꞌo ráa. Jee jie̱ꞌe̱ꞌ noꞌó ni̱ꞌi̱nꞌ ñɨvɨ nɨꞌɨ rá tataꞌ ichiyúkúnꞌ ñɨvɨ ñɨ̱vɨ́ ya̱ netuꞌ kuvi ráa”, nkachiꞌ I̱toꞌoꞌ‑ó.

Génesis 12:7

Jee ntu̱vi I̱toꞌoꞌ‑ó nu̱u̱nꞌ Abram jee nkachiꞌ re̱ꞌ nu̱u̱nꞌ‑u: “Nu̱u̱nꞌ se̱ꞌya ichiyúkúnꞌ nú ku̱ꞌva ni̱ꞌ ñuꞌun yaꞌá.” Jee yukuán nsamaꞌ Abram yu̱u̱ꞌ ɨɨn nu̱u̱nꞌ so̱ko̱ꞌ re̱ꞌ nu̱u̱nꞌ I̱toꞌoꞌ‑ó ya̱ nstúvi‑i maáa nu̱u̱nꞌ re̱ꞌ.

Génesis 15:5

Jee ntavaꞌ Ndiosíꞌ Abram chíkéꞌi jee nkachiꞌ‑i: ―Kune̱ꞌyá súkún, jee kaꞌvi rá tiu̱u̱nꞌ, retuan kuneí kaꞌvi nú ráa jee sukuán koo kue̱ꞌe̱ꞌ rá ichiyúkúnꞌ nú ―nkachiꞌ I̱toꞌoꞌ‑ó nu̱u̱nꞌ re̱ꞌ.

Génesis 21:12

Saájee nkachiꞌ Ndiosíꞌ nu̱u̱nꞌ Abraham: “Koto nukuíꞌyáꞌ iniꞌ nú jie̱ꞌe̱ꞌ te̱e súchí vá jín musúꞌ saɨn nú, jee tɨɨn kuéntáꞌ nú nɨꞌɨ ya̱ káchíꞌ Sara nu̱u̱nꞌ nú, chi Isaac ví ya̱ ñani ni̱ꞌ ya̱ ichiyúkúnꞌ nú kene ráa nu̱u̱nꞌ re̱ꞌ.

Génesis 49:10

Jee nkuíyo bastón nu̱u̱nꞌ Judá, jee kino̱o bastón te̱e néetiñu jín rá ichiyúkúnꞌ kiji nu̱u̱nꞌ re̱ꞌ ya̱ tatúníꞌ ráa ne̱kua̱ꞌ kiji te̱e xí karútíꞌ vá, jee rá ñɨvɨ ntáká rá ñuunꞌ kaníjiá ráa re̱ꞌ.

Mateo 1:1

Yaꞌá ví rá súví rá ñɨvɨ tataꞌ ichiyúkúnꞌ yanaꞌán nu̱u̱nꞌ nkiji Jesús nkaku re̱ꞌ, ya̱ nísotíñú re̱ꞌ ya̱ kúvi re̱ꞌ máá Cristo [ya̱ ñani Ndiosíꞌ re̱ꞌ sáva natavaꞌ re̱ꞌ ñɨvɨ nu̱u̱nꞌ kua̱chi ráa]. Jee kúvi Jesús nu̱u̱nꞌ tataꞌ ichiyúkúnꞌ nkene nu̱u̱nꞌ David jee nu̱u̱nꞌ tataꞌ ichiyúkúnꞌ váji nu̱u̱nꞌ Abraham.

Lucas 1:55

Abraham jín rá se̱ꞌya ichiyúkúnꞌ nkene nu̱u̱nꞌ re̱ꞌ, sánikua̱ꞌ nkachiꞌ re̱ꞌ nu̱u̱nꞌ rá tátáꞌ jííꞌ‑ó yanaꞌán. Nkachiꞌ María.

Hechos 3:25

Kúvi rán ichiyúkúnꞌ váji nu̱u̱nꞌ rá te̱e vá ya̱ nna̱kani ráa tu̱ꞌun nkene yuꞌú Ndiosíꞌ. Jee suni jie̱ꞌe̱ꞌ rán ví ya̱ ñakɨnꞌ Ndiosíꞌ tratúꞌ jín rá jííꞌ yanaꞌán‑ó, sáá nkachiꞌ re̱ꞌ nu̱u̱nꞌ Abraham: “Jee jie̱ꞌe̱ꞌ tataꞌ ichiyúkúnꞌ kiji ne̱ nu̱u̱nꞌ noꞌó ni̱ꞌi̱nꞌ ñɨvɨ ntáká rá tataꞌ ichiyúkúnꞌ íyó ñɨ̱vɨ́ ya̱ netuꞌ kuvi ráa”, nkachiꞌ Ndiosíꞌ.

Romanos 12:5

Jee suni sukuán súnika̱ꞌ kue̱ꞌe̱ꞌ‑ó íyó, soo kuéntáꞌ ɨɨn yɨkɨkúñu kúvi‑ó ya̱ yɨ́ꞌɨ́‑ó nu̱u̱nꞌ Cristo, jee ta ɨɨn‑ó yɨ́ꞌɨ́‑ó nu̱u̱nꞌ ɨɨn inka‑ó.

Romanos 4:13

Chi nchi̱sóyuꞌú Ndiosíꞌ ta̱ꞌvi̱ꞌ nu̱u̱nꞌ Abraham jín nu̱u̱nꞌ rá se̱ꞌya ichiyúkúnꞌ váji ne̱ nu̱u̱nꞌ re̱ꞌ ya̱ ni̱ꞌi̱nꞌ ráa nɨꞌɨ ñuꞌun ñɨ̱vɨ́ yaꞌá. Jee nchi̱sóyuꞌú Ndiosíꞌ maa nsú jie̱ꞌe̱ꞌ nsi̱kúnkuvi Abraham tu̱ꞌun ley ya̱ nta̱túníꞌ Ndiosíꞌ ya̱ njia̱ꞌa‑a nu̱u̱nꞌ Moisés, chisaꞌ jie̱ꞌe̱ꞌ kínóo na̱a̱ꞌ re̱ꞌ ya̱ váji ne̱ nu̱u̱nꞌ kúneí iniꞌ re̱ꞌ Ndiosíꞌ.

Romanos 4:16

Saáva ni̱ꞌi̱nꞌ ñɨvɨ ta̱ꞌvi̱ꞌ ya̱ nchi̱sóyuꞌú Ndiosíꞌ jie̱ꞌe̱ꞌ ya̱ kúneí iniꞌ ráa re̱ꞌ, sáva kúvi ta̱ꞌvi̱ꞌ vá ya̱ síkútaꞌviꞌ re̱ꞌ nu̱u̱nꞌ‑ó sú ntu íyó ni̱ꞌi̱nꞌ‑ó maa. Síkútaꞌviꞌ re̱ꞌ maa sáva kino̱o kutú ya̱ nchi̱sóyuꞌú re̱ꞌ nu̱u̱nꞌ nta̱ká rá ñɨvɨ ya̱ kúvi ichiyúkúnꞌ Abraham. Soo síkútaꞌviꞌ re̱ꞌ maa nsú kua̱chi kuitɨꞌ nu̱u̱nꞌ rá ñɨvɨ Israel ya̱ yɨ́ꞌɨ́ ráa nu̱u̱nꞌ ley, chisaꞌ suni nu̱u̱nꞌ nta̱ká rá ñɨvɨ ya̱ kúneí iniꞌ ráa Ndiosíꞌ kuéntáꞌ kua̱ꞌ Abraham. Sukuán suvire̱ꞌ kúvi tátáꞌ ntáká‑órán ichinúúnꞌ Ndiosíꞌ.

1 Corintios 12:12

Chi kuéntáꞌ ɨɨn yɨkɨkúñu métúꞌún ɨɨn ni ví‑i jee kue̱ꞌe̱ꞌ rá pedasúꞌ íyó nu̱u̱nꞌ yɨkɨkúñu vá, jee sú íyó kue̱ꞌe̱ꞌ rá pedasúꞌ soo ntáká ráa yɨ́ꞌɨ́ nu̱u̱nꞌ ɨɨn ni yɨkɨkúñu. Jee suni sukuán yɨ́ꞌɨ́‑ó nu̱u̱nꞌ Cristo.

1 Corintios 12:27

Jee ránoꞌó ranika̱ꞌ chi kúvi rán yɨkɨkúñu Cristo, chi yɨ́ꞌɨ́ rán nu̱u̱nꞌ re̱ꞌ, jee ta ɨɨn ta ɨɨn‑ó kúvi‑ó pedasúꞌ yɨkɨkúñu re̱ꞌ.

2 Corintios 11:22

¿Á kúvi ráa rá te̱e hebreo? Jee sunisaá ranika̱ꞌ nuꞌuꞌ. ¿Á kúvi ráa ñɨvɨ Israel ya̱ kúvi ñɨvɨ Ndiosíꞌ? Jee sunisaá ranika̱ꞌ nuꞌuꞌ. ¿Á kúvi ráa se̱ꞌya ichiyúkúnꞌ váji ráa nu̱u̱nꞌ Abraham? Jee sunisaá ranika̱ꞌ nuꞌuꞌ.

Gálatas 3:19

Saájee, ¿na̱ jie̱ꞌe̱ꞌ njia̱ꞌa Ndiosíꞌ ley nu̱u̱nꞌ Moisés? Íyótiñu‑u chi nna̱chisó re̱ꞌ vá sáva nastúvi‑i kua̱chi sáꞌá rá ñɨvɨ, saáchi jiáꞌa ráa nu̱u̱nꞌ ya̱ káchíꞌ ley vá ya̱ nta̱túníꞌ Ndiosíꞌ. Jee suꞌva nna̱stúvi ley maa ne̱ nkenta Jesús, ya̱ kúvi se̱ꞌya ichiyúkúnꞌ, ya̱ nchi̱sóyuꞌú Ndiosíꞌ ya̱ kene ne̱ nu̱u̱nꞌ Abraham. Jee Ndiosíꞌ njia̱ꞌa ley nu̱u̱nꞌ rá najiáꞌáꞌ re̱ꞌ, sáva ku̱ꞌva ráa maa nu̱u̱nꞌ Moisés, sáva nakani re̱ꞌ maa nu̱u̱nꞌ rá ñɨvɨ Israel, chi íñɨ́ re̱ꞌ ma̱ꞌñú Ndiosíꞌ jín ráa sáva kaꞌanꞌ re̱ꞌ jín Ndiosíꞌ jín ráa.

Gálatas 3:8

Chi Tu̱ꞌun Ndiosíꞌ níso nu̱u̱nꞌ Tutuꞌ Ííꞌ, jee ne̱ tióꞌ chíji, nstúꞌva tu̱ꞌun vá ya̱ siíyo Ndiosíꞌ kua̱chi rá ñɨvɨ nta̱ká nación ya̱ kúneí iniꞌ ráa re̱ꞌ sáva ku̱ꞌvayuꞌú re̱ꞌ ya̱ kino̱o na̱a̱ꞌ ráa nu̱u̱nꞌ re̱ꞌ, sú ntu kúvi ráa ñɨvɨ Israel. Chi nste̱kútu̱ꞌún Ndiosíꞌ tu̱ꞌun váꞌa re̱ꞌ ne̱ yanaꞌán víꞌí nu̱u̱nꞌ Abraham, jee nkachiꞌ‑i ya̱: “Kuatíñú ni̱ꞌ noꞌó sáva saꞌá ni̱ꞌ ya̱ netuꞌ kuvi ñɨvɨ nta̱ká nación.”

Efesios 5:32

Jee tu̱ꞌun kúñáꞌnú nasɨ́kuitɨꞌ ka̱ꞌ kúvi tu̱ꞌun nyɨse̱ꞌí vá, chi káꞌánꞌ ni̱ꞌ tu̱ꞌun yaꞌá jie̱ꞌe̱ꞌ ɨɨn ni kúvi Cristo jín maáórán ya̱ kúneí iniꞌ‑ó re̱ꞌ.

Colosenses 2:19

Chi ntu̱ví íñɨ́ ráa jín Cristo, ya̱ yósóꞌ‑o nu̱u̱nꞌ‑ó kuéntáꞌ kúvi re̱ꞌ xi̱ni̱ꞌ nu̱u̱nꞌ‑ó. Jee kúvi‑ó kuéntáꞌ yɨkɨkúñu re̱ꞌ, chi náketáꞌán‑ó jín re̱ꞌ, kuéntáꞌ nééꞌ táꞌán yɨkɨkúñu jín xi̱ni̱ꞌ jín rá nu̱u̱nꞌ ñútáꞌán jín rá tu̱chi fuersáꞌ. Jee táji re̱ꞌ ya̱ jíniñúꞌún‑ó sáva kujia iniꞌ‑ó sáni síkuéꞌnu Ndiosíꞌ yó.

Colosenses 3:11

Jee saáva ntu̱náꞌ ítú iniꞌ retú ntu kúvi‑ó ñɨvɨ Israel, áxí kúvi‑ó ñɨvɨ Israel, retú níso yɨkɨkúñu‑ó seña ñɨvɨ Israel naní circuncisión, áxí ntu níso‑ó maa, retú kúvi‑ó rá to̱ꞌo̱ꞌ, áxí ñɨvɨ ñuunꞌ láꞌví, retú kúvi‑ó musúꞌ ya̱ kéꞌen ñɨvɨ maa, áxí ñɨvɨ ya̱ yɨ́tíñú nu̱u̱nꞌ tiñu maáa. Chi I̱toꞌoꞌ kua̱íyó kuitɨꞌ‑ó ví Cristo, jee yɨ́ꞌɨ́ re̱ꞌ iniꞌ kua̱íyó kuitɨꞌ‑ó.