Gálatas 2:9 - Mixteco del suroeste de Tlaxiaco Oaxaca

⁹ Jee jíníꞌ rá ñɨvɨ ya̱ Jacobo, Pedro, jín Juan ví rá te̱e kúñáꞌnú nu̱u̱nꞌ rá ñɨvɨ ya̱ kúneí iniꞌ ráa Jesús. Jee ni núníꞌ ráa nsa̱ꞌá kuéntáꞌ ya̱ ntaji Ndiosíꞌ tiñu vá nu̱u̱nꞌ ni̱ꞌ jee chíneí chítuvi re̱ꞌ nuꞌuꞌ. Jee ntɨɨn ráa naꞌá ni̱ꞌ jín Bernabé, jie̱ꞌe̱ꞌ nkuva̱ꞌa iniꞌ ráa nne̱ꞌyá ráa ránuꞌuꞌ. Nsa̱ꞌá ráa suꞌva sáva stúvi ráa ya̱ kúnuún iniꞌ nta̱ká ránꞌ ya̱ kɨ̱satíñú ni̱ꞌ jín Bernabé nteñu rá ñɨvɨ inka nación, jee kɨ̱satíñú ráa nteñu rá ñɨvɨ ya̱ kúvi ichiyúkúnꞌ Israel.

Gálatas 2:9 ပူးပေါင်းရင်းမြစ်များ

Mateo 16:18

Jee nuꞌuꞌ káchíꞌ ni̱ꞌ nu̱u̱nꞌ nú, ya̱ noꞌó kúvi Pedro. Jee [tu̱ꞌun na̱a̱ꞌ vá ya̱ nkachiꞌ nú], yaꞌá kúvi máá kava káꞌnú nu̱u̱nꞌ samaꞌ ni̱ꞌ veñu̱ꞌun ni̱ꞌ, ya̱ kúvi rá ñɨvɨ kúneí iniꞌ ráa nuꞌuꞌ. Jee nu̱u̱nꞌ íyó rá ánímaꞌ rá ñɨvɨ níꞌiꞌ ntu̱náꞌ kuneí‑i jín rá ñɨvɨ kúneí iniꞌ ráa nuꞌuꞌ.

Lucas 22:8

Jee nchu̱ichí Jesús Pedro jín Juan, jee nkachiꞌ re̱ꞌ nu̱u̱nꞌ ráa: ―Kuáꞌán rán kɨ̱saꞌá stákoo rán ya̱ kuxíní‑ó viko Pascua ―nkachiꞌ re̱ꞌ.

Juan 1:42

Saájee kua̱ꞌa̱nꞌ Andrés jín ñaniꞌ re̱ꞌ nu̱u̱nꞌ Jesús. Jee sáá niniꞌ Jesús Simón, jee nkachiꞌ re̱ꞌ: ―Noꞌó kúvi Simón, se̱ꞌya Jonás. Jee kuna̱ní nú Cefas ―nkachiꞌ Jesús. (Cefas kuíni káchíꞌ Pedro tu̱ꞌun griego.)

Hechos 12:17

Jee nsa̱naꞌá re̱ꞌ nu̱u̱nꞌ ráa sáva kuniꞌín ráa. Jee nna̱kani re̱ꞌ nu̱u̱nꞌ ráa na̱ja vá ntavaꞌ I̱toꞌoꞌ‑ó re̱ꞌ iniꞌ veka̱a, jee nkachiꞌ re̱ꞌ: ―Nakani rán maa nu̱u̱nꞌ Jacobo jín rá ñani kúneí iniꞌ ráa Jesús. Jee nkene re̱ꞌ kua̱ꞌa̱nꞌ re̱ꞌ inka nu̱u̱nꞌ.

Hechos 15:13

Sáá nkuvi nkaꞌanꞌ ráa, nka̱jiéꞌé nkaꞌanꞌ Jacobo jee nkachiꞌ‑i: ―Ránoꞌó ñaniꞌ. Teso̱ꞌo rán nuꞌuꞌ.

Hechos 15:7

Jee sáá nkuvi nkuva̱a̱yuꞌú víꞌí ráa, jee nna̱kuiñɨꞌ Pedro jee nkachiꞌ re̱ꞌ nu̱u̱nꞌ ráa: ―Ránoꞌó ñaniꞌ. Jíníꞌ rán ya̱ tiempúꞌ ya̱ta̱ꞌ, nka̱ji Ndiosíꞌ nuꞌuꞌ nteñu rán, sáva stekútu̱ꞌún ni̱ꞌ tu̱ꞌun va̱ꞌa nu̱u̱nꞌ rá ñɨvɨ ntu kúvi Israel, sáva teso̱ꞌo ráa jee i̱nu̱ꞌ iniꞌ ráa.

Hechos 4:36

Jee suꞌva nsa̱ꞌá ɨɨn te̱e naní José. Rá te̱e nísotíñú apóstol nsi̱kúnání ráa re̱ꞌ Bernabé, ya̱ kuíni kachiꞌ te̱e ya̱ náchuꞌun neí iniꞌ. Kúvi re̱ꞌ se̱ꞌya tataꞌ ichiyúkúnꞌ váji ne̱ nu̱u̱nꞌ Leví. Kúvi re̱ꞌ te̱e ñuunꞌ Chipre.

Romanos 1:5

Jee íyó mániꞌ iniꞌ Jesús néꞌyá re̱ꞌ ránuꞌuꞌ jee ntaji re̱ꞌ nu̱u̱nꞌ ráníꞌ tiñu apóstol ya̱ chúichí re̱ꞌ ránuꞌuꞌ saꞌá ránꞌ tiñu nu̱u̱nꞌ re̱ꞌ. Ntaji re̱ꞌ tiñu vá sáva stekútu̱ꞌún ránꞌ tu̱ꞌun re̱ꞌ, sáva koo ñɨvɨ nteñu nɨꞌɨ rá ñɨvɨ ñɨ̱vɨ́ ya̱ kúneí iniꞌ ráa Jesús jee saáva kaníjiá ráa maa.

Romanos 12:3

Chi, jie̱ꞌe̱ꞌ íyó mániꞌ iniꞌ Ndiosíꞌ vá nsi̱kútaꞌviꞌ re̱ꞌ tiñu kuniso ni̱ꞌ, jee káchíꞌ ni̱ꞌ nu̱u̱nꞌ ntáká ñɨvɨ nteñu rán: Koto jiáni iniꞌ nú ya̱ kúñáꞌnú nú ka̱ꞌ nsú káꞌ kua̱ꞌ sáni íyó nú, chisaꞌ kani kájí iniꞌ ta ɨɨn rán jie̱ꞌe̱ꞌ maánú, sánikua̱ꞌ ya̱ nñu̱ku̱ꞌva ya̱ nta̱sáva Ndiosíꞌ nu̱u̱nꞌ nú ta̱ꞌvi̱ꞌ ya̱ chineí re̱ꞌ noꞌó satíñú nú nu̱u̱nꞌ re̱ꞌ, sáni kúneí iniꞌ nú re̱ꞌ.

Romanos 15:15

Soo nkiji iniꞌ ni̱ꞌ nku̱neí iniꞌ ni̱ꞌ ntee ni̱ꞌ nu̱u̱nꞌ tutuꞌ yaꞌá nu̱u̱nꞌ ránoꞌó jie̱ꞌe̱ꞌ sava tiñu, sáva naxinákúꞌun ni̱ꞌ iniꞌ rán jie̱ꞌe̱ꞌ tiñu níso ni̱ꞌ ya̱ nsi̱kútaꞌviꞌ Ndiosíꞌ nu̱u̱nꞌ ni̱ꞌ,

1 Corintios 15:10

Soo jie̱ꞌe̱ꞌ ni ka̱ꞌ ya̱ níyo ma̱ni̱ꞌ iniꞌ Ndiosíꞌ nku̱náꞌví iniꞌ re̱ꞌ nuꞌuꞌ, saáva nsi̱kútaꞌviꞌ re̱ꞌ nu̱u̱nꞌ ni̱ꞌ ya̱ kúvi ni̱ꞌ apóstol nchu̱ichí re̱ꞌ jín tiñu níso ni̱ꞌ vitan. Jee nsáꞌ ka̱ꞌá níyo ma̱ni̱ꞌ iniꞌ Ndiosíꞌ néꞌyá re̱ꞌ nuꞌuꞌ ya̱ nka̱ji re̱ꞌ nuꞌuꞌ saꞌá ni̱ꞌ tiñu re̱ꞌ, chi saꞌ víꞌí ka̱ꞌ nsa̱tíñú yɨ́ɨ́ ni̱ꞌ nu̱u̱nꞌ re̱ꞌ nsú káꞌ ntáká rá inka ka̱ꞌ te̱e kúvi apóstol. Soo nsú nuꞌuꞌ ví ya̱ sáꞌá tiñu vá, chisaꞌ Ndiosíꞌ ví ya̱ chíneí chítuvi re̱ꞌ nuꞌuꞌ jín tiñu sáꞌá ni̱ꞌ.

2 Corintios 11:5

Soo jiáni iniꞌ ni̱ꞌ ya̱ ni ɨɨn nu̱u̱nꞌ ntu núun ka̱ꞌ kúvi ni̱ꞌ nu̱u̱nꞌ rá te̱e vá ya̱ jiáni iniꞌ ñɨvɨ ya̱ kúvi ráa apóstol kúñáꞌnú ka̱ꞌ.

2 Corintios 12:11

Te̱e naanꞌ nkuvi ni̱ꞌ, jie̱ꞌe̱ꞌ nkaꞌanꞌ téyɨ́ɨ́ ni̱ꞌ, soo jie̱ꞌe̱ꞌ ya̱ sáꞌá ránoꞌó jee nchi̱naꞌá‑a nuꞌuꞌ nkuvi suꞌva. Chi ránoꞌó ví ya̱ íyó nakutíñú va̱ꞌa rán jie̱ꞌe̱ꞌ nuꞌuꞌ. Chi ni ɨɨn nu̱u̱nꞌ ntu núun ka̱ꞌ kúvi ni̱ꞌ nu̱u̱nꞌ rá te̱e vá ya̱ kátúꞌún ráa nika̱ꞌ ya̱ apóstol kúñáꞌnú ka̱ꞌ ví ráa, sú ntu̱náꞌ kúvi ni̱ꞌ.

2 Corintios 8:4

Chi nkakua̱chi nasɨ́kuitɨꞌ ráa nu̱u̱nꞌ ráníꞌ ya̱ koo maniꞌ iniꞌ ránꞌ ya̱ ku̱ꞌva ránꞌ ya̱ jíꞌín ráa tetáꞌán ráa ya̱ chineí ráa rá ñɨvɨ láꞌví ya̱ yɨ́ꞌɨ́ nu̱u̱nꞌ Cristo.

Gálatas 1:16

stúvi re̱ꞌ Se̱ꞌya re̱ꞌ nu̱u̱nꞌ ni̱ꞌ, sáva stekútu̱ꞌún ni̱ꞌ jie̱ꞌe̱ꞌ vá nu̱u̱nꞌ rá ñɨvɨ ntu kúvi Israel. Sáá nsa̱ꞌá re̱ꞌ suꞌva, jee ntu kuísá níkátu̱ꞌún ni̱ꞌ inka ñɨvɨ jie̱ꞌe̱ꞌ tu̱ꞌun vá.

Gálatas 1:18

Saájee njia̱ꞌa u̱ni̱ꞌ kui̱ya̱ꞌ, jee ña̱ꞌa̱nꞌ ni̱ꞌ ñuunꞌ Jerusalén nne̱ꞌyá ni̱ꞌ Pedro. Saájee nkino̱o ni̱ꞌ xa̱ꞌu̱nꞌ (15) ki̱vɨ̱ꞌ yukuán jín re̱ꞌ.

Gálatas 2:1

I̱ña̱jée njia̱ꞌa u̱xi̱ꞌ ku̱mi̱ꞌ (14) kui̱ya̱ꞌ, jee ña̱ꞌa̱nꞌ tuku ni̱ꞌ ñuunꞌ Jerusalén jín Bernabé. Jee nku̱táꞌán Tito jín ránꞌ.

Gálatas 2:2

Jee ña̱ꞌa̱nꞌ ni̱ꞌ yukuán sáni nstúvi Ndiosíꞌ nu̱u̱nꞌ ni̱ꞌ ya̱ íyó kɨ̱ꞌɨ̱nꞌ ni̱ꞌ yukuán. Jee nnu̱tútú sɨ́ɨ́n ni̱ꞌ jín rá te̱e kúñáꞌnú nu̱u̱nꞌ rá ñɨvɨ ya̱ kúneí iniꞌ ráa Jesús. Jee nna̱kani ni̱ꞌ nu̱u̱nꞌ ráa tu̱ꞌun váꞌa Jesús ya̱ stékútu̱ꞌún ni̱ꞌ nu̱u̱nꞌ rá ñɨvɨ rá inka nación. Nsa̱ꞌá ni̱ꞌ yaꞌá sáva tɨɨn kuéntáꞌ ráa ya̱ íyó na̱a̱ꞌ tiñu sáꞌá ni̱ꞌ sáva nku̱íchi iniꞌ ráa tiñu vá, sáva ntu nsáꞌá ka̱ꞌá ni̱ꞌ tiñu nsa̱ꞌá ni̱ꞌ yanaꞌán jín ya̱ sáꞌá ni̱ꞌ ntañúꞌún.

Gálatas 6:3

Ré ɨɨn ñɨvɨ káꞌvi téyɨ́ɨ́ iniꞌ, súnika̱ꞌ ntu̱náꞌ kúvi‑i, jee xínáꞌví‑i maáa.

Efesios 2:20

Chi nsa̱ꞌá Ndiosíꞌ ya̱ maáórán kúvi‑ó kuéntáꞌ veꞌi ya̱ yósóꞌ nu̱u̱nꞌ koo jie̱ꞌe̱ꞌ ve̱ꞌí. Jee koo jie̱ꞌe̱ꞌ ve̱ꞌí vá kúvi Tu̱ꞌun Ndiosíꞌ ya̱ nste̱kútu̱ꞌún rá te̱e níso tiñu apóstol, ya̱ nchu̱ichí re̱ꞌ sáva stúvi ráa tu̱ꞌun re̱ꞌ, jín rá te̱e nna̱kani ráa tu̱ꞌun nkene yuꞌú re̱ꞌ. Jee máá Cristo Jesús kúvi kuéntáꞌ yu̱u̱ꞌ maá ñáꞌnú ka̱ꞌ ya̱ yɨ́tuvi skináꞌ veꞌi vá.

Efesios 3:8

Sú núun ka̱ꞌ kúñáꞌnú ni̱ꞌ nu̱u̱nꞌ nɨꞌɨ rá ñɨvɨ núun ka̱ꞌ kúñáꞌnú ráa ya̱ nsa̱ꞌá sɨ́ɨ́n Ndiosíꞌ ráa sáva kuvi ráa ñɨvɨ re̱ꞌ. Soo nsi̱kútaꞌviꞌ re̱ꞌ tiñu vá nu̱u̱nꞌ ni̱ꞌ ya̱ kachitu̱ꞌún ni̱ꞌ tu̱ꞌun váꞌa re̱ꞌ nu̱u̱nꞌ rá ñɨvɨ ya̱ ntu kúvi ñɨvɨ Israel. Tu̱ꞌun vá ví ya̱ ntántúníꞌ yɨ́yáꞌvi nasɨ́kuitɨꞌ ka̱ꞌ ví Cristo jín rá táji re̱ꞌ nu̱u̱nꞌ‑ó. Jee ni nsáꞌ kenta ki̱ku̱ꞌun iniꞌ‑ó nɨꞌɨ tu̱ꞌun vá.

Colosenses 1:29

Jee saáva núnasɨ́ ni̱ꞌ saꞌá ni̱ꞌ fesáꞌ saꞌá ni̱ꞌin ni̱ꞌ tiñu yaꞌá, jie̱ꞌe̱ꞌ ya̱ sátíñú ni̱ꞌin Cristo iniꞌ nuꞌuꞌ, jín fuersáꞌ níso re̱ꞌ.

1 Timoteo 3:15

Soo retú kukuéé ni̱ꞌ, jee tée ni̱ꞌ tu̱ꞌun yaꞌá, sáva kukáꞌnú iniꞌ nú sáá íyó kuneeꞌ viiꞌ rá ñɨvɨ ya̱ kúneí iniꞌ ráa Cristo jín ɨɨn inka ráa. Suviráa kúvi táꞌán veꞌi Ndiosíꞌ. Suviráa kúvi ñɨvɨ Ndiosíꞌ tékúꞌ, ya̱ stútú re̱ꞌ ráa. Kuéntáꞌ ɨɨn nekaꞌ yɨ́tuvi xi̱ni̱ꞌ ve̱ꞌí, jee kuéntáꞌ yósóꞌ veꞌi nu̱u̱nꞌ koo, chi maáráa yɨ́tuvi ráa tu̱ꞌun nááꞌ re̱ꞌ.

1 Juan 1:3

Jee ya̱ niniꞌ jínúunꞌ ráníꞌ, jín ya̱ nteso̱ꞌo ránꞌ ya̱ nkaꞌanꞌ re̱ꞌ, jee suvi‑i vá káchítu̱ꞌún ránꞌ nu̱u̱nꞌ ránú, sáva unuún koo iniꞌ ránú jín ránuꞌuꞌ. Jee íyó unuún nijia iniꞌ‑ó jín Tátáꞌ‑ó Ndiosíꞌ jín Se̱ꞌya re̱ꞌ Jesús ya̱ níso re̱ꞌ tiñu Cristo.

Apoclipsis 3:12

’Ñɨvɨ ya̱ kuneí‑i si̱kɨ̱ꞌ ya̱ níváꞌa jín nu̱u̱nꞌ kui̱ꞌna̱ꞌ kúñáꞌnú, jee saꞌá ni̱ꞌ ya̱ kuñáꞌnú ñɨvɨ vá kuéntáꞌ kúvi‑i nekaꞌ ya̱ yɨ́tuvi iniꞌ veñu̱ꞌun Ndiosíꞌ ni̱ꞌ. Jee ni nsáꞌ kene‑e nu̱u̱nꞌ nééꞌ Ndiosíꞌ yukuán. Jee tee ni̱ꞌ súví Ndiosíꞌ ni̱ꞌ ñɨvɨ vá, jín súví jiáá nuꞌuꞌ, jín súví ñuunꞌ Ndiosíꞌ ni̱ꞌ. Jee ñuunꞌ yukuán kúvi Jerusalén jiáá, jee va̱kuun ne̱ súkún nu̱u̱nꞌ nééꞌ Ndiosíꞌ maáníꞌ.