Gálatas 2:7 - Mixteco del suroeste de Tlaxiaco Oaxaca

⁷ Chisaꞌ nsa̱ꞌá ráa kuéntáꞌ ya̱ nte̱tíñú Ndiosíꞌ nuꞌuꞌ ya̱ stekútu̱ꞌún ni̱ꞌ tu̱ꞌun váꞌa Jesús nu̱u̱nꞌ rá se̱ꞌya inka nación, ya̱ ntu sáꞌá circuncidar ráa, kuéntáꞌ nte̱tíñú re̱ꞌ Pedro ya̱ stekútu̱ꞌún‑u tu̱ꞌun vá nu̱u̱nꞌ rá ñɨvɨ ya̱ kúvi ichiyúkúnꞌ Israel, ya̱ sáꞌá circuncidar ráa.

Gálatas 2:7 ပူးပေါင်းရင်းမြစ်များ

Hechos 15:12

Níín nkuvi rá ñɨvɨ nku̱tútú, jee nteso̱ꞌo ráa ni nna̱kani Bernabé jín Pablo rá seña jín rá a̱nasɨ́ nsa̱ꞌá Ndiosíꞌ jín ráa nteñu rá ñɨvɨ ntu kúvi Israel, sáva kuniꞌ rá ñɨvɨ ya̱ íyó na̱a̱ꞌ tu̱ꞌun káchíꞌ ráa.

Hechos 18:6

Soo sáá nnuni̱ꞌin ráa jín Pablo, jee sáá káꞌánꞌ niva̱ꞌa ráa si̱kɨ̱ꞌ re̱ꞌ, jee nkisɨ re̱ꞌ ti̱ka̱cha̱a̱ꞌ saꞌma re̱ꞌ, sáva naistúvi re̱ꞌ ya̱ íyó si̱kɨ̱ꞌ ráa. Jee nkachiꞌ‑i: ―Si̱kɨ̱ꞌ maárán ví ya̱ kiji ya̱ xinóꞌo Ndiosíꞌ ránoꞌó. Nsú ka̱ꞌ si̱kɨ̱ꞌ ni̱ꞌ ví‑i. Ne̱ ntañúꞌún, kɨ̱kaꞌanꞌ ni̱ꞌ jín rá ñɨvɨ ntu kúvi Israel.

Hechos 28:28

Suni nkachiꞌ Pablo: ―Saájee káchítu̱ꞌún ni̱ꞌ nu̱u̱nꞌ rán, sáva kuniꞌ rán ya̱ nta̱jí Ndiosíꞌ nu̱u̱nꞌ rá ñɨvɨ ntu kúvi Israel tu̱ꞌun yaꞌá jie̱ꞌe̱ꞌ ya̱ kúvi natavaꞌ‑a ráa nu̱u̱nꞌ kua̱chi ráa nanitáꞌvíꞌ ráa. Jee tɨɨn ráa maa ―nkachiꞌ Pablo.

Hechos 9:15

Soo nkachiꞌ I̱toꞌoꞌ‑ó nu̱u̱nꞌ re̱ꞌ: ―Kuáꞌán. Chi kúvi re̱ꞌ te̱e nka̱ji ni̱ꞌ sáva kuatíñú ni̱ꞌ maa, sáva kɨ̱ꞌɨ̱nꞌ re̱ꞌ jín tu̱ꞌun jie̱ꞌe̱ꞌ ni̱ꞌ nu̱u̱nꞌ rá ñɨvɨ ntu kúvi Israel, jín nu̱u̱nꞌ rá te̱e ya̱ tátúníꞌ nu̱u̱nꞌ rá ñuunꞌ, jín nu̱u̱nꞌ rá se̱ꞌya tataꞌ ñɨvɨ Israel.

Romanos 1:5

Jee íyó mániꞌ iniꞌ Jesús néꞌyá re̱ꞌ ránuꞌuꞌ jee ntaji re̱ꞌ nu̱u̱nꞌ ráníꞌ tiñu apóstol ya̱ chúichí re̱ꞌ ránuꞌuꞌ saꞌá ránꞌ tiñu nu̱u̱nꞌ re̱ꞌ. Ntaji re̱ꞌ tiñu vá sáva stekútu̱ꞌún ránꞌ tu̱ꞌun re̱ꞌ, sáva koo ñɨvɨ nteñu nɨꞌɨ rá ñɨvɨ ñɨ̱vɨ́ ya̱ kúneí iniꞌ ráa Jesús jee saáva kaníjiá ráa maa.

Romanos 11:13

Soo káchíꞌ ni̱ꞌ nu̱u̱nꞌ ránoꞌó ya̱ ntu kúvi rán ñɨvɨ ñuunꞌ Israel: Jie̱ꞌe̱ꞌ ya̱ níso ni̱ꞌ tiñu apóstol ya̱ nchu̱ichí Cristo sáva kachitu̱ꞌún ni̱ꞌ tu̱ꞌun re̱ꞌ nu̱u̱nꞌ ránoꞌó ya̱ ntu̱ví kúvi rán ñɨvɨ Israel, jee nákuetúꞌún ni̱ꞌ tiñu ya̱ ntaji Cristo nu̱u̱nꞌ ni̱ꞌ.

1 Corintios 9:17

Chi retú sáꞌá ni̱ꞌ tiñu vá jie̱ꞌe̱ꞌ kuíni ni̱ꞌ saꞌá ni̱ꞌ maa, jee yukuán jee íyó ni̱ꞌi̱nꞌ ni̱ꞌ ya̱ꞌvi ni̱ꞌ. Soo retú sáꞌá ni̱ꞌ maa nsú jie̱ꞌe̱ꞌ ya̱ kuíni ni̱ꞌ saꞌá ni̱ꞌ maa, jee sáꞌá ni̱ꞌ maa jie̱ꞌe̱ꞌ ntee Ndiosíꞌ tiñu vá si̱kɨ̱ꞌ nuꞌuꞌ.

Gálatas 1:16

stúvi re̱ꞌ Se̱ꞌya re̱ꞌ nu̱u̱nꞌ ni̱ꞌ, sáva stekútu̱ꞌún ni̱ꞌ jie̱ꞌe̱ꞌ vá nu̱u̱nꞌ rá ñɨvɨ ntu kúvi Israel. Sáá nsa̱ꞌá re̱ꞌ suꞌva, jee ntu kuísá níkátu̱ꞌún ni̱ꞌ inka ñɨvɨ jie̱ꞌe̱ꞌ tu̱ꞌun vá.

Gálatas 1:18

Saájee njia̱ꞌa u̱ni̱ꞌ kui̱ya̱ꞌ, jee ña̱ꞌa̱nꞌ ni̱ꞌ ñuunꞌ Jerusalén nne̱ꞌyá ni̱ꞌ Pedro. Saájee nkino̱o ni̱ꞌ xa̱ꞌu̱nꞌ (15) ki̱vɨ̱ꞌ yukuán jín re̱ꞌ.

Gálatas 1:6

Tívɨ́ xíniꞌ ni̱ꞌ ya̱ xínóo ñamaꞌ víꞌí rán Ndiosíꞌ, ya̱ nkana re̱ꞌ ránoꞌó kɨꞌɨ rán chi̱ji naꞌá re̱ꞌ, jie̱ꞌe̱ꞌ íyó mániꞌ iniꞌ Cristo néꞌyá re̱ꞌ ránoꞌó, sú ntu íyó ni̱ꞌi̱nꞌ rán maa. Jee ntɨɨn rán inka tu̱ꞌun káꞌánꞌ sɨ́ɨ́n, ya̱ káchíꞌ ráa ya̱ kúvi tu̱ꞌun váꞌa, naní evangelio.

Gálatas 2:11

Soo sáá nkenta Pedro ñuunꞌ Antioquía, jee nnuni̱ꞌin máá maáníꞌ nu̱u̱nꞌ re̱ꞌ, chi nstívɨ́ re̱ꞌ tiñu nsa̱ꞌá re̱ꞌ.

Gálatas 2:14

Soo sáá niniꞌ ni̱ꞌ ya̱ ntu jiáꞌnu na̱a̱ꞌ ráa sáni káchíꞌ ya̱ naáꞌ tu̱ꞌun váꞌa Jesús, jee nkachiꞌ ni̱ꞌ nu̱u̱nꞌ Pedro ichinúúnꞌ nɨꞌɨ ráa: “Noꞌó ví te̱e Israel, jee nu̱u̱nꞌ jiáꞌnu nú kuéntáꞌ te̱e rá inka nación, jee nu̱u̱nꞌ nsáꞌ jiáꞌnu nú kuéntáꞌ te̱e Israel, ¿na̱ja kúvi tetuvi nú rá ñɨvɨ rá inka nación sikúnkuvi ráa rá ñujiínꞌ rá ñɨvɨ ichiyúkúnꞌ Israel?”

Gálatas 2:9

Jee jíníꞌ rá ñɨvɨ ya̱ Jacobo, Pedro, jín Juan ví rá te̱e kúñáꞌnú nu̱u̱nꞌ rá ñɨvɨ ya̱ kúneí iniꞌ ráa Jesús. Jee ni núníꞌ ráa nsa̱ꞌá kuéntáꞌ ya̱ ntaji Ndiosíꞌ tiñu vá nu̱u̱nꞌ ni̱ꞌ jee chíneí chítuvi re̱ꞌ nuꞌuꞌ. Jee ntɨɨn ráa naꞌá ni̱ꞌ jín Bernabé, jie̱ꞌe̱ꞌ nkuva̱ꞌa iniꞌ ráa nne̱ꞌyá ráa ránuꞌuꞌ. Nsa̱ꞌá ráa suꞌva sáva stúvi ráa ya̱ kúnuún iniꞌ nta̱ká ránꞌ ya̱ kɨ̱satíñú ni̱ꞌ jín Bernabé nteñu rá ñɨvɨ inka nación, jee kɨ̱satíñú ráa nteñu rá ñɨvɨ ya̱ kúvi ichiyúkúnꞌ Israel.

1 Tesalonicenses 2:4

Chisaꞌ Ndiosíꞌ ni̱totúníꞌ ránuꞌuꞌ sáva tetíñú re̱ꞌ ránuꞌuꞌ sáva stékútu̱ꞌún ránꞌ tu̱ꞌun váꞌa jie̱ꞌe̱ꞌ Cristo. Saáva ntu káꞌánꞌ ránꞌ sáva kuva̱ꞌa iniꞌ rá ñɨvɨ kune̱ꞌyá ráa ránuꞌuꞌ. Chisaꞌ káꞌánꞌ ránꞌ sáva kuva̱ꞌa iniꞌ Ndiosíꞌ kune̱ꞌyá re̱ꞌ ránuꞌuꞌ. Maáréꞌ ví ya̱ jítotúníꞌ re̱ꞌ ya̱ ñúꞌún ánímaꞌ‑ó.

1 Timoteo 1:11

sánikua̱ꞌ káchíꞌ tu̱ꞌun váꞌa Ndiosíꞌ jie̱ꞌe̱ꞌ Cristo, ya̱ kúvi tu̱ꞌun viiꞌ máá ñáꞌnú. Jee na̱ ka̱ꞌ netuꞌ ka̱ꞌ kúvi Ndiosíꞌ. Jee nte̱tíñú re̱ꞌ nuꞌuꞌ, ya̱ stekútu̱ꞌún ni̱ꞌ maa.

1 Timoteo 2:7

Jee ñani Ndiosíꞌ nuꞌuꞌ sáva stekútu̱ꞌún ni̱ꞌ ya̱ nsa̱ꞌá Cristo, jee sáva kunisotíñú ni̱ꞌ tiñu apóstol. Ya̱ nááꞌ ví ya̱ káchíꞌ ni̱ꞌ, jee ntu̱ví kátúꞌún ni̱ꞌ. Ñani re̱ꞌ nuꞌuꞌ sáva xinéꞌénꞌ ni̱ꞌ rá ñɨvɨ ntu kúvi Israel tu̱ꞌun nááꞌ Ndiosíꞌ, jín ya̱ íyó kuneí iniꞌ ráa Cristo.

2 Timoteo 1:11

Jee ñani Ndiosíꞌ nuꞌuꞌ sáva stekútu̱ꞌún ni̱ꞌ tu̱ꞌun váꞌa vá. Jee sáva kunisotíñú ni̱ꞌ tiñu apóstol ya̱ chúichí Cristo, jín ya̱ kúvi ni̱ꞌ ɨɨn mestrúꞌ ya̱ xínéꞌénꞌ ni̱ꞌ [rá ñɨvɨ ntu kúvi Israel] tu̱ꞌun váꞌa vá.

2 Pedro 3:15

Jee tɨɨn kuéntáꞌ rán ya̱ kúkuéé I̱toꞌoꞌ‑ó niji re̱ꞌ jie̱ꞌe̱ꞌ ya̱ káꞌnú íyó iniꞌ re̱ꞌ néꞌyá re̱ꞌ rá ñɨvɨ sáva koo ka̱ꞌ tiempúꞌ nakunikɨnꞌ rá ñɨvɨ ka̱ꞌ ichi re̱ꞌ sáva natavaꞌ re̱ꞌ ráa nu̱u̱nꞌ kua̱chi ráa nanitáꞌvíꞌ ráa. Jee suni sukuán ntee ñaniꞌ‑ó Pablo ya̱ ñúnúunꞌ‑ó nu̱u̱nꞌ rá tutuꞌ nu̱u̱nꞌ ránoꞌó sánikua̱ꞌ tu̱ꞌun níchí njia̱ꞌa Ndiosíꞌ nu̱u̱nꞌ re̱ꞌ.