Gálatas 2:5 - Mixteco del suroeste de Tlaxiaco Oaxaca

⁵ Nintíꞌínꞌ ntu njiáꞌa ránꞌ koo suꞌva ya̱ kuíni ráa, sáva kino̱o ya̱ naáꞌ tu̱ꞌun va̱ꞌa Jesús jín rán.

Gálatas 2:5 ပူးပေါင်းရင်းမြစ်များ

Hechos 15:2

Jee ntu̱né nkúnuún iniꞌ Pablo jín Bernabé jín ráa. Jee nka̱ntáꞌán túꞌun víꞌí ráa. Saáva rá ñanitáꞌán ñani ráa Bernabé jín Pablo jín inka rá ñɨvɨ yukuán, jee nta̱jí ráa rává kua̱ꞌa̱nꞌ nu̱u̱nꞌ ñuunꞌ Jerusalén, sáva natúꞌún rává jín rá nísotíñú apóstol jín rá te̱e kúñáꞌnú jie̱ꞌe̱ꞌ tiñu yaꞌá.

Gálatas 1:6

Tívɨ́ xíniꞌ ni̱ꞌ ya̱ xínóo ñamaꞌ víꞌí rán Ndiosíꞌ, ya̱ nkana re̱ꞌ ránoꞌó kɨꞌɨ rán chi̱ji naꞌá re̱ꞌ, jie̱ꞌe̱ꞌ íyó mániꞌ iniꞌ Cristo néꞌyá re̱ꞌ ránoꞌó, sú ntu íyó ni̱ꞌi̱nꞌ rán maa. Jee ntɨɨn rán inka tu̱ꞌun káꞌánꞌ sɨ́ɨ́n, ya̱ káchíꞌ ráa ya̱ kúvi tu̱ꞌun váꞌa, naní evangelio.

Gálatas 2:14

Soo sáá niniꞌ ni̱ꞌ ya̱ ntu jiáꞌnu na̱a̱ꞌ ráa sáni káchíꞌ ya̱ naáꞌ tu̱ꞌun váꞌa Jesús, jee nkachiꞌ ni̱ꞌ nu̱u̱nꞌ Pedro ichinúúnꞌ nɨꞌɨ ráa: “Noꞌó ví te̱e Israel, jee nu̱u̱nꞌ jiáꞌnu nú kuéntáꞌ te̱e rá inka nación, jee nu̱u̱nꞌ nsáꞌ jiáꞌnu nú kuéntáꞌ te̱e Israel, ¿na̱ja kúvi tetuvi nú rá ñɨvɨ rá inka nación sikúnkuvi ráa rá ñujiínꞌ rá ñɨvɨ ichiyúkúnꞌ Israel?”

Gálatas 4:16

¿Á kénta ni̱ꞌ si̱kɨ̱ꞌ rán ya̱ káchíꞌ ni̱ꞌ ya̱ naáꞌ nu̱u̱nꞌ rán rúja? Soo ntu̱ví.

Efesios 1:13

Jee sunisaá ránoꞌó, yɨ́ꞌɨ́ rán nu̱u̱nꞌ Cristo sáá niniso̱ꞌo rán tu̱ꞌun jie̱ꞌe̱ꞌ ya̱ naáꞌ, ya̱ kúvi tu̱ꞌun váꞌa ya̱ sikáku re̱ꞌ ránoꞌó nu̱u̱nꞌ kua̱chi rán, jee nku̱neí iniꞌ rán Cristo. Jee saáva ntaji Ndiosíꞌ Ta̱chi̱ꞌ Ííꞌ re̱ꞌ, yɨ́ꞌɨ́‑ɨ iniꞌ ánímaꞌ‑ó, ya̱ nchi̱sóyuꞌú re̱ꞌ taji re̱ꞌ maa. Ta̱chi̱ꞌ Ííꞌ re̱ꞌ vá kúvi ɨɨn seyúꞌ ya̱ stúvi‑i ya̱ naáꞌ ya̱ kúvi rán se̱ꞌya re̱ꞌ.

Colosenses 1:5

Jiáꞌnu rán suꞌva chi jie̱ꞌe̱ꞌ ni ka̱ꞌ íyó tu̱ꞌun neí iniꞌ rán ni̱ꞌi̱nꞌ rán ta̱ꞌvi̱ꞌ ya̱ nanitáꞌvíꞌ rán ya̱ ñúꞌún va̱ꞌa ne̱ ñuunꞌ íyó súkún nu̱u̱nꞌ íyó Ndiosíꞌ. Jie̱ꞌe̱ꞌ ta̱ꞌvi̱ꞌ vá ví ya̱ ya nteso̱ꞌo rán nu̱u̱nꞌ tu̱ꞌun na̱a̱ꞌ, ya̱ kúvi tu̱ꞌun váꞌa jie̱ꞌe̱ꞌ Cristo, naní evangelio.

1 Tesalonicenses 2:13

Jee suni yɨ́táꞌán jiáꞌa ráníꞌ ya̱ kútaꞌviꞌ ránꞌ nu̱u̱nꞌ Ndiosíꞌ, chi ntɨɨn ránú tu̱ꞌun nteso̱ꞌo rán ya̱ nkachitu̱ꞌún ráníꞌ. Soo ntu̱ví ntɨ́ɨn ránú tu̱ꞌun vá kuéntáꞌ tu̱ꞌun káꞌánꞌ métúꞌún te̱e ni. Chisaꞌ ntɨɨn rán maá kuéntáꞌ Tu̱ꞌun Ndiosíꞌ kúvi‑i, ya̱ máá nááꞌ nijia ya̱ Tu̱ꞌun Ndiosíꞌ kúvi‑i. Jee tu̱ꞌun vá sátíñú iniꞌ ránoꞌó ya̱ kúneí iniꞌ rán Cristo.

Judas 1:3

Ránoꞌó ñaniꞌ jín ku̱ꞌva ya̱ ñúnúunꞌ ni̱ꞌ, na̱ ka̱ꞌ kúvi iniꞌ ni̱ꞌ ya̱ tee ni̱ꞌ nu̱u̱nꞌ rán jie̱ꞌe̱ꞌ tu̱ꞌun ya̱ nátavaꞌ Ndiosíꞌ yó nu̱u̱nꞌ kua̱chi‑ó sikáku re̱ꞌ ránoꞌó jín suni nuꞌuꞌ ranika̱ꞌ. Soo jíniñúꞌún ni̱ꞌ ya̱ íyó tee ni̱ꞌ tutuꞌ nu̱u̱nꞌ ránoꞌó sáva nasáneí ni̱ꞌ iniꞌ rán sáva nama rán tu̱ꞌun Jesús ya̱ jínúꞌ iniꞌ‑órán sáva kino̱o kutú ninuꞌun tu̱ꞌun re̱ꞌ, chi ɨɨn íchíni nɨ́ɨ́nkání ntaji re̱ꞌ maa nu̱u̱nꞌ maáórán ya̱ nsa̱ꞌá sɨ́ɨ́n re̱ꞌ yó sáva kuvi‑ó ñɨvɨ maáréꞌ.