Gálatas 1:9 - Mixteco del suroeste de Tlaxiaco Oaxaca

⁹ Ya̱ nkachiꞌ ni̱ꞌ maa xíꞌna, jee ntañúꞌún níkó tukuni káchíꞌ ni̱ꞌ maa. Retú néni ɨɨn stékútu̱ꞌún nu̱u̱nꞌ rán ɨɨn tu̱ꞌun ya̱ káꞌánꞌ sɨ́ɨ́n nu̱u̱nꞌ tu̱ꞌun váꞌa ya̱ ya ntɨɨn rán, na̱ ka̱ꞌ xinóꞌo ka̱ꞌ Ndiosíꞌ maa nu̱u̱nꞌ ñúꞌúnꞌ xéénꞌ.

Gálatas 1:9 ပူးပေါင်းရင်းမြစ်များ

Hechos 18:23

Sáá nkuvi nneeꞌ‑e yukuán yakuꞌ tiempúꞌ, jee nkene‑e kua̱ꞌa̱nꞌ‑a jiáꞌa‑a ta ñuunꞌ sánitɨ́ɨn Galacia jín Frigia. Jee yukuán nachituvi‑i nɨꞌɨ rá ñɨvɨ níkɨ́nꞌ ñujiínꞌ Jesús.

Romanos 16:17

Jee ránoꞌó ñanitáꞌán ni̱ꞌ, jíkánꞌ táꞌvíꞌ ni̱ꞌ ya̱ nito koo rán maárán nu̱u̱nꞌ rá ñɨvɨ ya̱ sáꞌá ráa ya̱ kusɨ́ɨ́n rá táꞌán‑ó jín xíkíninkava ráa táꞌán‑ó jín tu̱ꞌun ya̱ ntu kétáꞌán jín tu̱ꞌun ya̱ ya nku̱tu̱ꞌva rán. Jee kuiyo rán nu̱u̱nꞌ ráa.

Romanos 9:3

jie̱ꞌe̱ꞌ rá ñanitáꞌán ni̱ꞌ, ya̱ kúvi ñɨvɨ táꞌán tataꞌ ni̱ꞌ, ya̱ kúvi rá ñɨvɨ tataꞌ Israel. Chi kuvi niyo iniꞌ ni̱ꞌ ya̱ xinóꞌo Ndiosíꞌ nuꞌuꞌ jín ya̱ kusɨ́ɨ́n ni̱ꞌ nu̱u̱nꞌ Cristo nékúvi, sáva chunáán ni̱ꞌ maáníꞌ nu̱u̱nꞌ Ndiosíꞌ nu̱u̱nꞌ kua̱chi ráa nékúvi, retú sukuán kúvi natavaꞌ ni̱ꞌ ráa nu̱u̱nꞌ kua̱chi ráa sikáku ni̱ꞌ ráa nékúvi. Chi nna̱keꞌen Ndiosíꞌ ráa sáva kuvi ráa se̱ꞌya re̱ꞌ. Jee nteñu vi̱ko̱ꞌ ñanu̱te̱ꞌ re̱ꞌ nneeꞌ re̱ꞌ jín ráa. Jee nsa̱ꞌá re̱ꞌ tratúꞌ jín ráa. Jee nni̱ꞌi̱nꞌ ráa tu̱ꞌun nta̱túníꞌ re̱ꞌ ya̱ njia̱ꞌa re̱ꞌ nu̱u̱nꞌ Moisés. Jee nxi̱néꞌénꞌ re̱ꞌ ráa na̱sa kuneñu̱ꞌun ráa re̱ꞌ. Jee kue̱ꞌe̱ꞌ jie̱ꞌe̱ꞌ nchi̱sóyuꞌú re̱ꞌ nu̱u̱nꞌ ráa ya̱ saꞌá re̱ꞌ ya̱ váꞌa nu̱u̱nꞌ ráa.

2 Corintios 1:17

Sáá nkuna̱a̱ꞌ iniꞌ ni̱ꞌ yaꞌá, ¿á nka̱si̱kɨ́ ni̱ꞌ jie̱ꞌe̱ꞌ ya̱ ntu ñáne̱ꞌyá ni̱ꞌ ránoꞌó ya̱ uvíꞌ íchí, rúsa? Áxí, ¿á jiáni iniꞌ ni̱ꞌ ya̱ saꞌá ni̱ꞌ sáni níyo iniꞌ ni̱ꞌ kuéntáꞌ ñɨvɨ ya̱ ntu yɨ́ꞌɨ́ ráa nu̱u̱nꞌ Ndiosíꞌ, ya̱ u̱vi̱ꞌ nu̱u̱nꞌ jiáni iniꞌ‑i, ya̱ sa̱naanꞌ “kuvi, kuvi” káchíꞌ ni̱ꞌ soo tukuni “ntu̱ví, ntu̱ví” káchíꞌ ni̱ꞌ, rúsa?

Filipenses 3:1

Jee nu̱u̱nꞌ nɨ́ꞌɨ káchíꞌ ni̱ꞌ ka̱ꞌ nu̱u̱nꞌ rán, ránoꞌó ñaniꞌ jín ku̱ꞌva. Sɨ̱ɨ̱ꞌ koo iniꞌ ánímaꞌ rán jie̱ꞌe̱ꞌ I̱toꞌoꞌ‑ó. Nsú tiñu stáña̱ꞌán ví nu̱u̱nꞌ ni̱ꞌ, ya̱ tée tuku ni̱ꞌ ɨɨn ni tu̱ꞌun yaꞌá nu̱u̱nꞌ rán, jee kootiñu tu̱ꞌun vá sáva kukutú rán ka̱ꞌ.

Filipenses 4:4

Sukuáni níní koo sɨ̱ɨ̱ꞌ iniꞌ ánímaꞌ rán jie̱ꞌe̱ꞌ I̱toꞌoꞌ‑ó, jee tukuni káchíꞌ ni̱ꞌ: koo sɨ̱ɨ̱ꞌ iniꞌ ánímaꞌ rán.