Gálatas 1:8 - Mixteco del suroeste de Tlaxiaco Oaxaca

⁸ Retú maáránꞌ áxí retú ɨɨn najiáꞌáꞌ ííꞌ Ndiosíꞌ, va̱ji súkún stekútu̱ꞌún nu̱u̱nꞌ rán ɨɨn tu̱ꞌun ya̱ káꞌánꞌ sɨ́ɨ́n nu̱u̱nꞌ tu̱ꞌun váꞌa ya̱ ya nste̱kútu̱ꞌún ránꞌ nu̱u̱nꞌ rán, na̱ ka̱ꞌ xinóꞌo ka̱ꞌ Ndiosíꞌ maa nu̱u̱nꞌ ñúꞌúnꞌ xéénꞌ.

Gálatas 1:8 ပူးပေါင်းရင်းမြစ်များ

Génesis 9:25

jee nkachiꞌ re̱ꞌ: “Kosoni̱nu Canaán, kuvi ichiyúkúnꞌ kene ráa nu̱u̱nꞌ re̱ꞌ musúꞌ keꞌen ñɨvɨ kɨꞌɨ ráa xi̱ntíín [ichiyúkúnꞌ] kene rává nu̱u̱nꞌ rá ñaniꞌ re̱ꞌ.”

Mateo 25:41

’Saájee kachiꞌ ni̱ꞌ nu̱u̱nꞌ rá ñɨvɨ íñɨ́ ichi sátín ni̱ꞌ: “¡Kuiyo rán nu̱u̱nꞌ ni̱ꞌ! Chísónínu Tátáꞌ ni̱ꞌ ránoꞌó. Kɨ̱ꞌɨ̱nꞌ rán nu̱u̱nꞌ ñuꞌúnꞌ xéénꞌ ya̱ káyúꞌ nɨ́ɨ́nkání, nu̱u̱nꞌ ya̱ íyó stákoo nu̱u̱nꞌ kɨ̱ꞌɨ̱nꞌ kui̱ꞌna̱ꞌ kúñáꞌnú jín rá ta̱chi̱ꞌ kíni‑i ya̱ kúvi najiáꞌáꞌ‑a.

Marcos 14:71

Soo nka̱jiéꞌé re̱ꞌ ne̱ nchi̱sónínu re̱ꞌ maáréꞌ ya̱ xinóꞌo Ndiosíꞌ re̱ꞌ retú ntu káꞌánꞌ na̱a̱ꞌ re̱ꞌ. Jee nsa̱náaꞌ re̱ꞌ nu̱u̱nꞌ tu̱ꞌun káchíꞌ re̱ꞌ: ―Ntu jíníꞌ ni̱ꞌ te̱e vá, ya̱ káꞌánꞌ rán jie̱ꞌe̱ꞌ‑e.

Hechos 23:14

Ña̱ꞌa̱nꞌ ráa nu̱u̱nꞌ rá su̱tu̱ꞌ kúñáꞌnú jín nu̱u̱nꞌ rá te̱e kúñáꞌnú, jee nkachiꞌ ráa: ―Nchi̱sóyuꞌú ránꞌ nu̱u̱nꞌ Ndiosíꞌ ya̱ nka̱jíꞌ ránꞌ ne̱ kaꞌniꞌ ránꞌ Pablo.

Romanos 16:17

Jee ránoꞌó ñanitáꞌán ni̱ꞌ, jíkánꞌ táꞌvíꞌ ni̱ꞌ ya̱ nito koo rán maárán nu̱u̱nꞌ rá ñɨvɨ ya̱ sáꞌá ráa ya̱ kusɨ́ɨ́n rá táꞌán‑ó jín xíkíninkava ráa táꞌán‑ó jín tu̱ꞌun ya̱ ntu kétáꞌán jín tu̱ꞌun ya̱ ya nku̱tu̱ꞌva rán. Jee kuiyo rán nu̱u̱nꞌ ráa.

Romanos 9:3

jie̱ꞌe̱ꞌ rá ñanitáꞌán ni̱ꞌ, ya̱ kúvi ñɨvɨ táꞌán tataꞌ ni̱ꞌ, ya̱ kúvi rá ñɨvɨ tataꞌ Israel. Chi kuvi niyo iniꞌ ni̱ꞌ ya̱ xinóꞌo Ndiosíꞌ nuꞌuꞌ jín ya̱ kusɨ́ɨ́n ni̱ꞌ nu̱u̱nꞌ Cristo nékúvi, sáva chunáán ni̱ꞌ maáníꞌ nu̱u̱nꞌ Ndiosíꞌ nu̱u̱nꞌ kua̱chi ráa nékúvi, retú sukuán kúvi natavaꞌ ni̱ꞌ ráa nu̱u̱nꞌ kua̱chi ráa sikáku ni̱ꞌ ráa nékúvi. Chi nna̱keꞌen Ndiosíꞌ ráa sáva kuvi ráa se̱ꞌya re̱ꞌ. Jee nteñu vi̱ko̱ꞌ ñanu̱te̱ꞌ re̱ꞌ nneeꞌ re̱ꞌ jín ráa. Jee nsa̱ꞌá re̱ꞌ tratúꞌ jín ráa. Jee nni̱ꞌi̱nꞌ ráa tu̱ꞌun nta̱túníꞌ re̱ꞌ ya̱ njia̱ꞌa re̱ꞌ nu̱u̱nꞌ Moisés. Jee nxi̱néꞌénꞌ re̱ꞌ ráa na̱sa kuneñu̱ꞌun ráa re̱ꞌ. Jee kue̱ꞌe̱ꞌ jie̱ꞌe̱ꞌ nchi̱sóyuꞌú re̱ꞌ nu̱u̱nꞌ ráa ya̱ saꞌá re̱ꞌ ya̱ váꞌa nu̱u̱nꞌ ráa.

1 Corintios 12:3

Jee saáva síkúkáꞌnú ni̱ꞌ iniꞌ rán ya̱ ni ɨɨn ñɨvɨ ya̱ retú káchíꞌ‑i: “Yósóni̱nu Jesús”, jee nsú tu̱ꞌun ya̱ jiáꞌa Ta̱chi̱ꞌ Ííꞌ Ndiosíꞌ ví rá tu̱ꞌun káꞌánꞌ‑a vá. Jee suni ni ɨɨn ñɨvɨ nkúvi kachiꞌ‑i ya̱: “Jesús ví I̱toꞌoꞌ nu̱u̱nꞌ kua̱íyó”, retú nsú Ta̱chi̱ꞌ Ííꞌ ví ya̱ jiáꞌa tu̱ꞌun nu̱u̱nꞌ ya̱ káchíꞌ‑i.

1 Corintios 16:22

Retú néni ɨɨn ñɨvɨ ntu ñúnúunꞌ‑u I̱toꞌoꞌ‑ó, ¡kosoni̱nu ñɨvɨ vá! ¡I̱toꞌoꞌ‑ó neꞌenꞌ!

Gálatas 1:9

Ya̱ nkachiꞌ ni̱ꞌ maa xíꞌna, jee ntañúꞌún níkó tukuni káchíꞌ ni̱ꞌ maa. Retú néni ɨɨn stékútu̱ꞌún nu̱u̱nꞌ rán ɨɨn tu̱ꞌun ya̱ káꞌánꞌ sɨ́ɨ́n nu̱u̱nꞌ tu̱ꞌun váꞌa ya̱ ya ntɨɨn rán, na̱ ka̱ꞌ xinóꞌo ka̱ꞌ Ndiosíꞌ maa nu̱u̱nꞌ ñúꞌúnꞌ xéénꞌ.

Gálatas 3:10

Chi yósóni̱nu nta̱ká rá ñɨvɨ ya̱ nánukú ráa saꞌá ráa ya̱ tátúníꞌ ley vá sáva kino̱o na̱a̱ꞌ ráa nu̱u̱nꞌ Ndiosíꞌ. Chi káchíꞌ tu̱ꞌun ley nta̱túníꞌ Ndiosíꞌ ya̱ nééꞌ nu̱u̱nꞌ tutuꞌ: “Kosoni̱nu nta̱ká ráa ya̱ ntu kúníꞌin ráa kaníjiá ráa nɨꞌɨ kuitɨꞌ ya̱ tátúníꞌ ley ya̱ nééꞌ nu̱u̱nꞌ tutuꞌ.”

Gálatas 3:13

Cristo nchu̱náán nkáꞌnú re̱ꞌ nu̱u̱nꞌ Ndiosíꞌ jie̱ꞌe̱ꞌ kua̱chi sáꞌá‑ó, sáva nakani núne re̱ꞌ yó nu̱u̱nꞌ ya̱ chísónínu tu̱ꞌun ley yó. Chi nkenta nyosoni̱nu re̱ꞌ sáva kuvi ya̱ váꞌa nu̱u̱nꞌ‑ó, chi níso nu̱u̱nꞌ Tutuꞌ Tu̱ꞌun Ndiosíꞌ ya̱: “Yósóni̱nu nta̱ká ñɨvɨ níntakaa nu̱u̱nꞌ yutun.”

Tito 3:10

Retú íyó ɨɨn ñɨvɨ ya̱ núkú ya̱ sasɨ́ɨ́n‑ɨ rá ñanitáꞌán‑ó ya̱ yɨ́ꞌɨ́ ichi Cristo, stúꞌva maa ɨɨn íchí áxí ya̱ uvíꞌ íchí. Jee retú ntu sáma‑a, tavaꞌ maa nu̱u̱nꞌ grupo vá kɨ̱ꞌɨ̱nꞌ‑ɨ.

2 Pedro 2:14

Sáá néꞌyá ráa ɨɨn ñaꞌan jiáni néꞌí iniꞌ ráa jee ni ntu síkɨ́kui̱ñɨ̱ꞌ ráa ya̱ sáꞌá ráa kua̱chi. Jee síjínúꞌ ráa iniꞌ rá ñɨvɨ ntu íñɨ́ kutú rává jín Tu̱ꞌun Ndiosíꞌ nástá ráa rává kunikɨnꞌ rává ichi xínéꞌénꞌ ráa, chi maa ñɨvɨ tu̱ꞌva iniꞌ kúvi ráa, chi nijia iniꞌ ráa sáꞌá ráa tiñu uꞌvi iniꞌ. Kúvi ráa ñɨvɨ ya̱ níꞌínꞌ ráa ya̱ chisónínu Ndiosíꞌ ráa.