Filemón 1:20 - Mixteco del suroeste de Tlaxiaco Oaxaca

²⁰ Saáva noꞌó ñaniꞌ, maá nááꞌ nijia ya̱ táváꞌ ni̱ꞌ ya̱ váꞌa nu̱u̱nꞌ noꞌó jie̱ꞌe̱ꞌ yɨ́ꞌɨ́‑ó nu̱u̱nꞌ I̱toꞌoꞌ‑ó. Jee náxinúváꞌa nú iniꞌ ánímaꞌ ni̱ꞌ jie̱ꞌe̱ꞌ yɨ́ꞌɨ́‑ó xi̱ntíín Cristo.

Filemón 1:20 ပူးပေါင်းရင်းမြစ်များ

1 Corintios 16:18

chi nna̱sáneí víꞌí ráa iniꞌ ni̱ꞌ, saáva saꞌá ñáꞌnú rán nu̱u̱nꞌ rá ñɨvɨ íyó sukuán.

2 Corintios 2:2

Chi retú nuꞌuꞌ nasaꞌá kuéká ni̱ꞌ iniꞌ rán, saájee, ¿né ɨɨn ví ya̱ nasaꞌá sɨ̱ɨ̱ꞌ iniꞌ ni̱ꞌ, résa? Ntu̱ví ka̱ꞌ ñɨvɨ chi kua̱chi maáránoꞌó ni ví‑i, soo ¿na̱ja kúvi saꞌá rán maa retú ya̱ nna̱saꞌá kuéká ni̱ꞌ iniꞌ rán, résa?

2 Corintios 7:13

Saáva núváꞌa iniꞌ ráníꞌ. Núváꞌa iniꞌ ráníꞌ, soo saꞌ víꞌí káꞌ kúsɨ́ɨꞌ nasɨ́kuitɨꞌ iniꞌ ránꞌ ya̱ kúsɨ́ɨꞌ iniꞌ Tito, chi va̱ne̱ꞌ va̱ꞌa kúvi iniꞌ ánímaꞌ re̱ꞌ jie̱ꞌe̱ꞌ nta̱ká ránoꞌó.

Filipenses 1:8

Chi jíníꞌ Ndiosíꞌ, ya̱ ñúnúunꞌ ni̱ꞌ nta̱ká ránoꞌó sáni ñúnúunꞌ Cristo Jesús yó.

Filipenses 4:1

I̱ña̱jée, ránoꞌó ñaniꞌ ni̱ꞌ jín ku̱ꞌva ni̱ꞌ, ya̱ ñúnúunꞌ ni̱ꞌ jee níyo víꞌí iniꞌ ni̱ꞌ kune̱ꞌyá ni̱ꞌ ránoꞌó. Maárán ví ya̱ násaꞌá sɨ́ɨꞌ iniꞌ ánímaꞌ ni̱ꞌ. Jee kuéntáꞌ ta̱ꞌvi̱ꞌ ví ránoꞌó ya̱ ni̱ꞌi̱nꞌ ni̱ꞌ sáá kuneí ni̱ꞌ carrera. Saáva kuiñɨ ni̱ꞌin rán jín I̱toꞌoꞌ‑ó, ránoꞌó ya̱ ñúnúunꞌ ni̱ꞌ.

Filemón 1:12

Jee náchuichí tuku ni̱ꞌ maa nu̱u̱nꞌ noꞌó. Jee natɨɨn maa ya̱ ñúnúunꞌ ni̱ꞌ maa ne̱ ánímaꞌ ni̱ꞌ.

Filemón 1:7

Chi kúsɨ́ɨꞌ nasɨ́kuitɨꞌ iniꞌ ánímaꞌ ni̱ꞌ, ñaniꞌ, jee núneí iniꞌ ni̱ꞌ jie̱ꞌe̱ꞌ ñúnúunꞌ nú rá ñanitáꞌán‑ó, chi nxi̱núváꞌa nú iniꞌ ánímaꞌ rá ñɨvɨ ya̱ nku̱sɨ́ɨ́n ráa yɨ́ꞌɨ́ ráa nu̱u̱nꞌ Cristo.

Hebreos 13:17

Jee kaníjiá rán rá te̱e yósóꞌ ichinúúnꞌ rán jee chiꞌi rán maárán xi̱ntíín ráa, chi maáráa ví ya̱ néen kuéntáꞌ ráa ránoꞌó sáva kúvi‑i ya̱ váꞌa nu̱u̱nꞌ rán. Chi naku̱ꞌva ráa kuéntáꞌ jie̱ꞌe̱ꞌ‑e nu̱u̱nꞌ Ndiosíꞌ. Kaníjiá rán ráa sáva kusɨ̱ɨ̱ꞌ iniꞌ ráa sikúnkuvi ráa tiñu sáꞌá ráa, jee sáva nkéꞌen ráa kue̱ka̱ꞌ saꞌá ráa maa chi retú sukuán jee nsáꞌ váꞌa kúvi nu̱u̱nꞌ rán.

1 Juan 3:17

Soo néni ɨɨn ñɨvɨ ya̱ kúmí‑i rá nantíñú íyó ñɨ̱vɨ́ yaꞌá, jee jíníꞌ‑i ya̱ kúmániꞌ ya̱ jíniñúꞌún ñanitáꞌán‑a kutekuꞌ‑u, soo nu̱u̱nꞌ kutú ánímaꞌ‑a, jee ni ntu̱náꞌ jiáꞌa‑a ya̱ jíniñúꞌún ñanitáꞌán‑a, ¿na̱sa kúvi ñúꞌún iniꞌ ñɨvɨ vá ya̱ sáꞌá Ndiosíꞌ ya̱ kunu̱u̱nꞌ‑u, résa?

3 Juan 1:4

Ntu̱ví ka̱ꞌ ná inka jie̱ꞌe̱ꞌ kusɨ̱ɨ̱ꞌ ka̱ꞌ iniꞌ ni̱ꞌ nsú káꞌ ya̱ tésóꞌo ni̱ꞌ ya̱ rá ñɨvɨ, ya̱ kúvi kuéntáꞌ se̱ꞌya ni̱ꞌ, jíka ráa jín tu̱ꞌun na̱a̱ꞌ.