Filemón 1:14 - Mixteco del suroeste de Tlaxiaco Oaxaca

¹⁴ Soo ntu̱ví kuíni ni̱ꞌ saꞌá ni̱ꞌ ni ɨɨn tiñu, retú ntu̱ví tájiyuꞌú nú nu̱u̱nꞌ ni̱ꞌ ya̱ saꞌá ni̱ꞌ maa, sáva ntu sáꞌá nú maa jie̱ꞌe̱ꞌ tétuvi ni̱ꞌ noꞌó saꞌá nú maa, chisaꞌ sáꞌá nú maa jie̱ꞌe̱ꞌ kuíni maánú saꞌá nú maa.

Filemón 1:14 ပူးပေါင်းရင်းမြစ်များ

1 Corintios 9:17

Chi retú sáꞌá ni̱ꞌ tiñu vá jie̱ꞌe̱ꞌ kuíni ni̱ꞌ saꞌá ni̱ꞌ maa, jee yukuán jee íyó ni̱ꞌi̱nꞌ ni̱ꞌ ya̱ꞌvi ni̱ꞌ. Soo retú sáꞌá ni̱ꞌ maa nsú jie̱ꞌe̱ꞌ ya̱ kuíni ni̱ꞌ saꞌá ni̱ꞌ maa, jee sáꞌá ni̱ꞌ maa jie̱ꞌe̱ꞌ ntee Ndiosíꞌ tiñu vá si̱kɨ̱ꞌ nuꞌuꞌ.

1 Corintios 9:7

¿Né ɨɨn soldado sátíñú saɨn jee tékúꞌ re̱ꞌ xu̱ꞌún veꞌi maáréꞌ rúsa? Áxí, ¿né ɨɨn te̱e ya̱ tée re̱ꞌ tataꞌ uva jee ntu̱ví yájíꞌ re̱ꞌ ya̱ vixíꞌ vá rúja? Áxí, ¿né ɨɨn ñɨvɨ ya̱ kúmí‑i rá lanchi jee ntu̱ví jíꞌi‑i xu̱kui rátíꞌ rúja? Ntu̱ví íyó sukuán.

2 Corintios 1:24

Jee nsáꞌ núníꞌin ránꞌ kosoꞌ ránꞌ nu̱u̱nꞌ ránoꞌó jie̱ꞌe̱ꞌ ichi ya̱ kúneí iniꞌ ránú Jesús. Chisaꞌ táꞌán sátíñú nkáá kúvi ránꞌ jín ránoꞌó, sáva kusɨ̱ɨ̱ꞌ iniꞌ ánímaꞌ ránú. Chi íñɨ́ ni̱ꞌin rán jie̱ꞌe̱ꞌ kúneí iniꞌ rán Cristo.

2 Corintios 8:12

Chi retú ñúkáñá iniꞌ ɨɨn ñɨvɨ saꞌá‑a vá, jee kúváꞌa iniꞌ Ndiosíꞌ néꞌyá re̱ꞌ sáá ku̱ꞌva‑a sánikua̱ꞌ íyó kúmí‑i, jee nsáꞌ sánikua̱ꞌ ntu kúmí‑i.

2 Corintios 9:5

Saáva ñani iniꞌ ni̱ꞌ ya̱ íyó ka̱ka̱nꞌ ni̱ꞌ nu̱u̱nꞌ rá ñaniꞌ‑ó yaꞌá sáva xíꞌna ráa ka̱ꞌ kua̱jiaaꞌ ráa nu̱u̱nꞌ nééꞌ rán jee sástákoo ráa xíꞌna ka̱ꞌ ya̱ tetáꞌán rán, ya̱ nchi̱sóyuꞌú rán, sáva saꞌá rán ya̱ netuꞌ kuvi rá ñaniꞌ láꞌví. Jee suꞌva koo tu̱ꞌva nɨꞌɨ, sáva kuva̱ꞌa iniꞌ rán tetáꞌán rán jee nsú jie̱ꞌe̱ꞌ sáꞌá u̱ꞌvi̱ꞌ iniꞌ ráníꞌ.

2 Corintios 9:7

Jee ta ɨɨn ɨɨn rán ku̱ꞌva rán na̱sa kua̱ꞌ ñúꞌún iniꞌ ánímaꞌ maárán ku̱ꞌva rán, jee nsú jín tu̱ꞌun kúxi̱í iniꞌ rán ku̱ꞌva rán maa, ni nsú ne̱ fuersáꞌ íyó koo iniꞌ rán ku̱ꞌva rán. Chi Ndiosíꞌ ñúnúunꞌ re̱ꞌ ñɨvɨ ya̱ kúsɨ́ɨꞌ iniꞌ‑i jiáꞌa‑a.