Efesios 6:6 - Mixteco del suroeste de Tlaxiaco Oaxaca

⁶ Nsú kua̱chi sáá néꞌyá ráa ránoꞌó kaníjiá rán, ya̱ kua̱chi núkú rán ya̱ kuva̱ꞌa iniꞌ ráa kune̱ꞌyá ráa ránoꞌó. Chisaꞌ kuéntáꞌ musúꞌ ya̱ sátíñú rán nu̱u̱nꞌ Cristo, jee ne̱ jín ánímaꞌ rán saꞌá rán sáni kuíni Ndiosíꞌ.

Efesios 6:6 ပူးပေါင်းရင်းမြစ်များ

Mateo 12:50

Chi néni ɨɨn ñɨvɨ ya̱ sáꞌá‑a sáni kuíni Tátáꞌ ni̱ꞌ Ndiosíꞌ ya̱ nééꞌ antivɨ́ súkún, jee suvi‑i ví ñaniꞌ ni̱ꞌ jín ku̱ꞌva ni̱ꞌ jín náánꞌ ni̱ꞌ ―nkachiꞌ Jesús.

Mateo 7:21

’Nsú ntáká ñɨvɨ ya̱ káchíꞌ ráa nu̱u̱nꞌ nuꞌuꞌ “I̱toꞌoꞌ ni̱ꞌ, I̱toꞌoꞌ ni̱ꞌ”, ni̱ꞌi̱nꞌ ráa ki̱vɨ ráa naꞌá Ndiosíꞌ ya̱ nééꞌ antivɨ́ súkún, chisaꞌ sáni rá ñɨvɨ ya̱ síkúnkuvi nijia rá tiñu sáni kuíni Tátáꞌ ni̱ꞌ Ndiosíꞌ íyó antivɨ́ súkún.

Marcos 3:35

Chi néni ɨɨn ñɨvɨ ya̱ sáꞌá‑a sáni kuíni Ndiosíꞌ, suvi‑i ví ñaniꞌ ni̱ꞌ jín ku̱ꞌva ni̱ꞌ jín náánꞌ ni̱ꞌ ―nkachiꞌ re̱ꞌ.

Romanos 6:17

Soo nkútaꞌviꞌ‑ó nu̱u̱nꞌ Ndiosíꞌ, ya̱ súnika̱ꞌ nyɨ̱ꞌɨ rán xi̱ntíín kua̱chi kuéntáꞌ musúꞌ kéꞌen, nékúvi, soo vitan jee nka̱níjiá rán ne̱ ánímaꞌ rán Tu̱ꞌun Ndiosíꞌ ya̱ nxi̱néꞌénꞌ ráa nu̱u̱nꞌ ránoꞌó.

1 Corintios 7:22

Chi te̱e ya̱ kúvi musúꞌ ya̱ nkeꞌen ñɨvɨ, sáá nkana I̱toꞌoꞌ‑ó maa kɨꞌɨ‑ɨ nu̱u̱nꞌ re̱ꞌ, jee vitan jee ya nakui̱ñɨ̱ꞌ núne‑e nu̱u̱nꞌ kua̱chi‑i, ya̱ yɨ́ꞌɨ́‑ɨ xi̱ntíín I̱toꞌoꞌ‑ó. Jee suni sukuán kúvi jín te̱e íñɨ́ núne ya̱ sáꞌá‑a tiñu maáa, sáá nkana Ndiosíꞌ maa kɨꞌɨ‑ɨ nu̱u̱nꞌ re̱ꞌ, jee saájee ya kúvi‑i musúꞌ ya̱ yɨ́ꞌɨ́ xi̱ntíín I̱toꞌoꞌ‑ó Cristo.

Gálatas 1:10

Saájee, jín tu̱ꞌun káꞌánꞌ ni̱ꞌ yaꞌá, ¿á nánukú ni̱ꞌ ya̱ kino̱o va̱ꞌa ni̱ꞌ nu̱u̱nꞌ rá ñɨvɨ áxí nu̱u̱nꞌ Ndiosíꞌ? ¿Á nánukú ni̱ꞌ ya̱ kuva̱ꞌa iniꞌ rá ñɨvɨ kune̱ꞌyá ráa nuꞌuꞌ? ¡Ntu̱ví! Chi ré nánukú ni̱ꞌ ya̱ kuva̱ꞌa iniꞌ rá ñɨvɨ kune̱ꞌyá ráa nuꞌuꞌ, jee nsú musúꞌ jiátíñú Cristo kúvi ni̱ꞌ, nékúvi.

Efesios 5:17

Jee saáva koto kúvi rán ñɨvɨ jiáni naanꞌ xi̱ni̱ꞌ, chisaꞌ ki̱ku̱ꞌun iniꞌ rán ntáká tiñu ya̱ kuíni I̱toꞌoꞌ‑ó ya̱ saꞌá rán.

Filipenses 2:12

Saájee, ránoꞌó ya̱ ñúnúunꞌ ni̱ꞌ. Kuéntáꞌ sukuáni káníjiá rán tu̱ꞌun xínéꞌénꞌ ni̱ꞌ sáá nééꞌ ni̱ꞌ jín rán, soo vitan, sáá íyó íká ni̱ꞌ nu̱u̱nꞌ rán, saꞌ víꞌí káꞌ naniꞌvɨꞌ iniꞌ rán kaka na̱a̱ꞌ rán nu̱u̱nꞌ Tu̱ꞌun Ndiosíꞌ, ya̱ ña̱tíñú re̱ꞌ sáva natavaꞌ re̱ꞌ ránoꞌó nu̱u̱nꞌ kua̱chi rán sikáku re̱ꞌ ránoꞌó. Jee naniꞌvɨꞌ iniꞌ rán saꞌá ñáꞌnú víꞌí rán nu̱u̱nꞌ re̱ꞌ, jee naniꞌvɨꞌ iniꞌ rán ya̱ koto stívɨ́ rán maárán.

Colosenses 1:9

Saájee, ne̱ ki̱vɨ̱ꞌ ya̱ nteso̱ꞌo ráníꞌ tu̱ꞌun vá jie̱ꞌe̱ꞌ ránoꞌó, jee ntu̱ví síkɨ́kui̱ñɨ̱ꞌ ránꞌ maáránꞌ ya̱ káꞌánꞌ ránꞌ jín Ndiosíꞌ jie̱ꞌe̱ꞌ ránú. Jee jíkánꞌ táꞌvíꞌ ránꞌ nu̱u̱nꞌ re̱ꞌ ya̱ chitú noo rán kukáꞌnú iniꞌ rán ya̱ kuíni re̱ꞌ, jie̱ꞌe̱ꞌ ya̱ sáꞌá Ta̱chi̱ꞌ Ííꞌ re̱ꞌ ya̱ nta̱ká nu̱u̱nꞌ kuníchí xíniꞌ rán jie̱ꞌe̱ꞌ tu̱ꞌun re̱ꞌ, jín ya̱ ki̱ku̱ꞌun iniꞌ rán tu̱ꞌun re̱ꞌ.

Colosenses 4:12

Tájí Epafras tu̱ꞌun jíkátu̱ꞌún re̱ꞌ jie̱ꞌe̱ꞌ ránoꞌó, ya̱ suni kúvi re̱ꞌ táꞌán ñuunꞌ rán, jee kúvi re̱ꞌ musúꞌ ya̱ jiátíñú Cristo Jesús. Jee sáá káꞌánꞌ re̱ꞌ jín Ndiosíꞌ, jee sukuáni núnasɨ́ re̱ꞌ jíkánꞌ táꞌvíꞌ víꞌí re̱ꞌ jie̱ꞌe̱ꞌ rán, ya̱ kuiñɨ ni̱ꞌin rán, ya̱ kujia iniꞌ rán nu̱u̱nꞌ tu̱ꞌun kúneí iniꞌ rán, jee ya̱ koo kutú rán nu̱u̱nꞌ nɨꞌɨ ya̱ kuíni maá Ndiosíꞌ.

1 Tesalonicenses 2:4

Chisaꞌ Ndiosíꞌ ni̱totúníꞌ ránuꞌuꞌ sáva tetíñú re̱ꞌ ránuꞌuꞌ sáva stékútu̱ꞌún ránꞌ tu̱ꞌun váꞌa jie̱ꞌe̱ꞌ Cristo. Saáva ntu káꞌánꞌ ránꞌ sáva kuva̱ꞌa iniꞌ rá ñɨvɨ kune̱ꞌyá ráa ránuꞌuꞌ. Chisaꞌ káꞌánꞌ ránꞌ sáva kuva̱ꞌa iniꞌ Ndiosíꞌ kune̱ꞌyá re̱ꞌ ránuꞌuꞌ. Maáréꞌ ví ya̱ jítotúníꞌ re̱ꞌ ya̱ ñúꞌún ánímaꞌ‑ó.

1 Tesalonicenses 4:3

Chi kuíni Ndiosíꞌ ya̱ kusɨ́ɨ́n ránú ya̱ nkɨ́ꞌɨ rán nu̱u̱nꞌ tiñu níváꞌa, ya̱ koto núnéꞌén rán jín inka ñɨvɨ ya̱ ntu ntánáꞌá‑a jín nú.

Hebreos 10:36

Chi jíniñúꞌún káꞌnú koo iniꞌ rán kuni̱ꞌin rán kuiñɨ rán jín Jesús, sáva ré nkuvi nsa̱ꞌá rán sáni kuíni re̱ꞌ jee ni̱ꞌi̱nꞌ rán ta̱ꞌvi̱ꞌ ya̱ nchi̱sóyuꞌú Ndiosíꞌ.

Hebreos 13:21

Jee na̱ ka̱ꞌ sikújia Ndiosíꞌ iniꞌ rán saꞌá tu̱ꞌva re̱ꞌ ránoꞌó ntáká tiñu váꞌa sáva saꞌá rán sáni kuíni re̱ꞌ, chi sáꞌá re̱ꞌ iniꞌ‑ó tiñu kúváꞌa iniꞌ re̱ꞌ néꞌyá re̱ꞌ maa, jie̱ꞌe̱ꞌ ya̱ sáꞌá Jesucristo jín‑ó. Jee maáa vá nakuetúꞌún‑ó nɨ́ɨ́nkání ya̱ kúñáꞌnú víꞌí‑i ntáká tiempúꞌ. Sukuán koo, amén.

1 Pedro 2:15

Chi ya̱ kuíni Ndiosíꞌ ví ya̱ saꞌá rán rá tiñu váꞌa, sáva kasɨꞌ rán yuꞌú rá ñɨvɨ naanꞌ nsáꞌ ni̱ꞌi̱nꞌ ráa jie̱ꞌe̱ꞌ kaꞌanꞌ ráa si̱kɨ̱ꞌ rán jie̱ꞌe̱ꞌ ya̱ ntu jíníꞌ ráa.

1 Pedro 4:2

sáva ntu kueꞌnu‑u ka̱ꞌ nu̱u̱nꞌ rá tiñu níváꞌa ya̱ níyo iniꞌ rá ñɨvɨ rá tiempúꞌ tékúꞌ‑u iniꞌ yɨkɨkúñu‑u. Chisaꞌ kueꞌnu‑u sáni kuíni Ndiosíꞌ.

1 Juan 2:17

Jee ñɨ̱vɨ́ chi kua̱nɨꞌɨ‑ɨ, jín rá íyó iniꞌ‑i ya̱ níyo iniꞌ‑ó. Soo ñɨvɨ ya̱ sáꞌá sánikua̱ꞌ kuíni Ndiosíꞌ kino̱o kutú‑u jín re̱ꞌ nɨ́ɨ́nkání.