Efesios 6:5 - Mixteco del suroeste de Tlaxiaco Oaxaca

⁵ Jee ránoꞌó ya̱ kúvi musúꞌ, kaníjiá rán sikúnkuvi rán nu̱u̱nꞌ rá ñɨvɨ ya̱ kúvi i̱toꞌoꞌ rán, ya̱ náka ráa ránoꞌó iniꞌ ñɨ̱vɨ́ yaꞌá. Jee kuyúꞌví iniꞌ rán koo ya̱ ñáꞌnú nu̱u̱nꞌ rán nu̱u̱nꞌ ráa, ne̱ saɨn kuꞌun iniꞌ ánímaꞌ rán satíñú rán nu̱u̱nꞌ ráa, kuéntáꞌ kua̱ꞌ retánꞌ nu̱u̱nꞌ Cristo sátíñú rán.

Efesios 6:5 ပူးပေါင်းရင်းမြစ်များ

Génesis 16:9

Jee nkachiꞌ máá najiáꞌáꞌ ííꞌ I̱toꞌoꞌ‑ó nu̱u̱nꞌ ña: ―Nikó nu̱u̱nꞌ i̱toꞌoꞌ nú jee chiꞌi nú maánú xi̱ntíín ña.

Mateo 6:22

’Nchinúún nú kúvi‑i kuéntáꞌ kantil nu̱u̱nꞌ yɨkɨkúñu nú chi kívɨ ñuꞌunꞌ nchinúún stúúnꞌ iniꞌ yɨkɨkúñu nú. Chi retú íyó nijinꞌ va̱ꞌa nchinúún nú, jee ni̱ꞌi̱nꞌ yɨkɨkúñu nú ñuꞌunꞌ túúnꞌ.

Mateo 6:24

’Ni ɨɨn ñɨvɨ ntu kúvi kɨtíñú‑u nu̱u̱nꞌ u̱vi̱ꞌ i̱toꞌoꞌ xí tiñu, chi taꞌvi iniꞌ‑i kune̱ꞌyá‑a ɨɨn, jee kunu̱u̱nꞌ‑u inka, áxí, kɨtíñú‑u nu̱u̱nꞌ ɨɨn, jee kuniichiꞌ‑i inka. Jee saáva ntu kúvi kɨtíñú rán nu̱u̱nꞌ Ndiosíꞌ jín suni nu̱u̱nꞌ xu̱ꞌún.

Mateo 8:9

Chi nuꞌuꞌ, jee suni yɨ́ꞌɨ́ ni̱ꞌ xi̱ntíín inka te̱e tátúníꞌ nu̱u̱nꞌ ni̱ꞌ. Jee yɨ́ꞌɨ́ rá soldado xi̱ntíín ni̱ꞌ. Jee káchíꞌ ni̱ꞌ nu̱u̱nꞌ ɨɨn ráa: “kuáꞌán”, jee kua̱ꞌa̱nꞌ‑a, jee káchíꞌ ni̱ꞌ nu̱u̱nꞌ inka: “neꞌenꞌ”, jee va̱ji‑i. Jee káchíꞌ ni̱ꞌ nu̱u̱nꞌ musúꞌ ni̱ꞌ: “saꞌá tiñu yaꞌá”, jee sáꞌá‑a vá ―nkachiꞌ capitán vá.

Hechos 2:46

Jee ta ki̱vɨ̱ꞌ kútútú ráa iniꞌ veñu̱ꞌun káꞌnú. Jee kútútú ráa veꞌi ta ɨɨn táꞌán ráa, sáva tasáva ráa i̱xta̱tíláꞌ, sáva naku̱ꞌun iniꞌ ráa Jesús. Jee yájíꞌ nkáꞌnú ráa jee kúsɨ́ɨꞌ iniꞌ ráa jee saɨn iniꞌ ráa.

Romanos 9:3

jie̱ꞌe̱ꞌ rá ñanitáꞌán ni̱ꞌ, ya̱ kúvi ñɨvɨ táꞌán tataꞌ ni̱ꞌ, ya̱ kúvi rá ñɨvɨ tataꞌ Israel. Chi kuvi niyo iniꞌ ni̱ꞌ ya̱ xinóꞌo Ndiosíꞌ nuꞌuꞌ jín ya̱ kusɨ́ɨ́n ni̱ꞌ nu̱u̱nꞌ Cristo nékúvi, sáva chunáán ni̱ꞌ maáníꞌ nu̱u̱nꞌ Ndiosíꞌ nu̱u̱nꞌ kua̱chi ráa nékúvi, retú sukuán kúvi natavaꞌ ni̱ꞌ ráa nu̱u̱nꞌ kua̱chi ráa sikáku ni̱ꞌ ráa nékúvi. Chi nna̱keꞌen Ndiosíꞌ ráa sáva kuvi ráa se̱ꞌya re̱ꞌ. Jee nteñu vi̱ko̱ꞌ ñanu̱te̱ꞌ re̱ꞌ nneeꞌ re̱ꞌ jín ráa. Jee nsa̱ꞌá re̱ꞌ tratúꞌ jín ráa. Jee nni̱ꞌi̱nꞌ ráa tu̱ꞌun nta̱túníꞌ re̱ꞌ ya̱ njia̱ꞌa re̱ꞌ nu̱u̱nꞌ Moisés. Jee nxi̱néꞌénꞌ re̱ꞌ ráa na̱sa kuneñu̱ꞌun ráa re̱ꞌ. Jee kue̱ꞌe̱ꞌ jie̱ꞌe̱ꞌ nchi̱sóyuꞌú re̱ꞌ nu̱u̱nꞌ ráa ya̱ saꞌá re̱ꞌ ya̱ váꞌa nu̱u̱nꞌ ráa.

1 Corintios 2:3

Jee sáá nneeꞌ ni̱ꞌ nteñu rán jee táyáꞌ ni̱ꞌ, jee yúꞌví víꞌí ni̱ꞌ, jee kísɨ ni̱ꞌ.

1 Corintios 7:22

Chi te̱e ya̱ kúvi musúꞌ ya̱ nkeꞌen ñɨvɨ, sáá nkana I̱toꞌoꞌ‑ó maa kɨꞌɨ‑ɨ nu̱u̱nꞌ re̱ꞌ, jee vitan jee ya nakui̱ñɨ̱ꞌ núne‑e nu̱u̱nꞌ kua̱chi‑i, ya̱ yɨ́ꞌɨ́‑ɨ xi̱ntíín I̱toꞌoꞌ‑ó. Jee suni sukuán kúvi jín te̱e íñɨ́ núne ya̱ sáꞌá‑a tiñu maáa, sáá nkana Ndiosíꞌ maa kɨꞌɨ‑ɨ nu̱u̱nꞌ re̱ꞌ, jee saájee ya kúvi‑i musúꞌ ya̱ yɨ́ꞌɨ́ xi̱ntíín I̱toꞌoꞌ‑ó Cristo.

2 Corintios 1:12

Suꞌva káꞌánꞌ téyɨ́ɨ́ ráníꞌ, ya̱ ne̱ ánímaꞌ ránꞌ jíníꞌ ránꞌ ya̱, ñaꞌnu na̱a̱ꞌ ránꞌ jee saɨn ni̱yo iniꞌ ránꞌ ñaꞌnu ránꞌ jín rá ñɨvɨ ñɨ̱vɨ́ yaꞌá, sáni kuíni Ndiosíꞌ. Jee víꞌí káꞌ jíníꞌ ránꞌ ya̱ nsa̱ꞌá ránꞌ sukuán nu̱u̱nꞌ ránoꞌó. Chi ntu ñáꞌnu ránꞌ sáni ya̱ níchí xíniꞌ maáránꞌ, chisaꞌ chíneí chituvi Ndiosíꞌ ránuꞌuꞌ saꞌá ránꞌ sukuán, chi íyó mániꞌ iniꞌ re̱ꞌ néꞌyá re̱ꞌ ránuꞌuꞌ.

2 Corintios 7:15

Jee saꞌ víꞌí káꞌ ñúꞌún ñunkúún nasɨ́kuitɨꞌ iniꞌ ánímaꞌ Tito néꞌyá re̱ꞌ ránoꞌó, sáá nákúꞌun iniꞌ re̱ꞌ ya̱ nka̱níjiá ntáká ránú tu̱ꞌun re̱ꞌ, jín ya̱ nna̱kuatáꞌví rán re̱ꞌ, ne̱ nñu̱yúꞌví iniꞌ rán jín ne̱ nkisɨ iniꞌ rán.

Efesios 5:22

Rá ñaꞌan ya̱ íyó yɨɨ́ ráa, chiꞌi ráa maáráa xi̱ntíín yɨɨ́ ráa, kuéntáꞌ kua̱ꞌ chíꞌi ráa maáráa nu̱u̱nꞌ I̱toꞌoꞌ‑ó.

Efesios 6:24

Na̱ ka̱ꞌ íyó mániꞌ iniꞌ Ndiosíꞌ kune̱ꞌyá re̱ꞌ ntáká ránoꞌó ya̱ ñúnúunꞌ rán I̱toꞌoꞌ‑ó Jesús ya̱ kúvi Cristo, ya̱ ni nsáꞌ nuyakuꞌ ya̱ ñúnúunꞌ rán maa.

Filipenses 2:12

Saájee, ránoꞌó ya̱ ñúnúunꞌ ni̱ꞌ. Kuéntáꞌ sukuáni káníjiá rán tu̱ꞌun xínéꞌénꞌ ni̱ꞌ sáá nééꞌ ni̱ꞌ jín rán, soo vitan, sáá íyó íká ni̱ꞌ nu̱u̱nꞌ rán, saꞌ víꞌí káꞌ naniꞌvɨꞌ iniꞌ rán kaka na̱a̱ꞌ rán nu̱u̱nꞌ Tu̱ꞌun Ndiosíꞌ, ya̱ ña̱tíñú re̱ꞌ sáva natavaꞌ re̱ꞌ ránoꞌó nu̱u̱nꞌ kua̱chi rán sikáku re̱ꞌ ránoꞌó. Jee naniꞌvɨꞌ iniꞌ rán saꞌá ñáꞌnú víꞌí rán nu̱u̱nꞌ re̱ꞌ, jee naniꞌvɨꞌ iniꞌ rán ya̱ koto stívɨ́ rán maárán.

Filemón 1:16

Jee kuneeꞌ re̱ꞌ jín noꞌó, soo nsú kua̱chi kuéntáꞌ ɨɨn musúꞌ kéꞌen ñɨvɨ, chisaꞌ si̱kɨ̱ꞌ ka̱ꞌ kúvi re̱ꞌ ka̱ꞌ nsú káꞌ ɨɨn musúꞌ kéꞌen ñɨvɨ, chi kúvi re̱ꞌ ñaniꞌ‑ó ya̱ ñúnúunꞌ‑ó, jee ñúnúunꞌ víꞌí ni̱ꞌ maa, soo saꞌ víꞌí káꞌ kunu̱u̱nꞌ nú maa, jie̱ꞌe̱ꞌ kúvi re̱ꞌ ɨɨn ñɨvɨ jín jie̱ꞌe̱ꞌ yɨ́ꞌɨ́ re̱ꞌ nu̱u̱nꞌ I̱toꞌoꞌ‑ó.

1 Pedro 3:2

Chi kuniꞌ ráa na̱ja ninuꞌun jiáꞌnu rán jín saꞌá ñáꞌnú rán nu̱u̱nꞌ ráa.