Efesios 6:16 - Mixteco del suroeste de Tlaxiaco Oaxaca

¹⁶ Soo ya̱ ñáꞌnú ka̱ꞌ ví ya̱ kúneí iniꞌ rán Cristo, jee kuvi kasɨꞌ rán nu̱u̱nꞌ ntáká ya̱ chúichí maá ya̱ kíni kúñáꞌnú. Chi ya̱ kúneí iniꞌ rán Cristo kúvi kuéntáꞌ escudo rán, kuéntáꞌ escudo ya̱ ínaꞌá soldado sáva jiásɨ́ꞌ‑ɨ maáa nu̱u̱nꞌ ntáká flecha tɨ́ɨn ñuꞌunꞌ jee xináꞌváꞌ‑a vá.

Efesios 6:16 ပူးပေါင်းရင်းမြစ်များ

Génesis 15:1

Sáá njia̱ꞌa rá yaꞌá, nkenta tu̱ꞌun I̱toꞌoꞌ‑ó nu̱u̱nꞌ Abram sáá nxi̱nénu̱u̱nꞌ I̱toꞌoꞌ‑ó nu̱u̱nꞌ re̱ꞌ jee nkachiꞌ‑i: ―Koto yúꞌví nú, Abram, chi nuꞌuꞌ ví ya̱ nama noꞌó jee máá ñáꞌnú ví ta̱ꞌvi̱ꞌ taji ni̱ꞌ nu̱u̱nꞌ noꞌó.

Mateo 5:37

Chisaꞌ kuvi tu̱ꞌun káchíꞌ rán “kuvi”, retú kuvi, jee retú ntu̱ví, jee “ntu̱ví”. Chi retú chísó rán ka̱ꞌ nu̱u̱nꞌ tu̱ꞌun káꞌánꞌ rán, jee yukuán kúvi ya̱ váji‑i nu̱u̱nꞌ ya̱ kíni.

2 Corintios 1:24

Jee nsáꞌ núníꞌin ránꞌ kosoꞌ ránꞌ nu̱u̱nꞌ ránoꞌó jie̱ꞌe̱ꞌ ichi ya̱ kúneí iniꞌ ránú Jesús. Chisaꞌ táꞌán sátíñú nkáá kúvi ránꞌ jín ránoꞌó, sáva kusɨ̱ɨ̱ꞌ iniꞌ ánímaꞌ ránú. Chi íñɨ́ ni̱ꞌin rán jie̱ꞌe̱ꞌ kúneí iniꞌ rán Cristo.

1 Tesalonicenses 5:19

Koto jiásɨ́ꞌ rán ya̱ sáꞌá Ta̱chi̱ꞌ Ííꞌ Ndiosíꞌ.

1 Tesalonicenses 5:8

Soo maáó ya̱ kúvi‑ó se̱ꞌya nuví nu̱u̱nꞌ nijínꞌ, jee íyó kuꞌun kájí iniꞌ‑ó, jee kuneí iniꞌ‑ó Jesús jee kunu̱u̱nꞌ‑ó ɨɨn inka‑ó. Suꞌva nama‑ó maáó sáva ntu xínáꞌví ñɨvɨ yó, kuéntáꞌ nákúꞌun ɨɨn soldado saꞌma nama‑a maáa. Jee íyó tu̱neí iniꞌ‑ó ya̱ nanitáꞌvíꞌ‑ó. Suꞌva nama‑ó antúníꞌ‑ó, kuéntáꞌ nákúꞌun ɨɨn soldado ti̱kokoꞌ ka̱a sáva nama‑a xi̱ni̱ꞌ‑i.