Efesios 6:1 - Mixteco del suroeste de Tlaxiaco Oaxaca

¹ Ránoꞌó ñɨvɨ súchí jiáꞌnu jiáá jín rá súchí lúlí íyó kaníjiá rán tátáꞌ rán jín nánáꞌ rán, chi yɨ́ꞌɨ́ rán nu̱u̱nꞌ I̱toꞌoꞌ‑ó, chi na̱a̱ꞌ kúvi ya̱ sáꞌá sukuán.

Efesios 6:1 ပူးပေါင်းရင်းမြစ်များ

Génesis 28:7

Suni niniꞌ Esaú ya̱ nka̱níjiá Jacob tátáꞌ‑a jín nánáꞌ‑a jee kua̱ꞌa̱nꞌ‑a nu̱u̱nꞌ ñuunꞌ Padán‑aram.

Génesis 37:13

Saájee nkachiꞌ Israel (Jacob) nu̱u̱nꞌ José: ―Íñɨ́ rá ñaniꞌ keín nú Siquem kúmí ráa rá sa̱na̱ꞌ. Neꞌenꞌ, chi tají ni̱ꞌ noꞌó ya̱ kɨ̱ꞌɨ̱nꞌ nú kɨ̱ne̱ꞌyá nú ráa ―nkachiꞌ Israel (Jacob) nu̱u̱nꞌ José. Jee nna̱xiníkó José: ―Yaꞌá nééꞌ ni̱ꞌ ―nkachiꞌ José.

Génesis 48:12

Jee nsiíyo José rá kua̱chi rá xi̱nitɨ́ꞌ tátáꞌ re̱ꞌ, jee ña̱xin nei re̱ꞌ nu̱u̱nꞌ re̱ꞌ ne̱ nu̱u̱nꞌ ñuꞌún.

Génesis 50:12

Jee nsa̱ꞌá rá se̱ꞌya yɨ́ɨ́ Jacob jín tátáꞌ ráa sánikua̱ꞌ nta̱túníꞌ re̱ꞌ nu̱u̱nꞌ ráa.

Lucas 2:51

Saájee nna̱kechí re̱ꞌ jín ráa, kua̱noꞌonꞌ re̱ꞌ jín ráa nu̱u̱nꞌ ñuunꞌ Nazaret, jee nchiꞌi re̱ꞌ maáréꞌ xi̱ntíín ráa. Jee nánáꞌ re̱ꞌ nchu̱va̱ꞌa ña iniꞌ ánímaꞌ ña ntáká jie̱ꞌe̱ꞌ rá nkuvi yukuán.

Romanos 12:2

Jee koto jiáꞌnu rán ka̱ꞌ sáni jiáꞌnu rá ñɨvɨ ñɨ̱vɨ́ yaꞌá vitan, chisaꞌ sama rán iniꞌ maárán nujiáá sáá jiáni antúníꞌ rán, sáva kenta kukáꞌnú iniꞌ rán ná kúvi ya̱ kuíni Ndiosíꞌ, ya̱ kúvi ya̱ váꞌa, ya̱ kúváꞌa iniꞌ re̱ꞌ néꞌyá re̱ꞌ maa, jín kúvi ya̱ naáꞌ.

Romanos 16:2

Jee sáá kenta ña i̱ña̱ꞌ jee nákutíñú ni̱ꞌ jie̱ꞌe̱ꞌ ña nu̱u̱nꞌ rán sáva nakuatáꞌví rán ña jie̱ꞌe̱ꞌ yɨ́ꞌɨ́ ña nu̱u̱nꞌ Cristo, sánikua̱ꞌ íyó nakuatáꞌví‑ó ñɨvɨ ya̱ nsa̱ꞌá sɨ́ɨ́n Ndiosíꞌ nkene‑e nu̱u̱nꞌ ya̱ niváꞌa sáva kɨtíñú ráa nu̱u̱nꞌ re̱ꞌ. Jee chineí rán ña rénákúvi ya̱ jíniñúꞌún ña ránoꞌó. Chi nchi̱neí nijia ña kue̱ꞌe̱ꞌ víꞌí rá ñɨvɨ, ne̱ suni nuꞌuꞌ ranika̱ꞌ.

Romanos 7:12

Saáva i̱i̱ꞌ tu̱ꞌun ley njia̱ꞌa Ndiosíꞌ nu̱u̱nꞌ Moisés, jee i̱i̱ꞌ tu̱ꞌun vá ya̱ tátúníꞌ Ndiosíꞌ, jee na̱a̱ꞌ kúvi‑i, jee va̱ꞌa kúvi‑i.

1 Corintios 15:58

Jee saáva ránoꞌó ñaniꞌ jín ku̱ꞌva maáníꞌ ya̱ ñúnúunꞌ ni̱ꞌ, kuiñɨ ni̱ꞌin rán jín ya̱ yɨ́táꞌán kunikɨnꞌ rán Cristo, sukuáni sáꞌá rán ka̱ꞌ tiñu I̱toꞌoꞌ‑ó. Chi jíníꞌ rán ya̱ ntu sátíñú ka̱ꞌá rán jie̱ꞌe̱ꞌ yɨ́ꞌɨ́ rán nu̱u̱nꞌ I̱toꞌoꞌ‑ó.

1 Timoteo 5:4

Retú íyó ɨɨn ñaꞌan náꞌví íyó rá se̱ꞌya‑a áxí rá tiání‑i, suviráa vá íyó kutu̱ꞌva ráa xíꞌna ka̱ꞌ ya̱ saꞌá ñáꞌnú ráa nu̱u̱nꞌ ña. Jee suꞌva saꞌá ñáꞌnú ráa nu̱u̱nꞌ Ndiosíꞌ. Jee nakoto ráa ña jie̱ꞌe̱ꞌ ya̱ nito sɨꞌɨ́ ráa maáráa. Chi kúváꞌa iniꞌ Ndiosíꞌ néꞌyá re̱ꞌ ya̱ sáꞌá‑a suꞌva.

1 Pedro 2:13

Jee jie̱ꞌe̱ꞌ ya̱ sáꞌá ñáꞌnú rán nu̱u̱nꞌ I̱toꞌoꞌ‑ó, jee chiꞌi rán maárán xi̱ntíín ntáká rá ñɨvɨ nísotíñú nu̱u̱nꞌ rá ñɨvɨ, va̱ni nu̱u̱nꞌ ñɨvɨ máá ñáꞌnú ka̱ꞌ ya̱ tátúníꞌ re̱ꞌ nu̱u̱nꞌ nɨꞌɨ rá ñuunꞌ,