Efesios 5:8 - Mixteco del suroeste de Tlaxiaco Oaxaca

⁸ Chi tiempúꞌ ya̱ta̱ꞌ yukuán jee nkuvi rán kuéntáꞌ ñu̱neenꞌ jie̱ꞌe̱ꞌ kua̱chi rán. Soo vitan jee kúvi rán kuéntáꞌ ñuꞌunꞌ ya̱ túúnꞌ, chi yɨ́ꞌɨ́ rán nu̱u̱nꞌ I̱toꞌoꞌ‑ó. Jee íyó kueꞌnu rán nu̱u̱nꞌ túúnꞌ ñuꞌunꞌ re̱ꞌ iniꞌ ánímaꞌ rán kuéntáꞌ íyó kueꞌnu rá se̱ꞌya Ndiosíꞌ.

Efesios 5:8 ပူးပေါင်းရင်းမြစ်များ

Mateo 3:8

’Saáva íyó saꞌá rán tiñu na̱a̱ꞌ váꞌa, ya̱ stúvi nijia rán ya̱ nna̱kani nijia iniꞌ rán nxi̱nóo rán tiñu niváꞌa. Jee suꞌva kuvi rán kuéntáꞌ yutun kúun ya̱ vixíꞌ váꞌa.

Mateo 4:16

Rá ñɨvɨ ya̱ íyó ráa nu̱u̱nꞌ ñu̱neenꞌ jee kuniꞌ ráa ñuꞌunꞌ mánasɨ́ jiánu̱te̱ꞌ Ndiosíꞌ. Jee rá ñɨvɨ vá ya̱ yɨ́ꞌɨ́ ráa nu̱u̱nꞌ ñu̱neenꞌ ya̱ ntu kúneí ráa kaku ráa nu̱u̱nꞌ ya̱ jíꞌíꞌ ráa, soo nastúúnꞌ Ndiosíꞌ ñuꞌunꞌ re̱ꞌ nu̱u̱nꞌ ráa jín tu̱ꞌun ya̱ natavaꞌ re̱ꞌ ráa nu̱u̱nꞌ kua̱chi ráa sikáku re̱ꞌ ráa.

Lucas 1:79

Sáva stúúnꞌ re̱ꞌ iniꞌ ánímaꞌ rá ñɨvɨ ya̱ jiáꞌnu ráa nu̱u̱nꞌ neenꞌ ya̱ sa̱néꞌ íyó kinaanꞌ ráa. Jee sáva nachuꞌun re̱ꞌ ichi yó na̱ja kueꞌnu‑ó nu̱u̱nꞌ kuneeꞌ va̱ꞌa ñunkúún‑ó, nkachiꞌ Zacarías.

Lucas 16:8

’Saájee nna̱kuetúꞌún i̱toꞌoꞌ xí tiñu vá musúꞌ ntu náaꞌ vá ya̱ nito víꞌí‑i jín rá tiñu sáꞌá‑a. Chi rá ñɨvɨ jiáꞌnu ñujiínꞌ ñɨ̱vɨ́ yaꞌá nito víꞌí ráa ka̱ꞌ jie̱ꞌe̱ꞌ rá tiñu sáꞌá ráa jín ɨɨn inka rá táꞌán ráa, nsú káꞌ rá se̱ꞌya Ndiosíꞌ ya̱ túúnꞌ ñuꞌunꞌ Ndiosíꞌ ánímaꞌ ráa.

Juan 1:9

Jee maáréꞌ ya̱ kúvi ñuꞌunꞌ nijia ya̱ túúnꞌ iniꞌ ánímaꞌ nta̱ká rá ñɨvɨ. Nkiji re̱ꞌ iniꞌ ñɨ̱vɨ́ yaꞌá.

Juan 12:35

Saájee nkachiꞌ Jesús nu̱u̱nꞌ ráa: ―Nuꞌuꞌ, ya̱ kúvi ni̱ꞌ ñuꞌunꞌ túúnꞌ iniꞌ ánímaꞌ rán, jee yakuꞌ ni ka̱ꞌ ki̱vɨ̱ꞌ íyó kuneeꞌ ni̱ꞌ jín rán. Saáva kueꞌnu rán nu̱u̱nꞌ ñuꞌunꞌ vá ni túúnꞌ‑u iniꞌ ánímaꞌ rán, sáva nsáꞌ kenta kueꞌnu rán nu̱u̱nꞌ ñu̱neenꞌ ya̱ kúvi ya̱ niva̱ꞌa, chi ñɨvɨ ya̱ jiáꞌnu nu̱u̱nꞌ ñu̱neenꞌ ntu kútúníꞌ né ɨɨn ichi kɨ̱ꞌɨ̱nꞌ ráa.

Juan 12:36

Jee saáva ni nééꞌ ni̱ꞌ ka̱ꞌ jín rán, jee íyó kuneí iniꞌ rán nuꞌuꞌ, ya̱ kúvi ni̱ꞌ ñuꞌunꞌ nu̱u̱nꞌ rán, sáva kenta kuvi rán ñɨvɨ ya̱ jiáꞌnu rán nu̱u̱nꞌ ñuꞌunꞌ ―nkachiꞌ Jesús. Jee sáá nkuvi nkachiꞌ re̱ꞌ rá tu̱ꞌun yaꞌá, jee kua̱ꞌa̱nꞌ re̱ꞌ, jee nchi̱yuꞌuꞌ re̱ꞌ maáréꞌ nu̱u̱nꞌ ráa.

Juan 12:46

Jee nuꞌuꞌ, ya̱ kuvi ni̱ꞌ ñuꞌunꞌ ya̱ túún iniꞌ ánímaꞌ ñɨvɨ ñɨ̱vɨ́ yaꞌá, jee nkenta ni̱ꞌ iniꞌ ñɨ̱vɨ́ yaꞌá, sáva nta̱ká rá ñɨvɨ ya̱ kúneí iniꞌ ráa nuꞌuꞌ nsáꞌ kino̱o ráa kueꞌnu ráa nu̱u̱nꞌ ñu̱neenꞌ.

Juan 8:12

Jee tukuni nkaꞌanꞌ Jesús jín rá ñɨvɨ, jee nkachiꞌ re̱ꞌ nu̱u̱nꞌ ráa: ―Nuꞌuꞌ ñuꞌunꞌ kúvi ni̱ꞌ nu̱u̱nꞌ rá ñɨvɨ ñɨ̱vɨ́ ya̱ stúúnꞌ ni̱ꞌ iniꞌ ánímaꞌ ráa, jee ɨɨn ñɨvɨ ya̱ níkɨ́nꞌ‑ɨ nuꞌuꞌ ntu̱né kaka‑a ñujiínꞌ nu̱u̱nꞌ neenꞌ, chisaꞌ kuꞌun ñuꞌunꞌ ya̱ stúúnꞌ ni̱ꞌ iniꞌ ánímaꞌ ñɨvɨ vá ya̱ sáꞌá‑a ya̱ kutekuꞌ ñɨvɨ nɨ́ɨ́nkání jín Ndiosíꞌ ―nkachiꞌ Jesús.

Hechos 17:30

Soo tióꞌ ya̱ta̱ꞌ ntu nsa̱ꞌá kuéntáꞌ Ndiosíꞌ ya̱ ntu jíníꞌ rá ñɨvɨ jie̱ꞌe̱ꞌ re̱ꞌ. Soo vitan tátúníꞌ re̱ꞌ nu̱u̱nꞌ kua̱íyó ñɨvɨ nu̱u̱nꞌ nɨꞌɨ ñɨ̱vɨ́ ya̱ nakani iniꞌ ráa ñujiínꞌ ráa.

Hechos 26:18

sava sine nú rá nchinúún ráa sáva kɨ̱ku̱ꞌun iniꞌ ráa Tu̱ꞌun Ndiosíꞌ. Jee sáva kene ráa nu̱u̱nꞌ neenꞌ, jee nakui̱ñɨ̱ꞌ ráa nu̱u̱nꞌ túúnꞌ ñuꞌunꞌ. Jee kene ráa naꞌá ta̱chi̱ꞌ kini kúñáꞌnú kúvi Satanás, jee ki̱vɨ ráa naꞌá Ndiosíꞌ. Sáva ni̱ꞌi̱nꞌ ráa ya̱ kunekáꞌnú iniꞌ Ndiosíꞌ jie̱ꞌe̱ꞌ kua̱chi ráa, jín sáva ni̱ꞌi̱nꞌ ráa ta̱ꞌvi̱ꞌ nteñu rá ñɨvɨ ya̱ nsa̱ꞌá sɨ́ɨ́n re̱ꞌ ráa sáva kuvi ráa ñɨvɨ re̱ꞌ, chi kúneí iniꞌ ráa nuꞌuꞌ.”

Romanos 1:21

Chi sú jíníꞌ ráa jie̱ꞌe̱ꞌ Ndiosíꞌ, jee ntu̱ví nnákuatáꞌví ráa nu̱u̱nꞌ re̱ꞌ ya̱ kúvi re̱ꞌ Ndiosíꞌ jee ni ntu̱ví njiáꞌa ráa ya̱ kútaꞌviꞌ ráa nu̱u̱nꞌ re̱ꞌ. Chisaꞌ nkenta kúvi ka̱ꞌá antúníꞌ ráa jee nnu̱neenꞌ ánímaꞌ ráa ya̱ naanꞌ kúvi ráa.

Romanos 13:12

Chi kúvi kuéntáꞌ ya̱ ya kua̱jia̱ꞌa yakuááꞌ, jee ya̱ va̱ji kunijinꞌ ki̱vɨ̱ꞌ. Jee íyó sukuíta‑ó tiñu niváꞌa nsa̱ꞌá‑ó kuéntáꞌ nu̱u̱nꞌ neenꞌ. Íyó kukutú‑ó kueꞌnu‑ó nu̱u̱nꞌ tiñu na̱a̱ꞌ váꞌa ya̱ xtúúnꞌ ñuꞌunꞌ Ndiosíꞌ ánímaꞌ‑ó, kuéntáꞌ nákúꞌun‑ó saꞌma ka̱a sáva kantáꞌán‑ó kuéntáꞌ soldado.

Romanos 2:19

jee retú káꞌvi iniꞌ nú ya̱ kuvi chuꞌun nú ichi rá ñɨvɨ ya̱ ntu jíníꞌ va̱ꞌa tu̱ꞌun ley Ndiosíꞌ ya̱ káchíꞌ‑ó kúvi ráa kuéntáꞌ ñɨvɨ kuáá, jee retú sukuán kúvi nú kuéntáꞌ ya̱ xtúúnꞌ nú iniꞌ ánímaꞌ ráa ya̱ jiáꞌnu ráa nu̱u̱nꞌ neenꞌ,

1 Corintios 1:30

Soo maá Ndiosíꞌ chi nsa̱ꞌá re̱ꞌ ya̱ kɨꞌɨ rán xi̱ntíín Cristo Jesús, jee ne̱ nu̱u̱nꞌ Jesús va̱ji tu̱ꞌun níchí tánɨ́ꞌ xi̱ni̱ꞌ táji Ndiosíꞌ nu̱u̱nꞌ‑ó, jee nsa̱ꞌá re̱ꞌ ya̱ kínóo na̱a̱ꞌ‑ó nu̱u̱nꞌ Ndiosíꞌ, jee nsa̱ꞌá sɨ́ɨ́n re̱ꞌ yó sáva kɨꞌɨ‑ó nu̱u̱nꞌ Ndiosíꞌ, jee nna̱kani núne re̱ꞌ yó nu̱u̱nꞌ kua̱chi ya̱ nkɨ́ꞌɨ‑ó ka̱ꞌ xi̱ntíín kua̱chi.

2 Corintios 3:18

Jee jie̱ꞌe̱ꞌ sukuán, váchóo nta̱ká maáó kuéntáꞌ ntu ka̱ꞌ násɨ́ꞌ nu̱u̱nꞌ‑ó. Chi kúvi‑ó kuéntáꞌ ɨɨn espejo néꞌyá‑ó ya̱ viiꞌ kúñáꞌnú I̱toꞌoꞌ‑ó jee jiánu̱te̱ꞌ‑ó nuva I̱toꞌoꞌ‑ó, chi maa Ta̱chi̱ꞌ Ííꞌ re̱ꞌ sáꞌá ya̱ ne̱ jíꞌín‑ó viiꞌ kua̱ꞌa̱nꞌ kua̱ꞌa̱nꞌ kúvi‑ó sánikua̱ꞌ viiꞌ kúñáꞌnú I̱toꞌoꞌ‑ó, chi ya̱ viiꞌ kua̱ꞌa̱nꞌ sáma re̱ꞌ iniꞌ‑ó sáva koo‑ó kuéntáꞌ íyó maá I̱toꞌoꞌ‑ó. Suꞌva sáꞌá I̱toꞌoꞌ‑ó ya̱ maáréꞌ ví Ta̱chi̱ꞌ Ííꞌ.

2 Corintios 4:6

Chi Ndiosíꞌ ví ya̱ nta̱túníꞌ re̱ꞌ ya̱ tu̱u̱nꞌ ñuꞌunꞌ nu̱u̱nꞌ neenꞌ sáá nsa̱ꞌá re̱ꞌ ñɨ̱vɨ́. Suni maá Ndiosíꞌ ví ya̱ stúúnꞌ re̱ꞌ iniꞌ ánímaꞌ‑ó sáva tu̱u̱nꞌ iniꞌ ánímaꞌ‑ó ya̱ kuniꞌ‑ó ya̱ viiꞌ nasɨ́kuitɨꞌ kúñáꞌnú re̱ꞌ chi jíníꞌ‑ó iniꞌ Jesús ya̱ kúvi Cristo, kuéntáꞌ jiánu̱te̱ꞌ nu̱u̱nꞌ re̱ꞌ.

2 Corintios 6:14

Koto síkánitáꞌán rán maárán jín rá ñɨvɨ ya̱ ntu ínúꞌ iniꞌ ráa Cristo sáva kueꞌnu rán sáni ya̱ ntu kunuún iniꞌ jín Tu̱ꞌun Ndiosíꞌ, chi sukuán kúvi kuéntáꞌ néta̱ꞌán sɨ́ɨ́n sɨ́ɨ́n nu̱u̱nꞌ u̱vi̱ꞌ kitɨ ɨɨn yugúꞌ. ¿Soo na̱sa kúvi kanitáꞌán rá ñɨvɨ kínóo na̱a̱ꞌ nu̱u̱nꞌ Ndiosíꞌ jín rá ñɨvɨ ntu kínóo na̱a̱ꞌ ráa nu̱u̱nꞌ re̱ꞌ rúja? Jee, ¿na̱sa kanitáꞌán ñuꞌunꞌ jín ya̱ neenꞌ rúja?

Gálatas 5:25

Nu̱u̱nꞌ xítékúꞌ Ta̱chi̱ꞌ Ííꞌ Ndiosíꞌ yó jín Ndiosíꞌ, saájee kaka‑ó ichi na̱a̱ꞌ sáni jiáni Ta̱chi̱ꞌ Ííꞌ re̱ꞌ yó.

Efesios 2:2

Jee sukuán ñaꞌnu rán tiempúꞌ ya̱ta̱ꞌ nékúvi ne̱ sáá ñaꞌnu rán ichi ñujiínꞌ sáni jiáꞌnu rá ñɨvɨ ñɨ̱vɨ́ yaꞌá ya̱ ntu̱ví yɨ́ꞌɨ́ ráa xi̱ntíín Ndiosíꞌ. Sukuán ñaꞌnu rán sánikua̱ꞌ kuíni kui̱ꞌna̱ꞌ kúñáꞌnú ya̱ kúvi i̱toꞌoꞌ rá ta̱chi̱ꞌ kíni ya̱ jíkanuun ráa nu̱u̱nꞌ ta̱chi̱ꞌ víjin ñɨ̱vɨ́ yaꞌá. Jee kúvi re̱ꞌ ta̱chi̱ꞌ kíni ya̱ sátíñú iniꞌ rá ñɨvɨ kújiááꞌ iniꞌ ráa nu̱u̱nꞌ Ndiosíꞌ.

Efesios 4:18

Chi neenꞌ iniꞌ antúníꞌ ráa, chi jiáꞌnu íká ráa nu̱u̱nꞌ ya̱ tékúꞌ ñɨvɨ jín Ndiosíꞌ, jie̱ꞌe̱ꞌ ya̱ ntu̱ví jíníꞌ ráa tu̱ꞌun re̱ꞌ, jie̱ꞌe̱ꞌ ya̱ ni̱ꞌin iniꞌ ánímaꞌ ráa.

Efesios 5:2

Jee íyó kueꞌnu rán jín tu̱ꞌun ñúnúunꞌ táꞌán, kuéntáꞌ suni ñúnúunꞌ Cristo yó, jee nna̱ku̱ꞌva re̱ꞌ maáréꞌ jie̱ꞌe̱ꞌ‑ó, chi nso̱ko̱ꞌ re̱ꞌ maáréꞌ nu̱u̱nꞌ Ndiosíꞌ ni̱ꞌi̱ꞌ re̱ꞌ jie̱ꞌe̱ꞌ‑ó. Yukuán kúvi kuéntáꞌ ɨɨn xikoꞌ jiáꞌánꞌ vi̱xi̱ꞌ ya̱ téñuꞌunꞌ maa nu̱u̱nꞌ Ndiosíꞌ. Jee kúváꞌa iniꞌ Ndiosíꞌ néꞌyá re̱ꞌ maa.

Efesios 6:12

Chi ntu kántáꞌán‑ó jín ñɨvɨ ñunéꞌyúꞌ, chisaꞌ kántáꞌán‑ó jín rá ta̱chi̱ꞌ kíni rá kúñáꞌnú, jín rá nísotíñú, jín rá i̱toꞌoꞌ ñáꞌnú ka̱ꞌ ya̱ jíka ráa nu̱u̱nꞌ neenꞌ jee tátúníꞌ ráa nu̱u̱nꞌ ñɨvɨ ñɨ̱vɨ́ yaꞌá. Chi kántáꞌán‑ó jín rá ta̱chi̱ꞌ kíni ya̱ jíkanuun ráa súkún.

Colosenses 1:12

Jee sɨ̱ɨ̱ꞌ koo iniꞌ ánímaꞌ rán ku̱ꞌva rán ya̱ kútaꞌviꞌ rán nu̱u̱nꞌ Tátáꞌ‑ó Ndiosíꞌ, chi maáréꞌ nsa̱túꞌva yó sáá koo‑ó, sáva kuvi kuvisava‑ó ta̱ꞌvi̱ꞌ ya̱ ku̱ꞌva re̱ꞌ nu̱u̱nꞌ rá ñɨvɨ nxi̱nóo sɨ́ɨ́n re̱ꞌ ráa, sáva kuvi ráa se̱ꞌya ñuunꞌ íyó súkún, nu̱u̱nꞌ túúnꞌ ñuꞌunꞌ re̱ꞌ.

Colosenses 1:13

Chi maá Ndiosíꞌ nna̱kani núne re̱ꞌ yó nsi̱káku re̱ꞌ yó xi̱ntíín kua̱chi‑ó jín xi̱ntíín Satanás, nu̱u̱nꞌ níyo kuéntáꞌ ñaꞌnu‑ó nu̱u̱nꞌ neenꞌ. Jee nna̱siáꞌa re̱ꞌ yó naꞌá Se̱ꞌya re̱ꞌ ya̱ ñúnúunꞌ re̱ꞌ, jee tátúníꞌ‑i nu̱u̱nꞌ‑ó.

Tito 3:3

Chi nékúvi sunisaá maáó nkuvi‑ó ñɨvɨ naanꞌ, jee nku̱jiááꞌ iniꞌ‑ó, jee maáó nika̱ꞌ ni̱nu̱ꞌ iniꞌ rá tu̱ꞌun xínáꞌví, jee nyɨ̱ꞌɨ‑ó chi̱ji xi̱ntíín kéꞌín ya̱ níyo iniꞌ jín xi̱ntíín kéꞌín ya̱ sɨ̱ɨ̱ꞌ iniꞌ, jee niva̱ꞌa ñaꞌnu‑ó, jee ni̱yo uꞌvi iniꞌ‑ó, jee nta̱ꞌvi̱ꞌ iniꞌ ñɨvɨ nne̱ꞌyá ráa yó, jee nta̱ꞌvi̱ꞌ iniꞌ‑ó nne̱ꞌyá‑ó ɨɨn inka‑ó.

1 Juan 1:7

Soo retú na̱a̱ꞌ jiáꞌnu‑ó kuéntáꞌ nu̱u̱nꞌ túúnꞌ ñuꞌunꞌ sánikua̱ꞌ íyó maáréꞌ nu̱u̱nꞌ túúnꞌ ñuꞌunꞌ ya̱ kúvi ya̱ na̱a̱ꞌ íyó maáréꞌ, saájee íyó ɨnuún‑ó jín ɨɨn inka táꞌán‑ó, jee nónoo‑ó nu̱u̱nꞌ re̱ꞌ chi ni̱ꞌi̱ꞌ maá Se̱ꞌya re̱ꞌ Jesús jee ñatɨ ni̱ñɨ̱ꞌ vá sáva nasánoo‑o yó nu̱u̱nꞌ nta̱ká kua̱chi‑ó.