Efesios 5:26 - Mixteco del suroeste de Tlaxiaco Oaxaca

²⁶ Nsa̱ꞌá re̱ꞌ sukuán sáva saꞌá sɨ́ɨ́n re̱ꞌ yó sáva nkɨ́ꞌɨ‑ó ka̱ꞌ nu̱u̱nꞌ kua̱chi‑ó, jee nna̱sánoo re̱ꞌ ánímaꞌ‑ó jín tu̱ꞌun re̱ꞌ, kuéntáꞌ nna̱kete re̱ꞌ yó jín nute.

Efesios 5:26 ပူးပေါင်းရင်းမြစ်များ

Juan 13:10

Soo nkachiꞌ Jesús nu̱u̱nꞌ re̱ꞌ: ―Retú ɨɨn ñɨvɨ ya̱ ya nichi‑i, jee ntu̱ví jíniñúꞌún‑u ya̱ nakete‑e maáa, chisaꞌ kua̱chi jie̱ꞌe̱ꞌ re̱ꞌ ni, chi ya̱ íyó noo kua̱íyó ñɨvɨ vá. Jee ránoꞌó chi ya̱ íyó noo ánímaꞌ rán, sú nsáꞌ ntáká kuitɨꞌ rán íyó noo.

Juan 15:3

Jee ránoꞌó jee kuéntáꞌ ya̱ nno̱noo iniꞌ ánímaꞌ rán nsa̱ꞌá rá tu̱ꞌun nkachiꞌ ni̱ꞌ nu̱u̱nꞌ rán.

Juan 15:8

Jee retú jiáꞌnu rán sáni kuíni Ndiosíꞌ, kúvi rán kuéntáꞌ yokúꞌúꞌ kúun víꞌí uva jee yaꞌá kúvi ya̱ stúvi rán ya̱ kúñáꞌnú Ndiosíꞌ, jee suni sukuán kúvi nijia rán rá ñɨvɨ ya̱ súkuáꞌa ni̱ꞌ ránoꞌó níkɨ́nꞌ rán nuꞌuꞌ.

Juan 17:7

Jee vitan jee jíníꞌ ráa ya̱ ne̱ nu̱u̱nꞌ maánú va̱ji ntáká rá tiñu ntaji nú nu̱u̱nꞌ ni̱ꞌ sáꞌá ni̱ꞌ jín rá tu̱ꞌun káchíꞌ ni̱ꞌ.

Juan 3:5

Jee nna̱xiníkó Jesús, jee nkachiꞌ re̱ꞌ: ―Máá nááꞌ vá káchíꞌ ni̱ꞌ nu̱u̱nꞌ nú ya̱ retú ntu nákaku jiáá tuku ɨɨn ñɨvɨ jee ntu kuvi ki̱vɨ‑ɨ naꞌá Ndiosíꞌ. Íyó nonoo kua̱chi ñɨvɨ kuéntáꞌ sáꞌá noo nute jee nakaku‑u sáꞌá Ta̱chi̱ꞌ Ííꞌ Ndiosíꞌ.

Hechos 22:16

Jee ntañúꞌún, ¿ná nétu nú? Nakuiñɨꞌ jee kuanuté. Ka̱ka̱nꞌ táꞌvíꞌ nu̱u̱nꞌ I̱toꞌoꞌ‑ó jee nasánoo re̱ꞌ jie̱ꞌe̱ꞌ kua̱chi nú”, suꞌva nkachiꞌ Ananías ―nkachiꞌ Pablo.

Hechos 26:18

sava sine nú rá nchinúún ráa sáva kɨ̱ku̱ꞌun iniꞌ ráa Tu̱ꞌun Ndiosíꞌ. Jee sáva kene ráa nu̱u̱nꞌ neenꞌ, jee nakui̱ñɨ̱ꞌ ráa nu̱u̱nꞌ túúnꞌ ñuꞌunꞌ. Jee kene ráa naꞌá ta̱chi̱ꞌ kini kúñáꞌnú kúvi Satanás, jee ki̱vɨ ráa naꞌá Ndiosíꞌ. Sáva ni̱ꞌi̱nꞌ ráa ya̱ kunekáꞌnú iniꞌ Ndiosíꞌ jie̱ꞌe̱ꞌ kua̱chi ráa, jín sáva ni̱ꞌi̱nꞌ ráa ta̱ꞌvi̱ꞌ nteñu rá ñɨvɨ ya̱ nsa̱ꞌá sɨ́ɨ́n re̱ꞌ ráa sáva kuvi ráa ñɨvɨ re̱ꞌ, chi kúneí iniꞌ ráa nuꞌuꞌ.”

Romanos 10:8

Soo ¿ná kúvi ya̱ káchíꞌ tu̱ꞌun nu̱u̱nꞌ Tutuꞌ Ííꞌ, résa? Káchíꞌ‑i: Íyó yatin tu̱ꞌun re̱ꞌ nu̱u̱nꞌ nú, iniꞌ yuꞌú nú jín iniꞌ ánímaꞌ nú íyó‑o. Tu̱ꞌun yaꞌá kúvi tu̱ꞌun ya̱ íyó kuneí iniꞌ‑ó Cristo ya̱ stékútu̱ꞌún ráníꞌ.

1 Corintios 6:11

Jee suꞌva ñaꞌnu sava rán nékúvi, soo vitan chi ya̱ ntu̱ví ka̱ꞌ, chi nna̱kete Ndiosíꞌ ránoꞌó jee nno̱noo rán nu̱u̱nꞌ kua̱chi, jee nsa̱ꞌá sɨ́ɨ́n Ndiosíꞌ ránoꞌó nu̱u̱nꞌ kua̱chi rán sáva kɨꞌɨ rán nu̱u̱nꞌ Cristo, jee ya nkino̱o na̱a̱ꞌ rán nsa̱ꞌá Ndiosíꞌ jie̱ꞌe̱ꞌ yɨ́ꞌɨ́ rán nu̱u̱nꞌ I̱toꞌoꞌ‑ó Jesús ya̱ kúvi Cristo, jee ña̱tíñú Ndiosíꞌ‑ó Ta̱chi̱ꞌ Ííꞌ re̱ꞌ nsa̱ꞌá re̱ꞌ maa.

2 Corintios 11:2

Chi ñúꞌún kuíñɨ́ iniꞌ ni̱ꞌ néꞌyá ni̱ꞌ ránoꞌó, sáni kuíñɨ́ iniꞌ maá Ndiosíꞌ néꞌyá re̱ꞌ ránoꞌó. Chi nsa̱ꞌá ni̱ꞌ kuéntáꞌ te̱e jíka na̱ꞌvi̱ꞌ, chi njia̱ꞌayuꞌú ni̱ꞌ ku̱ꞌva ni̱ꞌ ránoꞌó nu̱u̱nꞌ métúꞌún Cristo, kuéntáꞌ kúvi re̱ꞌ yɨɨ́ rán, ku̱ꞌva ni̱ꞌ ránoꞌó nu̱u̱nꞌ re̱ꞌ kuéntáꞌ jiáꞌa ráa ɨɨn ñaꞌan núún íyó ninuꞌun nu̱u̱nꞌ yɨɨ́ ña.

Efesios 6:17

Jee kuiñɨ ni̱ꞌin rán jín ya̱ xinánitáꞌvíꞌ Ndiosíꞌ yó, chi yukuán kúvi kuéntáꞌ ɨɨn ti̱kokoꞌ ka̱a ya̱ ñúꞌún xi̱ni̱ꞌ ɨɨn soldado ya̱ náma‑a xi̱ni̱ꞌ‑i. Jee kuatíñú rán Tu̱ꞌun Ndiosíꞌ, ya̱ ntaji Ta̱chi̱ꞌ Ííꞌ re̱ꞌ nu̱u̱nꞌ‑ó kuéntáꞌ ɨɨn yuchiꞌ espada ya̱ jiátíñú rá soldado nu̱u̱nꞌ kántáꞌán ráa.

Colosenses 3:16

Saájee íyó kuꞌun kutú nasɨ́kuitɨꞌ ka̱ꞌ tu̱ꞌun jie̱ꞌe̱ꞌ Cristo iniꞌ ánímaꞌ rán, jee suꞌva xinéꞌénꞌ rán jee nakutíñú rán nu̱u̱nꞌ rá táꞌán rán jín nta̱ká tu̱ꞌun níchí. Jee ne̱ jín ánímaꞌ rán kata rán nu̱u̱nꞌ rá yaaꞌ Tu̱ꞌun Ndiosíꞌ naní salmo, jín rá yaaꞌ himno ya̱ nákuetúꞌún rán Cristo, jín rá yaaꞌ ííꞌ jie̱ꞌe̱ꞌ Ndiosíꞌ, jee nakuatáꞌví rán re̱ꞌ.

Tito 2:14

Chi njia̱ꞌa re̱ꞌ maáréꞌ ya̱ kuviꞌ re̱ꞌ jie̱ꞌe̱ꞌ‑ó, sáva chunáán nkáꞌnú re̱ꞌ maáréꞌ nu̱u̱nꞌ Ndiosíꞌ jie̱ꞌe̱ꞌ‑ó, sáva nakani núne re̱ꞌ yó naꞌá nta̱ká nu̱u̱nꞌ ya̱ niva̱ꞌa. Jee nna̱saꞌá noo nɨꞌɨ kuitɨꞌ re̱ꞌ kua̱chi níso ánímaꞌ‑ó, sáva kuvi‑ó ñɨvɨ maáréꞌ, sáva kuꞌun káñá iniꞌ‑ó saꞌá‑ó ya̱ váꞌa.

Hebreos 10:10

Jee jie̱ꞌe̱ꞌ ya̱ nsa̱ꞌá re̱ꞌ ya̱ kuíni maá Ndiosíꞌ, saájee nsa̱ꞌá sɨ́ɨ́n re̱ꞌ yó nu̱u̱nꞌ kua̱chi sáva kuvi‑ó ñɨvɨ re̱ꞌ, jie̱ꞌe̱ꞌ ya̱ nso̱ko̱ꞌ Jesucristo yɨkɨkúñu maáréꞌ ni̱ꞌi̱ꞌ re̱ꞌ, ɨɨn ni íchí nu̱u̱nꞌ ntáká tiempúꞌ.

Hebreos 10:14

Chi ɨɨn ni íchí nso̱ko̱ꞌ re̱ꞌ maáréꞌ, jee nsa̱ꞌá re̱ꞌ ya̱ nɨ́ɨ́nkání nkino̱o na̱a̱ꞌ rá ñɨvɨ ya̱ násaꞌá sɨ́ɨ́n re̱ꞌ ráa nu̱u̱nꞌ kua̱chi ráa, sáva sáꞌá re̱ꞌ kuvi ráa ñɨvɨ Ndiosíꞌ.

Hebreos 10:22

Jee saáva, ne̱ saɨn kúvi iniꞌ ánímaꞌ‑ó natuꞌva‑ó nu̱u̱nꞌ Ndiosíꞌ, jie̱ꞌe̱ꞌ kínóo kutú ánímaꞌ‑ó chi kúneí iniꞌ‑ó Cristo, chi nna̱saꞌá noo Cristo ánímaꞌ‑ó ya̱ kuniꞌ‑ó ya̱ ntu níso‑ó ka̱ꞌ ya̱ niva̱ꞌa. Jee ya̱ nno̱noo‑ó kuéntáꞌ nna̱kete‑ó yɨkɨkúñu‑ó jín nute ninuꞌun.

Hebreos 10:29

Jee, ¿na̱ja ka̱ꞌ vá jiáni iniꞌ rán na̱ inka ka̱ꞌ tu̱nóꞌó xéénꞌ ka̱ꞌ íyó ni̱ꞌi̱nꞌ rá ñɨvɨ kunoꞌo ráa ya̱ nkuniichiꞌ ráa Se̱ꞌya Ndiosíꞌ? Kúvi kuéntáꞌ nñu̱jiéꞌé ráa maa. Jee nku̱ichi iniꞌ ráa ni̱ñɨ̱ꞌ re̱ꞌ kuéntáꞌ ntu̱náꞌ níyotiñu ya̱ ni̱ꞌi̱ꞌ re̱ꞌ jee ñatɨ ni̱ñɨ̱ꞌ re̱ꞌ, ya̱ ñakɨnꞌ‑ɨ tratúꞌ ya̱ nsa̱ꞌá sɨ́ɨ́n re̱ꞌ ráa nu̱u̱nꞌ kua̱chi ráa. Jee suni ntenu̱u̱nꞌ ráa Ta̱chi̱ꞌ Ííꞌ Ndiosíꞌ ya̱ sáꞌá‑a ya̱ ni̱ꞌi̱nꞌ‑ó ya̱ íyó mániꞌ iniꞌ Ndiosíꞌ néꞌyá re̱ꞌ yó.

Hebreos 13:12

Jee suni sukuán nnoꞌo Jesús ne̱ yuñúúnꞌ jee ni̱ꞌi̱ꞌ re̱ꞌ ñatɨ ni̱ñɨ̱ꞌ re̱ꞌ, sáva jín ni̱ñɨ̱ꞌ maáréꞌ sasɨ́ɨ́n re̱ꞌ ñɨvɨ nu̱u̱nꞌ kua̱chi ráa sáva kuvi ráa ñɨvɨ Ndiosíꞌ.

Hebreos 4:12

Chi Tu̱ꞌun Ndiosíꞌ suni tékúꞌ‑u chi ni̱ꞌin yɨ́ɨ́‑ɨ xá jee sátíñú‑u iniꞌ‑ó. Chi Tu̱ꞌun Ndiosíꞌ kúvi kuéntáꞌ ɨɨn yuchiꞌ espada xe̱e̱nꞌ, soo xe̱e̱nꞌ nasɨ́kuitɨꞌ ka̱ꞌ kúvi tu̱ꞌun re̱ꞌ nsú káꞌ kua̱ꞌ xe̱e̱nꞌ ntáká rá yuchiꞌ espada ya̱ xe̱e̱nꞌ ni núvíꞌ íyó ichi yuꞌú, chi suni kívɨ tu̱ꞌun re̱ꞌ ne̱ nu̱u̱nꞌ kúnú iniꞌ‑ó sáva stúvi kájí‑i na̱sa íyó antúníꞌ‑ó jín ánímaꞌ‑ó, kuéntáꞌ kívɨ yuchiꞌ espada ne̱ nu̱u̱nꞌ kúnú sáva sasɨ́ɨ́n‑ɨ ne̱ nu̱u̱nꞌ ñútáꞌán rá yɨkɨ‑ó jín rá miki yɨkɨ‑ó. Jee jiéꞌnéꞌ na̱a̱ꞌ tu̱ꞌun re̱ꞌ antúníꞌ‑ó jín rá kuíni ánímaꞌ‑ó saꞌá‑ó.

Hebreos 9:14

Retú sukuán kúvi, soo saꞌ víꞌí káꞌ nasánoo ni̱ñɨ̱ꞌ Cristo ánímaꞌ‑ó, chi ntu níso Cristo kua̱chi, jee Ta̱chi̱ꞌ Ííꞌ ya̱ íyó nɨ́ɨ́nkání jee njia̱ꞌa‑a fuersáꞌ ííꞌ nu̱u̱nꞌ re̱ꞌ sáva kuviꞌ re̱ꞌ so̱ko̱ꞌ re̱ꞌ maáréꞌ nu̱u̱nꞌ Ndiosíꞌ. Jee sukuán násánoo ni̱ñɨ̱ꞌ Cristo ánímaꞌ‑ó, sáva kuniꞌ‑ó ya̱ ntu níso‑ó ka̱ꞌ kua̱chi, jín ya̱ ntu yɨ́ꞌɨ́‑ó ka̱ꞌ nu̱u̱nꞌ rá tiñu sáꞌá ya̱ kuviꞌ‑ó nu̱u̱nꞌ Ndiosíꞌ, jín sáva kɨtíñú‑ó nu̱u̱nꞌ Ndiosíꞌ tékúꞌ.

Santiago 1:18

Jee ña̱tíñú re̱ꞌ tu̱ꞌun na̱a̱ꞌ re̱ꞌ, sáva saꞌá re̱ꞌ ya̱ nakaku‑ó ya̱ kuvi‑ó se̱ꞌya re̱ꞌ, sáni kuíni re̱ꞌ. Nsa̱ꞌá re̱ꞌ suꞌva sáva kuvi‑ó rá se̱ꞌya xíꞌnañúꞌún ya̱ ña̱ko̱so̱ꞌ nu̱u̱nꞌ kue̱ꞌe̱ꞌ ka̱ꞌ se̱ꞌya re̱ꞌ, ya̱ va̱ji nu̱u̱nꞌ rá ñɨvɨ ya̱ nsa̱ꞌá re̱ꞌ.

1 Pedro 1:2

Jee máá Tátáꞌ‑ó Ndiosíꞌ nka̱ji re̱ꞌ ránoꞌó, sánikua̱ꞌ nkuna̱a̱ꞌ iniꞌ re̱ꞌ ne̱ yanaꞌán jee nsásɨ́ɨ́n Ta̱chi̱ꞌ Ííꞌ re̱ꞌ ránoꞌó kɨtíñú rán nu̱u̱nꞌ Ndiosíꞌ sáva kaníjiá rán re̱ꞌ jee sáva nasánoo re̱ꞌ ránoꞌó nu̱u̱nꞌ kua̱chi rán jín ni̱ñɨ̱ꞌ Jesucristo ya̱ ñatɨ re̱ꞌ sáá níꞌiꞌ re̱ꞌ jie̱ꞌe̱ꞌ rán. Na̱ ka̱ꞌ ntántúníꞌ ka̱ꞌ koo ya̱ máníꞌ iniꞌ Ndiosíꞌ jín rán jín ya̱ kino̱o va̱ꞌa iniꞌ ánímaꞌ rán saꞌá re̱ꞌ.

1 Pedro 3:21

Jee kuéntáꞌ kua̱ꞌ nkáku ráa nu̱u̱nꞌ nute vá, jee suni kuéntáꞌ sukuán kúnkunuún kúvi‑i ya̱ jiánuté‑ó tiempúꞌ vitan síkáku‑u ñɨvɨ, jie̱ꞌe̱ꞌ ya̱ nna̱tekuꞌ i̱i̱ꞌ Jesús ya̱ kúvi Cristo nkene‑e nteñu rá níyɨ. Soo nsú jie̱ꞌe̱ꞌ ya̱ siíyo rá téꞌén ñunéꞌyúꞌ‑ó jín nute, chisaꞌ jiánuté‑ó sáva stúvi‑ó ya̱ ne̱ ánímaꞌ‑ó chisóyuꞌú‑ó kueꞌnu na̱a̱ꞌ‑ó nu̱u̱nꞌ Ndiosíꞌ jín ya̱ jíkánꞌ táꞌvíꞌ‑ó nu̱u̱nꞌ Ndiosíꞌ ya̱ sííyo kua̱chi‑ó nonoo ánímaꞌ‑ó ya̱ jíníꞌ‑ó ya̱ ntu níso‑ó kua̱chi.

2 Pedro 1:9

Soo rá ñɨvɨ ya̱ ntu jiáꞌnu na̱a̱ꞌ ráa rá tiñu yukuán, jee saáva kuéntáꞌ ñɨvɨ kuáá kúvi ráa, kuéntáꞌ ɨɨn ya̱ ntu kúvi kune̱ꞌyá íká‑a, chi ya nnaanꞌ iniꞌ ráa ya̱ nna̱sánoo re̱ꞌ ráa jie̱ꞌe̱ꞌ kua̱chi ya̱ nsa̱ꞌá ráa ne̱ tiempúꞌ ya̱ta̱ꞌ.

1 Juan 5:6

Jee suvire̱ꞌ kúvi Jesús ya̱ nkiji re̱ꞌ jee túvi ya̱ kúvi re̱ꞌ Cristo sáá ña̱nuté re̱ꞌ jín nute, jee ñatɨ ni̱ñɨ̱ꞌ re̱ꞌ sáá ni̱ꞌi̱ꞌ re̱ꞌ nu̱u̱nꞌ kurúsiꞌ jie̱ꞌe̱ꞌ‑ó. Jee nsáꞌ kua̱chi kuitɨꞌ ña̱nuté re̱ꞌ jín nute, chisaꞌ suni ñatɨ ni̱ñɨ̱ꞌ re̱ꞌ nu̱u̱nꞌ kurúsiꞌ. Jee máá Ta̱chi̱ꞌ Ííꞌ Ndiosíꞌ ví ya̱ jiáꞌa ya̱ naáꞌ jie̱ꞌe̱ꞌ yaꞌá, chi mánitu̱ꞌun íyó na̱a̱ꞌ ñúꞌún iniꞌ re̱ꞌ.

Judas 1:1

Nuꞌuꞌ Judas, ya̱ kúvi ni̱ꞌ musúꞌ Jesús, níso re̱ꞌ tiñu Cristo ya̱ ñani Ndiosíꞌ re̱ꞌ sáva tatúníꞌ re̱ꞌ nu̱u̱nꞌ nɨꞌɨ. Jee kúvi ni̱ꞌ ñaniꞌ Jacobo. Jee tée ni̱ꞌ tutuꞌ yaꞌá nu̱u̱nꞌ ránoꞌó ñɨvɨ ya̱ nkana Tátáꞌ‑ó Ndiosíꞌ ránoꞌó kɨꞌɨ rán nu̱u̱nꞌ re̱ꞌ, jee ñúnúunꞌ re̱ꞌ ránoꞌó. Jee maá Jesús, ya̱ kúvi re̱ꞌ Cristo, jee kúmí re̱ꞌ ránoꞌó ya̱ yɨ́ꞌɨ́ rán xi̱ntíín re̱ꞌ.