Efesios 5:23 - Mixteco del suroeste de Tlaxiaco Oaxaca

²³ Chi te̱e ya̱ kúvi yɨɨ́ ɨɨn ñaꞌan ví ya̱ yósóꞌ nu̱u̱nꞌ ñasɨ́ꞌɨ́ re̱ꞌ, kuéntáꞌ kua̱ꞌ Cristo yósóꞌ re̱ꞌ nu̱u̱nꞌ ntáká yó ya̱ kúneí iniꞌ‑ó re̱ꞌ. Chi kúvi te̱e kuéntáꞌ xi̱ni̱ꞌ nu̱u̱nꞌ ñasɨ́ꞌɨ́‑ɨ kuéntáꞌ kua̱ꞌ kúvi Cristo kuéntáꞌ xi̱ni̱ꞌ nu̱u̱nꞌ‑ó, jee maáórán kúvi kuéntáꞌ yɨkɨkúñu re̱ꞌ. Jee maáréꞌ ví ya̱ síkáku re̱ꞌ yó nu̱u̱nꞌ kua̱chi‑ó.

Efesios 5:23 ပူးပေါင်းရင်းမြစ်များ

Hechos 20:28

’Kumí rán maárán jee kumí rán ñanitáꞌán ya̱ kúneí iniꞌ ráa Jesús. Chi ñani Ta̱chi̱ꞌ Ííꞌ ránoꞌó, sáva kuvi rán rá te̱e kúñáꞌnú nu̱u̱nꞌ ráa, sáva kunaka rán rá ñɨvɨ kúneí iniꞌ ráa Ndiosíꞌ. Ñatɨ ni̱ñɨ̱ꞌ maá Se̱ꞌya re̱ꞌ, sáá ni̱ꞌi̱ꞌ‑i nu̱u̱nꞌ kurúsiꞌ, sáva nakeꞌen re̱ꞌ rá ñɨvɨ vá.

1 Corintios 6:13

Suni káchíꞌ ráa: “Ya̱ yájíꞌ‑ó kúvi ya̱ kuꞌun chi̱ji‑ó, jee chi̱ji‑ó kúvi ya̱ kuꞌun ya̱ yájíꞌ‑ó.” Soo koo ɨɨn ki̱vɨ̱ꞌ ya̱ xináánꞌ Ndiosíꞌ ni núvíꞌ ráa. Soo yɨkɨkúñu‑ó, jee ntu̱ví nsáꞌá Ndiosíꞌ maa sáva kuatíñú‑ó maa saꞌá‑ó tiñu téní kúsíkɨ́ iniꞌ‑ó, chisaꞌ nsa̱ꞌá re̱ꞌ maa sáva kɨtíñú‑ó jín‑i nu̱u̱nꞌ maá I̱toꞌoꞌ‑ó, jee íyó ya̱ kuatíñú I̱toꞌoꞌ‑ó yɨkɨkúñu‑ó.

Efesios 4:15

Chisaꞌ kunikɨnꞌ‑ó kaꞌanꞌ‑ó tu̱ꞌun na̱a̱ꞌ jín tu̱ꞌun kunu̱u̱nꞌ táꞌán‑ó, sukuán jee kueꞌnu‑ó jín ntáká tiñu kuíni Cristo, ya̱ yósóꞌ re̱ꞌ nu̱u̱nꞌ‑ó kuéntáꞌ yósóꞌ xi̱ni̱ꞌ nu̱u̱nꞌ yɨkɨkúñu.

Efesios 5:24

Jee saáva kuéntáꞌ kua̱ꞌ maáórán, ya̱ kúneí iniꞌ‑ó Cristo, chiꞌi‑ó maáó xi̱ntíín Cristo, jee suni sukuán rá ñaꞌan ya̱ íyó yɨɨ́‑ɨ íyó chiꞌi ráa maáráa xi̱ntíín yɨɨ́ ráa jie̱ꞌe̱ꞌ na̱janu̱u̱nꞌ.

Colosenses 1:18

Jee maáréꞌ kúñáꞌnú yósóꞌ re̱ꞌ nu̱u̱nꞌ maáó ya̱ kúneí iniꞌ‑ó re̱ꞌ, kuéntáꞌ yósóꞌ xi̱ni̱ꞌ nu̱u̱nꞌ yɨkɨkúñu, jee maáó kúvi‑ó kuéntáꞌ yɨkɨkúñu re̱ꞌ, ya̱ kúvi‑ó ñɨvɨ ya̱ nstútú Ndiosíꞌ. Jee Cristo ví ya̱ xitékúꞌ re̱ꞌ yó nɨ́ɨ́nkání jín re̱ꞌ, chi xíꞌnañúꞌún re̱ꞌ ví ya̱ nna̱tekuꞌ i̱i̱ꞌ re̱ꞌ jín yɨkɨkúñu re̱ꞌ nteñu rá níꞌiꞌ, sáva máá kúñáꞌnú nasɨ́kuitɨꞌ kúvi re̱ꞌ nu̱u̱nꞌ kua̱íyó kuitɨꞌ.

1 Tesalonicenses 1:10

Jee nki̱vɨ rán nu̱u̱nꞌ re̱ꞌ sáva kunetu rán ya̱ kene Se̱ꞌya re̱ꞌ antivɨ́ jee niji‑i nu̱u̱nꞌ ñɨ̱vɨ́ yaꞌá. Se̱ꞌya Ndiosíꞌ ví ya̱ nxi̱nátekuꞌ re̱ꞌ nteñu rá níꞌiꞌ jee nxi̱nákóo Ndiosíꞌ ñunéꞌyúꞌ‑u. Jee maáa ví Jesús. Jee Jesús ví ya̱ sikáku re̱ꞌ yó sáva nxínóꞌo Ndiosíꞌ yó, ki̱vɨ̱ꞌ kiji re̱ꞌ xinóꞌo re̱ꞌ rá ñɨvɨ, chi kítɨ́ꞌ iniꞌ re̱ꞌ jie̱ꞌe̱ꞌ rá kua̱chi ráa.

Apoclipsis 19:7

¡Na̱ ka̱ꞌ kusɨ̱ɨ̱ꞌ iniꞌ‑ó, jee sɨ̱ɨ̱ꞌ kuvi iniꞌ ánímaꞌ‑ó, nakuetúꞌún‑ó re̱ꞌ chi máá kúñáꞌnú kúvi re̱ꞌ! Chi ya̱ nkenta viko tánáꞌá maáréꞌ ya̱ kuvi Lanchi Lúlí, jee nkenta tana̱ꞌá re̱ꞌ. Jee rá ñɨvɨ yɨ́ꞌɨ́ xi̱ntíín Ndiosíꞌ kúvi ráa kuéntáꞌ kúvi ñaꞌan ya̱ ya íyó tu̱ꞌva ña ya̱ tana̱ꞌá ña jín re̱ꞌ.

Apoclipsis 5:9

Jee jíta ráa ɨɨn yaaꞌ jiáá ya̱ káchíꞌ suꞌva: Noꞌó ví ya̱ íyó ni̱ꞌi̱nꞌ nú tɨɨn nú tutuꞌ i̱ña̱ꞌ jee kuvi kune nú rá seyúꞌ násɨ́ꞌ maa. Chi nso̱ko̱ꞌ nú maánú ñaꞌniꞌ rá ñɨvɨ noꞌó, jee jín ni̱ñɨ̱ꞌ nú nna̱chuya̱ꞌvi nú nkeꞌen nú rá ñɨvɨ sáva nuvi ráa ñɨvɨ Ndiosíꞌ. Rá ñɨvɨ vá va̱ji nu̱u̱nꞌ ntáká tataꞌ, ntáká ñɨvɨ ya̱ káꞌánꞌ ráa sɨ́ɨ́n sɨ́ɨ́n nu̱u̱nꞌ tu̱ꞌun nkaku ráa, ntáká ñuunꞌ, ntáká nu̱u̱nꞌ rá ñɨvɨ.