Efesios 5:18 - Mixteco del suroeste de Tlaxiaco Oaxaca

¹⁸ Jee koto jíꞌi rán nixiꞌ ne̱ ku̱ni rán, ya̱ stívɨ́ rán maárán. Chisaꞌ kukánáa iniꞌ ánímaꞌ rán kɨꞌɨ chitú Ta̱chi̱ꞌ Ííꞌ Ndiosíꞌ ya̱ kuneí‑i kunaka‑a ránoꞌó.

Efesios 5:18 ပူးပေါင်းရင်းမြစ်များ

Génesis 9:21

Jee niꞌi re̱ꞌ nixiꞌ nu̱xi uva nsa̱ꞌá re̱ꞌ jee ni̱ni naanꞌ re̱ꞌ jee ña̱kava ñɨɨn lɨ́ɨ́ꞌ re̱ꞌ iniꞌ veꞌi sayo saꞌma re̱ꞌ.

Mateo 23:25

’¡Na̱ ka̱ꞌ xe̱e̱nꞌ kunoꞌo rán ka̱ꞌ ránoꞌó!, te̱e xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ, jín ránoꞌó te̱e kúvi fariseo, chi, ¡te̱e sansuꞌva ví rán!, chi nákete rán kua̱chi ya̱ta̱ꞌ vasúꞌ jíꞌi rán jín ya̱ta̱ꞌ ko̱ꞌo̱ꞌ ñúyájíꞌ rán. Soo ichi iniꞌ ráa ñúchitú jín nantíñú ya̱ káneeꞌ rán jín jie̱ꞌe̱ꞌ máá tu̱ꞌun uꞌviꞌ iniꞌ rán.

Mateo 24:49

jee kajiéꞌé ku̱ꞌva re̱ꞌ rá táꞌán musúꞌ re̱ꞌ, jee kajiꞌ re̱ꞌ koꞌo re̱ꞌ jín rá ñɨvɨ jíni.

Lucas 1:15

chi ichinúúnꞌ Ndiosíꞌ kuvi re̱ꞌ ɨɨn te̱e kúñáꞌnú. Jee ni nsáꞌ koꞌo re̱ꞌ nixiꞌ nu̱xi uva ni nixiꞌ xéénꞌ, jee ne̱ kɨꞌɨ chitú Ta̱chi̱ꞌ Ííꞌ Ndiosíꞌ iniꞌ re̱ꞌ ne̱ ñúchíji nánáꞌ re̱ꞌ maáréꞌ.

Lucas 11:13

Saáva ránoꞌó, ya̱ kúvi rán ñɨvɨ niváꞌa, jee ya jíníꞌ rán ku̱ꞌva rán rá ta̱ꞌvi̱ꞌ váꞌa nu̱u̱nꞌ rá se̱ꞌya rán, soo saꞌ víꞌí káꞌ Tátáꞌ rán Ndiosíꞌ ya̱ nééꞌ re̱ꞌ ne̱ antivɨ́ ku̱ꞌva re̱ꞌ Ta̱chi̱ꞌ Ííꞌ re̱ꞌ nu̱u̱nꞌ rá ñɨvɨ ya̱ jíkánꞌ táꞌvíꞌ ráa nu̱u̱nꞌ re̱ꞌ ―nkachiꞌ Jesús.

Lucas 12:45

Soo retú jiáni iniꞌ musúꞌ vá iniꞌ ánímaꞌ re̱ꞌ: “Kúkuéé i̱toꞌoꞌ ni̱ꞌ nenta re̱ꞌ”, jee kajiéꞌé ku̱ꞌva re̱ꞌ rá te̱e jín rá ñaꞌan kúvi musúꞌ yɨ́ꞌɨ́ xi̱ntíín re̱ꞌ jee kajiꞌ re̱ꞌ koꞌo re̱ꞌ jee ku̱ni re̱ꞌ,

Lucas 21:34

’Saáva kumí rán maárán ya̱ koto túví rán maárán nu̱u̱nꞌ ñujiínꞌ ya̱ stívɨ́ rán maárán, jín nu̱u̱nꞌ ya̱ ku̱ka̱ꞌva rán nu̱u̱nꞌ nixiꞌ, jín nu̱u̱nꞌ ya̱ nívini naniꞌvɨꞌ iniꞌ rán na̱ni jie̱ꞌe̱ꞌ ya̱ íyó ni tékúꞌ rán iniꞌ ñɨ̱vɨ́ yaꞌá, sáva ntu kininkava sa̱naanꞌ kuitɨꞌ ki̱vɨ̱ꞌ vá ya̱ta̱ꞌ rán,

Juan 2:10

Jee nkachiꞌ re̱ꞌ nu̱u̱nꞌ‑u: ―Nta̱ká ñɨvɨ jee xíꞌna ka̱ꞌ jiáꞌa ráa maá nixiꞌ nu̱xi uva váꞌa ka̱ꞌ. Jee sáá ya̱ jíjin rá ñɨvɨ jee jiáꞌa ráa nixiꞌ nu̱xi uva láꞌví ka̱ꞌ. Soo noꞌó chi nte̱va̱ꞌa nú ya̱ váꞌa ka̱ꞌ ne̱ ntañúꞌún.

Hechos 11:24

Jee kúvi re̱ꞌ te̱e va̱ꞌa jee Ta̱chi̱ꞌ Ííꞌ kúneí‑i jín re̱ꞌ jee kúneí víꞌí iniꞌ re̱ꞌ. Saáva kue̱ꞌe̱ꞌ ka̱ꞌ ñɨvɨ nki̱vɨ nu̱u̱nꞌ I̱toꞌoꞌ‑ó.

Romanos 13:13

Jee kueꞌnu na̱a̱ꞌ‑ó kuéntáꞌ kaka‑ó nuví jee nsú kuéntáꞌ nu̱u̱nꞌ neenꞌ. Jee koto sáꞌá‑ó rá viko néꞌí, jín ya̱ koto jíꞌi‑ó ku̱ni‑ó, jín ya̱ koto kúsíkɨ́ iniꞌ‑ó tiñu téní, jín ya̱ koto sáꞌá néꞌí‑ó, jín ya̱ koto kántáꞌán‑ó, jín ya̱ koto kóo u̱ꞌvi̱ꞌ iniꞌ‑ó.

1 Corintios 11:21

chi sáá yájíꞌ rán, jee ta ɨɨn rán xíꞌnañúꞌún ka̱ꞌ tɨ́ɨn‑ɨ xíní maáa ya̱ kajiꞌ‑i. Jee ɨɨn ñɨvɨ ntu̱ví níꞌínꞌ‑i ya̱ kajiꞌ‑i jee jíꞌíꞌ‑i so̱ko, jee inka ka̱ꞌ ñɨvɨ jíni‑i.

1 Corintios 5:11

Soo ntañúꞌún tée ni̱ꞌ tu̱ꞌun nu̱u̱nꞌ tutuꞌ yaꞌá jee nkachiꞌ ni̱ꞌ ya̱ koto kútáꞌán rán jín ni ɨɨn ñɨvɨ ya̱ káchíꞌ‑i kúvi‑i ñanitáꞌán‑ó ya̱ jínúꞌ iniꞌ‑i Cristo, ya̱ sáꞌá téní‑i, áxí u̱ꞌvi̱ꞌ iniꞌ‑i, áxí néñu̱ꞌun‑u rá nantíñú ya̱ nsú Ndiosíꞌ tékúꞌ ví‑i, áxí kákuíyuꞌú‑u, áxí ka̱ꞌva‑a, áxí sákuíꞌná‑a. Jee koto kútáꞌán rán jín ñɨvɨ ya̱ sáꞌá sukuán, ne̱ koto yájíꞌ kuitɨꞌ rán xi̱ta̱ꞌ jín‑i.

1 Corintios 6:10

ni rá ñɨvɨ kuíꞌná, ni rá ñɨvɨ uꞌvi iniꞌ, ni rá ñɨvɨ ka̱ꞌva, ni rá ñɨvɨ kákuíyuꞌú, ni rá ñɨvɨ sáꞌá máñáꞌ, chi nsáꞌ ni̱ꞌi̱nꞌ ráa ta̱ꞌvi̱ꞌ ya̱ ki̱vɨ ráa xi̱ntíín Ndiosíꞌ tátúníꞌ re̱ꞌ nu̱u̱nꞌ ráa.

1 Tesalonicenses 5:7

Chi kíxíꞌ rá ñɨvɨ yakuááꞌ. Jee rá te̱e jíni jíꞌi ráa yakuááꞌ.

Tito 1:6

Rá te̱e vá, íyó kuvi ráa te̱e ya̱ ntu̱náꞌ íyó chikua̱chi ñɨvɨ ráa. Íyó kuvi re̱ꞌ yɨɨ́ métúꞌún ñaꞌan ni ne̱ kuviꞌ ña. Jee rá se̱ꞌya ráa íyó ínúꞌ iniꞌ rává tu̱ꞌun Cristo, jee nkúvi chikua̱chi ñɨvɨ rá se̱ꞌya ráa, chi ntu jiáꞌa sáꞌá rává, chi ni ntu kújiááꞌ iniꞌ rává.