Efesios 5:16 - Mixteco del suroeste de Tlaxiaco Oaxaca

¹⁶ Vitan íyó tiempúꞌ jee kuniꞌvɨꞌ iniꞌ rán saꞌá rán tiñu ntaji Ndiosíꞌ saꞌá rán, chi tiempúꞌ vitan jee íyó víꞌí ñɨvɨ jíka ráa ichi niváꞌa.

Efesios 5:16 ပူးပေါင်းရင်းမြစ်များ

Génesis 29:7

Saájee nkachiꞌ Jacob: ―Kune̱ꞌyá, yoráꞌ i̱i̱ꞌ, jee ntiáꞌan kenta hora sáva naxtútú rá sa̱na̱ꞌ. Ku̱ꞌva rán nute koꞌo rá sa̱na̱ꞌ líꞌí jee kɨ̱ꞌɨ̱nꞌ rán jín rátíꞌ kɨ̱sikájíꞌ rán iteꞌ rátíꞌ ―nkachiꞌ Jacob nu̱u̱nꞌ ráa.

Mateo 25:17

Jee suni sukuán nsa̱ꞌá inka ka̱ꞌ musúꞌ ya̱ nni̱ꞌi̱nꞌ u̱vi̱ꞌ kustáꞌ xu̱ꞌún vá, chi suni ña̱satíñú‑u jín xu̱ꞌún vá, jee nku̱neí‑i ni̱ꞌi̱nꞌ‑i u̱vi̱ꞌ kustáꞌ ka̱ꞌ si̱kɨ̱ꞌ xu̱ꞌún vá.

Juan 12:35

Saájee nkachiꞌ Jesús nu̱u̱nꞌ ráa: ―Nuꞌuꞌ, ya̱ kúvi ni̱ꞌ ñuꞌunꞌ túúnꞌ iniꞌ ánímaꞌ rán, jee yakuꞌ ni ka̱ꞌ ki̱vɨ̱ꞌ íyó kuneeꞌ ni̱ꞌ jín rán. Saáva kueꞌnu rán nu̱u̱nꞌ ñuꞌunꞌ vá ni túúnꞌ‑u iniꞌ ánímaꞌ rán, sáva nsáꞌ kenta kueꞌnu rán nu̱u̱nꞌ ñu̱neenꞌ ya̱ kúvi ya̱ niva̱ꞌa, chi ñɨvɨ ya̱ jiáꞌnu nu̱u̱nꞌ ñu̱neenꞌ ntu kútúníꞌ né ɨɨn ichi kɨ̱ꞌɨ̱nꞌ ráa.

Romanos 13:11

Jee jie̱ꞌe̱ꞌ nta̱ká yaꞌá, jee tɨɨn kuéntáꞌ rán tiempúꞌ vitan ya̱ va̱kuyatin ki̱vɨ̱ꞌ niji Cristo. Koto íyó rán kuéntáꞌ ñɨvɨ kíxíꞌ ya̱ ntu nániꞌvɨꞌ iniꞌ ráa jie̱ꞌe̱ꞌ vá. Yaꞌá íyó maá hora ya̱ íyó kuéntáꞌ nako̱o‑ó ya̱ kíxíꞌ‑ó, chi nku̱yatin ka̱ꞌ tiempúꞌ ya̱ nanitáꞌvíꞌ‑ó nsú káꞌ ne̱ sáá nka̱jiéꞌé nku̱neí iniꞌ‑ó Cristo.

1 Corintios 7:26

Jee jie̱ꞌe̱ꞌ ya̱ íyó nasɨ́kuitɨꞌ rá tu̱nóꞌó víjí víꞌí tiempúꞌ vitan, jee jiáni iniꞌ nuꞌuꞌ ya̱ íyó va̱ꞌa ya̱ kino̱o ɨɨn ñɨvɨ sáni íyó‑o.

Gálatas 1:4

Nso̱ko̱ꞌ Jesús maáréꞌ ya̱ níꞌiꞌ re̱ꞌ jie̱ꞌe̱ꞌ kua̱chi‑ó, sáva sikáku re̱ꞌ yó, sáva ntu íyó kaka‑ó ichi tu̱ꞌun kánéꞌén, sáni sáꞌá rá ñɨvɨ nééꞌ ñɨ̱vɨ́ vitan ya̱ ntu yɨ́ꞌɨ́ ráa nu̱u̱nꞌ re̱ꞌ. Nsa̱ꞌá re̱ꞌ suꞌva sáni kuíni Tátáꞌ‑ó Ndiosíꞌ.

Gálatas 6:10

Saáva sáá kénta íyó, jee saꞌá‑ó ya̱ váꞌa nu̱u̱nꞌ nɨꞌɨ. Jee ya̱ ñáꞌnú ka̱ꞌ vá íyó saꞌá‑ó ya̱ váꞌa nu̱u̱nꞌ rá ñanitáꞌán‑ó ya̱ kúneí iniꞌ ráa Jesús.

Efesios 6:13

Saáva satúꞌva rán maárán jín nɨꞌɨ ya̱ táji Ndiosíꞌ nu̱u̱nꞌ rán sáva nama rán maárán, kuéntáꞌ íyó soldado ya̱ sátúꞌva re̱ꞌ jín rá nantíñú re̱ꞌ, sáva kúvi kuneí rán kuiñɨ ni̱ꞌin rán ki̱vɨ̱ꞌ kákini kenta, jee sáá nkuvi nsa̱ꞌá rán nɨꞌɨ, jee kuiñɨ ni̱ꞌin rán.

Efesios 6:15

Jee satúꞌva rán maárán sáva kachitu̱ꞌún rán tu̱ꞌun va̱ꞌa jie̱ꞌe̱ꞌ Jesús ya̱ sáꞌá‑a ya̱ kino̱o va̱ꞌa iniꞌ ñɨvɨ nu̱u̱nꞌ Ndiosíꞌ. Sukuán kúvi kuéntáꞌ náchiꞌi soldado ni̱jia̱nꞌ jie̱ꞌe̱ꞌ‑e sáva kene‑e kɨ̱kantáꞌán‑a.

Colosenses 4:5

Kuꞌun kájí xíniꞌ rán kueꞌnu ñunkúún rán sáni kuíni Ndiosíꞌ nteñu rá ñɨvɨ ya̱ ntu kúneí iniꞌ ráa Cristo, jee suꞌva ntu súkuíta rán tiempúꞌ ya̱ káꞌánꞌ rán jín ráa.