Efesios 5:14 - Mixteco del suroeste de Tlaxiaco Oaxaca

¹⁴ Jee jie̱ꞌe̱ꞌ vá káchíꞌ tu̱ꞌun yaꞌá suꞌva: Noto, noꞌó ya̱ kíxíꞌ iniꞌ nú, jee nako̱o nú nteñu rá ñɨvɨ ya̱ kúvi kuéntáꞌ ñɨvɨ níꞌiꞌ, jee Cristo stúúnꞌ re̱ꞌ ñuꞌunꞌ re̱ꞌ iniꞌ ánímaꞌ nú.

Efesios 5:14 ပူးပေါင်းရင်းမြစ်များ

Lucas 1:78

Chi nasɨ́kuitɨꞌ náꞌví iniꞌ Ndiosíꞌ‑ó ne̱ ánímaꞌ re̱ꞌ ñunkúún iniꞌ re̱ꞌ yó, jee saáva ne̱ antivɨ́ kiji re̱ꞌ kistuúnꞌ re̱ꞌ iniꞌ antúníꞌ‑ó kuéntáꞌ túúnꞌ nka̱niiꞌ ya̱ káa‑a.

Lucas 15:24

Chi se̱ꞌya yɨ́ɨ́ ni̱ꞌ yaꞌá jee kuéntáꞌ ya̱ ni̱ꞌi̱ꞌ‑i, jee nna̱tekuꞌ‑u, chi kuéntáꞌ nsu̱kuíta ni̱ꞌ maa jee vitan nna̱niꞌinꞌ ni̱ꞌ maa”, nkachiꞌ re̱ꞌ. Jee nka̱jiéꞌé ráa kúsɨ́ɨꞌ iniꞌ ráa viko sáꞌá ráa.

Juan 8:12

Jee tukuni nkaꞌanꞌ Jesús jín rá ñɨvɨ, jee nkachiꞌ re̱ꞌ nu̱u̱nꞌ ráa: ―Nuꞌuꞌ ñuꞌunꞌ kúvi ni̱ꞌ nu̱u̱nꞌ rá ñɨvɨ ñɨ̱vɨ́ ya̱ stúúnꞌ ni̱ꞌ iniꞌ ánímaꞌ ráa, jee ɨɨn ñɨvɨ ya̱ níkɨ́nꞌ‑ɨ nuꞌuꞌ ntu̱né kaka‑a ñujiínꞌ nu̱u̱nꞌ neenꞌ, chisaꞌ kuꞌun ñuꞌunꞌ ya̱ stúúnꞌ ni̱ꞌ iniꞌ ánímaꞌ ñɨvɨ vá ya̱ sáꞌá‑a ya̱ kutekuꞌ ñɨvɨ nɨ́ɨ́nkání jín Ndiosíꞌ ―nkachiꞌ Jesús.

Juan 9:5

Chi ni nééꞌ ni̱ꞌ nu̱u̱nꞌ ñɨ̱vɨ́ yaꞌá, jee ñuꞌunꞌ kúvi ni̱ꞌ nu̱u̱nꞌ rá ñɨvɨ ñɨ̱vɨ́ ya̱ nstúúnꞌ ni̱ꞌ iniꞌ ánímaꞌ ráa ―nkachiꞌ Jesús.

Hechos 13:47

Chi sukuán nta̱túníꞌ I̱toꞌoꞌ‑ó nu̱u̱nꞌ ránꞌ: Ñani ni̱ꞌ nó, sáva kúvi nú kuéntáꞌ ɨɨn ñuꞌunꞌ nu̱u̱nꞌ rá ñɨvɨ ntu kúvi Israel. Sáva stekútu̱ꞌún nú tu̱ꞌun ni̱ꞌ ne̱ nu̱u̱nꞌ nɨ́ꞌɨ ichi ñɨ̱vɨ́, jie̱ꞌe̱ꞌ na̱sa nanitáꞌvíꞌ ráa.

Romanos 6:13

Jee ni koto jiáꞌa rán ka̱ꞌ maárán nu̱u̱nꞌ kua̱chi sáva ntu kuatíñú rán yɨkɨkúñu rán saꞌá rán tiñu ya̱ ntu íyó na̱a̱ꞌ. Chisaꞌ ku̱ꞌva rán maárán nu̱u̱nꞌ Ndiosíꞌ, kuéntáꞌ ɨɨn ñɨvɨ ya̱ níꞌiꞌ jee nna̱tekuꞌ‑u nkene‑e nteñu rá ni̱yɨ. Jee ku̱ꞌva rán yɨkɨkúñu rán nu̱u̱nꞌ Ndiosíꞌ sáva kuvi‑i ɨɨn nantíñú ya̱ kuatíñú re̱ꞌ saꞌá re̱ꞌ tiñu na̱a̱ꞌ.

1 Corintios 15:34

Naku̱ꞌun kájí iniꞌ rán jee kaka rán ichi tiñu na̱a̱ꞌ váꞌa, jee koto sáꞌá rán kua̱chi, chi sava ránoꞌó ntu̱ví jíníꞌ ráa iniꞌ Ndiosíꞌ. Jee káchíꞌ ni̱ꞌ rá tu̱ꞌun yaꞌá sukuán sáva koo tu̱nkánuun nu̱u̱nꞌ rán.

2 Corintios 4:6

Chi Ndiosíꞌ ví ya̱ nta̱túníꞌ re̱ꞌ ya̱ tu̱u̱nꞌ ñuꞌunꞌ nu̱u̱nꞌ neenꞌ sáá nsa̱ꞌá re̱ꞌ ñɨ̱vɨ́. Suni maá Ndiosíꞌ ví ya̱ stúúnꞌ re̱ꞌ iniꞌ ánímaꞌ‑ó sáva tu̱u̱nꞌ iniꞌ ánímaꞌ‑ó ya̱ kuniꞌ‑ó ya̱ viiꞌ nasɨ́kuitɨꞌ kúñáꞌnú re̱ꞌ chi jíníꞌ‑ó iniꞌ Jesús ya̱ kúvi Cristo, kuéntáꞌ jiánu̱te̱ꞌ nu̱u̱nꞌ re̱ꞌ.

Efesios 2:1

Jee ránoꞌó, ya̱ níꞌiꞌ rán nu̱u̱nꞌ Ndiosíꞌ nékúvi jie̱ꞌe̱ꞌ njiáꞌa rán nu̱u̱nꞌ ya̱ tátúníꞌ Ndiosíꞌ jín jie̱ꞌe̱ꞌ rá kua̱chi nsa̱ꞌá rán.

Efesios 2:5

Jee asúnika̱ꞌ nkuvi‑ó kuéntáꞌ ñɨvɨ níꞌiꞌ nu̱u̱nꞌ re̱ꞌ, jie̱ꞌe̱ꞌ ya̱ njia̱ꞌa‑ó nu̱u̱nꞌ ya̱ tátúníꞌ Ndiosíꞌ, soo nsa̱ꞌá re̱ꞌ ya̱ kutekuꞌ‑ó nɨ́ɨ́nkání jín Cristo. (Chi jie̱ꞌe̱ꞌ ya̱ íyó mániꞌ iniꞌ re̱ꞌ néꞌyá re̱ꞌ yó nna̱tavaꞌ re̱ꞌ yó nu̱u̱nꞌ kua̱chi‑ó nsi̱káku re̱ꞌ yó.)

Colosenses 3:1

Saájee nu̱u̱nꞌ nna̱tekuꞌ rán jín Cristo nsa̱ꞌá Ndiosíꞌ, kuéntáꞌ nxi̱nákóo re̱ꞌ yó jín Cristo nteñu rá níꞌiꞌ, saáva kuꞌun iniꞌ rán ya̱ kuneenu̱u̱nꞌ rán ya̱ íyó nu̱u̱nꞌ ñuunꞌ íyó súkún, nu̱u̱nꞌ nééꞌ Cristo ichi kuáꞌá Ndiosíꞌ, nu̱u̱nꞌ kúñáꞌnú Cristo.

1 Tesalonicenses 5:6

Saáva koto ñúꞌún iniꞌ‑ó kuéntáꞌ rá inka ñɨvɨ ya̱ kuéntáꞌ kíxíꞌ ráa chi ntu tɨ́ɨn ráa tu̱ꞌun Jesús. Chisaꞌ nito koo‑ó jee kuꞌun kájí iniꞌ‑ó.

2 Timoteo 1:10

Soo vitan nstúvi kájí re̱ꞌ ya̱ íyó mániꞌ iniꞌ re̱ꞌ néꞌyá re̱ꞌ yó, chi nta̱jí re̱ꞌ Cristo Jesús, ya̱ nátavaꞌ re̱ꞌ yó nu̱u̱nꞌ kua̱chi‑ó síkáku re̱ꞌ yó. Sú jíꞌí‑ó soo Cristo síjíta re̱ꞌ maa ya̱ nki̱nóo‑ó suꞌva chi stúvi re̱ꞌ nu̱nijínꞌ jín tu̱ꞌun váꞌa re̱ꞌ jie̱ꞌe̱ꞌ Jesús ya̱ kutekuꞌ‑ó jín re̱ꞌ nɨ́ɨ́nkání, jee ni nku̱víꞌ‑ó ka̱ꞌ.

2 Timoteo 2:26

Jee suꞌva kenta nakukájí iniꞌ ráa jee ka̱ku ráa nu̱u̱nꞌ máñáꞌ kui̱ꞌna̱ꞌ kúñáꞌnú nu̱u̱nꞌ nkininkava ráa jee ntɨɨn re̱ꞌ ráa sáva saꞌá ráa ya̱ kuíni re̱ꞌ.