Efesios 4:5 - Mixteco del suroeste de Tlaxiaco Oaxaca

⁵ Chi métúꞌún ni I̱toꞌoꞌ‑ó íyó, jee ɨɨn nuún kúneí iniꞌ ntáká‑ó métúꞌún Tu̱ꞌun Ndiosíꞌ ni, jee ɨɨn nuún jiánuté nta̱ká‑ó ya̱ stúvi ya̱ yɨ́ꞌɨ́‑ó nu̱u̱nꞌ métúꞌún Ndiosíꞌ ni.

Efesios 4:5 ပူးပေါင်းရင်းမြစ်များ

Mateo 28:19

Saáva kuáꞌán rán xinéꞌénꞌ rán tu̱ꞌun váꞌa ni̱ꞌ nu̱u̱nꞌ ñɨvɨ ntáká rá ñuunꞌ sáva kuneí iniꞌ ráa nuꞌuꞌ jee ki̱vɨ ráa xi̱ntíín ni̱ꞌ ya̱ sukuáꞌa ráa tu̱ꞌun ni̱ꞌ, jee sikuánuté rán ráa nu̱u̱nꞌ súví Tátáꞌ‑ó Ndiosíꞌ jín Se̱ꞌya re̱ꞌ, jín Ta̱chi̱ꞌ Ííꞌ re̱ꞌ.

Hechos 10:36

’Nchu̱ichí re̱ꞌ tu̱ꞌun va̱ꞌa nu̱u̱nꞌ rá se̱ꞌya tataꞌ Israel, jee stékútu̱ꞌún re̱ꞌ ya̱ kuneeꞌ ma̱ni̱ꞌ ñɨvɨ jín re̱ꞌ sáꞌá Jesús ya̱ kúvi‑i Cristo, ya̱ kúvi‑i I̱toꞌoꞌ nɨꞌɨ ñɨvɨ ñɨ̱vɨ́.

Hechos 2:36

―Saájee kukáꞌnú na̱a̱ꞌ iniꞌ ntáká ñɨvɨ tataꞌ Israel, ya̱ ñani Ndiosíꞌ Jesús yaꞌá ya̱ kuvi‑i I̱toꞌoꞌ‑ó jín ya̱ kuvi‑i Cristo, sáva natavaꞌ re̱ꞌ ñɨvɨ nu̱u̱nꞌ kua̱chi ráa. Jesús yaꞌá ví ya̱ nte̱kaa rán nu̱u̱nꞌ kurúsiꞌ jee ñaꞌniꞌ rán maa ―nkachiꞌ Pedro.

Romanos 3:30

Chi métúꞌún ɨɨn ni Ndiosíꞌ íyó. Suvire̱ꞌ ví ya̱ sííyo re̱ꞌ kua̱chi rá ñɨvɨ sáva kino̱o na̱a̱ꞌ ráa nu̱u̱nꞌ re̱ꞌ jie̱ꞌe̱ꞌ kúneí iniꞌ ráa Jesús, va̱ni ñɨvɨ Israel ya̱ níso seña Ndiosíꞌ nu̱u̱nꞌ yɨkɨkúñu ráa, va̱ni rá ñɨvɨ inka nación ya̱ ntu níso ráa seña circuncisión.

1 Corintios 1:13

¿Á nku̱sáva Cristo rúja? ¿Á nuꞌuꞌ Pablo ni̱ꞌi̱ꞌ ni̱ꞌ nu̱u̱nꞌ kurúsiꞌ jie̱ꞌe̱ꞌ ránoꞌó rúja? Áxí, ¿á ña̱nuté ránoꞌó nu̱u̱nꞌ súví nuꞌuꞌ sáva stúvi ya̱ yɨ́ꞌɨ́ rán xi̱ntíín ni̱ꞌ rúja? ¡Ntu̱ví!

1 Corintios 1:2

tájí ráníꞌ tutuꞌ yaꞌá ya̱ tée ni̱ꞌ nu̱u̱nꞌ ránoꞌó ñɨvɨ kúneí iniꞌ rán Jesús ya̱ yɨ́ꞌɨ́ rán naꞌá Ndiosíꞌ, ya̱ nééꞌ rán nu̱u̱nꞌ ñuunꞌ Corinto. Nsa̱ꞌá sɨ́ɨ́n Ndiosíꞌ ránoꞌó kɨꞌɨ rán nu̱u̱nꞌ Cristo Jesús. Nkana re̱ꞌ ránoꞌó sáva koo sɨ́ɨ́n rán ya̱ nkɨ́ꞌɨ rán ka̱ꞌ nu̱u̱nꞌ kua̱chi rán jee kɨꞌɨ rán naꞌá Cristo Jesús, sánikua̱ꞌ nsa̱ꞌá re̱ꞌ jín ntáká rá ñɨvɨ nééꞌ nta̱ká nu̱u̱nꞌ ya̱ kákua̱chi ráa nu̱u̱nꞌ I̱toꞌoꞌ‑ó Jesús ya̱ níso re̱ꞌ tiñu ya̱ kúvi re̱ꞌ Cristo. Kúvi re̱ꞌ I̱toꞌoꞌ ráa jín I̱toꞌoꞌ‑ó.

1 Corintios 12:13

Chi suni nsi̱kuánuté Cristo yó jín métúꞌún ni Ta̱chi̱ꞌ Ííꞌ vá sáva kɨꞌɨ‑ɨ iniꞌ ánímaꞌ‑ó jee nsa̱ꞌá Ta̱chi̱ꞌ Ííꞌ vá ya̱ kɨꞌɨ ntáká‑ó nu̱u̱nꞌ Cristo kuéntáꞌ nki̱vɨ‑ó nu̱u̱nꞌ ɨɨn ni yɨkɨkúñu re̱ꞌ. Ya̱ súka̱ꞌ ñɨvɨ Israel kúvi‑ó, áxí ñɨvɨ ntu kúvi‑ó Israel, áxí súka̱ꞌ ñɨvɨ ya̱ kúvi musúꞌ ya̱ nkeꞌen ñɨvɨ maa, áxí va̱ni ñɨvɨ ya̱ íyó núne ya̱ sátíñú‑u tiñu maá‑a, chi ntáká‑ó chi yɨ́ꞌɨ́‑ó nu̱u̱nꞌ rá ñɨvɨ Ndiosíꞌ, chi ɨɨn ni Ta̱chi̱ꞌ Ííꞌ níꞌínꞌ nɨꞌɨ‑ó.

1 Corintios 12:5

Jee sɨ́ɨ́n sɨ́ɨ́n tiñu íyó ya̱ sáꞌá ta ɨɨn ɨɨn‑ó, soo métúꞌún ni I̱toꞌoꞌ‑ó íyó, jee maáréꞌ ví ya̱ chíneí re̱ꞌ yó sátíñú‑ó nu̱u̱nꞌ re̱ꞌ.

1 Corintios 8:6

soo nu̱u̱nꞌ maáó, chi métúꞌún ni Ndiosíꞌ íyó ya̱ kúvi Tátáꞌ‑ó. Jee maáréꞌ nsa̱ꞌá ntáká ya̱ íyó, jee suni maáó nsáꞌá re̱ꞌ yó sáva kɨtíñú‑ó nu̱u̱nꞌ re̱ꞌ. Jee suni ɨɨn ni I̱toꞌoꞌ‑ó íyó, ya̱ suvi kúvi Jesús ya̱ kúvi re̱ꞌ Cristo, ya̱ ña̱tíñú Ndiosíꞌ maa sáva nsa̱ꞌá ráa ntáká ya̱ íyó, jee suni nsa̱ꞌá re̱ꞌ yó ranika̱ꞌ.

2 Corintios 11:4

Chi ntɨɨn ránú Jesús jín Ta̱chi̱ꞌ Ííꞌ Ndiosíꞌ jín tu̱ꞌun váꞌa jie̱ꞌe̱ꞌ Jesús. Soo va̱ꞌa yɨ́netuꞌ rán, retú kenta ɨɨn ñɨvɨ jee sɨ́ɨ́n stékútu̱ꞌún‑u jie̱ꞌe̱ꞌ Jesús ya̱ nsú tu̱ꞌun na̱a̱ꞌ ya̱ nstékútu̱ꞌún ráníꞌ jie̱ꞌe̱ꞌ re̱ꞌ, áxí tɨɨn rán ɨɨn ta̱chi̱ꞌ ya̱ sɨ́ɨ́n kúvi‑i ya̱ nsú Ta̱chi̱ꞌ Ííꞌ Ndiosíꞌ ya̱ ya ntɨɨn rán, áxí tɨɨn rán ɨɨn tu̱ꞌun ya̱ sɨ́ɨ́n íyó ya̱ nsú tu̱ꞌun na̱a̱ꞌ váꞌa jie̱ꞌe̱ꞌ Jesús ya̱ ya ntɨɨn rán.

Gálatas 5:6

Chi ntáká‑ó ya̱ yɨ́ꞌɨ́‑ó nu̱u̱nꞌ Cristo Jesús, ntu̱náꞌ íyótiñu koo circuncidado maáó, áxí ntu̱ví. Soo ya̱ yɨ́yáꞌvi ka̱ꞌ vá kúneí iniꞌ‑ó Jesús, jee ya̱ kúneí iniꞌ‑ó maa sáꞌá ya̱ kunu̱u̱nꞌ‑ó táꞌán‑ó.

Efesios 4:13

Jee sikuéꞌnu‑ó ɨɨn inka táꞌán‑ó ne̱kua̱ꞌ ntáká‑ó kenta nunuún iniꞌ‑ó nu̱u̱nꞌ tu̱ꞌun kúneí iniꞌ‑ó Se̱ꞌya Ndiosíꞌ, jín nu̱u̱nꞌ tu̱ꞌun kuniꞌ va̱ꞌa‑ó ka̱ꞌ iniꞌ re̱ꞌ, ne̱kua̱ꞌ kenta kujia va̱ꞌa iniꞌ‑ó ne̱ kuna̱a̱ꞌ‑ó natɨɨn‑ó iniꞌ Cristo na̱sa íyó re̱ꞌ.

Filipenses 2:11

Jín sáva nta̱ká ráa ku̱ꞌvayuꞌú, ya̱ I̱toꞌoꞌ ví Jesús ya̱ níso re̱ꞌ tiñu Cristo, jee suꞌva stúvi ráa, ya̱ máá viiꞌ kúñáꞌnú ví Ndiosíꞌ ya̱ kúvi Tááꞌ‑ó.

Filipenses 3:8

Jee víꞌí ka̱ꞌ nsú káꞌ yaꞌá, tɨ́ɨn ni̱ꞌ kuéntáꞌ, ya̱ nɨꞌɨ nantíñú ntu̱náꞌ yɨ́yáꞌvi nu̱u̱nꞌ ni̱ꞌ, chi yɨ́yáꞌvi ka̱ꞌ nu̱u̱nꞌ nɨꞌɨ ví ya̱ íyó mániꞌ Cristo Jesús jín ni̱ꞌ ya̱ kúvi re̱ꞌ I̱toꞌoꞌ ni̱ꞌ. Jie̱ꞌe̱ꞌ re̱ꞌ nsu̱kuíta ni̱ꞌ nɨꞌɨ rá tiñu vá, jee tɨ́ɨn kuéntáꞌ ni̱ꞌ, ya̱ nɨꞌɨ vá kúvi ya̱ká ni, sáva ni̱ꞌi̱nꞌ ni̱ꞌ ya̱ yɨ́yáꞌvi ka̱ꞌ ya̱ koo Cristo jín ni̱ꞌ.

Tito 1:1

Maáníꞌ, Pablo, ya̱ kúvi ni̱ꞌ musúꞌ ya̱ jiátíñú Ndiosíꞌ. Jee suni níso ni̱ꞌ tiñu apóstol, ya̱ nchu̱ichí Jesucristo nuꞌuꞌ, sáva ku̱ꞌva ni̱ꞌ tu̱ꞌun re̱ꞌ nu̱u̱nꞌ rá ñɨvɨ, sáva rá ñɨvɨ ya̱ nka̱ji Ndiosíꞌ ráa kuneí iniꞌ ráa maa, jee sáva kuniꞌ noo ráa tu̱ꞌun na̱a̱ꞌ, jee sáva kunikɨnꞌ ráa ichi na̱a̱ꞌ nu̱u̱nꞌ Ndiosíꞌ sáni kuíni re̱ꞌ,

Tito 1:4

Tée ni̱ꞌ tutuꞌ yaꞌá nu̱u̱nꞌ nú, Tito. Suvinú ví nijia kuéntáꞌ se̱ꞌya ni̱ꞌ, ya̱ nuún kúneí iniꞌ‑ó Cristo. Tátáꞌ‑ó ví Ndiosíꞌ jee Cristo Jesús ya̱ nátavaꞌ re̱ꞌ yó nu̱u̱nꞌ kua̱chi‑ó síkáku re̱ꞌ yó. Na̱ ka̱ꞌ koo ma̱ni̱ꞌ iniꞌ ráa ka̱ꞌ kune̱ꞌyá ráa noꞌó, jín ya̱ kuneeꞌ va̱ꞌa nú saꞌá ráa.

Hebreos 13:7

Jee naku̱ꞌun iniꞌ rán rá te̱e yósóꞌ ráa nu̱u̱nꞌ rán, ya̱ náchuꞌun ráa ichi Ndiosíꞌ ránoꞌó, ya̱ maáráa kúvi ya̱ nxi̱néꞌénꞌ ráa Tu̱ꞌun Ndiosíꞌ ránoꞌó. Jee kani va̱ꞌa iniꞌ rán na̱ja viiꞌ ñaꞌnu ráa, jee suni kuneí iniꞌ rán kuéntáꞌ kua̱ꞌ nku̱neí iniꞌ ráa Ndiosíꞌ.

Hebreos 6:6

Jee retú kusɨ́ɨ́n ráa xinóo ráa Tu̱ꞌun Ndiosíꞌ, jee ni nsáꞌ kúvi ka̱ꞌ naxiníji tuku‑ó ráa nakani iniꞌ ráa sáva kunikɨnꞌ ráa Ndiosíꞌ. Chi ya̱ sukuán jee kuéntáꞌ maáráa nákaꞌniꞌ tuku ráa Se̱ꞌya Ndiosíꞌ nu̱u̱nꞌ kurúsiꞌ. Jee jiáꞌa ráa tu̱nkánuun re̱ꞌ nu̱chitú.

Santiago 2:18

Soo sa̱naanꞌ jee kachiꞌ ɨɨn ñɨvɨ ya̱: “Noꞌó chi kúneí iniꞌ nú Jesús, jee nuꞌuꞌ chi sáꞌá ni̱ꞌ tiñu váꞌa.” Stúvi nu̱u̱nꞌ nuꞌuꞌ ya̱ kúneí iniꞌ nú Jesús, soo ni nsú jín tiñu váꞌa sáꞌá nú, jee jín rá tiñu váꞌa sáꞌá ni̱ꞌ stúvi ni̱ꞌ nu̱u̱nꞌ nóꞌo ya̱ kúneí iniꞌ ni̱ꞌ re̱ꞌ.

1 Pedro 3:21

Jee kuéntáꞌ kua̱ꞌ nkáku ráa nu̱u̱nꞌ nute vá, jee suni kuéntáꞌ sukuán kúnkunuún kúvi‑i ya̱ jiánuté‑ó tiempúꞌ vitan síkáku‑u ñɨvɨ, jie̱ꞌe̱ꞌ ya̱ nna̱tekuꞌ i̱i̱ꞌ Jesús ya̱ kúvi Cristo nkene‑e nteñu rá níyɨ. Soo nsú jie̱ꞌe̱ꞌ ya̱ siíyo rá téꞌén ñunéꞌyúꞌ‑ó jín nute, chisaꞌ jiánuté‑ó sáva stúvi‑ó ya̱ ne̱ ánímaꞌ‑ó chisóyuꞌú‑ó kueꞌnu na̱a̱ꞌ‑ó nu̱u̱nꞌ Ndiosíꞌ jín ya̱ jíkánꞌ táꞌvíꞌ‑ó nu̱u̱nꞌ Ndiosíꞌ ya̱ sííyo kua̱chi‑ó nonoo ánímaꞌ‑ó ya̱ jíníꞌ‑ó ya̱ ntu níso‑ó kua̱chi.

2 Pedro 1:1

Nuꞌuꞌ, Simón Pedro, ya̱ kúvi ni̱ꞌ musúꞌ nu̱u̱nꞌ I̱toꞌoꞌ‑ó Jesús ya̱ níso re̱ꞌ tiñu Cristo [ya̱ ñani Ndiosíꞌ sáva tatúníꞌ re̱ꞌ nu̱u̱nꞌ nɨꞌɨ] jee níso ni̱ꞌ tiñu apóstol chúichí re̱ꞌ nuꞌuꞌ nakani ni̱ꞌ tu̱ꞌun re̱ꞌ. Jee tée ni̱ꞌ tutuꞌ yaꞌá nu̱u̱nꞌ ránoꞌó ya̱ suni nni̱ꞌi̱nꞌ rán ya̱ kúneí iniꞌ rán Cristo kuéntáꞌ kua̱ꞌ ránuꞌuꞌ, jee máá viiꞌ yɨ́yáꞌvi ya̱ kúneí iniꞌ‑ó Cristo. Nni̱ꞌi̱nꞌ rán maa jie̱ꞌe̱ꞌ na̱a̱ꞌ ví Jesús ya̱ kúvi Cristo ya̱ kúvi re̱ꞌ Ndiosíꞌ‑ó jee nátavaꞌ re̱ꞌ yó nu̱u̱nꞌ kua̱chi‑ó xinánitáꞌvíꞌ re̱ꞌ yó.

Judas 1:20

Soo ránoꞌó ya̱ ñúnúunꞌ ni̱ꞌ, sikújia va̱ꞌa rán iniꞌ maárán kuiñɨ kutú rán ka̱ꞌ jín ya̱ nááꞌ ííꞌ nasɨ́kuitɨꞌ jie̱ꞌe̱ꞌ Jesús ya̱ kúneí iniꞌ rán. Jee nukú rán ya̱ chineí Ta̱chi̱ꞌ Ííꞌ Ndiosíꞌ ránoꞌó kaꞌanꞌ rán jín Ndiosíꞌ.

Judas 1:3

Ránoꞌó ñaniꞌ jín ku̱ꞌva ya̱ ñúnúunꞌ ni̱ꞌ, na̱ ka̱ꞌ kúvi iniꞌ ni̱ꞌ ya̱ tee ni̱ꞌ nu̱u̱nꞌ rán jie̱ꞌe̱ꞌ tu̱ꞌun ya̱ nátavaꞌ Ndiosíꞌ yó nu̱u̱nꞌ kua̱chi‑ó sikáku re̱ꞌ ránoꞌó jín suni nuꞌuꞌ ranika̱ꞌ. Soo jíniñúꞌún ni̱ꞌ ya̱ íyó tee ni̱ꞌ tutuꞌ nu̱u̱nꞌ ránoꞌó sáva nasáneí ni̱ꞌ iniꞌ rán sáva nama rán tu̱ꞌun Jesús ya̱ jínúꞌ iniꞌ‑órán sáva kino̱o kutú ninuꞌun tu̱ꞌun re̱ꞌ, chi ɨɨn íchíni nɨ́ɨ́nkání ntaji re̱ꞌ maa nu̱u̱nꞌ maáórán ya̱ nsa̱ꞌá sɨ́ɨ́n re̱ꞌ yó sáva kuvi‑ó ñɨvɨ maáréꞌ.