Efesios 4:4 - Mixteco del suroeste de Tlaxiaco Oaxaca

⁴ Chi ɨɨn ni kuvi‑ó nu̱u̱nꞌ Ndiosíꞌ, kuéntáꞌ ɨɨn yɨkɨkúñu, jee ɨɨn ni Ta̱chi̱ꞌ Ííꞌ re̱ꞌ íyó jín‑ó, sánikua̱ꞌ suni nkana Ndiosíꞌ yó ya̱ ɨɨn nuún ni íyó tu̱neí iniꞌ‑ó ya̱ ni̱ꞌi̱nꞌ‑ó kuneeꞌ‑ó jín Cristo, chi nkana re̱ꞌ yó sáva ni̱ꞌi̱nꞌ‑ó maa.

Efesios 4:4 ပူးပေါင်းရင်းမြစ်များ

Mateo 28:19

Saáva kuáꞌán rán xinéꞌénꞌ rán tu̱ꞌun váꞌa ni̱ꞌ nu̱u̱nꞌ ñɨvɨ ntáká rá ñuunꞌ sáva kuneí iniꞌ ráa nuꞌuꞌ jee ki̱vɨ ráa xi̱ntíín ni̱ꞌ ya̱ sukuáꞌa ráa tu̱ꞌun ni̱ꞌ, jee sikuánuté rán ráa nu̱u̱nꞌ súví Tátáꞌ‑ó Ndiosíꞌ jín Se̱ꞌya re̱ꞌ, jín Ta̱chi̱ꞌ Ííꞌ re̱ꞌ.

Hechos 15:11

Ntu̱ví suꞌva, chi ínúꞌ iniꞌ‑ó ya̱ nátavaꞌ I̱toꞌoꞌ‑ó Jesús yó nu̱u̱nꞌ kua̱chi‑ó nánitáꞌvíꞌ‑ó chi íyó mániꞌ iniꞌ re̱ꞌ néꞌyá re̱ꞌ yó jee síkútaꞌviꞌ re̱ꞌ maa, sánikua̱ꞌ síkútaꞌviꞌ re̱ꞌ maa nu̱u̱nꞌ rá ñɨvɨ ntu kúvi ñɨvɨ Israel ―nkachiꞌ Pedro.

Romanos 11:29

Chi ntu níkó iniꞌ Ndiosíꞌ jie̱ꞌe̱ꞌ ta̱ꞌvi̱ꞌ ya̱ síkútaꞌviꞌ re̱ꞌ nu̱u̱nꞌ ráa, ni jie̱ꞌe̱ꞌ ya̱ nkana re̱ꞌ ráa kuvi ráa ñɨvɨ re̱ꞌ.

1 Corintios 10:17

Jee súka̱ꞌ kue̱ꞌe̱ꞌ‑ó íyó, soo ɨɨn yɨkɨkúñu kúvi‑ó ya̱ yɨ́ꞌɨ́‑ó nu̱u̱nꞌ Cristo, chi métúꞌún ni ví i̱xta̱tíláꞌ ya̱ yájíꞌ tútú ntáká‑ó, jie̱ꞌe̱ꞌ ya̱ jínúꞌ iniꞌ‑ó I̱toꞌoꞌ‑ó Cristo.

1 Corintios 12:20

Saájee kue̱ꞌe̱ꞌ víꞌí rá pedasúꞌ yɨkɨkúñu íyó, soo ɨɨn ni yɨkɨkúñu kúvi‑i.

2 Corintios 11:4

Chi ntɨɨn ránú Jesús jín Ta̱chi̱ꞌ Ííꞌ Ndiosíꞌ jín tu̱ꞌun váꞌa jie̱ꞌe̱ꞌ Jesús. Soo va̱ꞌa yɨ́netuꞌ rán, retú kenta ɨɨn ñɨvɨ jee sɨ́ɨ́n stékútu̱ꞌún‑u jie̱ꞌe̱ꞌ Jesús ya̱ nsú tu̱ꞌun na̱a̱ꞌ ya̱ nstékútu̱ꞌún ráníꞌ jie̱ꞌe̱ꞌ re̱ꞌ, áxí tɨɨn rán ɨɨn ta̱chi̱ꞌ ya̱ sɨ́ɨ́n kúvi‑i ya̱ nsú Ta̱chi̱ꞌ Ííꞌ Ndiosíꞌ ya̱ ya ntɨɨn rán, áxí tɨɨn rán ɨɨn tu̱ꞌun ya̱ sɨ́ɨ́n íyó ya̱ nsú tu̱ꞌun na̱a̱ꞌ váꞌa jie̱ꞌe̱ꞌ Jesús ya̱ ya ntɨɨn rán.

Efesios 1:18

Jee suni jíkánꞌ táꞌvíꞌ ni̱ꞌ ya̱ stúúnꞌ Ndiosíꞌ antúníꞌ rán sáva kuniꞌ rán jie̱ꞌe̱ꞌ ná kúvi ta̱ꞌvi̱ꞌ ya̱ nétu rán íyó tu̱neí iniꞌ rán ni̱ꞌi̱nꞌ rán. Jie̱ꞌe̱ꞌ ta̱ꞌvi̱ꞌ vá nkana re̱ꞌ yó sáva ni̱ꞌi̱nꞌ‑ó maa, ya̱ kúvi ta̱ꞌvi̱ꞌ máá yɨ́yáꞌvi máá viiꞌ kúñáꞌnú ya̱ taji re̱ꞌ nu̱u̱nꞌ‑ó, ya̱ kúvi‑ó ñɨvɨ ya̱ nsa̱ꞌá sɨ́ɨ́n re̱ꞌ yó sáva kɨꞌɨ‑ó nu̱u̱nꞌ Cristo.

Efesios 2:16

Jee jie̱ꞌe̱ꞌ ya̱ níꞌiꞌ re̱ꞌ nu̱u̱nꞌ kurúsiꞌ, jee nsa̱ꞌá re̱ꞌ ya̱ nnuma̱ni̱ꞌ ñɨvɨ Israel jín ñɨvɨ ntu kúvi Israel nu̱u̱nꞌ Ndiosíꞌ, chi ni núvíꞌ‑ó yɨ́ꞌɨ́‑ó nu̱u̱nꞌ re̱ꞌ, kuéntáꞌ kúvi‑ó ɨɨn yɨkɨkúñu. Chi sukuán nxi̱náánꞌ Cristo tu̱ꞌun ya̱ jíníꞌ u̱ꞌvi̱ꞌ táꞌán‑ó.

Efesios 2:18

Chi jie̱ꞌe̱ꞌ ya̱ nsa̱ꞌá Cristo jee nni̱ꞌi̱nꞌ‑ó ya̱ kuvi natuꞌva‑ó nu̱u̱nꞌ Tátáꞌ‑ó Ndiosíꞌ, sáꞌá métúꞌún ni Ta̱chi̱ꞌ Ííꞌ re̱ꞌ yɨ́ꞌɨ́ iniꞌ ntáká‑ó, va̱ni ñɨvɨ Israel áxí va̱ni ntu̱ví.

Efesios 2:22

Jee suni ránoꞌó, jie̱ꞌe̱ꞌ yɨ́ꞌɨ́ rán nu̱u̱nꞌ Cristo, jee síkuéꞌnu nkáá Ndiosíꞌ ránoꞌó ne̱ kuvi rán veꞌi nu̱u̱nꞌ íyó Ndiosíꞌ, chi yɨ́ꞌɨ́ Ta̱chi̱ꞌ Ííꞌ re̱ꞌ iniꞌ ánímaꞌ rán.

Efesios 4:1

Saájee nuꞌuꞌ Pablo, ya̱ yɨ́ꞌɨ́ ni̱ꞌ veka̱a jie̱ꞌe̱ꞌ sátíñú ni̱ꞌ nu̱u̱nꞌ I̱toꞌoꞌ‑ó, náxiníꞌvɨ́ꞌ ni̱ꞌ iniꞌ rán ya̱ kueꞌnu na̱a̱ꞌ rán ichi Ndiosíꞌ, sánikua̱ꞌ íyó kaka rán ya̱ kúvi rán ñɨvɨ ya̱ nkana Ndiosíꞌ kɨtíñú rán nu̱u̱nꞌ re̱ꞌ.

Efesios 5:30

Chi yɨ́ꞌɨ́‑ó nu̱u̱nꞌ re̱ꞌ kuéntáꞌ kúvi‑ó pedasúꞌ yɨkɨkúñu re̱ꞌ.

Colosenses 1:5

Jiáꞌnu rán suꞌva chi jie̱ꞌe̱ꞌ ni ka̱ꞌ íyó tu̱ꞌun neí iniꞌ rán ni̱ꞌi̱nꞌ rán ta̱ꞌvi̱ꞌ ya̱ nanitáꞌvíꞌ rán ya̱ ñúꞌún va̱ꞌa ne̱ ñuunꞌ íyó súkún nu̱u̱nꞌ íyó Ndiosíꞌ. Jie̱ꞌe̱ꞌ ta̱ꞌvi̱ꞌ vá ví ya̱ ya nteso̱ꞌo rán nu̱u̱nꞌ tu̱ꞌun na̱a̱ꞌ, ya̱ kúvi tu̱ꞌun váꞌa jie̱ꞌe̱ꞌ Cristo, naní evangelio.

Colosenses 3:15

Jee ku̱ꞌva rán ya̱ tatúníꞌ Cristo iniꞌ ánímaꞌ rán sáva kuneeꞌ ñunkúún rán jín ɨɨn inka rán. Chi nkana Ndiosíꞌ ránoꞌó sáva koo rán suꞌva, sáva ɨɨn nuún koo iniꞌ rán, kuéntáꞌ ɨɨn ni yɨkɨkúñu kúvi rán. Jee koo ya̱ kútaꞌviꞌ rán nu̱u̱nꞌ Ndiosíꞌ.

2 Tesalonicenses 2:16

I̱ña̱jée, máá maá I̱toꞌoꞌ‑ó, Jesucristo, jín Tátáꞌ‑ó, Ndiosíꞌ, suviráa ñúnúunꞌ ráa yó. Saáva násaváꞌa ráa iniꞌ‑ó nɨ́ɨ́nkání, jee nsa̱ꞌá ráa ya̱ íyó tu̱neí iniꞌ‑ó ya̱ váꞌa saꞌá ráa nu̱u̱nꞌ‑ó, jie̱ꞌe̱ꞌ íyó mániꞌ iniꞌ ráa néꞌyá ráa yó.

1 Timoteo 1:1

Nuꞌuꞌ Pablo, ya̱ níso ni̱ꞌ tiñu apóstol Cristo Jesús, ya̱ nchu̱ichí re̱ꞌ nuꞌuꞌ sánikua̱ꞌ nta̱túníꞌ Ndiosíꞌ jín Cristo Jesús, ya̱ níso ni̱ꞌ tiñu yaꞌá. Jee Ndiosíꞌ ví ya̱ natavaꞌ re̱ꞌ yó nu̱u̱nꞌ kua̱chi‑ó síkáku re̱ꞌ yó. Jee Jesús nísotíñú re̱ꞌ ya̱ kúvi re̱ꞌ Cristo, [ya̱ ñani Ndiosíꞌ maáréꞌ sáva tatúníꞌ re̱ꞌ ñɨ̱vɨ́], jee íyó tu̱neí iniꞌ‑ó ya̱ saꞌá re̱ꞌ ya̱ nkachiꞌ re̱ꞌ.

Tito 1:2

chi íyó tu̱neí iniꞌ‑ó ya̱ kutekuꞌ‑ó nɨ́ɨ́nkání jín re̱ꞌ, chi nchi̱sóyuꞌú re̱ꞌ maa ne̱ ntiáꞌan ka̱ꞌ kijiéꞌé kɨ̱ko̱o ñɨ̱vɨ́. Jee ntu kátúꞌún re̱ꞌ.

Tito 2:13

Jee síkújia re̱ꞌ iniꞌ‑ó kueꞌnu‑ó suꞌva ni nétu‑ó ki̱vɨ̱ꞌ ya̱ nikó Jesucristo, ya̱ na̱ ka̱ꞌ netuꞌ ka̱ꞌ kúvi‑ó, ya̱ íyó tu̱neí iniꞌ‑ó. Jee ne̱ tu̱u̱nꞌ nasɨ́kuitɨꞌ tu̱vi re̱ꞌ sáá nikó re̱ꞌ, chi Ndiosíꞌ máá ñáꞌnú nu̱u̱nꞌ nɨꞌɨ ví re̱ꞌ, jee nátavaꞌ re̱ꞌ yó nu̱u̱nꞌ kua̱chi‑ó xinánitáꞌvíꞌ re̱ꞌ yó.

Tito 3:7

Ntaji Ndiosíꞌ maa sáva ni̱ꞌi̱nꞌ‑ó ta̱ꞌvi̱ꞌ ya̱ kutekuꞌ‑ó nɨ́ɨ́nkání jín re̱ꞌ, ya̱ íyó tu̱neí iniꞌ‑ó, chi nsiíyo re̱ꞌ kua̱chi nsa̱ꞌá‑ó sáva ku̱ꞌvayuꞌú re̱ꞌ ya̱ kino̱o na̱a̱ꞌ‑ó nu̱u̱nꞌ re̱ꞌ, chi íyó mániꞌ iniꞌ re̱ꞌ néꞌyá re̱ꞌ yó, ya̱ ntu íyó ni̱ꞌi̱nꞌ‑ó maa.

1 Pedro 1:21

Chi jie̱ꞌe̱ꞌ Cristo jee jínúꞌ iniꞌ rán Ndiosíꞌ, ya̱ kúvi re̱ꞌ ya̱ nna̱xinátekuꞌ i̱i̱ꞌ tuku re̱ꞌ Cristo nnene‑e nteñu rá níyɨ, jee nnu̱ñáꞌnú nasɨ́kuitɨꞌ‑ɨ nsa̱ꞌá re̱ꞌ, jee saáva kúneí iniꞌ rán ínúꞌ iniꞌ rán Ndiosíꞌ, jee íyó kutú tu̱neí iniꞌ rán nétu rán ya̱ saꞌá re̱ꞌ.

1 Juan 3:3

Jee nta̱ká ñɨvɨ ya̱ íyó túꞌun neí iniꞌ ráa ya̱ saꞌá re̱ꞌ yaꞌá, jee násaꞌá ninuꞌun ráa maáráa, kuéntáꞌ íyó ninuꞌun maáréꞌ.