Efesios 4:32 - Mixteco del suroeste de Tlaxiaco Oaxaca

³² Chisaꞌ íyó koo va̱ꞌa ñunkúún iniꞌ rán jín ɨɨn inka táꞌán rán, jee koo ya̱ náꞌví iniꞌ rán, jee kunekáꞌnú iniꞌ rán kune̱ꞌyá rán ɨɨn inka táꞌán rán, kuéntáꞌ kua̱ꞌ sáni nne̱káꞌnú iniꞌ Ndiosíꞌ nne̱ꞌyá re̱ꞌ ránoꞌó, jie̱ꞌe̱ꞌ yɨ́ꞌɨ́ rán nu̱u̱nꞌ Cristo.

Efesios 4:32 ပူးပေါင်းရင်းမြစ်များ

Mateo 6:12

Jee kunekáꞌnú iniꞌ nú kune̱ꞌyá nú ránuꞌuꞌ jie̱ꞌe̱ꞌ kua̱chi sáꞌá ráníꞌ, kuéntáꞌ kua̱ꞌ suni nékáꞌnú iniꞌ ráníꞌ rá niváꞌa sáꞌá ráa ránuꞌuꞌ.

Marcos 11:25

Jee sáá káꞌánꞌ rán jín Ndiosíꞌ, jee kunekáꞌnú iniꞌ rán jie̱ꞌe̱ꞌ néni ɨɨn kua̱chi ya̱ nsa̱ꞌá ñɨvɨ si̱kɨ̱ꞌ ránoꞌó. Saꞌá rán suꞌva, sáva suni Tátáꞌ rán, ya̱ nééꞌ re̱ꞌ antivɨ́, kunekáꞌnú iniꞌ re̱ꞌ jie̱ꞌe̱ꞌ kua̱chi rán ya̱ njia̱ꞌa nsa̱ꞌá rán nu̱u̱nꞌ tu̱ꞌun re̱ꞌ.

Lucas 1:78

Chi nasɨ́kuitɨꞌ náꞌví iniꞌ Ndiosíꞌ‑ó ne̱ ánímaꞌ re̱ꞌ ñunkúún iniꞌ re̱ꞌ yó, jee saáva ne̱ antivɨ́ kiji re̱ꞌ kistuúnꞌ re̱ꞌ iniꞌ antúníꞌ‑ó kuéntáꞌ túúnꞌ nka̱niiꞌ ya̱ káa‑a.

Lucas 11:4

Jee kunekáꞌnú iniꞌ nú kune̱ꞌyá nú ránuꞌuꞌ jie̱ꞌe̱ꞌ kua̱chi sáꞌá ránꞌ, chi suni nékáꞌnú iniꞌ ránꞌ nu̱u̱nꞌ ntáká rá ñɨvɨ jie̱ꞌe̱ꞌ ya̱ níváꞌa sáꞌá ráa ránuꞌuꞌ. Jee koto chuꞌun nú ichi ránuꞌuꞌ kininkava ránꞌ sikúvi iniꞌ ráníꞌ nu̱u̱nꞌ kua̱chi. [Jee sikáku nú ránuꞌuꞌ nu̱u̱nꞌ ya̱ níváꞌa], kachiꞌ rán. Nkachiꞌ Jesús.

Lucas 17:4

Jee retú u̱xa̱ꞌ íchí sáꞌá niváꞌa‑a si̱kɨ̱ꞌ nú ya̱ ɨɨn ki̱vɨ̱ꞌ, jee retú ni uxáꞌ íchí vá níkó‑o nu̱u̱nꞌ nú káchíꞌ‑i ya̱ nákani iniꞌ‑i jie̱ꞌe̱ꞌ kua̱chi nsa̱ꞌá‑a, jee íyó kunekáꞌnú iniꞌ nú kune̱ꞌyá nú maa ―nkachiꞌ Jesús.

Lucas 6:35

’Soo kunu̱u̱nꞌ rán rá ñɨvɨ ya̱ túfíꞌ táꞌán ráa jín ránoꞌó jee saꞌá rán ya̱ váꞌa jín ráa. Jee ku̱ꞌvanúún rán nu̱u̱nꞌ ñɨvɨ sú ntu jíníꞌ rán ya̱ naniꞌinꞌ tuku rán maa. Jee máá ñáꞌnú ví ta̱ꞌvi̱ꞌ ni̱ꞌi̱nꞌ rán, jee kuvi rán se̱ꞌya Ndiosíꞌ máá ñáꞌnú ka̱ꞌ nu̱u̱nꞌ nɨꞌɨ, chi ñúnkúún iniꞌ re̱ꞌ rá ñɨvɨ ya̱ ntu jiáꞌa ráa ya̱ kútaꞌviꞌ ráa nu̱u̱nꞌ re̱ꞌ jín rá ñɨvɨ niváꞌa.

Lucas 6:37

’Koto sánáaꞌ rán káꞌánꞌ rán si̱kɨ̱ꞌ ñɨvɨ, jee ntu sanáaꞌ Ndiosíꞌ si̱kɨ̱ꞌ ránoꞌó. Koto síjíta rán rá ñɨvɨ jín tu̱ꞌun káꞌánꞌ rán, jee ntu sijíta Ndiosíꞌ ránoꞌó. Kunekáꞌnú iniꞌ rán kune̱ꞌyá rán rá ñɨvɨ, jee kunekáꞌnú iniꞌ Ndiosíꞌ kune̱ꞌyá re̱ꞌ ránoꞌó.

Hechos 28:2

Jee rá ñɨvɨ Malta nito va̱ꞌa víꞌí ráa ránuꞌuꞌ. Jee nsta̱ꞌánꞌ ráa ñuꞌunꞌ, chi nka̱jiéꞌé kuun sa̱vi̱ꞌ jee vi̱jin.

Romanos 12:10

Jee kunu̱u̱nꞌ ñúnkúún iniꞌ rán ɨɨn inka táꞌán rán kuéntáꞌ ñúnúunꞌ rán ñaniꞌ maárán ya̱ nkaku jín rán. Jee nukú rán saꞌá ñáꞌnú rán ka̱ꞌ nu̱u̱nꞌ rá táꞌán rán nsú káꞌ maárán.

1 Corintios 13:4

Chi ñɨvɨ ya̱ ñúnúunꞌ‑u ɨɨn inka rá táꞌán‑a jee káꞌnú iniꞌ‑i, jee ñɨvɨ ya̱ ñúnúunꞌ‑u inka ñɨvɨ jee va̱ꞌa iniꞌ‑i, jee ntu̱ví u̱ꞌvi̱ꞌ iniꞌ‑i, jee ñɨvɨ ya̱ ñúnúunꞌ‑u inka ñɨvɨ jee ntu̱ví káꞌánꞌ téyɨ́ɨ́‑ɨ, jee ntu̱ví jiáni téyɨ́ɨ́ iniꞌ‑i,

2 Corintios 2:10

Jee saáva, retú nékáꞌnú iniꞌ rán jie̱ꞌe̱ꞌ na̱ni kua̱chi ya̱ nsa̱ꞌá ɨɨn ñɨvɨ, jee sunisaá nékáꞌnú iniꞌ ni̱ꞌ maa. Chi retú íyó na̱ nékáꞌnú iniꞌ ni̱ꞌ, jee ichinúúnꞌ Cristo nne̱káꞌnú iniꞌ ni̱ꞌ nne̱ꞌyá ni̱ꞌ ñɨvɨ vá sáva kuvi ya̱ váꞌa nu̱u̱nꞌ ránoꞌó,

2 Corintios 2:7

Jee saáva, íyó va̱ꞌa ka̱ꞌ ya̱ íyó kunekáꞌnú iniꞌ rán kune̱ꞌyá rán ñɨvɨ vá, jee nasaváꞌa rán iniꞌ‑i, sáva nkúneí tu̱nkuéká iniꞌ‑i jín‑i.

2 Corintios 6:6

jín jie̱ꞌe̱ꞌ ninuꞌun jiáꞌnu ránꞌ, jín jie̱ꞌe̱ꞌ jíníꞌ va̱ꞌa ránꞌ sáni kuíni Ndiosíꞌ, jín jie̱ꞌe̱ꞌ ya̱ káꞌnú víꞌí íyó iniꞌ ránꞌ jiéꞌnéꞌ iniꞌ ránꞌ nu̱u̱nꞌ tu̱nóꞌó va̱ji si̱kɨ̱ꞌ ránꞌ, jín jie̱ꞌe̱ꞌ kúváꞌa iniꞌ ránꞌ jín ñɨvɨ, jín jie̱ꞌe̱ꞌ yɨ́ꞌɨ́ Ta̱chi̱ꞌ Ííꞌ iniꞌ ránuꞌuꞌ, jín jie̱ꞌe̱ꞌ saɨn ñúꞌún iniꞌ ránꞌ ñúnúunꞌ ránꞌ ñɨvɨ,

Efesios 5:1

Jee saáva íyó naku rán iniꞌ máá Ndiosíꞌ, kuéntáꞌ íyó saꞌá rá se̱ꞌya re̱ꞌ, chi kúvi rán se̱ꞌya re̱ꞌ ya̱ ñúnúunꞌ re̱ꞌ ránoꞌó.

Santiago 5:11

Kune̱ꞌyá rán, tɨ́ɨn kuéntáꞌ‑ó ya̱ saꞌá Ndiosíꞌ ya̱ netuꞌ kúvi ñɨvɨ ya̱ jiéꞌnéꞌ iniꞌ ráa jín tu̱nóꞌó jee íñɨ́ ni̱ꞌin ráa. Nteso̱ꞌo rán na̱sa nkuni̱ꞌin ni̱ñɨ ni̱ꞌin Job jín tu̱nóꞌó nnoꞌo re̱ꞌ. Jee jíníꞌ rán ya̱ nsa̱ꞌá va̱ꞌa I̱toꞌoꞌ‑ó jín re̱ꞌ ne̱ nu̱u̱nꞌ nɨ́ꞌɨ. Saáva suꞌva jíníꞌ rán ya̱ náꞌví víꞌí iniꞌ I̱toꞌoꞌ‑ó jee kúváꞌa iniꞌ re̱ꞌ néꞌyá re̱ꞌ ñɨvɨ.

2 Pedro 1:7

Jee jie̱ꞌe̱ꞌ ya̱ yɨ́tíñú rán nu̱u̱nꞌ Cristo jee nachisó rán ya̱ kunu̱u̱nꞌ rán ɨɨn inka ñanitáꞌán rán ya̱ yɨ́ꞌɨ́ ráa nu̱u̱nꞌ Cristo, jee jie̱ꞌe̱ꞌ ñúnúunꞌ rán rá ñanitáꞌán jee nachisó rán ya̱ kunu̱u̱nꞌ rán rá ñɨvɨ.

1 Juan 1:9

Soo retú nanaꞌmaꞌ‑ó nu̱u̱nꞌ Ndiosíꞌ jie̱ꞌe̱ꞌ rá kua̱chi sáꞌá‑ó, jee kunekáꞌnú iniꞌ re̱ꞌ jie̱ꞌe̱ꞌ kua̱chi‑ó, jee nasaꞌá noo re̱ꞌ yó nu̱u̱nꞌ ntáká ya̱ niváꞌa sáꞌá‑ó, chi suvire̱ꞌ vá síkúnkuvi na̱a̱ꞌ re̱ꞌ ya̱ káchíꞌ re̱ꞌ chi na̱a̱ꞌ kúvi re̱ꞌ.

1 Juan 2:12

Tée ni̱ꞌ rá tu̱ꞌun yaꞌá nu̱u̱nꞌ ránoꞌó ya̱ kúvi kuéntáꞌ se̱ꞌya ni̱ꞌ, chi Ndiosíꞌ nne̱káꞌnú iniꞌ‑i jie̱ꞌe̱ꞌ rá kua̱chi rán jie̱ꞌe̱ꞌ ya̱ nsa̱ꞌá Jesús.