Efesios 4:24 - Mixteco del suroeste de Tlaxiaco Oaxaca

²⁴ Jee vitan jee sama iniꞌ rán ya̱ nujiáá rán, sáni násaꞌá jiáá Ndiosíꞌ iniꞌ ánímaꞌ ránoꞌó, sáva koo rán ka̱ꞌ kua̱ꞌ íyó maáréꞌ, sáva na̱a̱ꞌ koo rán jín sáva koo sɨ́ɨ́n rán nu̱u̱nꞌ rá niváꞌa, sánikua̱ꞌ káchíꞌ tu̱ꞌun nááꞌ Ndiosíꞌ.

Efesios 4:24 ပူးပေါင်းရင်းမြစ်များ

Génesis 5:1

Yaꞌá ví rá ñɨvɨ váji ráa nu̱u̱nꞌ ichiyúkúnꞌ nkene ráa nu̱u̱nꞌ Adán. Sáá nsa̱ꞌá Ndiosíꞌ ñɨvɨ ñunéꞌyúꞌ, nsa̱ꞌá re̱ꞌ ráa kua̱ꞌ íyó maáréꞌ.

Lucas 1:75

jee koo noo ninuꞌun ánímaꞌ‑ó ichinúúnꞌ re̱ꞌ jee na̱a̱ꞌ koo‑ó kɨtíñú‑ó nu̱u̱nꞌ re̱ꞌ ntáká tiempúꞌ ki̱vɨ̱ꞌ tékúꞌ‑ó.

Juan 17:17

Jee saꞌá ya̱ kusɨ́ɨ́n ráa ya̱ nkɨ́ꞌɨ ráa ka̱ꞌ nu̱u̱nꞌ ya̱ niva̱ꞌa jee kɨtíñú ráa nu̱u̱nꞌ nú jie̱ꞌe̱ꞌ ya̱ naáꞌ nú, chi tu̱ꞌun nú máá tu̱ꞌun na̱a̱ꞌ kúvi‑i.

Romanos 12:2

Jee koto jiáꞌnu rán ka̱ꞌ sáni jiáꞌnu rá ñɨvɨ ñɨ̱vɨ́ yaꞌá vitan, chisaꞌ sama rán iniꞌ maárán nujiáá sáá jiáni antúníꞌ rán, sáva kenta kukáꞌnú iniꞌ rán ná kúvi ya̱ kuíni Ndiosíꞌ, ya̱ kúvi ya̱ váꞌa, ya̱ kúváꞌa iniꞌ re̱ꞌ néꞌyá re̱ꞌ maa, jín kúvi ya̱ naáꞌ.

Romanos 13:12

Chi kúvi kuéntáꞌ ya̱ ya kua̱jia̱ꞌa yakuááꞌ, jee ya̱ va̱ji kunijinꞌ ki̱vɨ̱ꞌ. Jee íyó sukuíta‑ó tiñu niváꞌa nsa̱ꞌá‑ó kuéntáꞌ nu̱u̱nꞌ neenꞌ. Íyó kukutú‑ó kueꞌnu‑ó nu̱u̱nꞌ tiñu na̱a̱ꞌ váꞌa ya̱ xtúúnꞌ ñuꞌunꞌ Ndiosíꞌ ánímaꞌ‑ó, kuéntáꞌ nákúꞌun‑ó saꞌma ka̱a sáva kantáꞌán‑ó kuéntáꞌ soldado.

Romanos 13:14

Chisaꞌ íyó koo‑ó kuéntáꞌ I̱toꞌoꞌ‑ó Jesús ya̱ kúvi Cristo, jee koto ñúꞌún iniꞌ‑ó ka̱ꞌ saꞌá‑ó máá tiñu niváꞌa ka̱ꞌ ya̱ sáni níyo iniꞌ‑ó jín yɨkɨkúñu kua̱chi‑ó.

Romanos 6:4

Saáva kuéntáꞌ nyɨse̱ꞌí nkáá‑ó jín Cristo sáá ña̱nuté‑ó, chi yɨ́ꞌɨ́‑ó nu̱u̱nꞌ re̱ꞌ ya̱ suni jíꞌín‑ó ni̱ꞌi̱ꞌ‑ó jín re̱ꞌ. Sáva sánikua̱ꞌ nnako̱o Cristo nna̱tekuꞌ re̱ꞌ nkene re̱ꞌ nteñu rá níꞌiꞌ nsa̱ꞌá Tátáꞌ re̱ꞌ jín fuersáꞌ ííꞌ kúñáꞌnú níso‑o jee suni sukuán kúvi nakaka‑ó ichi jiáá.

Romanos 7:6

Jee nyɨ̱ꞌɨ‑ó xi̱ntíín ley vá nékúvi, soo kuéntáꞌ ya̱ ni̱ꞌi̱ꞌ‑ó nu̱u̱nꞌ ley vá saáva vitan nákuíñɨꞌ núne‑ó nu̱u̱nꞌ ley vá. Sáva kɨtíñú‑ó nu̱u̱nꞌ Ndiosíꞌ sáni sáꞌá Ta̱chi̱ꞌ Ííꞌ ya̱ nakueꞌnu‑ó ichi jiáá, jee nsú ichi túꞌú jiáꞌnu‑ó sáni ñaꞌnu‑ó chi̱ji xi̱ntíín ley sáni ntee Moisés nu̱u̱nꞌ tutuꞌ yanaꞌán.

Romanos 8:29

Chi rá ñɨvɨ vá ya̱ jíníꞌ ya̱chi̱ꞌ re̱ꞌ nka̱ji ya̱chi̱ꞌ re̱ꞌ nékúvi, jee sunisaá ya̱ nkuna̱a̱ꞌ ya̱chi̱ꞌ iniꞌ re̱ꞌ ya̱ kuneen ráa iniꞌ Se̱ꞌya re̱ꞌ, sáva kuvi‑i Se̱ꞌya ñáꞌnú ya̱ kosoꞌ‑o nu̱u̱nꞌ kue̱ꞌe̱ꞌ ñaniꞌ‑i jín ku̱ꞌva‑a.

1 Corintios 15:53

Chi yɨkɨkúñu‑ó ya̱ tívɨ́‑ɨ jee saá íyó nuvi‑i ɨɨn yɨkɨkúñu ya̱ ni nsáꞌ ti̱vɨ́‑ɨ ka̱ꞌ. Jee yɨkɨkúñu‑ó ya̱ jíꞌíꞌ‑i jee saá íyó nuvi‑i ɨɨn yɨkɨkúñu ya̱ ni nku̱víꞌ‑ó ka̱ꞌ.

2 Corintios 3:18

Jee jie̱ꞌe̱ꞌ sukuán, váchóo nta̱ká maáó kuéntáꞌ ntu ka̱ꞌ násɨ́ꞌ nu̱u̱nꞌ‑ó. Chi kúvi‑ó kuéntáꞌ ɨɨn espejo néꞌyá‑ó ya̱ viiꞌ kúñáꞌnú I̱toꞌoꞌ‑ó jee jiánu̱te̱ꞌ‑ó nuva I̱toꞌoꞌ‑ó, chi maa Ta̱chi̱ꞌ Ííꞌ re̱ꞌ sáꞌá ya̱ ne̱ jíꞌín‑ó viiꞌ kua̱ꞌa̱nꞌ kua̱ꞌa̱nꞌ kúvi‑ó sánikua̱ꞌ viiꞌ kúñáꞌnú I̱toꞌoꞌ‑ó, chi ya̱ viiꞌ kua̱ꞌa̱nꞌ sáma re̱ꞌ iniꞌ‑ó sáva koo‑ó kuéntáꞌ íyó maá I̱toꞌoꞌ‑ó. Suꞌva sáꞌá I̱toꞌoꞌ‑ó ya̱ maáréꞌ ví Ta̱chi̱ꞌ Ííꞌ.

2 Corintios 4:16

Saáva, ntu̱ví núun iniꞌ‑ó. Súka̱ꞌ kua̱nɨꞌɨ nijia yɨkɨkúñu‑ó, soo vitan nteenꞌ nújiáá ánímaꞌ‑ó sáꞌá Ndiosíꞌ.

2 Corintios 5:17

Jee saáva retú néni ɨɨn ñɨvɨ ya̱ yɨ́ꞌɨ́‑ɨ nu̱u̱nꞌ Cristo, jee kúvi ñɨvɨ jiáá nsa̱ꞌá Ndiosíꞌ. Jee ya kua̱jia̱ꞌa sáá ñaꞌnu‑ó tiempúꞌ ya̱ta̱ꞌ, jee nnu̱jiáá sáá jiáꞌnu‑ó nu̱u̱nꞌ Cristo.

Gálatas 3:27

Chi nta̱ká ránoꞌó ya̱ ña̱nuté rán sáva xinéꞌénꞌ rán ya̱ yɨ́ꞌɨ́ rán nu̱u̱nꞌ Cristo, jee nkenta kuvi rán kuéntáꞌ kúvi Cristo.

Gálatas 6:15

Chi nu̱u̱nꞌ yɨ́ꞌɨ́‑ó nu̱u̱nꞌ Cristo Jesús, ntu̱náꞌ íyótiñu ré saꞌá circuncidar‑ó áxí nsáꞌ saꞌá circuncidar‑ó. Soo ya̱ yɨ́yáꞌvi ka̱ꞌ ví ya̱ sáꞌá Ndiosíꞌ ya̱ nújiáá‑ó.

Efesios 2:10

Chi kúvi‑ó ɨɨn tiñu jiáá nsa̱ꞌá Ndiosíꞌ, chi maá Ndiosíꞌ nsa̱ꞌá yó sáá íyó‑ó ntañúꞌún jie̱ꞌe̱ꞌ yɨ́ꞌɨ́‑ó nu̱u̱nꞌ Cristo Jesús. Sáꞌá re̱ꞌ yó sukuán, sáva saꞌá‑ó rá tiñu váꞌa ya̱ ya nsa̱ꞌá túꞌva Ndiosíꞌ sáva kueꞌnu‑ó ichi re̱ꞌ sukuán.

Efesios 2:15

chi nso̱ko̱ꞌ re̱ꞌ maáréꞌ ni̱ꞌi̱ꞌ re̱ꞌ. Jee sukuán nsi̱kɨ́kui̱ñɨ̱ꞌ re̱ꞌ ley ya̱ njia̱ꞌa Ndiosíꞌ nu̱u̱nꞌ Moisés yanaꞌán ya̱ tátúníꞌ‑i jín ya̱ nte̱tuvi‑i rá ñɨvɨ Israel. Saáva ñɨvɨ Israel jín ñɨvɨ ntu kúvi Israel, núvi ni núvíꞌ‑ó ɨɨn ñɨvɨ jiáá ya̱ yɨ́ꞌɨ́‑ó nu̱u̱nꞌ re̱ꞌ nsa̱ꞌá re̱ꞌ, jee suꞌva númániꞌ táꞌán‑ó sáꞌá re̱ꞌ.

Efesios 6:11

Íyó satúꞌva rán maárán jín ntáká ya̱ táji Ndiosíꞌ nu̱u̱nꞌ rán sáva nama rán maárán, kuéntáꞌ kua̱ꞌ sátúꞌva ɨɨn soldado maáa ya̱ kɨ̱kantáꞌán‑a. Sáva kúvi kuiñɨ ni̱ꞌin rán nama rán maárán nu̱u̱nꞌ tiñu máñáꞌ ñúꞌún iniꞌ kui̱ꞌna̱ꞌ kúñáꞌnú saꞌá‑a.

Tito 2:14

Chi njia̱ꞌa re̱ꞌ maáréꞌ ya̱ kuviꞌ re̱ꞌ jie̱ꞌe̱ꞌ‑ó, sáva chunáán nkáꞌnú re̱ꞌ maáréꞌ nu̱u̱nꞌ Ndiosíꞌ jie̱ꞌe̱ꞌ‑ó, sáva nakani núne re̱ꞌ yó naꞌá nta̱ká nu̱u̱nꞌ ya̱ niva̱ꞌa. Jee nna̱saꞌá noo nɨꞌɨ kuitɨꞌ re̱ꞌ kua̱chi níso ánímaꞌ‑ó, sáva kuvi‑ó ñɨvɨ maáréꞌ, sáva kuꞌun káñá iniꞌ‑ó saꞌá‑ó ya̱ váꞌa.

Hebreos 1:8

Soo tu̱ꞌun nkachiꞌ Ndiosíꞌ jie̱ꞌe̱ꞌ Se̱ꞌya re̱ꞌ: Noꞌó, Ndiosíꞌ, tátúníꞌ nú nɨ́ɨ́nkání. Jee rá tiñu tátúníꞌ nú kúvi maá tiñu na̱a̱ꞌ.

Hebreos 12:14

Naniꞌvɨꞌ iniꞌ rán nukú rán kuneeꞌ ñunkúún rán jín ntáká ñɨvɨ jín ya̱ kusɨ́ɨ́n rán nu̱u̱nꞌ kua̱chi jee kɨtíñú rán nu̱u̱nꞌ Ndiosíꞌ. Chi retú ntu yɨ́tíñú ɨɨn ñɨvɨ nu̱u̱nꞌ Ndiosíꞌ, ni nsáꞌ kuniꞌ‑i nu̱u̱nꞌ I̱toꞌoꞌ‑ó.

1 Pedro 2:2

Jee kuéntáꞌ ñúkúvi iniꞌ rá nchíkɨ́n yɨ́kɨ́n xu̱kui jíꞌíꞌ ráa, jee sukuán kuꞌun kúvi iniꞌ rán xu̱kui ninuꞌun, ya̱ kúvi Tu̱ꞌun Ndiosíꞌ, sáva sikújia‑a iniꞌ rán kueꞌnu na̱a̱ꞌ rán sáni nsi̱káku re̱ꞌ ránoꞌó nkɨ́ꞌɨ rán xi̱ntíín kua̱chi rán.

2 Pedro 1:4

Jee saáva jie̱ꞌe̱ꞌ nni̱ꞌi̱nꞌ‑ó nɨꞌɨ rá yaꞌá jee nchi̱sóyuꞌú re̱ꞌ nu̱u̱nꞌ‑ó ya̱ saꞌá re̱ꞌ rá tiñu jín‑ó ya̱ máá ñáꞌnú víꞌí ka̱ꞌ ya̱ váꞌa yɨ́yáꞌvi víꞌí ka̱ꞌ. Jee jie̱ꞌe̱ꞌ ya̱ nchi̱sóyuꞌú re̱ꞌ jee kuvi kenta koo rán kuéntáꞌ maáréꞌ, chi síkáku re̱ꞌ ránoꞌó nu̱u̱nꞌ ya̱ niváꞌa ya̱ nkúꞌun ka̱ꞌ iniꞌ rán rá tiñu néꞌí sɨ̱ɨ̱ꞌ iniꞌ ya̱ níyo iniꞌ rá ñɨvɨ ñɨ̱vɨ́ yaꞌá.