Efesios 4:23 - Mixteco del suroeste de Tlaxiaco Oaxaca

²³ Soo vitan jee nujiáá ánímaꞌ rán, jín antúníꞌ rán.

Efesios 4:23 ပူးပေါင်းရင်းမြစ်များ

Romanos 12:2

Jee koto jiáꞌnu rán ka̱ꞌ sáni jiáꞌnu rá ñɨvɨ ñɨ̱vɨ́ yaꞌá vitan, chisaꞌ sama rán iniꞌ maárán nujiáá sáá jiáni antúníꞌ rán, sáva kenta kukáꞌnú iniꞌ rán ná kúvi ya̱ kuíni Ndiosíꞌ, ya̱ kúvi ya̱ váꞌa, ya̱ kúváꞌa iniꞌ re̱ꞌ néꞌyá re̱ꞌ maa, jín kúvi ya̱ naáꞌ.

Romanos 6:4

Saáva kuéntáꞌ nyɨse̱ꞌí nkáá‑ó jín Cristo sáá ña̱nuté‑ó, chi yɨ́ꞌɨ́‑ó nu̱u̱nꞌ re̱ꞌ ya̱ suni jíꞌín‑ó ni̱ꞌi̱ꞌ‑ó jín re̱ꞌ. Sáva sánikua̱ꞌ nnako̱o Cristo nna̱tekuꞌ re̱ꞌ nkene re̱ꞌ nteñu rá níꞌiꞌ nsa̱ꞌá Tátáꞌ re̱ꞌ jín fuersáꞌ ííꞌ kúñáꞌnú níso‑o jee suni sukuán kúvi nakaka‑ó ichi jiáá.

Romanos 8:6

Chi rá ñɨvɨ túví ráa antúníꞌ ráa nu̱u̱nꞌ ya̱ níyo iniꞌ ráa jín yɨkɨkúñu ráa, ya̱ ntu yɨ́tíñú ráa nu̱u̱nꞌ Ndiosíꞌ, jee sáꞌá‑a ya̱ naanꞌ ráa kuéntáꞌ jíꞌíꞌ ráa nu̱u̱nꞌ Ndiosíꞌ. Soo rá ñɨvɨ túví ráa antúníꞌ ráa nu̱u̱nꞌ ya̱ kuíni Ta̱chi̱ꞌ Ííꞌ Ndiosíꞌ jee sáꞌá‑a ya̱ kutekuꞌ ráa jín Ndiosíꞌ jee va̱ꞌa kúvi iniꞌ ráa.

Efesios 2:10

Chi kúvi‑ó ɨɨn tiñu jiáá nsa̱ꞌá Ndiosíꞌ, chi maá Ndiosíꞌ nsa̱ꞌá yó sáá íyó‑ó ntañúꞌún jie̱ꞌe̱ꞌ yɨ́ꞌɨ́‑ó nu̱u̱nꞌ Cristo Jesús. Sáꞌá re̱ꞌ yó sukuán, sáva saꞌá‑ó rá tiñu váꞌa ya̱ ya nsa̱ꞌá túꞌva Ndiosíꞌ sáva kueꞌnu‑ó ichi re̱ꞌ sukuán.

Colosenses 3:10

Jee vitan jee nsama iniꞌ rán nnuvi rán ñɨvɨ jiáá. Chi násaꞌá jiáá Ndiosíꞌ iniꞌ ánímaꞌ ránoꞌó, ne̱kua̱ꞌ kuniꞌ va̱ꞌa rán re̱ꞌ, sáva koo rán ka̱ꞌ kua̱ꞌ íyó maáréꞌ ya̱ nsa̱ꞌá jiáá re̱ꞌ ránoꞌó.

Tito 3:5

jee sikáku re̱ꞌ yó nsú jie̱ꞌe̱ꞌ tiñu na̱a̱ꞌ nsa̱ꞌá‑ó ví‑i, chisaꞌ sikáku re̱ꞌ yó chi nku̱náꞌví iniꞌ re̱ꞌ nne̱ꞌyá re̱ꞌ yó. Jee nsi̱káku re̱ꞌ yó jie̱ꞌe̱ꞌ ya̱ Ta̱chi̱ꞌ Ííꞌ re̱ꞌ nna̱sánoo ánímaꞌ‑ó, jee suꞌva nsa̱ꞌá re̱ꞌ ya̱ nna̱kaku jiáá tuku‑ó, jín jie̱ꞌe̱ꞌ ya̱ nsama re̱ꞌ iniꞌ‑ó sáva nujiáá‑ó.

1 Pedro 1:13

Saáva saꞌá túꞌva rán antúníꞌ maárán nu̱u̱nꞌ tiñu sáꞌá rán nu̱u̱nꞌ Ndiosíꞌ, kani kájí iniꞌ rán, íchí kuneenu̱u̱nꞌ noo rán koo kutú tu̱neí iniꞌ rán kunetu rán ya̱ ni̱ꞌi̱nꞌ rán ya̱ váꞌa ya̱ máníꞌ iniꞌ Ndiosíꞌ sikútaꞌviꞌ re̱ꞌ ránoꞌó ki̱vɨ̱ꞌ nenta nijinꞌ tuku Jesús ya̱ kúvi Cristo.