Efesios 4:19 - Mixteco del suroeste de Tlaxiaco Oaxaca

¹⁹ Chi kuéntáꞌ níꞌiꞌ ráa ntu jiáni iniꞌ ráa ka̱ꞌ jie̱ꞌe̱ꞌ tiñu sáꞌá ráa, jee nákúꞌva ráa maáráa nu̱u̱nꞌ tiñu néꞌí néꞌén, sáva saꞌá ráa ntáká nu̱u̱nꞌ rá tiñu ntu̱ví íyó ninuꞌun, jee ntántúníꞌ níyo iniꞌ ráa saꞌá ráa ka̱ꞌ sukuán.

Efesios 4:19 ပူးပေါင်းရင်းမြစ်များ

Marcos 7:22

kúsíkɨ́ iniꞌ‑i jín ɨɨn ñaꞌan ya̱ kúvi ñasɨ́ꞌɨ́ inka te̱e áxí jín ɨɨn te̱e ya̱ kúvi yɨ́ɨ́ inka ñaꞌan, sáꞌá úꞌvi iniꞌ‑i, sáꞌá kini‑i, xínáꞌví‑i, íyó kánéꞌí‑i, ñúꞌún úꞌvi iniꞌ‑i, káꞌánꞌ si̱kɨ̱ꞌ táꞌán‑a, sáꞌá vi̱xi̱ꞌ‑i, ntu stie̱ꞌé‑e.

Efesios 4:17

Saáva káchíꞌ ni̱ꞌ nu̱u̱nꞌ rán jee íchí sánáaꞌ ni̱ꞌ nu̱u̱nꞌ súví I̱toꞌoꞌ‑ó: ya̱ koto jiáꞌnu rán ka̱ꞌ kua̱ꞌ jiáꞌnu rá inka ñɨvɨ ntu kúvi ñɨvɨ Israel, ya̱ jiáꞌnu ráa tiñu jiáni ka̱ꞌá iniꞌ antúníꞌ ráa.

Colosenses 3:5

Saáva xinóo rán ya̱ níyo iniꞌ rá ñɨvɨ ñɨ̱vɨ́ yaꞌá sáꞌá ráa, ya̱ ntu yɨ́ꞌɨ́ ráa xi̱ntíín Ndiosíꞌ, kuéntáꞌ ñaꞌniꞌ rán ya̱ níyo néꞌén iniꞌ rán, ya̱ íyó suꞌva: koto kúsíkɨ́ iniꞌ rán, koto sáꞌá néꞌí rán, koto ñúꞌún téní iniꞌ rán, koto níyo néꞌén iniꞌ rán, koto sáꞌá úꞌvi iniꞌ rán, ya̱ nuún kúvi‑i jín ya̱ néñu̱ꞌun rán nantíñú ya̱ nsú Ndiosíꞌ ví‑i.

1 Timoteo 4:2

Rá tu̱ꞌun vá xínéꞌénꞌ ñɨvɨ sansuꞌva ya̱ kúvi ñɨvɨ túꞌún, chi jíjia iniꞌ ráa kátúꞌún ráa, chi ntu nákani iniꞌ ráa kuéntáꞌ níꞌiꞌ ráa.

1 Pedro 4:3

Chi ya̱ nkuvi sukuáni ya̱ nsa̱ꞌá rán tiempúꞌ ya̱ta̱ꞌ rá tiñu niváꞌa níyo iniꞌ rá ñɨvɨ ntu jíníꞌ ráa iniꞌ Ndiosíꞌ. Ñaꞌnu rán jín rá tiñu kánéꞌí, jín rá tiñu téní sɨ̱ɨ̱ꞌ iniꞌ, jín rá tiñu jíni, rá tiñu viko néꞌí sɨ̱ɨ̱ꞌ iniꞌ, rá viko néꞌí tu̱nkánuun, jee nneñu̱ꞌun rán rá nantíñú ya̱ ntu kúvi ráa Ndiosíꞌ ya̱ kúníichiꞌ Ndiosíꞌ néꞌyá re̱ꞌ maa.

2 Pedro 2:22

Jee jie̱ꞌe̱ꞌ ya̱ sáꞌá ráa vá, jee nkuna̱a̱ꞌ tu̱ꞌun káꞌánꞌ ya̱ káꞌánꞌ jie̱ꞌe̱ꞌ ráa: Tinaꞌ jee níko ti̱ꞌ nákajiꞌ tuku ti̱ꞌ ya̱ nnujien ti̱ꞌ, jee suni kúchíꞌ ya̱ sukuán nichi ti̱ꞌ, jee tukuni náni̱kókáni ti̱ꞌ nu̱u̱nꞌ neꞌyúꞌ, káchíꞌ tu̱ꞌun vá.

Judas 1:11

Na̱ ka̱ꞌ xe̱e̱nꞌ kunoꞌo ráa ka̱ꞌ, chi chínikɨnꞌ ráa ichi ñujiínꞌ sánikua̱ꞌ nsa̱ꞌá Caín yanaꞌán. Jee ñúꞌún káñá iniꞌ ráa chínikɨnꞌ ráa ichi ñujiínꞌ xínáꞌví sánikua̱ꞌ nsa̱ꞌá Balaam yanaꞌán chi xínéꞌénꞌ ráa tu̱ntúꞌún sáva ni̱ꞌi̱nꞌ ráa xu̱ꞌún. Jee kɨ̱naanꞌ ráa sánikua̱ꞌ nnoꞌo Coré jín rá táꞌán re̱ꞌ yanaꞌán, chi ni̱ꞌi̱ꞌ ráa jie̱ꞌe̱ꞌ ya̱ nkuni̱ꞌin iniꞌ ráa nu̱u̱nꞌ Tu̱ꞌun Ndiosíꞌ ya̱ njiáꞌa re̱ꞌ nu̱u̱nꞌ Moisés.

Apoclipsis 18:3

Nnaanꞌ ñuunꞌ vá chi nsi̱kúvi ráa iniꞌ rá ñɨvɨ ntáká nación nxi̱nóo rává Ndiosíꞌ sáva kuneñu̱ꞌun rává inka ka̱ꞌ, kuéntáꞌ njia̱ꞌa ráa nixiꞌ vinúꞌ xe̱e̱nꞌ niꞌi rává jísóꞌ ni̱ñɨ̱ꞌ rává nsa̱ꞌá téní rává jín ñɨvɨ ñuunꞌ vá. Jee rá ñɨvɨ nísotíñú ya̱ tátúníꞌ nu̱u̱nꞌ rá ñuunꞌ íyó ñɨ̱vɨ́, suni sukuán nsa̱ꞌá néꞌí ráa jín ñɨvɨ ñuunꞌ vá. Jee rá ñɨvɨ xíkó jee nku̱kúká ráa jín rá kue̱ꞌe̱ꞌ nantíñú yɨ́yáꞌvi nkeꞌen ñuunꞌ vá, nkachiꞌ najiáꞌáꞌ ííꞌ vá.