Efesios 4:17 - Mixteco del suroeste de Tlaxiaco Oaxaca

¹⁷ Saáva káchíꞌ ni̱ꞌ nu̱u̱nꞌ rán jee íchí sánáaꞌ ni̱ꞌ nu̱u̱nꞌ súví I̱toꞌoꞌ‑ó: ya̱ koto jiáꞌnu rán ka̱ꞌ kua̱ꞌ jiáꞌnu rá inka ñɨvɨ ntu kúvi ñɨvɨ Israel, ya̱ jiáꞌnu ráa tiñu jiáni ka̱ꞌá iniꞌ antúníꞌ ráa.

Efesios 4:17 ပူးပေါင်းရင်းမြစ်များ

Lucas 16:28

chi íyó u̱ꞌu̱nꞌ ka̱ꞌ rá ñaniꞌ ni̱ꞌ, sáva stúꞌva ya̱chi̱ꞌ re̱ꞌ ráa sáva ntu jíꞌín ráa kiji yaꞌá nu̱u̱nꞌ íyó víꞌí tu̱nóꞌó xéénꞌ yaꞌá”, nkachiꞌ te̱e kúká vá.

Hechos 14:15

―¡Ránoꞌó tátáꞌ! ¿Na̱chi sáꞌá rán rá tiñu yaꞌá! Suni ñɨvɨ ví ránuꞌuꞌ, kuéntáꞌ ránoꞌó. Stékútu̱ꞌún ránꞌ nu̱u̱nꞌ rán ya̱ íyó nikó iniꞌ rán rá ñujiínꞌ ka̱ꞌá sáꞌá rán, ya̱ néñu̱ꞌun rán rá nantíñú ya̱ ntu kúvi Ndiosíꞌ, jee ntu íyótiñu‑u. Jee kunikɨnꞌ rán Ndiosíꞌ, ya̱ tékúꞌ. Nsa̱ꞌá re̱ꞌ súkún jín ñuꞌun jín nteñúꞌún jín nɨꞌɨ ya̱ íyó nu̱u̱nꞌ rává.

Hechos 18:5

Sáá nkene Silas jín Timoteo Macedonia, jee sáá nkenta ráa ñuunꞌ Corinto, nka̱jiéꞌé Pablo máá tiñu stékútu̱ꞌún‑u tu̱ꞌun jie̱ꞌe̱ꞌ Jesús. Jee ístúvi‑i nu̱u̱nꞌ rá ñɨvɨ Israel ya̱ Jesús ví Cristo, [ya̱ ñani Ndiosíꞌ sáva natavaꞌ‑a ñɨvɨ nu̱u̱nꞌ kua̱chi ráa].

Hechos 2:40

Jee jín kue̱ꞌe̱ꞌ ka̱ꞌ tu̱ꞌun ni̱stúvi re̱ꞌ ya̱ naáꞌ, jee nxi̱nániꞌvɨꞌ re̱ꞌ iniꞌ ráa: ―Sikáku rán maárán nu̱u̱nꞌ ichi níkɨ́nꞌ rá ñɨvɨ niva̱ꞌa yaꞌá chi xinóꞌo Ndiosíꞌ ráa.

Hechos 20:21

Nkachitu̱ꞌún ni̱ꞌ nu̱u̱nꞌ rá ñɨvɨ Israel jín suni nu̱u̱nꞌ rá ntu kúvi ñɨvɨ Israel. Nna̱stúvi ni̱ꞌ ya̱ naáꞌ ya̱ íyó nakani iniꞌ ráa jie̱ꞌe̱ꞌ kua̱chi ráa, jee kunikɨnꞌ ráa Ndiosíꞌ, jee kuneí iniꞌ ráa I̱toꞌoꞌ‑ó Jesús.

Romanos 1:21

Chi sú jíníꞌ ráa jie̱ꞌe̱ꞌ Ndiosíꞌ, jee ntu̱ví nnákuatáꞌví ráa nu̱u̱nꞌ re̱ꞌ ya̱ kúvi re̱ꞌ Ndiosíꞌ jee ni ntu̱ví njiáꞌa ráa ya̱ kútaꞌviꞌ ráa nu̱u̱nꞌ re̱ꞌ. Chisaꞌ nkenta kúvi ka̱ꞌá antúníꞌ ráa jee nnu̱neenꞌ ánímaꞌ ráa ya̱ naanꞌ kúvi ráa.

1 Corintios 1:12

Káchíꞌ ni̱ꞌ yaꞌá chi ta ɨɨn ránoꞌó káchíꞌ rán: “Nuꞌuꞌ chi íñɨ́ ni̱ꞌ jín Pablo”, áxí: “Nuꞌuꞌ chi íñɨ́ ni̱ꞌ jín Apolos”, áxí: “Nuꞌuꞌ íñɨ́ ni̱ꞌ jín Cefas”, áxí: “Nuꞌuꞌ chi íñɨ́ ni̱ꞌ jín Cristo”, káchíꞌ rán.

1 Corintios 15:50

Jee ránoꞌó ñaniꞌ jín ku̱ꞌva, káchíꞌ ni̱ꞌ rá tu̱ꞌun yaꞌá nu̱u̱nꞌ rán, ya̱ yɨkɨkúñu‑ó ya̱ kúmí‑ó iniꞌ ñɨ̱vɨ́ yaꞌá, jee nsáꞌ ni̱ꞌi̱nꞌ‑i ki̱vɨ‑ɨ nu̱u̱nꞌ tátúníꞌ Ndiosíꞌ. Jee suni yɨkɨkúñu‑ó ya̱ ti̱vɨ́‑ɨ, jee ntu̱ví ni̱ꞌi̱nꞌ‑i ki̱vɨ‑ɨ nu̱u̱nꞌ nsáꞌ ti̱vɨ́‑ɨ ka̱ꞌ.

2 Corintios 9:6

Soo tɨɨn kuéntáꞌ rán ya̱ ñɨvɨ ya̱ yakuꞌ taji re̱ꞌ tataꞌ sáꞌá, suni sukuán yakuꞌ nastútú re̱ꞌ. Jee suni ɨɨn ñɨvɨ taji víꞌí‑i suni sukuán nastútú víꞌí‑i.

Gálatas 3:17

Yaꞌá ví ya̱ káchíꞌ ni̱ꞌ: Xíꞌna ka̱ꞌ nsa̱náaꞌ Ndiosíꞌ tratúꞌ nsa̱ꞌá re̱ꞌ jín Abraham. Ña̱re njia̱ꞌa Ndiosíꞌ tu̱ꞌun ley nu̱u̱nꞌ Moisés ku̱mi̱ꞌ sientúꞌ o̱ko̱ꞌ u̱ji̱ꞌ (430) kui̱ya̱ꞌ kuéé ka̱ꞌ. Saájee ntu síkɨ́kui̱ñɨ̱ꞌ ley tratúꞌ ya̱ nsa̱ꞌá Ndiosíꞌ xíꞌnañúꞌún ka̱ꞌ. Ni ntu síjíta‑a ya̱ nchi̱sóyuꞌú Ndiosíꞌ.

Gálatas 5:3

Tukuni sánáaꞌ ni̱ꞌ nu̱u̱nꞌ rán ya̱ ntáká te̱e ya̱ saꞌá circuncidar re̱ꞌ maáréꞌ, jee íyó re̱ꞌ ya̱ sikúnkuvi re̱ꞌ nɨꞌɨ kuitɨꞌ ya̱ tátúníꞌ ley vá.

Efesios 1:22

Jee nchiꞌi Ndiosíꞌ nɨꞌɨ kuitɨꞌ ya̱ íyó xi̱ntíín Cristo, ya̱ maáréꞌ kúñáꞌnú kosoꞌ re̱ꞌ nu̱u̱nꞌ nɨꞌɨ, jee ntaji Ndiosíꞌ re̱ꞌ nu̱u̱nꞌ maáórán ya̱ kúneí iniꞌ‑ó re̱ꞌ jee yósóꞌ re̱ꞌ nu̱u̱nꞌ‑ó kúvi re̱ꞌ xi̱ni̱ꞌ nu̱u̱nꞌ‑ó.

Efesios 4:22

jee saáva, kene rán nu̱u̱nꞌ ñujiínꞌ tiñu ñáꞌnú rán tiempúꞌ ya̱ta̱ꞌ, siíyo rán na̱sa ni̱yo rán, chi stívɨ́‑ɨ ránoꞌó, ya̱ kúvi‑i rá tiñu xínáꞌví níyo iniꞌ ránú.

Colosenses 2:18

Jee koto jiáꞌa rán ya̱ xináꞌví ni ɨɨn ñɨvɨ ránoꞌó ya̱ kasɨꞌ ráa ni̱ꞌi̱nꞌ rán ta̱ꞌvi̱ꞌ rán, chi yɨ́tuvi ráa ya̱ xtúvi láꞌví ráa iniꞌ rán, jín ya̱ kuneñu̱ꞌun ráa rá najiáꞌáꞌ ííꞌ Ndiosíꞌ. Jee kíní ráa maáráa nu̱u̱nꞌ tiñu ya̱ ntu jíníꞌ kájíkuitɨꞌ ráa. Jee jiáni ka̱ꞌá téyɨ́ɨ́ iniꞌ ráa, chi antúníꞌ ráa yɨ́ꞌɨ́ xi̱ntíín ya̱ níyo néꞌén iniꞌ ráa, ya̱ ntu yɨ́ꞌɨ́‑ɨ naꞌá Ndiosíꞌ.

Colosenses 2:4

Jee káchíꞌ ni̱ꞌ tu̱ꞌun yaꞌá nu̱u̱nꞌ rán, sáva ni ɨɨn ñɨvɨ ntu xínáꞌví ráa ránoꞌó jín tu̱ꞌun viiꞌ káꞌánꞌ ráa ya̱ nukú ráa sijínúꞌ ráa iniꞌ ránoꞌó.

1 Tesalonicenses 4:6

Jee koto jiáꞌa sáꞌá ni ɨɨn ránú nu̱u̱nꞌ ɨɨn ñaniꞌ nú jie̱ꞌe̱ꞌ vá. Jee koto xínáꞌví nú re̱ꞌ jie̱ꞌe̱ꞌ vá. Chi náchunáán I̱toꞌoꞌ‑ó xínóꞌo re̱ꞌ ñɨvɨ jie̱ꞌe̱ꞌ nta̱ká kua̱chi yaꞌá, sánikua̱ꞌ ya nstúꞌva ránꞌ nu̱u̱nꞌ ránoꞌó. Ya nstúvi na̱a̱ꞌ ránꞌ maa nu̱u̱nꞌ ránoꞌó.

1 Timoteo 5:21

Ichinúúnꞌ Ndiosíꞌ, jín Cristo Jesús, jín rá najiáꞌáꞌ ííꞌ Ndiosíꞌ ya̱ nka̱ji re̱ꞌ ráa, tétuvi ni̱ꞌin ni̱ꞌ noꞌó, ya̱ sikúnkuvi nú tu̱ꞌun yaꞌá, jee koto jiáni ya̱chi̱ꞌ iniꞌ nú. Koto sáꞌá nú kuéntáꞌ né ɨɨn kúvi ñɨvɨ, sáá saꞌá nú maa, chisaꞌ ɨɨn nuún ni koo ñɨvɨ nu̱u̱nꞌ nú.

1 Timoteo 6:13

Tétíñú ni̱ꞌ noꞌó ichinúúnꞌ Ndiosíꞌ, ya̱ sáꞌá re̱ꞌ kutekuꞌ nɨꞌɨ ya̱ tékúꞌ, jín ichinúúnꞌ Cristo Jesús, ya̱ nsa̱náaꞌ va̱ꞌa re̱ꞌ ya̱ naáꞌ ichinúúnꞌ te̱e nísotíñú, naní Poncio Pilato.

2 Timoteo 4:1

Tétíñú ni̱ꞌin ni̱ꞌ nu̱u̱nꞌ noꞌó ichinúúnꞌ Ndiosíꞌ jín Cristo Jesús, ya̱ keꞌneꞌ re̱ꞌ kua̱chi rá ñɨvɨ tékúꞌ jín rá níꞌiꞌ, jín ya̱ nenta re̱ꞌ ñɨ̱vɨ́ yaꞌá, sáva tatúníꞌ re̱ꞌ nu̱u̱nꞌ nɨꞌɨ.

1 Pedro 1:18

Chi ya̱ jíníꞌ rán ya̱ nchu̱náán Ndiosíꞌ sáva nsi̱káku re̱ꞌ ránoꞌó nna̱kani núne re̱ꞌ ránoꞌó nu̱u̱nꞌ rá ñujiínꞌ ka̱ꞌá ñaꞌnu rán nékúvi ya̱ nchuꞌun rá tátáꞌ rán maárán. Soo nsú jín nantíñú ya̱ kɨ̱naanꞌ kuéntáꞌ oro áxí plata nchu̱náán re̱ꞌ sáva nna̱kani núne re̱ꞌ ránoꞌó,

2 Pedro 2:18

Chi jie̱ꞌe̱ꞌ rá tu̱ꞌun vi̱xi̱ꞌ káꞌánꞌ ka̱ꞌá ráa jie̱ꞌe̱ꞌ rá tiñu téní sɨ̱ɨ̱ꞌ iniꞌ jín rá tiñu kánéꞌí, jee sukuán ne̱ ñunkúún síjínúꞌ ráa iniꞌ rá ñɨvɨ ya̱ sukuán ni nkaku rává nkene rává nu̱u̱nꞌ rá ñɨvɨ jiáꞌnu ichi stívɨ́, jee náxtá ráa rá ñɨvɨ vá ni̱kóyátá rává kunikɨnꞌ rává ichi xínéꞌénꞌ ráa.