Efesios 4:16 - Mixteco del suroeste de Tlaxiaco Oaxaca

¹⁶ Jee kúvi ntáká‑ó kuéntáꞌ yɨkɨkúñu re̱ꞌ, ya̱ náketáꞌán kutú nɨꞌɨ jín rá nu̱u̱nꞌ ñútáꞌán jín rá tu̱chi fuersáꞌ, jee nunuún iniꞌ ntáká‑ó. Jee sáá nuún chíneí táꞌán va̱ꞌa‑ó sánikua̱ꞌ tiñu kúvi sáꞌá ta ɨɨn‑ó, jee sukuán síkújia iniꞌ táꞌán‑ó ka̱ꞌ sáva sikuéꞌnu‑ó táꞌán‑ó jín tu̱ꞌun ñúnúunꞌ táꞌán.

Efesios 4:16 ပူးပေါင်းရင်းမြစ်များ

Juan 15:5

’Chi nuꞌuꞌ, jee kúvi ni̱ꞌ kuéntáꞌ yokúꞌúꞌ káꞌnú yu̱ku̱ꞌ uva vá, jee ránoꞌó, chi kúvi rán kuéntáꞌ rá yokúꞌúꞌ kuáchí ya̱ kéne i̱ka̱ꞌ yokúꞌúꞌ káꞌnú vá. Chi néni ɨɨn ñɨvɨ ya̱ íñɨ́ ni̱ꞌin kino̱o kutú nu̱u̱nꞌ nuꞌuꞌ, jee suni kuiñɨ ni̱ꞌin ni̱ꞌ koo ni̱ꞌ jín ñɨvɨ vá, jee ñɨvɨ yaꞌá ví ya̱ sáꞌá tiñu váꞌa ya̱ kuíni Ndiosíꞌ. Chi retú ntu̱ví íñɨ́ ni̱ꞌin ñɨvɨ vá jín nuꞌuꞌ, jee kuéntáꞌ íyó sɨ́ɨ́n‑ɨ nu̱u̱nꞌ ni̱ꞌ, jee ni nkúvi na̱ saꞌá‑a ni ɨɨn tiñu váꞌa sáni kuíni Ndiosíꞌ.

Romanos 12:4

Chi kuéntáꞌ kua̱ꞌ kue̱ꞌe̱ꞌ nu̱u̱nꞌ níso ñunéꞌyúꞌ‑ó soo nsú ɨɨn ni tiñu sáꞌá ráa.

1 Corintios 10:17

Jee súka̱ꞌ kue̱ꞌe̱ꞌ‑ó íyó, soo ɨɨn yɨkɨkúñu kúvi‑ó ya̱ yɨ́ꞌɨ́‑ó nu̱u̱nꞌ Cristo, chi métúꞌún ni ví i̱xta̱tíláꞌ ya̱ yájíꞌ tútú ntáká‑ó, jie̱ꞌe̱ꞌ ya̱ jínúꞌ iniꞌ‑ó I̱toꞌoꞌ‑ó Cristo.

1 Corintios 13:13

Jee saáva íyó u̱ni̱ꞌ tu̱ꞌun ya̱ kínóo kutú‑u jín‑ó nɨ́ɨ́nkání: ya̱ kúneí nijia iniꞌ‑ó Ndiosíꞌ, jín íyó tu̱neí iniꞌ‑ó ya̱ síkúnkuvi Ndiosíꞌ ya̱ nchi̱sóyuꞌú re̱ꞌ, jín ya̱ kunu̱u̱nꞌ‑ó táꞌán‑ó. Soo ya̱ ñáꞌnú ka̱ꞌ nu̱u̱nꞌ ni núníꞌ rá yaꞌá ví ya̱ kunu̱u̱nꞌ‑ó rá ñanitáꞌán‑ó.

1 Corintios 8:1

Ntañúꞌún jee káchíꞌ tuku ni̱ꞌ inka ka̱ꞌ tu̱ꞌun jie̱ꞌe̱ꞌ rá sókóꞌ rá ñɨvɨ nu̱u̱nꞌ rá nantíñú ya̱ ntu kúvi Ndiosíꞌ tékúꞌ. Nkachiꞌ ránú ya̱ “jíníꞌ‑ó ya̱ jíníꞌ ntáká‑ó na̱sa íyó tu̱ꞌun jie̱ꞌe̱ꞌ‑e.” Soo sáꞌá víxiꞌ ka̱ꞌá‑ó jie̱ꞌe̱ꞌ ya̱ káchíꞌ‑ó ya̱ jíníꞌ‑ó nɨꞌɨ. Soo jie̱ꞌe̱ꞌ ya̱ ñúnúunꞌ‑ó rá ñanitáꞌán‑ó, jee yaꞌá sáꞌá ya̱ jíjia iniꞌ‑ó íyó kutú‑ó jín tu̱ꞌun I̱toꞌoꞌ‑ó.

Gálatas 5:22

Soo suni túvi rá tiñu sáꞌá Ta̱chi̱ꞌ Ííꞌ Ndiosíꞌ iniꞌ ñɨvɨ kuéntáꞌ túvi rá vixíꞌ kúun yutun. Sáꞌá re̱ꞌ ya̱ ñɨvɨ: ñúnúunꞌ ráa táꞌán ráa, ñúꞌún tu̱ꞌun íyó sɨ́ɨꞌ iniꞌ ánímaꞌ ráa, nééꞌ ñunkúún ráa jín táꞌán ráa, káꞌnú iniꞌ ráa, kúváꞌa iniꞌ ráa, ma̱ni̱ꞌ iniꞌ ráa, na̱a̱ꞌ ráa nu̱u̱nꞌ rá táꞌán ráa ya̱ kúkáꞌnú iniꞌ rá ñɨvɨ ráa,

Gálatas 5:6

Chi ntáká‑ó ya̱ yɨ́ꞌɨ́‑ó nu̱u̱nꞌ Cristo Jesús, ntu̱náꞌ íyótiñu koo circuncidado maáó, áxí ntu̱ví. Soo ya̱ yɨ́yáꞌvi ka̱ꞌ vá kúneí iniꞌ‑ó Jesús, jee ya̱ kúneí iniꞌ‑ó maa sáꞌá ya̱ kunu̱u̱nꞌ‑ó táꞌán‑ó.

Efesios 1:4

Chi nka̱ji Ndiosíꞌ yó ya̱ kɨꞌɨ‑ó nu̱u̱nꞌ Cristo ne̱ ntiáꞌan ka̱ꞌ kiko̱o ñɨ̱vɨ́ yaꞌá, sáva koo sɨ́ɨ́n‑ó ya̱ nkɨ́ꞌɨ‑ó ka̱ꞌ nu̱u̱nꞌ kua̱chi‑ó jín ya̱ koo ninuꞌun‑ó nu̱u̱nꞌ re̱ꞌ. Chi jie̱ꞌe̱ꞌ ñúnúunꞌ re̱ꞌ yó,

Efesios 3:17

Sáva kɨꞌɨ Cristo iniꞌ ánímaꞌ rán jie̱ꞌe̱ꞌ ya̱ kúneí iniꞌ rán re̱ꞌ, sáva kuiñɨ ni̱ꞌin rán kuꞌun tu̱ꞌun ñúnúunꞌ re̱ꞌ iniꞌ ránoꞌó, kuéntáꞌ kúkutú yoꞌo yutun jín kuéntáꞌ veꞌi yósóꞌ kutú nu̱u̱nꞌ koo sámáꞌ,

Efesios 3:7

Jee nuꞌuꞌ Pablo nkenta kúvi ni̱ꞌ ɨɨn ya̱ jiátíñú Ndiosíꞌ nuꞌuꞌ stékútu̱ꞌún ni̱ꞌ tu̱ꞌun váꞌa vá. Jee jie̱ꞌe̱ꞌ ya̱ ma̱ni̱ꞌ iniꞌ re̱ꞌ, nsi̱kútaꞌviꞌ re̱ꞌ tiñu vá nu̱u̱nꞌ ni̱ꞌ, jee jín fesáꞌ ííꞌ níso re̱ꞌ nsa̱ꞌá re̱ꞌ suꞌva jín ni̱ꞌ.

Efesios 4:12

Njia̱ꞌa re̱ꞌ rá tiñu vá nu̱u̱nꞌ ráa sáva sikújia ráa iniꞌ rá ñɨvɨ ya̱ nsa̱ꞌá sɨ́ɨ́n Ndiosíꞌ kúvi ñɨvɨ re̱ꞌ. Síkújia ráa iniꞌ maáó ya̱ kúvi‑ó rá ñɨvɨ re̱ꞌ sáva kɨtíñú‑ó saꞌá‑ó tiñu re̱ꞌ nu̱u̱nꞌ ɨɨn inka táꞌán‑ó, sáva sikuéꞌnu‑ó ɨɨn inka táꞌán‑ó, ya̱ ɨɨn ni ñɨvɨ kuvi‑ó nu̱u̱nꞌ Cristo, kuéntáꞌ ɨɨn yɨkɨkúñu.

Efesios 4:15

Chisaꞌ kunikɨnꞌ‑ó kaꞌanꞌ‑ó tu̱ꞌun na̱a̱ꞌ jín tu̱ꞌun kunu̱u̱nꞌ táꞌán‑ó, sukuán jee kueꞌnu‑ó jín ntáká tiñu kuíni Cristo, ya̱ yósóꞌ re̱ꞌ nu̱u̱nꞌ‑ó kuéntáꞌ yósóꞌ xi̱ni̱ꞌ nu̱u̱nꞌ yɨkɨkúñu.

Filipenses 1:9

Jee jíkánꞌ táꞌvíꞌ ni̱ꞌ nu̱u̱nꞌ Ndiosíꞌ, ya̱ saꞌ víꞌí káꞌ sáá kunu̱u̱nꞌ víꞌí rán ka̱ꞌ ñɨvɨ jín Ndiosíꞌ, jín ya̱ kujia víꞌí iniꞌ rán ka̱ꞌ, sáva kuniꞌ rán ka̱ꞌ tu̱ꞌun nááꞌ Ndiosíꞌ, jín sáva kuníchí xi̱ni̱ꞌ rán ka̱ꞌ jie̱ꞌe̱ꞌ ichi re̱ꞌ.

Colosenses 2:19

Chi ntu̱ví íñɨ́ ráa jín Cristo, ya̱ yósóꞌ‑o nu̱u̱nꞌ‑ó kuéntáꞌ kúvi re̱ꞌ xi̱ni̱ꞌ nu̱u̱nꞌ‑ó. Jee kúvi‑ó kuéntáꞌ yɨkɨkúñu re̱ꞌ, chi náketáꞌán‑ó jín re̱ꞌ, kuéntáꞌ nééꞌ táꞌán yɨkɨkúñu jín xi̱ni̱ꞌ jín rá nu̱u̱nꞌ ñútáꞌán jín rá tu̱chi fuersáꞌ. Jee táji re̱ꞌ ya̱ jíniñúꞌún‑ó sáva kujia iniꞌ‑ó sáni síkuéꞌnu Ndiosíꞌ yó.

Colosenses 2:2

Sáꞌá ni̱ꞌ suꞌva sáva nuneí iniꞌ ánímaꞌ rá ñaniꞌ vá, jín sáva nuún koo iniꞌ ráa jie̱ꞌe̱ꞌ ñúnúunꞌ ráa ɨɨn inka rá táꞌán ráa. Jee sáva kuéntáꞌ kukúká ráa ya̱ kino̱o kutú ánímaꞌ ráa, jie̱ꞌe̱ꞌ ki̱ku̱ꞌun iniꞌ ráa Tu̱ꞌun Ndiosíꞌ, sáva kuniꞌ ráa tu̱ꞌun re̱ꞌ ya̱ nyɨ́ꞌɨ se̱ꞌí ne̱ yanaꞌán nékúvi, jee jie̱ꞌe̱ꞌ maá Cristo ví tu̱ꞌun vá.

1 Tesalonicenses 1:3

Chi yɨ́táꞌán xínákúꞌun ráníꞌ iniꞌ Tátáꞌ‑ó Ndiosíꞌ jie̱ꞌe̱ꞌ tiñu váꞌa sáꞌá ránoꞌó, chi kúneí iniꞌ rán Cristo, jín jie̱ꞌe̱ꞌ ya̱ níkó néí rán sáꞌá rán ya̱ váꞌa, chi ñúnúunꞌ rán re̱ꞌ, jín jie̱ꞌe̱ꞌ ya̱ kúníꞌin íñɨ́ ni̱ꞌin rán jín re̱ꞌ, chi íyó tu̱neí iniꞌ rán ya̱ váꞌa sáꞌá I̱toꞌoꞌ‑ó Jesús ya̱ kúvi Cristo jín rán.

1 Tesalonicenses 2:13

Jee suni yɨ́táꞌán jiáꞌa ráníꞌ ya̱ kútaꞌviꞌ ránꞌ nu̱u̱nꞌ Ndiosíꞌ, chi ntɨɨn ránú tu̱ꞌun nteso̱ꞌo rán ya̱ nkachitu̱ꞌún ráníꞌ. Soo ntu̱ví ntɨ́ɨn ránú tu̱ꞌun vá kuéntáꞌ tu̱ꞌun káꞌánꞌ métúꞌún te̱e ni. Chisaꞌ ntɨɨn rán maá kuéntáꞌ Tu̱ꞌun Ndiosíꞌ kúvi‑i, ya̱ máá nááꞌ nijia ya̱ Tu̱ꞌun Ndiosíꞌ kúvi‑i. Jee tu̱ꞌun vá sátíñú iniꞌ ránoꞌó ya̱ kúneí iniꞌ rán Cristo.

1 Tesalonicenses 3:12

Jee suni jíkánꞌ táꞌvíꞌ ránꞌ ya̱ saꞌá I̱toꞌoꞌ‑ó, ya̱ kukueꞌeꞌ ka̱ꞌ kunu̱u̱nꞌ víꞌí rán ka̱ꞌ ɨɨn inka táꞌán rán jín nɨꞌɨ rá inka ka̱ꞌ ñɨvɨ, sánikua̱ꞌ suni ñúnúunꞌ ránꞌ ránoꞌó.

2 Tesalonicenses 1:3

Sukuáni íyó ku̱ꞌva ráníꞌ ya̱ kútaꞌviꞌ ránꞌ nu̱u̱nꞌ Ndiosíꞌ jie̱ꞌe̱ꞌ ránoꞌó, ñaniꞌ jín ku̱ꞌva. Íyó va̱ꞌa sáꞌá ránꞌ suꞌva, chi jiáꞌnu víꞌí ka̱ꞌ ya̱ kúneí iniꞌ rán Jesús, jee kúkueꞌeꞌ ka̱ꞌ ñúnúunꞌ nɨꞌɨ rán ɨɨn inka ñanitáꞌán rán.

1 Timoteo 1:5

Jee tátúníꞌ‑ó suꞌva nu̱u̱nꞌ ñanitáꞌán‑ó ya̱ kúneí iniꞌ ráa Cristo, sáva kunu̱u̱nꞌ ráa ɨɨn inka ráa, ya̱ kene‑e ne̱ ánímaꞌ noo, jín ne̱ ya̱ kuniꞌ ráa ya̱ ntu̱ví níso kua̱chi si̱kɨ̱ꞌ ráa, jín ne̱ ya̱ ntu ñúnkúún ni ka̱ꞌ sáꞌá ráa ya̱ kúneí nijia iniꞌ ráa Cristo.

1 Pedro 1:22

Soo vitan jee ya̱ nna̱saꞌá ninuꞌun re̱ꞌ iniꞌ ánímaꞌ rán, jie̱ꞌe̱ꞌ ya̱ [nsa̱ꞌá Ta̱chi̱ꞌ Ííꞌ re̱ꞌ] ya̱ nka̱níjiá rán tu̱ꞌun na̱a̱ꞌ re̱ꞌ, sáva kunu̱u̱nꞌ nijia rán rá ñanitáꞌán rán, saáva ne̱ ninuꞌun ánímaꞌ rán kunu̱u̱nꞌ ntántúníꞌ víꞌí rán ɨɨn inka táꞌán rán.

1 Juan 4:16

Jee jíníꞌ‑ó jee ínúꞌ iniꞌ‑ó ya̱ ñúnúunꞌ Ndiosíꞌ yó. Chi mánitu̱ꞌun ñúnúunꞌ ñúꞌún iniꞌ Ndiosíꞌ. Jee ñɨvɨ kínóo kutú‑u nu̱u̱nꞌ mánitu̱ꞌun ñúnúunꞌ‑u, jee suvivá kínóo kutú‑u yɨ́ꞌɨ́‑ɨ nu̱u̱nꞌ re̱ꞌ, jee kínóo kutú Ndiosíꞌ yɨ́ꞌɨ́ re̱ꞌ iniꞌ ñɨvɨ vá.