Efesios 4:1 - Mixteco del suroeste de Tlaxiaco Oaxaca

¹ Saájee nuꞌuꞌ Pablo, ya̱ yɨ́ꞌɨ́ ni̱ꞌ veka̱a jie̱ꞌe̱ꞌ sátíñú ni̱ꞌ nu̱u̱nꞌ I̱toꞌoꞌ‑ó, náxiníꞌvɨ́ꞌ ni̱ꞌ iniꞌ rán ya̱ kueꞌnu na̱a̱ꞌ rán ichi Ndiosíꞌ, sánikua̱ꞌ íyó kaka rán ya̱ kúvi rán ñɨvɨ ya̱ nkana Ndiosíꞌ kɨtíñú rán nu̱u̱nꞌ re̱ꞌ.

Efesios 4:1 ပူးပေါင်းရင်းမြစ်များ

Génesis 17:1

Jee íñɨ́ Abram ku̱mi̱xiko xa̱ꞌu̱nꞌ ku̱mi̱ꞌ (99) kui̱ya̱ꞌ jee ntu̱ví I̱toꞌoꞌ‑ó nu̱u̱nꞌ Abram jee nkachiꞌ re̱ꞌ nu̱u̱nꞌ‑u: ―Nuꞌuꞌ ví Ndiosíꞌ ya̱ níso ni̱ꞌ nɨꞌɨ ntántúníꞌ fuersáꞌ ííꞌ. Kɨtíñú nu̱u̱nꞌ ni̱ꞌ jee kueꞌnu na̱a̱ꞌ ya̱ ntu̱náꞌ kua̱chi koo si̱kɨ̱ꞌ nú.

Génesis 5:24

Jee nika Enoc nyɨ̱tíñú re̱ꞌ nu̱u̱nꞌ Ndiosíꞌ jee kuíre ntu ka̱ꞌ nééꞌ re̱ꞌ ñɨ̱vɨ́ yaꞌá chi nna̱keꞌen tékúꞌ Ndiosíꞌ maa.

Hechos 9:31

Saájee rá ñɨvɨ kúneí iniꞌ ráa Jesús, ya̱ nééꞌ nɨꞌɨ ichi sánitɨ́ɨn Judea, Galilea, jín Samaria, jee nneeꞌ ñunkúún ráa. Jee jíjia iniꞌ ráa ka̱ꞌ kúneí iniꞌ ráa Jesús. Jee jiáꞌnu ráa jín ya̱ ñúyúꞌví iniꞌ ráa I̱toꞌoꞌ‑ó. Jee náchuꞌun neí Ta̱chi̱ꞌ Ííꞌ Ndiosíꞌ iniꞌ ráa. Jee va̱ji kúkueꞌeꞌ ráa.

Romanos 11:29

Chi ntu níkó iniꞌ Ndiosíꞌ jie̱ꞌe̱ꞌ ta̱ꞌvi̱ꞌ ya̱ síkútaꞌviꞌ re̱ꞌ nu̱u̱nꞌ ráa, ni jie̱ꞌe̱ꞌ ya̱ nkana re̱ꞌ ráa kuvi ráa ñɨvɨ re̱ꞌ.

Romanos 12:1

Saáva, ránoꞌó ñanitáꞌán ni̱ꞌ, jie̱ꞌe̱ꞌ ya̱ nníꞌinꞌ yó ya̱ náꞌví iniꞌ Ndiosíꞌ yó, jee saáva náxinániꞌvɨꞌ ni̱ꞌ iniꞌ rán ya̱ nasokoꞌ tékúꞌ rán maárán nu̱u̱nꞌ Ndiosíꞌ sáva kɨtíñú rán nu̱u̱nꞌ re̱ꞌ ya̱ kusɨ́ɨ́n rán kene rán nu̱u̱nꞌ ya̱ niváꞌa, jín ya̱ kueꞌnu rán sáni kúváꞌa iniꞌ re̱ꞌ néꞌyá re̱ꞌ maa. Yukuán kúvi nijia ya̱ néñu̱ꞌun rán re̱ꞌ jín ánímaꞌ rán.

1 Corintios 4:16

Jee saáva jíkánꞌ táꞌvíꞌ ni̱ꞌ nu̱u̱nꞌ ránoꞌó ya̱ kunikɨnꞌ rán kueꞌnu rán ichi kuéntáꞌ jiáꞌnu nuꞌuꞌ.

2 Corintios 10:1

Nuꞌuꞌ Pablo jíkánꞌ táꞌvíꞌ ni̱ꞌ nu̱u̱nꞌ ránoꞌó jee másúꞌ káꞌánꞌ ni̱ꞌ jee káꞌánꞌ vi̱tá ni̱ꞌ kuéntáꞌ káꞌánꞌ Cristo. Jee ñɨvɨ káꞌvi ni káchíꞌ ya̱ sáá nééꞌ ni̱ꞌ jín rán jee ñúꞌún láꞌví iniꞌ ni̱ꞌ, soo sáá íyó íká ni̱ꞌ nu̱u̱nꞌ rán jee ñúꞌún tiɨ́kɨ́ iniꞌ ni̱ꞌ káꞌánꞌ ni̱ꞌ jín ránoꞌó, sáá tée ni̱ꞌ nu̱u̱nꞌ tutuꞌ nu̱u̱nꞌ rán.

2 Corintios 5:20

Jee saáva ránuꞌuꞌ, nta̱jí Cristo yɨ́tíñú ránꞌ nu̱u̱nꞌ tiñu re̱ꞌ, maá Ndiosíꞌ jiátíñú re̱ꞌ ránuꞌuꞌ jíkánꞌ táꞌvíꞌ re̱ꞌ nu̱u̱nꞌ ránoꞌó ya̱ kuéntáꞌ káꞌánꞌ re̱ꞌ sáá káꞌánꞌ ránꞌ. Jee nu̱u̱nꞌ súví Cristo, jíkánꞌ táꞌvíꞌ ránꞌ nu̱u̱nꞌ ránoꞌó, ya̱ numa̱ni̱ꞌ ránú jín Ndiosíꞌ.

2 Corintios 6:1

Jee saáva ránuꞌuꞌ, táꞌán sátíñú kúvi ránꞌ jín Ndiosíꞌ, jee jíkánꞌ táꞌvíꞌ ránꞌ nu̱u̱nꞌ ránoꞌó ya̱ koto níꞌínꞌ ka̱ꞌá rán ya̱ ma̱ni̱ꞌ iniꞌ Ndiosíꞌ néꞌyá re̱ꞌ ránoꞌó.

Gálatas 4:12

Jíkánꞌ táꞌvíꞌ ni̱ꞌ nu̱u̱nꞌ ránoꞌó ñaniꞌ, ya̱ koo rán kuéntáꞌ maáníꞌ ya̱ nxi̱nóo ni̱ꞌ rá costumbre ley Moisés. Chi maáníꞌ nkenta kúvi ni̱ꞌ kuéntáꞌ ránoꞌó ya̱ ntu yɨ́ꞌɨ́ rán chi̱ji ley. Ntu̱náꞌ nsáꞌá kini rán nuꞌuꞌ.

Efesios 2:10

Chi kúvi‑ó ɨɨn tiñu jiáá nsa̱ꞌá Ndiosíꞌ, chi maá Ndiosíꞌ nsa̱ꞌá yó sáá íyó‑ó ntañúꞌún jie̱ꞌe̱ꞌ yɨ́ꞌɨ́‑ó nu̱u̱nꞌ Cristo Jesús. Sáꞌá re̱ꞌ yó sukuán, sáva saꞌá‑ó rá tiñu váꞌa ya̱ ya nsa̱ꞌá túꞌva Ndiosíꞌ sáva kueꞌnu‑ó ichi re̱ꞌ sukuán.

Efesios 3:1

Jee tu̱ꞌun yukuán kua̱ꞌ ya̱ káchíꞌ kí ni̱ꞌ kúvi jie̱ꞌe̱ꞌ jíkánꞌ táꞌvíꞌ ni̱ꞌ nu̱u̱nꞌ Ndiosíꞌ jie̱ꞌe̱ꞌ ránoꞌó. Nuꞌuꞌ, Pablo, yɨ́ꞌɨ́ ni̱ꞌ veka̱a jie̱ꞌe̱ꞌ sátíñú ni̱ꞌ nu̱u̱nꞌ Cristo Jesús, ya̱ kúvi ya̱ váꞌa nu̱u̱nꞌ ránoꞌó ya̱ ntu kúvi rán ñɨvɨ Israel.

Efesios 4:17

Saáva káchíꞌ ni̱ꞌ nu̱u̱nꞌ rán jee íchí sánáaꞌ ni̱ꞌ nu̱u̱nꞌ súví I̱toꞌoꞌ‑ó: ya̱ koto jiáꞌnu rán ka̱ꞌ kua̱ꞌ jiáꞌnu rá inka ñɨvɨ ntu kúvi ñɨvɨ Israel, ya̱ jiáꞌnu ráa tiñu jiáni ka̱ꞌá iniꞌ antúníꞌ ráa.

Efesios 4:4

Chi ɨɨn ni kuvi‑ó nu̱u̱nꞌ Ndiosíꞌ, kuéntáꞌ ɨɨn yɨkɨkúñu, jee ɨɨn ni Ta̱chi̱ꞌ Ííꞌ re̱ꞌ íyó jín‑ó, sánikua̱ꞌ suni nkana Ndiosíꞌ yó ya̱ ɨɨn nuún ni íyó tu̱neí iniꞌ‑ó ya̱ ni̱ꞌi̱nꞌ‑ó kuneeꞌ‑ó jín Cristo, chi nkana re̱ꞌ yó sáva ni̱ꞌi̱nꞌ‑ó maa.

Efesios 5:2

Jee íyó kueꞌnu rán jín tu̱ꞌun ñúnúunꞌ táꞌán, kuéntáꞌ suni ñúnúunꞌ Cristo yó, jee nna̱ku̱ꞌva re̱ꞌ maáréꞌ jie̱ꞌe̱ꞌ‑ó, chi nso̱ko̱ꞌ re̱ꞌ maáréꞌ nu̱u̱nꞌ Ndiosíꞌ ni̱ꞌi̱ꞌ re̱ꞌ jie̱ꞌe̱ꞌ‑ó. Yukuán kúvi kuéntáꞌ ɨɨn xikoꞌ jiáꞌánꞌ vi̱xi̱ꞌ ya̱ téñuꞌunꞌ maa nu̱u̱nꞌ Ndiosíꞌ. Jee kúváꞌa iniꞌ Ndiosíꞌ néꞌyá re̱ꞌ maa.

Filipenses 1:27

Ñáꞌnú ka̱ꞌ ví ya̱ kueꞌnu na̱a̱ꞌ rán nu̱u̱nꞌ Ndiosíꞌ na̱kua̱ꞌ íyó kueꞌnu rá ñɨvɨ ya̱ tɨɨn tu̱ꞌun va̱ꞌa Cristo. Jee suꞌva, vasúꞌ kua̱jiaaꞌ kune̱ꞌyá ni̱ꞌ ránoꞌó, áxí vasúꞌ koo íká ni̱ꞌ nu̱u̱nꞌ rán, jee teso̱ꞌo ni̱ꞌ, ya̱ nuún íñɨ́ ni̱ꞌin rán jín tu̱ꞌun va̱ꞌa vá, jín ya̱ nuún ñúꞌún iniꞌ rán, jín ya̱ nuún nunasɨ́ tútú ni̱ꞌin rán sátíñú rán nu̱u̱nꞌ tu̱ꞌun va̱ꞌa Jesús ya̱ kúneí iniꞌ rán.

Filipenses 3:14

Jee xíníꞌin ni̱ꞌ kɨ̱ꞌɨ̱nꞌ ni̱ꞌ ichinúúnꞌ kuéntáꞌ jínu ni̱ꞌ ɨɨn carrera, sáva kenta ni̱ꞌ nu̱u̱nꞌ nɨ́ꞌɨ, sáva kuneí ni̱ꞌ ni̱ꞌi̱nꞌ ni̱ꞌ ta̱ꞌvi̱ꞌ ya̱ ne̱ súkún nkana Ndiosíꞌ yó sáva ni̱ꞌi̱nꞌ‑ó vá jie̱ꞌe̱ꞌ ya̱ yɨ́ꞌɨ́‑ó nu̱u̱nꞌ Cristo Jesús.

Colosenses 1:10

Suꞌva jíkánꞌ táꞌvíꞌ ránꞌ nu̱u̱nꞌ Ndiosíꞌ, sáva kaka na̱a̱ꞌ rán sánikua̱ꞌ íyó kueꞌnu ñɨvɨ ya̱ yɨ́ꞌɨ́ ráa nu̱u̱nꞌ I̱toꞌoꞌ‑ó, sáva suꞌva sukuáni kuva̱ꞌa iniꞌ re̱ꞌ kune̱ꞌyá re̱ꞌ na̱sa jíka rán. Jee suꞌva saꞌá rán nta̱ká tiñu váꞌa, kuéntáꞌ ɨɨn yutun jiáꞌa ya̱ vixíꞌ váꞌa. Jee kukueꞌeꞌ ka̱ꞌ kukáꞌnú noo iniꞌ rán na̱sa iniꞌ Ndiosíꞌ.

Colosenses 2:6

Jee saáva sánikua̱ꞌ njia̱ꞌayuꞌú rán ya̱ Cristo Jesús kúvi I̱toꞌoꞌ rán, jee suni sukuán kaka rán ichi na̱a̱ꞌ nu̱u̱nꞌ re̱ꞌ.

Colosenses 4:12

Tájí Epafras tu̱ꞌun jíkátu̱ꞌún re̱ꞌ jie̱ꞌe̱ꞌ ránoꞌó, ya̱ suni kúvi re̱ꞌ táꞌán ñuunꞌ rán, jee kúvi re̱ꞌ musúꞌ ya̱ jiátíñú Cristo Jesús. Jee sáá káꞌánꞌ re̱ꞌ jín Ndiosíꞌ, jee sukuáni núnasɨ́ re̱ꞌ jíkánꞌ táꞌvíꞌ víꞌí re̱ꞌ jie̱ꞌe̱ꞌ rán, ya̱ kuiñɨ ni̱ꞌin rán, ya̱ kujia iniꞌ rán nu̱u̱nꞌ tu̱ꞌun kúneí iniꞌ rán, jee ya̱ koo kutú rán nu̱u̱nꞌ nɨꞌɨ ya̱ kuíni maá Ndiosíꞌ.

1 Tesalonicenses 2:12

jee tétíñú ránꞌ ránoꞌó ya̱ kaka na̱a̱ꞌ rán sáni íyó kaka rá ñɨvɨ Ndiosíꞌ. Maáréꞌ nkana ránoꞌó kɨꞌɨ rán naꞌá re̱ꞌ nu̱u̱nꞌ tátúníꞌ re̱ꞌ nu̱u̱nꞌ ñɨvɨ, jín nu̱u̱nꞌ viiꞌ kuñáꞌnú rán jín re̱ꞌ.

2 Tesalonicenses 1:11

Saáva suni sukuáni káꞌánꞌ ráníꞌ jín Ndiosíꞌ‑ó jie̱ꞌe̱ꞌ ránoꞌó. Jíkánꞌ táꞌvíꞌ ránꞌ nu̱u̱nꞌ re̱ꞌ ya̱ saꞌá re̱ꞌ ya̱ kueꞌnu na̱a̱ꞌ rán sáni kuíni re̱ꞌ, jee nakuayuꞌú re̱ꞌ ya̱ íyó ni̱ꞌi̱nꞌ rán ya̱ nkana Ndiosíꞌ‑ó ránoꞌó. Jee jíkánꞌ ránꞌ nu̱u̱nꞌ re̱ꞌ ya̱ sikúnkuvi re̱ꞌ jín fesáꞌ ííꞌ re̱ꞌ nta̱ká tiñu váꞌa ñúꞌún iniꞌ rán saꞌá rán, jín nta̱ká tiñu sáꞌá rán ya̱ va̱ji nu̱u̱nꞌ kúneí iniꞌ rán Jesús.

2 Timoteo 1:9

Chi Ndiosíꞌ nna̱tavaꞌ re̱ꞌ yó nu̱u̱nꞌ kua̱chi‑ó nsi̱káku re̱ꞌ yó, jee nkana re̱ꞌ yó sáva sasɨ́ɨ́n re̱ꞌ yó ya̱ kuvi‑ó ñɨvɨ re̱ꞌ ya̱ kɨtíñú‑ó nu̱u̱nꞌ re̱ꞌ. Nsáꞌá re̱ꞌ suꞌva jín yó nsú jie̱ꞌe̱ꞌ ya̱ váꞌa nsa̱ꞌá‑ó. Soo nsi̱káku re̱ꞌ yó, chi saá nkuini re̱ꞌ, chi suni íyó mániꞌ iniꞌ re̱ꞌ néꞌyá re̱ꞌ yó, ya̱ ntu íyó ni̱ꞌi̱nꞌ‑ó maa. Jee ne̱ sáá ntiáꞌan kijiéꞌé kiko̱o ñɨ̱vɨ́ íyó mániꞌ iniꞌ re̱ꞌ néꞌyá re̱ꞌ yó ya̱ yɨ́ꞌɨ́‑ó nu̱u̱nꞌ Cristo Jesús.

Tito 2:10

jín ya̱ nsákuíꞌná ráa, chisaꞌ kuvi ráa ñɨvɨ na̱a̱ꞌ sáva kuvi kuneí iniꞌ i̱toꞌoꞌ ráa maáráa jín nɨꞌɨ ya̱ sáꞌá ráa, sáva sukuán sikútú viiꞌ ráa tu̱ꞌun xínéꞌénꞌ‑ó jie̱ꞌe̱ꞌ Ndiosíꞌ, ya̱ sáꞌá‑a ya̱ nanitáꞌvíꞌ‑ó.

Hebreos 13:21

Jee na̱ ka̱ꞌ sikújia Ndiosíꞌ iniꞌ rán saꞌá tu̱ꞌva re̱ꞌ ránoꞌó ntáká tiñu váꞌa sáva saꞌá rán sáni kuíni re̱ꞌ, chi sáꞌá re̱ꞌ iniꞌ‑ó tiñu kúváꞌa iniꞌ re̱ꞌ néꞌyá re̱ꞌ maa, jie̱ꞌe̱ꞌ ya̱ sáꞌá Jesucristo jín‑ó. Jee maáa vá nakuetúꞌún‑ó nɨ́ɨ́nkání ya̱ kúñáꞌnú víꞌí‑i ntáká tiempúꞌ. Sukuán koo, amén.

Hebreos 3:1

Jee saáva, ránoꞌó ñanitáꞌán, ya̱ nsa̱ꞌá sɨ́ɨ́n Ndiosíꞌ ránoꞌó sáva kɨꞌɨ rán nu̱u̱nꞌ re̱ꞌ, jín ya̱ jíꞌín rán nkana re̱ꞌ ránoꞌó ne̱ súkún nu̱u̱nꞌ nééꞌ re̱ꞌ, jee saáva íyó tɨɨn kuéntáꞌ va̱ꞌa rán jie̱ꞌe̱ꞌ [Cristo] Jesús ya̱ níso re̱ꞌ tiñu apóstol ya̱ nchu̱ichí Ndiosíꞌ ntaji re̱ꞌ Tu̱ꞌun Ndiosíꞌ nu̱u̱nꞌ‑ó, jee suni kúvi re̱ꞌ su̱tu̱ꞌ kúñáꞌnú nu̱u̱nꞌ‑ó, jie̱ꞌe̱ꞌ tu̱ꞌun re̱ꞌ ya̱ jiáꞌayuꞌú‑ó ya̱ kúneí iniꞌ‑ó re̱ꞌ.

1 Pedro 2:11

Ránoꞌó ñanitáꞌán ya̱ ñúnúunꞌ ni̱ꞌ, náxiníꞌvɨ́ꞌ ni̱ꞌ iniꞌ rán ya̱ koo rán kuéntáꞌ kua̱ꞌ retánꞌ kúvi rán to̱ꞌo̱ꞌ inka ñuunꞌ ya̱ váji íká rán jee ntu jiáꞌnu rán kuéntáꞌ jiáꞌnu rá ñɨvɨ ñɨ̱vɨ́ yaꞌá, jee saáva chusává rán rá tiñu ya̱ níyo iniꞌ rán saꞌá rán ya̱ ntu yɨ́ꞌɨ́ xi̱ntíín Ndiosíꞌ chi súkúta̱ꞌán‑a jín ánímaꞌ rán.

1 Pedro 3:9

Koto násaꞌá niva̱ꞌa rán nu̱u̱nꞌ ɨɨn ñɨvɨ ya̱ sáꞌá niva̱ꞌa‑a jín ránoꞌó, jee koto nátenu̱u̱nꞌ rán ñɨvɨ ya̱ ténúunꞌ‑u ránoꞌó, chisaꞌ nakaꞌanꞌ rán tu̱ꞌun váꞌa ya̱ kuvi ya̱ váꞌa nu̱u̱nꞌ ráa. Chi nkana Ndiosíꞌ ránoꞌó sáva saꞌá rán suꞌva sáva ni̱ꞌi̱nꞌ rán ta̱ꞌvi̱ꞌ taji re̱ꞌ nu̱u̱nꞌ rán ya̱ kuvi ya̱ váꞌa ránoꞌó.

1 Pedro 5:10

Jee máá Ndiosíꞌ ya̱ nta̱ká íchí íyó mániꞌ nasɨ́kuitɨꞌ iniꞌ re̱ꞌ néꞌyá re̱ꞌ yó, ya̱ maáréꞌ nkana re̱ꞌ yó sáva viiꞌ kuñáꞌnú‑ó jín Cristo nɨ́ɨ́nkání jie̱ꞌe̱ꞌ ya̱ yɨ́ꞌɨ́‑ó nu̱u̱nꞌ Cristo. Sáá jiáꞌa ya̱ kunoꞌo rán yakuꞌ ni̱ꞌ tiempúꞌ, soo máá Ndiosíꞌ saꞌá ya̱ kujia na̱a̱ꞌ va̱ꞌa iniꞌ rán nu̱u̱nꞌ tu̱ꞌun re̱ꞌ, jín ya̱ kuiñɨ ni̱ꞌin rán, jín ya̱ nachuneí re̱ꞌ iniꞌ ránoꞌó, jín ya̱ kukutú rán nu̱u̱nꞌ tu̱ꞌun re̱ꞌ.

2 Pedro 1:3

Chi jín fuersáꞌ ííꞌ níso Ndiosíꞌ jee ntaji re̱ꞌ nɨꞌɨ nu̱u̱nꞌ‑ó ya̱ jíniñúꞌún‑ó sáva kueꞌnu na̱a̱ꞌ‑ó ñɨ̱vɨ́ yaꞌá sáni kuíni re̱ꞌ jín sáva kɨtíñú‑ó nu̱u̱nꞌ Ndiosíꞌ. Ntaji re̱ꞌ maa jie̱ꞌe̱ꞌ jíníꞌ‑ó na̱ja iniꞌ maáréꞌ, chi maáréꞌ ví ya̱ nkana re̱ꞌ yó, jie̱ꞌe̱ꞌ ya̱ kúñáꞌnú nasɨ́kuitɨꞌ re̱ꞌ jín jie̱ꞌe̱ꞌ va̱ꞌa iniꞌ re̱ꞌ.

2 Juan 1:5

Nánáꞌ, vitan jee jíkánꞌ táꞌvíꞌ ni̱ꞌ nu̱u̱nꞌ nú ya̱ kunu̱u̱nꞌ‑ó ɨɨn inka táꞌán‑ó. Nsú tiñu jiáá ví yaꞌá ya̱ tátúníꞌ Ndiosíꞌ, chisaꞌ suvi‑i kúvi tu̱ꞌun ya̱ nníꞌinꞌ‑ó ne̱ tiempúꞌ xíꞌnañúꞌún ya̱ nka̱jiéꞌé ni̱nu̱ꞌ iniꞌ‑ó.