Efesios 3:6 - Mixteco del suroeste de Tlaxiaco Oaxaca

⁶ Jee tu̱ꞌun ya̱ níyo yuꞌuꞌ iniꞌ re̱ꞌ jee nstúvi re̱ꞌ maa vitan ví yaꞌá: Tu̱ꞌun váꞌa jie̱ꞌe̱ꞌ Cristo sáꞌá ya̱ ñɨvɨ rá inka nación, ya̱ ntu kúvi ñɨvɨ Israel, ɨɨn nuún ni ta̱ꞌvi̱ꞌ ni̱ꞌi̱nꞌ ráa jín rá ñɨvɨ Israel, jee ɨɨn ni nnuvi ráa kuéntáꞌ ɨɨn yɨkɨkúñu, jee ɨɨn nuún ni ni̱ꞌi̱nꞌ ráa ya̱ nchi̱sóyuꞌú re̱ꞌ, jie̱ꞌe̱ꞌ yɨ́ꞌɨ́ ráa nu̱u̱nꞌ Cristo Jesús.

Efesios 3:6 ပူးပေါင်းရင်းမြစ်များ

1 Corintios 12:12

Chi kuéntáꞌ ɨɨn yɨkɨkúñu métúꞌún ɨɨn ni ví‑i jee kue̱ꞌe̱ꞌ rá pedasúꞌ íyó nu̱u̱nꞌ yɨkɨkúñu vá, jee sú íyó kue̱ꞌe̱ꞌ rá pedasúꞌ soo ntáká ráa yɨ́ꞌɨ́ nu̱u̱nꞌ ɨɨn ni yɨkɨkúñu. Jee suni sukuán yɨ́ꞌɨ́‑ó nu̱u̱nꞌ Cristo.

1 Corintios 12:27

Jee ránoꞌó ranika̱ꞌ chi kúvi rán yɨkɨkúñu Cristo, chi yɨ́ꞌɨ́ rán nu̱u̱nꞌ re̱ꞌ, jee ta ɨɨn ta ɨɨn‑ó kúvi‑ó pedasúꞌ yɨkɨkúñu re̱ꞌ.

Gálatas 3:14

Saáva nchu̱náán nkáꞌnú Cristo Jesús suꞌva, sáva saꞌá Ndiosíꞌ ya̱ netuꞌ kuvi ñɨvɨ nta̱ká nación ya̱ yɨ́ꞌɨ́ nu̱u̱nꞌ Cristo Jesús, ya̱ nchi̱sóyuꞌú Ndiosíꞌ nu̱u̱nꞌ Abraham ya̱ saꞌá re̱ꞌ ya̱ netuꞌ kuvi ráa. Jee sáva ni̱ꞌi̱nꞌ‑ó Ta̱chi̱ꞌ Ííꞌ ya̱ nchi̱sóyuꞌú re̱ꞌ ya̱ taji re̱ꞌ nu̱u̱nꞌ‑ó jie̱ꞌe̱ꞌ kúneí iniꞌ‑ó re̱ꞌ.

Gálatas 5:24

Saájee rá ñɨvɨ yɨ́ꞌɨ́ nu̱u̱nꞌ Cristo Jesús, ñaꞌniꞌ ráa ya̱ níyo néꞌén iniꞌ ráa nu̱u̱nꞌ kurúsiꞌ, jín ne̱ ya̱ néꞌén ya̱ nóꞌónꞌ iniꞌ ráa saꞌá ráa, jín ne̱ ya̱ néꞌén ya̱ tíntɨ́ ráa.

Efesios 3:3

Chi nsa̱ꞌá Ndiosíꞌ ya̱ nku̱káꞌnú iniꞌ ni̱ꞌ tu̱ꞌun íyó yuꞌuꞌ iniꞌ re̱ꞌ, chi nstúvi re̱ꞌ maa nu̱u̱nꞌ ni̱ꞌ, kuéntáꞌ kua̱ꞌ ya̱ ntee ni̱ꞌ yakuꞌ ni tu̱ꞌun nu̱u̱nꞌ rán jie̱ꞌe̱ꞌ yaꞌá.

Efesios 5:30

Chi yɨ́ꞌɨ́‑ó nu̱u̱nꞌ re̱ꞌ kuéntáꞌ kúvi‑ó pedasúꞌ yɨkɨkúñu re̱ꞌ.

Efesios 5:7

Jee koto kívɨ rán jín ráa nu̱u̱nꞌ tiñu niváꞌa sáꞌá ráa.

Colosenses 2:19

Chi ntu̱ví íñɨ́ ráa jín Cristo, ya̱ yósóꞌ‑o nu̱u̱nꞌ‑ó kuéntáꞌ kúvi re̱ꞌ xi̱ni̱ꞌ nu̱u̱nꞌ‑ó. Jee kúvi‑ó kuéntáꞌ yɨkɨkúñu re̱ꞌ, chi náketáꞌán‑ó jín re̱ꞌ, kuéntáꞌ nééꞌ táꞌán yɨkɨkúñu jín xi̱ni̱ꞌ jín rá nu̱u̱nꞌ ñútáꞌán jín rá tu̱chi fuersáꞌ. Jee táji re̱ꞌ ya̱ jíniñúꞌún‑ó sáva kujia iniꞌ‑ó sáni síkuéꞌnu Ndiosíꞌ yó.

1 Juan 1:3

Jee ya̱ niniꞌ jínúunꞌ ráníꞌ, jín ya̱ nteso̱ꞌo ránꞌ ya̱ nkaꞌanꞌ re̱ꞌ, jee suvi‑i vá káchítu̱ꞌún ránꞌ nu̱u̱nꞌ ránú, sáva unuún koo iniꞌ ránú jín ránuꞌuꞌ. Jee íyó unuún nijia iniꞌ‑ó jín Tátáꞌ‑ó Ndiosíꞌ jín Se̱ꞌya re̱ꞌ Jesús ya̱ níso re̱ꞌ tiñu Cristo.

1 Juan 2:25

Jee yaꞌá kúvi tu̱ꞌun na̱a̱ꞌ ya̱ nchi̱sóyuꞌú Ndiosíꞌ nu̱u̱nꞌ‑ó: ya̱ kutekuꞌ‑ó jín re̱ꞌ nɨ́ɨ́nkání.