Efesios 3:19 - Mixteco del suroeste de Tlaxiaco Oaxaca

¹⁹ Jee suni sukuán jíkánꞌ táꞌvíꞌ ni̱ꞌ ya̱ kuniꞌ va̱ꞌa rán jie̱ꞌe̱ꞌ tu̱ꞌun ñúnúunꞌ Cristo yó, ya̱ ntántúníꞌ nasɨ́kuitɨꞌ ka̱ꞌ jiáꞌa‑a nu̱u̱nꞌ nɨꞌɨ, ya̱ nsú kua̱ꞌ kenta‑ó ki̱ku̱ꞌun iniꞌ‑ó nɨꞌɨ‑ɨ. Sukuán jíkánꞌ táꞌvíꞌ ni̱ꞌ sáva kua̱íyó ya̱ íyó Ndiosíꞌ kukánáa ánímaꞌ rán ne̱ natɨɨn rán iniꞌ maáréꞌ.

Efesios 3:19 ပူးပေါင်းရင်းမြစ်များ

Mateo 5:6

Na̱ ka̱ꞌ netuꞌ ka̱ꞌ kúvi rá ñɨvɨ ya̱ va̱ne̱ꞌ jíso̱ko iniꞌ ráa, jín ya̱ va̱ne̱ꞌ jíchíꞌ iniꞌ ráa ya̱ ñúꞌún iniꞌ ráa kino̱o na̱a̱ꞌ ráa nu̱u̱nꞌ Ndiosíꞌ, chi ne̱kuva̱ꞌa iniꞌ ráa saꞌá Ndiosíꞌ ya̱ kino̱o na̱a̱ꞌ ráa nu̱u̱nꞌ re̱ꞌ.

Juan 1:16

Chi ntántúníꞌ ya̱ váꞌa íyó nu̱u̱nꞌ re̱ꞌ, jee nu̱u̱nꞌ nɨꞌɨ vá níꞌínꞌ nta̱ká‑ó maa, jee sukuáni sukuáni kúváꞌa iniꞌ re̱ꞌ chíneí re̱ꞌ yó.

Juan 17:3

Jee suꞌva kúvi ya̱ kutekuꞌ ñɨvɨ nɨ́ɨ́nkání jín‑ó: ya̱ kuniꞌ ráa iniꞌ noꞌó, ya̱ métúꞌún maánú vá kúvi nijia maá Ndiosíꞌ nijia, jín ya̱ suni kuniꞌ ráa iniꞌ nuꞌuꞌ, ya̱ maáníꞌ vá kúvi Jesús ya̱ níso ni̱ꞌ tiñu Cristo ya̱ nchu̱ichí nú nuꞌuꞌ va̱ji ni̱ꞌ jín tiñu ntaji nú níso ni̱ꞌ.

Romanos 8:35

¿Né ɨɨn vá kuneí‑i saꞌá sɨ́ɨ́n‑ɨ yó nu̱u̱nꞌ ya̱ ñúnúunꞌ Cristo yó, résa? ¿Á tu̱nóꞌó, áxí tu̱nkuíꞌyáꞌ iniꞌ, áxí ya̱ jíto u̱ꞌvi̱ꞌ ñɨvɨ yó, áxí ta̱ma̱ꞌ, áxí ya̱ kúmániꞌ saꞌma kuꞌun‑ó, áxí sáá táꞌánꞌ‑ó tu̱nóꞌó íyó i̱yo, áxí kaꞌniꞌ ñɨvɨ yó jín yuchiꞌ espada, résa? ¡Ntu̱ví kuitɨꞌ!

Romanos 8:39

ni ya̱ íyó súkún, ni ya̱ íyó nu̱u̱nꞌ kúnú, ni ɨɨn inka ka̱ꞌ ya̱ nsa̱ꞌá Ndiosíꞌ maa, ni nkúvi saꞌá sɨ́ɨ́n‑ɨ yó nu̱u̱nꞌ ya̱ ñúnúunꞌ Ndiosíꞌ yó, jie̱ꞌe̱ꞌ yɨ́ꞌɨ́‑ó nu̱u̱nꞌ I̱toꞌoꞌ‑ó Cristo Jesús.

2 Corintios 5:14

Chi jie̱ꞌe̱ꞌ ya̱ ñúnúunꞌ Cristo yó ví ya̱ tétuvi‑i ránuꞌuꞌ ya̱ kɨtíñú ránꞌ nu̱u̱nꞌ re̱ꞌ. Jee ya̱ nku̱túníꞌ iniꞌ ránꞌ yaꞌá, ya̱ Cristo ni̱ꞌi̱ꞌ jie̱ꞌe̱ꞌ kua̱íyó ñɨvɨ jee saáva íyó kuéntáꞌ níꞌiꞌ nta̱ká‑ó jín re̱ꞌ.

Gálatas 2:20

Taꞌanꞌ ni̱ꞌ níꞌiꞌ ni̱ꞌ nu̱u̱nꞌ kurúsiꞌ jín Cristo. Saáva nsú káꞌ nuꞌuꞌ ví ya̱ tékúꞌ, chi maá Cristo ví ya̱ tékúꞌ iniꞌ ni̱ꞌ. Jee ni tékúꞌ ni̱ꞌ iniꞌ yɨkɨkúñu ni̱ꞌ yaꞌá, jee jiáꞌnu ni̱ꞌ ichi jie̱ꞌe̱ꞌ kúneí iniꞌ ni̱ꞌ Se̱ꞌya Ndiosíꞌ. Chi Cristo ví ya̱ ñúnúunꞌ re̱ꞌ nuꞌuꞌ jee nna̱sokoꞌ re̱ꞌ maáréꞌ ya̱ níꞌiꞌ re̱ꞌ jie̱ꞌe̱ꞌ ya̱ váꞌa kuvi ni̱ꞌ.

Efesios 1:23

Jee maáórán kúvi‑ó yɨkɨkúñu re̱ꞌ, chi nɨꞌɨ ya̱ íyó Cristo kukánáa ánímaꞌ‑ó ne̱ natɨɨn iniꞌ maáréꞌ. Jee maáréꞌ íyó chitú nɨ́ɨ́nkáꞌnú nu̱u̱nꞌ nɨꞌɨ ya̱ íyó, sáva koo nɨꞌɨ sáni kuíni re̱ꞌ.

Efesios 3:18

sáva ránoꞌó jín ntáká rá inka ñɨvɨ ya̱ nsa̱ꞌá sɨ́ɨ́n Ndiosíꞌ ráa kuvi ráa ñɨvɨ re̱ꞌ, jee kuvi ki̱ku̱ꞌun va̱ꞌa iniꞌ rán ya̱ ntántúníꞌ ñúnúunꞌ Cristo yó, níkáꞌ‑a, kání‑i, súkún‑u, kúnú‑u, sukuán ñúnúunꞌ re̱ꞌ yó.

Efesios 5:2

Jee íyó kueꞌnu rán jín tu̱ꞌun ñúnúunꞌ táꞌán, kuéntáꞌ suni ñúnúunꞌ Cristo yó, jee nna̱ku̱ꞌva re̱ꞌ maáréꞌ jie̱ꞌe̱ꞌ‑ó, chi nso̱ko̱ꞌ re̱ꞌ maáréꞌ nu̱u̱nꞌ Ndiosíꞌ ni̱ꞌi̱ꞌ re̱ꞌ jie̱ꞌe̱ꞌ‑ó. Yukuán kúvi kuéntáꞌ ɨɨn xikoꞌ jiáꞌánꞌ vi̱xi̱ꞌ ya̱ téñuꞌunꞌ maa nu̱u̱nꞌ Ndiosíꞌ. Jee kúváꞌa iniꞌ Ndiosíꞌ néꞌyá re̱ꞌ maa.

Efesios 5:25

Jee rá te̱e ya̱ kúvi yɨɨ́, íyó kunu̱u̱nꞌ ráa ñasɨ́ꞌɨ́ ráa, kuéntáꞌ kua̱ꞌ nñunu̱u̱nꞌ Cristo yó ya̱ kúneí iniꞌ‑ó re̱ꞌ, jee nna̱ku̱ꞌva re̱ꞌ maáréꞌ ni̱ꞌi̱ꞌ re̱ꞌ jie̱ꞌe̱ꞌ‑ó.

Filipenses 1:7

Na̱a̱ꞌ vá jiáni iniꞌ ni̱ꞌ suꞌva jie̱ꞌe̱ꞌ nta̱ká rán, chi ñúꞌún víꞌí iniꞌ ni̱ꞌ néꞌyá ni̱ꞌ ránoꞌó, chi íyó mániꞌ iniꞌ Ndiosíꞌ néꞌyá re̱ꞌ nta̱ká‑órán, ya̱ chíneí chituvi re̱ꞌ yó, sáva chíneí táꞌán nta̱ká rán jín ni̱ꞌ, sáá núꞌníꞌ ni̱ꞌ iniꞌ veka̱a, jín sáá náma ni̱ꞌ tu̱ꞌun va̱ꞌa Jesús, jín sáá sánáaꞌ ni̱ꞌ ya̱ na̱a̱ꞌ ví tu̱ꞌun vá.

Filipenses 4:7

Jee nu̱u̱nꞌ sáꞌá rán sukuán taji Ndiosíꞌ ya̱ kuneeꞌ va̱ꞌa rán. Jee saꞌ víꞌí káꞌ taji re̱ꞌ sukuán ya̱ ntu kúvi ki̱ku̱ꞌun iniꞌ ñɨvɨ maa. Jee ya̱ kuneeꞌ va̱ꞌa rán vá kúmí‑i ánímaꞌ rán jín antúníꞌ rán, jie̱ꞌe̱ꞌ yɨ́ꞌɨ́ rán nu̱u̱nꞌ Cristo Jesús.

Colosenses 1:10

Suꞌva jíkánꞌ táꞌvíꞌ ránꞌ nu̱u̱nꞌ Ndiosíꞌ, sáva kaka na̱a̱ꞌ rán sánikua̱ꞌ íyó kueꞌnu ñɨvɨ ya̱ yɨ́ꞌɨ́ ráa nu̱u̱nꞌ I̱toꞌoꞌ‑ó, sáva suꞌva sukuáni kuva̱ꞌa iniꞌ re̱ꞌ kune̱ꞌyá re̱ꞌ na̱sa jíka rán. Jee suꞌva saꞌá rán nta̱ká tiñu váꞌa, kuéntáꞌ ɨɨn yutun jiáꞌa ya̱ vixíꞌ váꞌa. Jee kukueꞌeꞌ ka̱ꞌ kukáꞌnú noo iniꞌ rán na̱sa iniꞌ Ndiosíꞌ.

1 Pedro 1:8

Maáréꞌ ví ya̱ ñúnúunꞌ rán re̱ꞌ súnika̱ꞌ ntu jíníꞌ jínúunꞌ rán re̱ꞌ, jee jínúꞌ iniꞌ rán re̱ꞌ sú ntu néꞌyá rán re̱ꞌ vitan jee ne̱ sɨ̱ɨ̱ꞌ kúvi iniꞌ rán kúsɨ́ɨꞌ iniꞌ rán ya̱ ntántúníꞌ nasɨ́kuitɨꞌ viiꞌ ya̱ ni ntu kúvi ni̱ꞌi̱nꞌ rán ka̱ꞌ tu̱ꞌun na̱ja vá kachiꞌ rán maa.

2 Pedro 3:18

Chisaꞌ íyó kujia iniꞌ rán kueꞌnu rán jín Jesús ya̱ kúvi Cristo ya̱ máníꞌ iniꞌ re̱ꞌ chineí re̱ꞌ ka̱ꞌ ránoꞌó jee íyó kujia iniꞌ rán ka̱ꞌ jín tu̱ꞌun re̱ꞌ sáva kuniꞌ rán ka̱ꞌ iniꞌ re̱ꞌ. Jesús ví ya̱ nna̱tavaꞌ re̱ꞌ yó nu̱u̱nꞌ kua̱chi‑ó nsi̱káku re̱ꞌ yó. Nákuetúꞌún‑ó re̱ꞌ vitan jín nɨ́ɨ́nkání. Sukuán koo. Amén.