Efesios 3:16 - Mixteco del suroeste de Tlaxiaco Oaxaca

¹⁶ Jee jíkánꞌ táꞌvíꞌ ni̱ꞌ nu̱u̱nꞌ Ndiosíꞌ, ya̱ nachituvi Ta̱chi̱ꞌ Ííꞌ re̱ꞌ iniꞌ ránoꞌó, jín fuersáꞌ ííꞌ Ndiosíꞌ sáni ntántúníꞌ kúñáꞌnú re̱ꞌ.

Efesios 3:16 ပူးပေါင်းရင်းမြစ်များ

Mateo 6:13

Jee koto chuꞌun nú ichi ránuꞌuꞌ kininkava ránꞌ sikúvi iniꞌ ráníꞌ nu̱u̱nꞌ kua̱chi. Jee sikáku nú ránuꞌuꞌ nu̱u̱nꞌ ya̱ níváꞌa, [chi maánú kúvi ya̱ tátúníꞌ nu̱u̱nꞌ kua̱íyó, jee níso nú fuersáꞌ ííꞌ níꞌinꞌ, jee viiꞌ nasɨ́kuitɨꞌ kúñáꞌnú nú nɨ́ɨ́nkání. Sukuán koo, Amén.] Sukuán kachiꞌ ránú.

Romanos 2:29

Chisaꞌ ñɨvɨ Israel nijia jee ne̱ ánímaꞌ‑a kúvi‑i vá. Jee tiñu sáꞌá Ta̱chi̱ꞌ Ííꞌ Ndiosíꞌ iniꞌ ánímaꞌ ñɨvɨ ví circuncisión nijia ya̱ kúvi seña ya̱ stúvi ya̱ kúvi‑i ñɨvɨ Ndiosíꞌ jee nsú jie̱ꞌe̱ꞌ nánukú ráa sikúnkuvi ráa ley ya̱ níso nu̱u̱nꞌ Tutuꞌ Ííꞌ. Jee ñɨvɨ sukuán, nsú rá ñɨvɨ nákuetúꞌún maa, chisaꞌ ne̱ nu̱u̱nꞌ Ndiosíꞌ va̱ji ya̱ nákuetúꞌún re̱ꞌ maa.

Romanos 7:22

Chi ne̱ ánímaꞌ ni̱ꞌ kúsɨ́ɨꞌ iniꞌ ni̱ꞌ néꞌyá ni̱ꞌ ley tátúníꞌ Ndiosíꞌ.

Romanos 9:23

Jee sukuán neí káꞌnú íyó iniꞌ re̱ꞌ sáva sikúkáꞌnú re̱ꞌ iniꞌ kua̱íyó ya̱ viiꞌ nasɨ́kuitɨꞌ kúñáꞌnú re̱ꞌ. Sukuán sáꞌá re̱ꞌ jín‑ó ya̱ nku̱náꞌví iniꞌ re̱ꞌ yó, ya̱ nsa̱ꞌá túꞌva re̱ꞌ yó ne̱ xíꞌna ka̱ꞌ sáva saꞌá re̱ꞌ ya̱ kuñáꞌnú‑ó jín re̱ꞌ.

1 Corintios 16:13

Nito koo rán, kuiñɨ ni̱ꞌin rán kuneí iniꞌ rán Cristo, sáneí rán iniꞌ rán, jee tiɨ́kɨ́ koo iniꞌ rán.

2 Corintios 12:9

Soo nkachiꞌ re̱ꞌ nu̱u̱nꞌ ni̱ꞌ: “Íyó nñátin nu̱u̱nꞌ nú ya̱ ma̱ni̱ꞌ iniꞌ ni̱ꞌ néꞌyá ni̱ꞌ noꞌó, ya̱ chíneí chítuvi ni̱ꞌ noꞌó, chi fuersáꞌ ííꞌ ni̱ꞌ síjínu tiñu ni̱ꞌ iniꞌ ñɨvɨ ya̱ táyáꞌ iniꞌ‑i ne̱ tu̱vi nijinꞌ nijia”, nkachiꞌ I̱toꞌoꞌ‑ó. Saáva kúsɨ́ɨꞌ iniꞌ ni̱ꞌ kaꞌanꞌ téyɨ́ɨ́ ni̱ꞌ jie̱ꞌe̱ꞌ táyáꞌ iniꞌ maáníꞌ, sáva sátíñú fuersáꞌ ííꞌ Cristo iniꞌ ni̱ꞌ.

2 Corintios 4:16

Saáva, ntu̱ví núun iniꞌ‑ó. Súka̱ꞌ kua̱nɨꞌɨ nijia yɨkɨkúñu‑ó, soo vitan nteenꞌ nújiáá ánímaꞌ‑ó sáꞌá Ndiosíꞌ.

Efesios 1:18

Jee suni jíkánꞌ táꞌvíꞌ ni̱ꞌ ya̱ stúúnꞌ Ndiosíꞌ antúníꞌ rán sáva kuniꞌ rán jie̱ꞌe̱ꞌ ná kúvi ta̱ꞌvi̱ꞌ ya̱ nétu rán íyó tu̱neí iniꞌ rán ni̱ꞌi̱nꞌ rán. Jie̱ꞌe̱ꞌ ta̱ꞌvi̱ꞌ vá nkana re̱ꞌ yó sáva ni̱ꞌi̱nꞌ‑ó maa, ya̱ kúvi ta̱ꞌvi̱ꞌ máá yɨ́yáꞌvi máá viiꞌ kúñáꞌnú ya̱ taji re̱ꞌ nu̱u̱nꞌ‑ó, ya̱ kúvi‑ó ñɨvɨ ya̱ nsa̱ꞌá sɨ́ɨ́n re̱ꞌ yó sáva kɨꞌɨ‑ó nu̱u̱nꞌ Cristo.

Efesios 1:7

Jee ni̱ꞌi̱ꞌ Cristo nu̱u̱nꞌ kurúsiꞌ jee ñatɨ ni̱ñɨ̱ꞌ re̱ꞌ sáva chunáán nkáꞌnú re̱ꞌ nu̱u̱nꞌ Ndiosíꞌ jie̱ꞌe̱ꞌ kua̱chi‑ó sáva nakani núne re̱ꞌ yó ya̱ nkɨ́ꞌɨ‑ó ka̱ꞌ nu̱u̱nꞌ kua̱chi‑ó, jie̱ꞌe̱ꞌ yɨ́ꞌɨ́‑ó nu̱u̱nꞌ Cristo. Jee suꞌva nékáꞌnú iniꞌ Ndiosíꞌ yó, sánikua̱ꞌ ntántúníꞌ nasɨ́kuitɨꞌ íyó mániꞌ iniꞌ re̱ꞌ néꞌyá re̱ꞌ yó,

Efesios 2:7

Jee nsa̱ꞌá re̱ꞌ sukuán sáva stúvi nu̱u̱nꞌ rá ñɨvɨ tiempúꞌ kiji ichinúúnꞌ ka̱ꞌ ya̱ na̱ ka̱ꞌ ntántúníꞌ ka̱ꞌ íyó mániꞌ iniꞌ re̱ꞌ ya̱ ñúnkúún iniꞌ re̱ꞌ néꞌyá re̱ꞌ yó, jie̱ꞌe̱ꞌ yɨ́ꞌɨ́‑ó nu̱u̱nꞌ Cristo Jesús.

Efesios 3:15

Jee nu̱u̱nꞌ re̱ꞌ va̱ji ntáká tataꞌ yó ñɨvɨ ya̱ ya nééꞌ antivɨ́ súkún jín iniꞌ ñɨ̱vɨ́ yaꞌá.

Efesios 3:8

Sú núun ka̱ꞌ kúñáꞌnú ni̱ꞌ nu̱u̱nꞌ nɨꞌɨ rá ñɨvɨ núun ka̱ꞌ kúñáꞌnú ráa ya̱ nsa̱ꞌá sɨ́ɨ́n Ndiosíꞌ ráa sáva kuvi ráa ñɨvɨ re̱ꞌ. Soo nsi̱kútaꞌviꞌ re̱ꞌ tiñu vá nu̱u̱nꞌ ni̱ꞌ ya̱ kachitu̱ꞌún ni̱ꞌ tu̱ꞌun váꞌa re̱ꞌ nu̱u̱nꞌ rá ñɨvɨ ya̱ ntu kúvi ñɨvɨ Israel. Tu̱ꞌun vá ví ya̱ ntántúníꞌ yɨ́yáꞌvi nasɨ́kuitɨꞌ ka̱ꞌ ví Cristo jín rá táji re̱ꞌ nu̱u̱nꞌ‑ó. Jee ni nsáꞌ kenta ki̱ku̱ꞌun iniꞌ‑ó nɨꞌɨ tu̱ꞌun vá.

Efesios 6:10

Jee íyó inka ka̱ꞌ jie̱ꞌe̱ꞌ tu̱ꞌun kachiꞌ ni nu̱u̱nꞌ ránoꞌó, rá ñaniꞌ ni̱ꞌ jín rá ku̱ꞌva ni̱ꞌ ya̱ yɨ́ꞌɨ́ rán nu̱u̱nꞌ Cristo, íyó koo neí iniꞌ rán jie̱ꞌe̱ꞌ yɨ́ꞌɨ́ rán nu̱u̱nꞌ I̱toꞌoꞌ‑ó, jee nachuꞌun neí rán iniꞌ rán jín fuersáꞌ ííꞌ mánasɨ́ ni̱ꞌin níso re̱ꞌ.

Filipenses 4:13

Kuvi kuiñɨ ni̱ꞌ nu̱u̱nꞌ nta̱ká ya̱ nóꞌo ni̱ꞌ, chi yɨ́ꞌɨ́ ni̱ꞌ nu̱u̱nꞌ Cristo, ya̱ násáneí re̱ꞌ iniꞌ nuꞌuꞌ.

Filipenses 4:19

Jee Ndiosíꞌ ni̱ꞌ taji re̱ꞌ nu̱u̱nꞌ rán nta̱ká ya̱ jíniñúꞌún rán jie̱ꞌe̱ꞌ ya̱ yɨ́ꞌɨ́ rán nu̱u̱nꞌ Cristo Jesús, jee sánikua̱ꞌ kúká re̱ꞌ suꞌva taji re̱ꞌ nu̱u̱nꞌ rán, chi kúká re̱ꞌ jín nta̱ká ya̱ váꞌa ya̱ viiꞌ kúñáꞌnú.

Colosenses 1:11

Jee jíkánꞌ táꞌvíꞌ ránꞌ ya̱ taji re̱ꞌ fuersáꞌ nu̱u̱nꞌ rán, ya̱ váji ne̱ nu̱u̱nꞌ nɨꞌɨ fuersáꞌ ííꞌ níꞌin níso re̱ꞌ, ya̱ na̱ ka̱ꞌ kúñáꞌnú, sáva kuni̱ꞌin rán kaka rán ichi re̱ꞌ jee káꞌnú koo iniꞌ rán.

Colosenses 1:27

Jee nkuini iniꞌ re̱ꞌ ya̱ sikúkáꞌnú re̱ꞌ iniꞌ ráa, ya̱ na̱ ka̱ꞌ viiꞌ kúñáꞌnú yɨ́yáꞌvi ka̱ꞌ ví ya̱ váꞌa, ya̱ níso tu̱ꞌun yuꞌuꞌ yaꞌá, ya̱ jiáꞌa re̱ꞌ nu̱u̱nꞌ rá ñɨvɨ ntu kúvi Israel. Tu̱ꞌun yaꞌá kúvi ya̱ yɨ́ꞌɨ́ Cristo iniꞌ ánímaꞌ rán. Jee saáva íyó tu̱ꞌun neí iniꞌ‑ó ya̱ kuneeꞌ‑ó nɨ́ɨ́nkání jín re̱ꞌ, ya̱ nu̱u̱nꞌ viiꞌ nasɨ́kuitɨꞌ ví‑i.

Colosenses 2:2

Sáꞌá ni̱ꞌ suꞌva sáva nuneí iniꞌ ánímaꞌ rá ñaniꞌ vá, jín sáva nuún koo iniꞌ ráa jie̱ꞌe̱ꞌ ñúnúunꞌ ráa ɨɨn inka rá táꞌán ráa. Jee sáva kuéntáꞌ kukúká ráa ya̱ kino̱o kutú ánímaꞌ ráa, jie̱ꞌe̱ꞌ ki̱ku̱ꞌun iniꞌ ráa Tu̱ꞌun Ndiosíꞌ, sáva kuniꞌ ráa tu̱ꞌun re̱ꞌ ya̱ nyɨ́ꞌɨ se̱ꞌí ne̱ yanaꞌán nékúvi, jee jie̱ꞌe̱ꞌ maá Cristo ví tu̱ꞌun vá.

2 Timoteo 4:17

Soo máá I̱toꞌoꞌ‑ó ni̱ñɨ jín ni̱ꞌ jee nchi̱neí nchituvi re̱ꞌ nuꞌuꞌ, sáva sikúnkuvi ni̱ꞌ kachitu̱ꞌún ni̱ꞌ tu̱ꞌun váꞌa re̱ꞌ, sáva teso̱ꞌo nta̱ká ñɨvɨ ya̱ ntu kúvi Israel maa. Jee nsi̱káku re̱ꞌ nuꞌuꞌ nu̱u̱nꞌ tu̱nóꞌó xinóꞌo ñɨvɨ xe̱e̱nꞌ niva̱ꞌa, kuéntáꞌ kua̱ꞌ réáꞌ nsi̱káku re̱ꞌ nuꞌuꞌ nu̱u̱nꞌ maá yuꞌú nikaꞌa.

Hebreos 11:34

jee nxi̱náꞌváꞌ sava ráa ñuꞌunꞌ xéénꞌ, jee sava ráa nka̱ku ráa ya̱ ntu ñáꞌníꞌ ñɨvɨ ráa jín yuchiꞌ espada, jee sava ráa táyáꞌ iniꞌ ráa jee nnu̱nakuiꞌ ráa nsa̱ꞌá Ndiosíꞌ, jee nnu̱nakuiꞌ téyɨ́ɨ́ sava ráa nu̱u̱nꞌ nka̱ntáꞌán ráa, jee nku̱neí ráa nta̱níkɨ́nꞌ ráa ejército ya̱ kúvi to̱ꞌo̱ꞌ,

1 Pedro 3:4

Chisaꞌ íyó nasikútú rán maárán jín ya̱ váꞌa viiꞌ ya̱ ñúꞌún yuꞌuꞌ ne̱ ánímaꞌ rán, ya̱ ni nsáꞌ náánꞌ‑a, yukuán kúvi ya̱ viiꞌ ñunkúún iniꞌ rán jee kuꞌun másúꞌ vi̱tá iniꞌ ánímaꞌ rán, chi suvi‑i vá yɨ́yáꞌvi nasɨ́kuitɨꞌ nu̱u̱nꞌ Ndiosíꞌ.