Efesios 2:8 - Mixteco del suroeste de Tlaxiaco Oaxaca

⁸ Chi jie̱ꞌe̱ꞌ ya̱ íyó mániꞌ iniꞌ Ndiosíꞌ néꞌyá re̱ꞌ ránoꞌó jee nna̱tavaꞌ re̱ꞌ ránoꞌó nu̱u̱nꞌ kua̱chi rán nsi̱káku re̱ꞌ ránoꞌó jie̱ꞌe̱ꞌ ya̱ kúneí iniꞌ rán Cristo, sú ntu íyó ni̱ꞌi̱nꞌ rán maa. Soo nsú ránoꞌó sáꞌá maa, chisaꞌ kúvi‑i ta̱ꞌvi̱ꞌ nsi̱kútaꞌviꞌ Ndiosíꞌ nu̱u̱nꞌ rán.

Efesios 2:8 ပူးပေါင်းရင်းမြစ်များ

Mateo 16:17

Saájee nkachiꞌ Jesús: ―Na̱ ka̱ꞌ netuꞌ ka̱ꞌ kúvi nú Simón, se̱ꞌya Jonás, chi ni ɨɨn ñɨvɨ ñunéꞌyúꞌ ntu̱ví nstúvi maa nu̱u̱nꞌ nú, chisaꞌ máá Tátáꞌ ni̱ꞌ Ndiosíꞌ ya̱ nééꞌ re̱ꞌ antivɨ́ súkún, ví ya̱ nstúvi maa nu̱u̱nꞌ noꞌó.

Mateo 20:9

’Jee sáá nkenta rá musúꞌ ya̱ nki̱vɨ sátíñú ne̱ kau̱ꞌu̱nꞌ yánini, jee ta ɨɨn ráa nni̱ꞌi̱nꞌ ɨɨn ɨɨn ya̱ꞌvi ya̱ ɨɨn ki̱vɨ̱ꞌ.

Marcos 16:16

Ɨɨn ñɨvɨ ya̱ kuneí iniꞌ‑i tu̱ꞌun vá, jee kuanuté‑e, jee natavaꞌ Ndiosíꞌ maa nu̱u̱nꞌ kua̱chi‑i sikáku re̱ꞌ maa. Soo ɨɨn ya̱ ntu kúneí iniꞌ tu̱ꞌun vá, jee sanáaꞌ Ndiosíꞌ si̱kɨ̱ꞌ‑ɨ ya̱ kunoꞌo‑o.

Lucas 7:50

Soo nkachiꞌ Jesús nu̱u̱nꞌ ñaꞌan vá: ―Jie̱ꞌe̱ꞌ ya̱ kúneí iniꞌ nú nuꞌuꞌ, saáva ya̱ nna̱tavaꞌ ni̱ꞌ noꞌó nu̱u̱nꞌ kua̱chi nú nsi̱káku ni̱ꞌ noꞌó. Kuáꞌán va̱ꞌa ne̱ va̱ꞌa kuvi iniꞌ ánímaꞌ nú ―nkachiꞌ Jesús.

Juan 3:36

Jee ñɨvɨ ya̱ kúneí iniꞌ‑i Se̱ꞌya Ndiosíꞌ jee ni̱ꞌi̱nꞌ‑i ya̱ kutekuꞌ‑u nɨ́ɨ́nkání jín Ndiosíꞌ. Soo ñɨvɨ ya̱ ntu káníjiá kuneí iniꞌ‑i Se̱ꞌya Ndiosíꞌ, jee ni nsáꞌ kuniꞌ‑i na̱ kúvi ya̱ kutekuꞌ‑u nɨ́ɨ́nkání jín Ndiosíꞌ.

Juan 4:10

Jee nna̱xiníkó Jesús nu̱u̱nꞌ ña, jee nkachiꞌ re̱ꞌ: ―Retánꞌ jíníꞌ nú ta̱ꞌvi̱ꞌ ya̱ jiáꞌa Ndiosíꞌ nu̱u̱nꞌ ñɨvɨ, jín retánꞌ jíníꞌ nú né ɨɨn kúvi ni̱ꞌ ya̱ káchíꞌ ni̱ꞌ nu̱u̱nꞌ nú ya̱: taji nú xá ntíꞌ nute koꞌo ni̱ꞌ, jee maánú ka̱ka̱nꞌ táꞌvíꞌ nú nu̱u̱nꞌ ni̱ꞌ, jee taji ni̱ꞌ nute nu̱u̱nꞌ nú ya̱ sáꞌá‑a ya̱ kutekuꞌ ñɨvɨ nɨ́ɨ́nkání jín Ndiosíꞌ ―nkachiꞌ Jesús.

Juan 5:24

’Máá nááꞌ vá káchíꞌ ni̱ꞌ nu̱u̱nꞌ rán: Ñɨvɨ ya̱ chúꞌun iniꞌ‑i tu̱ꞌun káchíꞌ ni̱ꞌ, jee kuneí iniꞌ‑i Ndiosíꞌ ya̱ nchu̱ichí nuꞌuꞌ va̱ji ni̱ꞌ, jee ya̱ nni̱ꞌi̱nꞌ ñɨvɨ vá ya̱ kutekuꞌ‑u nɨ́ɨ́nkání jín re̱ꞌ. Nsáꞌ sijíta Ndiosíꞌ maa. Ya nxi̱nóo ñɨvɨ vá ya̱ kuéntáꞌ níꞌiꞌ‑i nu̱u̱nꞌ Ndiosíꞌ jee ya̱ nna̱jia̱ꞌa‑a nu̱u̱nꞌ tékúꞌ‑u nɨ́ɨ́nkání jín Ndiosíꞌ.

Juan 6:35

Jee nkachiꞌ Jesús nu̱u̱nꞌ ráa: ―Nuꞌuꞌ ví i̱xta̱tíláꞌ ya̱ saꞌá ni̱ꞌ ya̱ kutekuꞌ ñɨvɨ nɨ́ɨ́nkání jín Ndiosíꞌ. Jee ɨɨn ñɨvɨ ya̱ nátuꞌva nuꞌuꞌ, jee kuéntáꞌ ni nsáꞌ kujiso̱ko kuitɨꞌ ráa. Jee ɨɨn ñɨvɨ ya̱ kúneí iniꞌ‑i nuꞌuꞌ, jee kuéntáꞌ ni nsáꞌ kujichiꞌ ka̱ꞌ iniꞌ ráa.

Juan 6:37

Chi nta̱ká ñɨvɨ ya̱ táji Tátáꞌ ni̱ꞌ nu̱u̱nꞌ ni̱ꞌ, jee natuꞌva ráa nuꞌuꞌ. Jee ɨɨn ñɨvɨ natuꞌva‑a nuꞌuꞌ ni nsáꞌ sukuíta ni̱ꞌ maa nu̱u̱nꞌ ni̱ꞌ.

Juan 6:40

Chi yaꞌá kúvi ya̱ kuíni Tátáꞌ ni̱ꞌ ya̱ nchu̱ichí nuꞌuꞌ: Nta̱ká ñɨvɨ ya̱ jínúꞌ iniꞌ ráa néꞌyá ráa Se̱ꞌya Ndiosíꞌ, jee kúneí iniꞌ ráa maa, jee kutekuꞌ ráa nɨ́ɨ́nkání jín re̱ꞌ, jee xinátekuꞌ i̱i̱ꞌ ni̱ꞌ ráa jee xinákóo ni̱ꞌ ráa kene ráa nteñu rá níꞌiꞌ ki̱vɨ̱ꞌ nu̱u̱nꞌ nɨ́ꞌɨ. Chi nuꞌuꞌ kuvi ni̱ꞌ Se̱ꞌya Ndiosíꞌ ―nkachiꞌ Jesús.

Juan 6:44

Chi ni ɨɨn ñɨvɨ ni nkúvi natuꞌva‑a nu̱u̱nꞌ nuꞌuꞌ, retú nsáꞌ nástúꞌva Tátáꞌ ni̱ꞌ maa nu̱u̱nꞌ ni̱ꞌ. Tátáꞌ ni̱ꞌ ví ya̱ nchu̱ichí nuꞌuꞌ, jee nástúꞌva re̱ꞌ ñɨvɨ nu̱u̱nꞌ ni̱ꞌ, jee xinákóo ni̱ꞌ maa kene‑e nteñu rá níꞌiꞌ ki̱vɨ̱ꞌ nu̱u̱nꞌ nɨꞌɨ.

Juan 6:65

Jee nkachiꞌ re̱ꞌ: ―Saáva nkachiꞌ ni̱ꞌ nu̱u̱nꞌ rán ya̱ ni ɨɨn ñɨvɨ nkúvi natuꞌva‑a nu̱u̱nꞌ nuꞌuꞌ, retú nsáꞌ jiáꞌa Tátáꞌ ni̱ꞌ nu̱u̱nꞌ ñɨvɨ vá ya̱ natuꞌva‑a nu̱u̱nꞌ ni̱ꞌ ―nkachiꞌ Jesús.

Hechos 13:39

Ntu kúvi kino̱o na̱a̱ꞌ‑ó nu̱u̱nꞌ Ndiosíꞌ jie̱ꞌe̱ꞌ sikúnkuvi‑ó tu̱ꞌun ley nta̱túníꞌ Ndiosíꞌ, ya̱ njia̱ꞌa re̱ꞌ nu̱u̱nꞌ Moisés. Chisaꞌ Jesús sííyo nɨꞌɨ kua̱chi nɨꞌɨ rá ñɨvɨ kúneí iniꞌ ráa re̱ꞌ, jee kino̱o na̱a̱ꞌ ráa nu̱u̱nꞌ Ndiosíꞌ sáꞌá Jesús.

Hechos 14:27

Sáá nnenta i̱i̱ꞌ ráa Antioquía, jee nstútú ráa rá ñɨvɨ ya̱ kúneí iniꞌ rává Jesús. Jee nna̱kani ráa rá nsa̱ꞌá Ndiosíꞌ jín ráa. Jee nna̱kani ráa ya̱ kuéntáꞌ nine Ndiosíꞌ ɨɨn yuvéꞌí, sáva ki̱vɨ rá ñɨvɨ ntu kúvi Israel nu̱u̱nꞌ Ndiosíꞌ, chi suni kúneí iniꞌ ráa Jesús.

Hechos 15:11

Ntu̱ví suꞌva, chi ínúꞌ iniꞌ‑ó ya̱ nátavaꞌ I̱toꞌoꞌ‑ó Jesús yó nu̱u̱nꞌ kua̱chi‑ó nánitáꞌvíꞌ‑ó chi íyó mániꞌ iniꞌ re̱ꞌ néꞌyá re̱ꞌ yó jee síkútaꞌviꞌ re̱ꞌ maa, sánikua̱ꞌ síkútaꞌviꞌ re̱ꞌ maa nu̱u̱nꞌ rá ñɨvɨ ntu kúvi ñɨvɨ Israel ―nkachiꞌ Pedro.

Hechos 16:14

Ɨɨn rá ñaꞌan vá naní Lidia. Xíkó ña saꞌma líꞌí nééꞌ ya̱ꞌvi. Va̱ji ña ne̱ ñuunꞌ Tiatira. Néñu̱ꞌun ña Ndiosíꞌ. Jee tésóꞌo ña, jee nsa̱ꞌá I̱toꞌoꞌ‑ó nkajiaꞌ iniꞌ ña ya̱ ntɨɨn ña rá tu̱ꞌun ya̱ nkachiꞌ Pablo.

Hechos 16:31

Jee nkachiꞌ ráa: ―Kuneí iniꞌ nú I̱toꞌoꞌ‑ó Jesús, jee natavaꞌ Ndiosíꞌ noꞌó nu̱u̱nꞌ kua̱chi nú nanitáꞌvíꞌ nú. Suꞌva nanitáꞌvíꞌ nú jín táꞌán veꞌi nú.

Romanos 10:14

¿Na̱sa kuvi kakua̱chi ráa nu̱u̱nꞌ re̱ꞌ ya̱ ntu nku̱neí iniꞌ ráa re̱ꞌ, résa? Jee, ¿na̱sa kuvi kuneí iniꞌ ráa re̱ꞌ ya̱ ntiáꞌan teso̱ꞌo ráa jie̱ꞌe̱ꞌ re̱ꞌ, résa? Jee, ¿na̱sa kuvi teso̱ꞌo ráa jie̱ꞌe̱ꞌ re̱ꞌ retú ntu íyó ñɨvɨ ya̱ kachitu̱ꞌún ráa jie̱ꞌe̱ꞌ re̱ꞌ, résa?

Romanos 10:17

Saáva kuneí iniꞌ ñɨvɨ Cristo va̱ji jie̱ꞌe̱ꞌ teso̱ꞌo ráa tu̱ꞌun, jee tu̱ꞌun tésóꞌo ráa kúvi tu̱ꞌun váꞌa Ndiosíꞌ jie̱ꞌe̱ꞌ Cristo.

Romanos 4:16

Saáva ni̱ꞌi̱nꞌ ñɨvɨ ta̱ꞌvi̱ꞌ ya̱ nchi̱sóyuꞌú Ndiosíꞌ jie̱ꞌe̱ꞌ ya̱ kúneí iniꞌ ráa re̱ꞌ, sáva kúvi ta̱ꞌvi̱ꞌ vá ya̱ síkútaꞌviꞌ re̱ꞌ nu̱u̱nꞌ‑ó sú ntu íyó ni̱ꞌi̱nꞌ‑ó maa. Síkútaꞌviꞌ re̱ꞌ maa sáva kino̱o kutú ya̱ nchi̱sóyuꞌú re̱ꞌ nu̱u̱nꞌ nta̱ká rá ñɨvɨ ya̱ kúvi ichiyúkúnꞌ Abraham. Soo síkútaꞌviꞌ re̱ꞌ maa nsú kua̱chi kuitɨꞌ nu̱u̱nꞌ rá ñɨvɨ Israel ya̱ yɨ́ꞌɨ́ ráa nu̱u̱nꞌ ley, chisaꞌ suni nu̱u̱nꞌ nta̱ká rá ñɨvɨ ya̱ kúneí iniꞌ ráa Ndiosíꞌ kuéntáꞌ kua̱ꞌ Abraham. Sukuán suvire̱ꞌ kúvi tátáꞌ ntáká‑órán ichinúúnꞌ Ndiosíꞌ.

Romanos 4:5

Soo ɨɨn ñɨvɨ ya̱ ntu̱náꞌ sáꞌá‑a sáva kino̱o na̱a̱ꞌ‑a nu̱u̱nꞌ Ndiosíꞌ soo kúneí iniꞌ ñɨvɨ vá Ndiosíꞌ, saájee nkuna̱a̱ꞌ iniꞌ re̱ꞌ ya̱ kínóo na̱a̱ꞌ‑a nu̱u̱nꞌ re̱ꞌ jie̱ꞌe̱ꞌ kúneí iniꞌ‑i re̱ꞌ. Maá Ndiosíꞌ kúvi re̱ꞌ ya̱ sííyo re̱ꞌ kua̱chi ñɨvɨ ya̱ ntu̱náꞌ nsáꞌá‑a sáva íyó ni̱ꞌi̱nꞌ‑i vá.

Romanos 9:16

Saáva káji Ndiosíꞌ ñɨvɨ nsú jie̱ꞌe̱ꞌ ya̱ kuíni ñɨvɨ ví‑i, ni nsú jie̱ꞌe̱ꞌ ya̱ núnasɨ́ ñɨvɨ ví‑i, chisaꞌ jie̱ꞌe̱ꞌ Ndiosíꞌ ya̱ íyó tu̱náꞌví iniꞌ re̱ꞌ maa.

Gálatas 3:14

Saáva nchu̱náán nkáꞌnú Cristo Jesús suꞌva, sáva saꞌá Ndiosíꞌ ya̱ netuꞌ kuvi ñɨvɨ nta̱ká nación ya̱ yɨ́ꞌɨ́ nu̱u̱nꞌ Cristo Jesús, ya̱ nchi̱sóyuꞌú Ndiosíꞌ nu̱u̱nꞌ Abraham ya̱ saꞌá re̱ꞌ ya̱ netuꞌ kuvi ráa. Jee sáva ni̱ꞌi̱nꞌ‑ó Ta̱chi̱ꞌ Ííꞌ ya̱ nchi̱sóyuꞌú re̱ꞌ ya̱ taji re̱ꞌ nu̱u̱nꞌ‑ó jie̱ꞌe̱ꞌ kúneí iniꞌ‑ó re̱ꞌ.

Gálatas 3:22

Chisaꞌ Tu̱ꞌun Ndiosíꞌ nééꞌ nu̱u̱nꞌ Tutuꞌ Ííꞌ, sánáaꞌ‑a ya̱ nɨꞌɨ ñɨvɨ ñɨ̱vɨ́ yɨ́ꞌɨ́ chi̱ji xi̱ntíín kua̱chi, kuéntáꞌ yɨ́niꞌyuꞌ ráa iniꞌ veka̱a. Sánáaꞌ‑a suꞌva sáva ku̱ꞌva Ndiosíꞌ ya̱ nchi̱sóyuꞌú re̱ꞌ nu̱u̱nꞌ rá ñɨvɨ ya̱ ínúꞌ iniꞌ ráa Jesucristo. Ku̱ꞌva re̱ꞌ maa jie̱ꞌe̱ꞌ kúneí iniꞌ ráa re̱ꞌ.

Efesios 1:19

Jee suni jíkánꞌ táꞌvíꞌ ni̱ꞌ ya̱ kuniꞌ rán na̱ ka̱ꞌ kúñáꞌnú nasɨ́kuitɨꞌ ka̱ꞌ fuersáꞌ ííꞌ níꞌin níso re̱ꞌ, ya̱ sátíñú‑u iniꞌ yó chíneí‑i yó. Maáórán ya̱ kúvi‑ó ñɨvɨ ya̱ kúneí iniꞌ‑ó Cristo ví ya̱ chíneí‑i. Fuersáꞌ ííꞌ vá sátíñú sánikua̱ꞌ máá fuersáꞌ mánasɨ́ ííꞌ re̱ꞌ,

Efesios 2:10

Chi kúvi‑ó ɨɨn tiñu jiáá nsa̱ꞌá Ndiosíꞌ, chi maá Ndiosíꞌ nsa̱ꞌá yó sáá íyó‑ó ntañúꞌún jie̱ꞌe̱ꞌ yɨ́ꞌɨ́‑ó nu̱u̱nꞌ Cristo Jesús. Sáꞌá re̱ꞌ yó sukuán, sáva saꞌá‑ó rá tiñu váꞌa ya̱ ya nsa̱ꞌá túꞌva Ndiosíꞌ sáva kueꞌnu‑ó ichi re̱ꞌ sukuán.

Efesios 2:5

Jee asúnika̱ꞌ nkuvi‑ó kuéntáꞌ ñɨvɨ níꞌiꞌ nu̱u̱nꞌ re̱ꞌ, jie̱ꞌe̱ꞌ ya̱ njia̱ꞌa‑ó nu̱u̱nꞌ ya̱ tátúníꞌ Ndiosíꞌ, soo nsa̱ꞌá re̱ꞌ ya̱ kutekuꞌ‑ó nɨ́ɨ́nkání jín Cristo. (Chi jie̱ꞌe̱ꞌ ya̱ íyó mániꞌ iniꞌ re̱ꞌ néꞌyá re̱ꞌ yó nna̱tavaꞌ re̱ꞌ yó nu̱u̱nꞌ kua̱chi‑ó nsi̱káku re̱ꞌ yó.)

Filipenses 1:29

Chi jie̱ꞌe̱ꞌ Cristo, ntaji Ndiosíꞌ u̱vi̱ꞌ tiñu váꞌa nu̱u̱nꞌ rán: nsáꞌ kua̱chi ntaji re̱ꞌ ya̱ ínúꞌ iniꞌ rán Cristo, chi suni ntaji re̱ꞌ ya̱ kunoꞌo rán jie̱ꞌe̱ꞌ Cristo.

Colosenses 2:12

Jee ya ña̱nuté rán kúvi kuéntáꞌ ni̱ꞌi̱ꞌ rán jee nyɨse̱ꞌí rán jín Cristo, sáá ni̱ꞌi̱ꞌ re̱ꞌ jee nyɨꞌɨ se̱ꞌí re̱ꞌ. Jee sukuán jee suni kuéntáꞌ nxi̱nátekuꞌ i̱i̱ꞌ Ndiosíꞌ ránoꞌó jín Cristo, jie̱ꞌe̱ꞌ kúneí iniꞌ rán fuersáꞌ ííꞌ ni̱ꞌin níso Ndiosíꞌ. Fuersáꞌ ííꞌ vá ví ya̱ ña̱tíñú re̱ꞌ sáva nxi̱nátekuꞌ i̱i̱ꞌ re̱ꞌ Cristo jee nxi̱nákóo re̱ꞌ maa jín yɨkɨkúñu‑u nteñu rá níꞌiꞌ.

2 Tesalonicenses 1:9

Jee rá ñɨvɨ vá kunoꞌo nkáꞌnú ráa tu̱nóꞌó ya̱ ji̱ta ráa nɨ́ɨ́nkání, chi kusɨ́ɨ́n ráa nu̱u̱nꞌ I̱toꞌoꞌ‑ó, jín nu̱u̱nꞌ fuersáꞌ ííꞌ re̱ꞌ ya̱ viiꞌ kúñáꞌnú re̱ꞌ.

Hebreos 6:4

Chi íyó rá ñɨvɨ ya̱ ré nkuvi nstu̱únꞌ Ndiosíꞌ antúníꞌ ráa ya̱ ña̱ku̱ꞌun iniꞌ ráa tu̱ꞌun re̱ꞌ, jín ya̱ ñaꞌnu ráa nu̱u̱nꞌ ta̱ꞌvi̱ꞌ ya̱ jiáꞌa Ndiosíꞌ ya̱ nééꞌ antivɨ́, jín ya̱ ni̱ꞌi̱nꞌ ráa sátíñú Ta̱chi̱ꞌ Ííꞌ Ndiosíꞌ iniꞌ ráa,

1 Pedro 1:5

Chi jie̱ꞌe̱ꞌ ya̱ kúneí iniꞌ rán ya̱ sáꞌá Ndiosíꞌ jie̱ꞌe̱ꞌ rán, saáva kúmí re̱ꞌ ránoꞌó jín fuersáꞌ ííꞌ ni̱ꞌin re̱ꞌ sáva ni̱ꞌi̱nꞌ rán xinánitáꞌvíꞌ re̱ꞌ ránoꞌó ya̱ íyó stákoo‑o nsa̱ꞌá re̱ꞌ sáva stúvi nijinꞌ re̱ꞌ maa sáá kenta tióꞌ nu̱u̱nꞌ nɨ́ꞌɨ.