Efesios 2:19 - Mixteco del suroeste de Tlaxiaco Oaxaca

¹⁹ Jee saáva ntu ka̱ꞌ kúvi rán to̱ꞌo̱ꞌ ni ñɨvɨ váji íká, chisaꞌ se̱ꞌya ñuunꞌ Ndiosíꞌ kúvi rán jín rá ñɨvɨ nsa̱ꞌá sɨ́ɨ́n re̱ꞌ sáva kúvi rán ñɨvɨ re̱ꞌ, jee kúvi rán ñɨvɨ táꞌán veꞌi Ndiosíꞌ.

Efesios 2:19 ပူးပေါင်းရင်းမြစ်များ

Mateo 10:25

Jee te̱e ya̱ kútúꞌva, íyó va̱ꞌani ya̱ kuvi re̱ꞌ kuéntáꞌ kua̱ꞌ mestrúꞌ re̱ꞌ. Jee suni sukuán ɨɨn musúꞌ, suni íyó va̱ꞌani retú kuvi re̱ꞌ kuéntáꞌ kua̱ꞌ i̱toꞌoꞌ‑o. Saáva retú kachiꞌ rá ñɨvɨ ya̱ i̱toꞌoꞌ xí veꞌi ví Beelzebú, ya̱ kúvi kui̱ꞌna̱ꞌ kúñáꞌnú, jee si̱kɨ̱ꞌ ká kaꞌanꞌ niva̱ꞌa ráa kune̱ꞌyá ráa rá ñɨvɨ táꞌán veꞌi re̱ꞌ.

Gálatas 6:10

Saáva sáá kénta íyó, jee saꞌá‑ó ya̱ váꞌa nu̱u̱nꞌ nɨꞌɨ. Jee ya̱ ñáꞌnú ka̱ꞌ vá íyó saꞌá‑ó ya̱ váꞌa nu̱u̱nꞌ rá ñanitáꞌán‑ó ya̱ kúneí iniꞌ ráa Jesús.

Efesios 2:12

jee ntu̱ví níyo rán jín Cristo nékúvi. Kúvi rán to̱ꞌo̱ꞌ sɨ́ɨ́n nu̱u̱nꞌ ñuunꞌ Israel, ya̱ nka̱ji Ndiosíꞌ ráa. Jee ntu̱ví yɨ́ꞌɨ́ rán nu̱u̱nꞌ tratúꞌ ya̱ nsa̱ꞌá Ndiosíꞌ jín rá ñɨvɨ re̱ꞌ ya̱ nchi̱sóyuꞌú re̱ꞌ ya̱ váꞌa saꞌá re̱ꞌ nu̱u̱nꞌ ráa. Jee ni ntu̱náꞌ tu̱neí iniꞌ rán íyó ya̱ ni̱ꞌi̱nꞌ rán ya̱ váꞌa ya̱ íyó nu̱u̱nꞌ re̱ꞌ nékúvi, jee ni ntu̱ví íyó Ndiosíꞌ nu̱u̱nꞌ rán ni nééꞌ rán iniꞌ ñɨ̱vɨ́ yaꞌá.

Efesios 3:15

Jee nu̱u̱nꞌ re̱ꞌ va̱ji ntáká tataꞌ yó ñɨvɨ ya̱ ya nééꞌ antivɨ́ súkún jín iniꞌ ñɨ̱vɨ́ yaꞌá.

Efesios 3:6

Jee tu̱ꞌun ya̱ níyo yuꞌuꞌ iniꞌ re̱ꞌ jee nstúvi re̱ꞌ maa vitan ví yaꞌá: Tu̱ꞌun váꞌa jie̱ꞌe̱ꞌ Cristo sáꞌá ya̱ ñɨvɨ rá inka nación, ya̱ ntu kúvi ñɨvɨ Israel, ɨɨn nuún ni ta̱ꞌvi̱ꞌ ni̱ꞌi̱nꞌ ráa jín rá ñɨvɨ Israel, jee ɨɨn ni nnuvi ráa kuéntáꞌ ɨɨn yɨkɨkúñu, jee ɨɨn nuún ni ni̱ꞌi̱nꞌ ráa ya̱ nchi̱sóyuꞌú re̱ꞌ, jie̱ꞌe̱ꞌ yɨ́ꞌɨ́ ráa nu̱u̱nꞌ Cristo Jesús.

Filipenses 3:20

Soo maáó kúvi se̱ꞌya ñuunꞌ íyó súkún. Jee suni nétu‑ó, ya̱ ne̱ yukuán niji I̱toꞌoꞌ‑ó Jesús ya̱ kúvi Cristo, ya̱ síkáku re̱ꞌ yó.

Hebreos 11:13

Jee ntáká rá ñɨvɨ vá ni̱ꞌi̱ꞌ ráa súka̱ꞌ nku̱neí iniꞌ ráa Ndiosíꞌ. Súnika̱ꞌ ntu nni̱ꞌi̱nꞌ ráa ya̱ nchi̱sóyuꞌú Ndiosíꞌ nu̱u̱nꞌ ráa, soo ne̱ íká niniꞌ váꞌa ráa jie̱ꞌe̱ꞌ ya̱ koo ichinúúnꞌ, jee ne̱ nku̱sɨ̱ɨ̱ꞌ iniꞌ ráa jie̱ꞌe̱ꞌ‑e. Jee njia̱ꞌayuꞌú ráa ya̱ kúvi ráa to̱ꞌo̱ꞌ ya̱ yakuꞌ ni tiempúꞌ néénúún ráa iniꞌ ñɨ̱vɨ́ yaꞌá.

Hebreos 13:14

Chi ñɨ̱vɨ́ yaꞌá nsáꞌ kúvi ñuunꞌ‑ó ya̱ kino̱o kava nɨ́ɨ́nkání, chisaꞌ núkú‑ó ñuunꞌ ya̱ kiji ichinúúnꞌ.

1 Pedro 2:11

Ránoꞌó ñanitáꞌán ya̱ ñúnúunꞌ ni̱ꞌ, náxiníꞌvɨ́ꞌ ni̱ꞌ iniꞌ rán ya̱ koo rán kuéntáꞌ kua̱ꞌ retánꞌ kúvi rán to̱ꞌo̱ꞌ inka ñuunꞌ ya̱ váji íká rán jee ntu jiáꞌnu rán kuéntáꞌ jiáꞌnu rá ñɨvɨ ñɨ̱vɨ́ yaꞌá, jee saáva chusává rán rá tiñu ya̱ níyo iniꞌ rán saꞌá rán ya̱ ntu yɨ́ꞌɨ́ xi̱ntíín Ndiosíꞌ chi súkúta̱ꞌán‑a jín ánímaꞌ rán.

1 Juan 3:1

Kune̱ꞌyá rán ya̱ na̱ka̱ꞌ váꞌ ñúnúunꞌ ka̱ꞌ Tátáꞌ‑ó Ndiosíꞌ yó ya̱ se̱ꞌya re̱ꞌ káꞌánꞌ re̱ꞌ yó, jee suvi kúvi nijia‑ó. Jee rá ñɨvɨ jiáꞌnu ñujiínꞌ ñɨ̱vɨ́ yaꞌá ntu̱ví tɨ́ɨn kuéntáꞌ ráa ya̱ kúvi‑ó se̱ꞌya Ndiosíꞌ, chi ntu jíníꞌ ráa re̱ꞌ.