Efesios 2:13 - Mixteco del suroeste de Tlaxiaco Oaxaca

¹³ Soo vitan jee yɨ́ꞌɨ́ rán nu̱u̱nꞌ Cristo Jesús, jee tiempúꞌ yukuán ni̱yo íká rán nu̱u̱nꞌ Ndiosíꞌ, soo vitan nna̱tuꞌva rán nu̱u̱nꞌ re̱ꞌ, jie̱ꞌe̱ꞌ ya̱ ni̱ꞌi̱ꞌ Cristo jie̱ꞌe̱ꞌ rán jee ñatɨ ni̱ñɨ̱ꞌ re̱ꞌ.

Efesios 2:13 ပူးပေါင်းရင်းမြစ်များ

Juan 10:16

Jee suni íyó ñɨvɨ inka nación ya̱ kúvi ráa lanchi ni̱ꞌ ya̱ ntu yɨ́ꞌɨ́ rátíꞌ kuráꞌ yaꞌá. Jee suni íyó kinake̱ꞌen ni̱ꞌ ráa ni̱vɨ ráa xi̱ntíín ni̱ꞌ. Jee teso̱ꞌo ráa ta̱chi̱ꞌ káꞌánꞌ ni̱ꞌ. Jee ɨɨn ni métúꞌún ñɨvɨ ni̱ꞌ nunkáꞌnú koo. Jee métúꞌún ni xí I̱toꞌoꞌ ráa koo kunaka ni̱ꞌ ráa.

Hechos 15:14

Nna̱kani Simón sáá máá xíꞌnañúꞌún ni̱yo ma̱ni̱ꞌ iniꞌ Ndiosíꞌ jín rá ñɨvɨ ntu kúvi Israel, jee ntavaꞌ re̱ꞌ ñɨvɨ nteñu ráa, sáva kuvi rává ñɨvɨ re̱ꞌ.

Hechos 2:39

Nchi̱sóyuꞌú Ndiosíꞌ saꞌá re̱ꞌ yaꞌá nu̱u̱nꞌ rán, jín nu̱u̱nꞌ rá se̱ꞌya rán, jín nu̱u̱nꞌ nta̱ká rá íyó íká, nu̱u̱nꞌ nta̱ká ñɨvɨ ya̱ kana I̱toꞌoꞌ‑ó Ndiosíꞌ ráa ki̱vɨ ráa nu̱u̱nꞌ re̱ꞌ ―nkachiꞌ Pedro.

Hechos 22:21

Jee I̱toꞌoꞌ‑ó nkachiꞌ nu̱u̱nꞌ ni̱ꞌ: “Kuáꞌán, chi tají íká ni̱ꞌ nó nu̱u̱nꞌ rá inka nación ya̱ ntu kúvi Israel”, sukuán nkachiꞌ I̱toꞌoꞌ‑ó ―nkachiꞌ Pablo.

Hechos 26:18

sava sine nú rá nchinúún ráa sáva kɨ̱ku̱ꞌun iniꞌ ráa Tu̱ꞌun Ndiosíꞌ. Jee sáva kene ráa nu̱u̱nꞌ neenꞌ, jee nakui̱ñɨ̱ꞌ ráa nu̱u̱nꞌ túúnꞌ ñuꞌunꞌ. Jee kene ráa naꞌá ta̱chi̱ꞌ kini kúñáꞌnú kúvi Satanás, jee ki̱vɨ ráa naꞌá Ndiosíꞌ. Sáva ni̱ꞌi̱nꞌ ráa ya̱ kunekáꞌnú iniꞌ Ndiosíꞌ jie̱ꞌe̱ꞌ kua̱chi ráa, jín sáva ni̱ꞌi̱nꞌ ráa ta̱ꞌvi̱ꞌ nteñu rá ñɨvɨ ya̱ nsa̱ꞌá sɨ́ɨ́n re̱ꞌ ráa sáva kuvi ráa ñɨvɨ re̱ꞌ, chi kúneí iniꞌ ráa nuꞌuꞌ.”

Romanos 8:1

Saájee vitan jee ni ntu̱náꞌ íyó ya̱ sijíta Ndiosíꞌ xinóꞌo re̱ꞌ rá ñɨvɨ ya̱ yɨ́ꞌɨ́ ráa nu̱u̱nꞌ Cristo Jesús, [ya̱ ntu jiáꞌnu ráa ka̱ꞌ sáni níyo néꞌén iniꞌ ráa jín yɨkɨkúñu ráa, chisaꞌ jiáꞌnu ráa sáni kuíni Ta̱chi̱ꞌ Ííꞌ Ndiosíꞌ].

1 Corintios 1:30

Soo maá Ndiosíꞌ chi nsa̱ꞌá re̱ꞌ ya̱ kɨꞌɨ rán xi̱ntíín Cristo Jesús, jee ne̱ nu̱u̱nꞌ Jesús va̱ji tu̱ꞌun níchí tánɨ́ꞌ xi̱ni̱ꞌ táji Ndiosíꞌ nu̱u̱nꞌ‑ó, jee nsa̱ꞌá re̱ꞌ ya̱ kínóo na̱a̱ꞌ‑ó nu̱u̱nꞌ Ndiosíꞌ, jee nsa̱ꞌá sɨ́ɨ́n re̱ꞌ yó sáva kɨꞌɨ‑ó nu̱u̱nꞌ Ndiosíꞌ, jee nna̱kani núne re̱ꞌ yó nu̱u̱nꞌ kua̱chi ya̱ nkɨ́ꞌɨ‑ó ka̱ꞌ xi̱ntíín kua̱chi.

1 Corintios 12:13

Chi suni nsi̱kuánuté Cristo yó jín métúꞌún ni Ta̱chi̱ꞌ Ííꞌ vá sáva kɨꞌɨ‑ɨ iniꞌ ánímaꞌ‑ó jee nsa̱ꞌá Ta̱chi̱ꞌ Ííꞌ vá ya̱ kɨꞌɨ ntáká‑ó nu̱u̱nꞌ Cristo kuéntáꞌ nki̱vɨ‑ó nu̱u̱nꞌ ɨɨn ni yɨkɨkúñu re̱ꞌ. Ya̱ súka̱ꞌ ñɨvɨ Israel kúvi‑ó, áxí ñɨvɨ ntu kúvi‑ó Israel, áxí súka̱ꞌ ñɨvɨ ya̱ kúvi musúꞌ ya̱ nkeꞌen ñɨvɨ maa, áxí va̱ni ñɨvɨ ya̱ íyó núne ya̱ sátíñú‑u tiñu maá‑a, chi ntáká‑ó chi yɨ́ꞌɨ́‑ó nu̱u̱nꞌ rá ñɨvɨ Ndiosíꞌ, chi ɨɨn ni Ta̱chi̱ꞌ Ííꞌ níꞌínꞌ nɨꞌɨ‑ó.

1 Corintios 6:11

Jee suꞌva ñaꞌnu sava rán nékúvi, soo vitan chi ya̱ ntu̱ví ka̱ꞌ, chi nna̱kete Ndiosíꞌ ránoꞌó jee nno̱noo rán nu̱u̱nꞌ kua̱chi, jee nsa̱ꞌá sɨ́ɨ́n Ndiosíꞌ ránoꞌó nu̱u̱nꞌ kua̱chi rán sáva kɨꞌɨ rán nu̱u̱nꞌ Cristo, jee ya nkino̱o na̱a̱ꞌ rán nsa̱ꞌá Ndiosíꞌ jie̱ꞌe̱ꞌ yɨ́ꞌɨ́ rán nu̱u̱nꞌ I̱toꞌoꞌ‑ó Jesús ya̱ kúvi Cristo, jee ña̱tíñú Ndiosíꞌ‑ó Ta̱chi̱ꞌ Ííꞌ re̱ꞌ nsa̱ꞌá re̱ꞌ maa.

2 Corintios 5:17

Jee saáva retú néni ɨɨn ñɨvɨ ya̱ yɨ́ꞌɨ́‑ɨ nu̱u̱nꞌ Cristo, jee kúvi ñɨvɨ jiáá nsa̱ꞌá Ndiosíꞌ. Jee ya kua̱jia̱ꞌa sáá ñaꞌnu‑ó tiempúꞌ ya̱ta̱ꞌ, jee nnu̱jiáá sáá jiáꞌnu‑ó nu̱u̱nꞌ Cristo.

Gálatas 3:28

Maáóránꞌ ya̱ yɨ́ꞌɨ́‑ó nu̱u̱nꞌ Cristo Jesús, ntu sɨ́ɨ́n íyó‑ó nu̱u̱nꞌ Ndiosíꞌ, sú kúvi rán ñɨvɨ Israel áxí ñɨvɨ ntu kúvi Israel, ni te̱e kúvi musúꞌ ya̱ nkeꞌen ñɨvɨ, ni te̱e xí tiñu ya̱ íñɨ́ núne, ni te̱e jín ni ñaꞌan, chi ɨɨn ni kúvi nɨꞌɨ‑ó nu̱u̱nꞌ Ndiosíꞌ, ya̱ yɨ́ꞌɨ́‑ó nu̱u̱nꞌ Cristo Jesús.

Efesios 1:1

Nuꞌuꞌ Pablo, Cristo Jesús nte̱tíñú re̱ꞌ nuꞌuꞌ, kuniso ni̱ꞌ tiñu apóstol ya̱ chúichí re̱ꞌ nuꞌuꞌ sáva stúvi ni̱ꞌ tu̱ꞌun re̱ꞌ, sáni kuíni Ndiosíꞌ. Tée ni̱ꞌ tutuꞌ yaꞌá nu̱u̱nꞌ ránoꞌó, ya̱ nsa̱ꞌá sɨ́ɨ́n Ndiosíꞌ ránoꞌó, sáva kɨtíñú rán nu̱u̱nꞌ Cristo, ya̱ nééꞌ rán ñuunꞌ Éfeso. Suvirán níkɨ́nꞌ va̱ꞌa jiáꞌnu na̱a̱ꞌ rán nu̱u̱nꞌ Cristo Jesús, ya̱ ñani Ndiosíꞌ re̱ꞌ sáva tatúníꞌ re̱ꞌ ñɨ̱vɨ́.

Efesios 1:7

Jee ni̱ꞌi̱ꞌ Cristo nu̱u̱nꞌ kurúsiꞌ jee ñatɨ ni̱ñɨ̱ꞌ re̱ꞌ sáva chunáán nkáꞌnú re̱ꞌ nu̱u̱nꞌ Ndiosíꞌ jie̱ꞌe̱ꞌ kua̱chi‑ó sáva nakani núne re̱ꞌ yó ya̱ nkɨ́ꞌɨ‑ó ka̱ꞌ nu̱u̱nꞌ kua̱chi‑ó, jie̱ꞌe̱ꞌ yɨ́ꞌɨ́‑ó nu̱u̱nꞌ Cristo. Jee suꞌva nékáꞌnú iniꞌ Ndiosíꞌ yó, sánikua̱ꞌ ntántúníꞌ nasɨ́kuitɨꞌ íyó mániꞌ iniꞌ re̱ꞌ néꞌyá re̱ꞌ yó,

Efesios 2:10

Chi kúvi‑ó ɨɨn tiñu jiáá nsa̱ꞌá Ndiosíꞌ, chi maá Ndiosíꞌ nsa̱ꞌá yó sáá íyó‑ó ntañúꞌún jie̱ꞌe̱ꞌ yɨ́ꞌɨ́‑ó nu̱u̱nꞌ Cristo Jesús. Sáꞌá re̱ꞌ yó sukuán, sáva saꞌá‑ó rá tiñu váꞌa ya̱ ya nsa̱ꞌá túꞌva Ndiosíꞌ sáva kueꞌnu‑ó ichi re̱ꞌ sukuán.

Efesios 2:12

jee ntu̱ví níyo rán jín Cristo nékúvi. Kúvi rán to̱ꞌo̱ꞌ sɨ́ɨ́n nu̱u̱nꞌ ñuunꞌ Israel, ya̱ nka̱ji Ndiosíꞌ ráa. Jee ntu̱ví yɨ́ꞌɨ́ rán nu̱u̱nꞌ tratúꞌ ya̱ nsa̱ꞌá Ndiosíꞌ jín rá ñɨvɨ re̱ꞌ ya̱ nchi̱sóyuꞌú re̱ꞌ ya̱ váꞌa saꞌá re̱ꞌ nu̱u̱nꞌ ráa. Jee ni ntu̱náꞌ tu̱neí iniꞌ rán íyó ya̱ ni̱ꞌi̱nꞌ rán ya̱ váꞌa ya̱ íyó nu̱u̱nꞌ re̱ꞌ nékúvi, jee ni ntu̱ví íyó Ndiosíꞌ nu̱u̱nꞌ rán ni nééꞌ rán iniꞌ ñɨ̱vɨ́ yaꞌá.

Efesios 2:2

Jee sukuán ñaꞌnu rán tiempúꞌ ya̱ta̱ꞌ nékúvi ne̱ sáá ñaꞌnu rán ichi ñujiínꞌ sáni jiáꞌnu rá ñɨvɨ ñɨ̱vɨ́ yaꞌá ya̱ ntu̱ví yɨ́ꞌɨ́ ráa xi̱ntíín Ndiosíꞌ. Sukuán ñaꞌnu rán sánikua̱ꞌ kuíni kui̱ꞌna̱ꞌ kúñáꞌnú ya̱ kúvi i̱toꞌoꞌ rá ta̱chi̱ꞌ kíni ya̱ jíkanuun ráa nu̱u̱nꞌ ta̱chi̱ꞌ víjin ñɨ̱vɨ́ yaꞌá. Jee kúvi re̱ꞌ ta̱chi̱ꞌ kíni ya̱ sátíñú iniꞌ rá ñɨvɨ kújiááꞌ iniꞌ ráa nu̱u̱nꞌ Ndiosíꞌ.

Efesios 2:6

Jee sukuán nxi̱nátekuꞌ nkáá Ndiosíꞌ yó jín Cristo, jee nsi̱kúneeꞌ re̱ꞌ yó jín Cristo Jesús ne̱ antivɨ́ súkún, nu̱u̱nꞌ kúñáꞌnú, jie̱ꞌe̱ꞌ yɨ́ꞌɨ́‑ó nu̱u̱nꞌ‑u.

Hebreos 9:18

Saáva tratúꞌ ya̱ ni̱yo xíꞌnañúꞌún vá jee suni niniñúꞌún‑u ña̱kava‑a jie̱ꞌe̱ꞌ ni̱ñɨ̱ꞌ rá sa̱na̱ꞌ ñaꞌniꞌ ráa.

1 Pedro 3:18

Chi suni íyó nijia ya̱ Cristo nnoꞌo re̱ꞌ jee ɨɨn íchíni ni̱ꞌi̱ꞌ re̱ꞌ nchu̱náán re̱ꞌ nu̱u̱nꞌ rá kua̱chi rá ñɨvɨ íyótiñu‑u nɨ́ɨ́nkání. Súka̱ꞌ te̱e na̱a̱ꞌ kúvi re̱ꞌ ntu kuáchi re̱ꞌ, soo nnoꞌo re̱ꞌ jie̱ꞌe̱ꞌ ya̱ váꞌa nu̱u̱nꞌ rá ñɨvɨ ya̱ ntu kúvi ñɨvɨ na̱a̱ꞌ, sáva na̱siáꞌa re̱ꞌ yó nu̱u̱nꞌ Ndiosíꞌ. Jee súka̱ꞌ ni̱ꞌi̱ꞌ nijia re̱ꞌ sáá ntekuꞌ re̱ꞌ jín yɨkɨkúñu re̱ꞌ, soo nna̱tekuꞌ i̱i̱ꞌ tuku re̱ꞌ nsa̱ꞌá Ta̱chi̱ꞌ Ííꞌ Ndiosíꞌ.

Apoclipsis 5:9

Jee jíta ráa ɨɨn yaaꞌ jiáá ya̱ káchíꞌ suꞌva: Noꞌó ví ya̱ íyó ni̱ꞌi̱nꞌ nú tɨɨn nú tutuꞌ i̱ña̱ꞌ jee kuvi kune nú rá seyúꞌ násɨ́ꞌ maa. Chi nso̱ko̱ꞌ nú maánú ñaꞌniꞌ rá ñɨvɨ noꞌó, jee jín ni̱ñɨ̱ꞌ nú nna̱chuya̱ꞌvi nú nkeꞌen nú rá ñɨvɨ sáva nuvi ráa ñɨvɨ Ndiosíꞌ. Rá ñɨvɨ vá va̱ji nu̱u̱nꞌ ntáká tataꞌ, ntáká ñɨvɨ ya̱ káꞌánꞌ ráa sɨ́ɨ́n sɨ́ɨ́n nu̱u̱nꞌ tu̱ꞌun nkaku ráa, ntáká ñuunꞌ, ntáká nu̱u̱nꞌ rá ñɨvɨ.